Fréttablaðið - 07.01.2009, Blaðsíða 8

8 7. janúar 2009 MIÐVIKUDAGUR
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
1 Hvað segist Bjarni Ármanns-
son, fyrrverandi bankastjóri
Glitnis, hafa skilað hárri upp-
hæð til bankans eftir fall hans?
2 Fyrir hvað hlaut Búllan við-
urkenningu á mánudaginn?
3 Hvaða fræga slagorð prýðir
nýjan bol sem seldur er í Fígúru
á Laugaveginum?
SVÖRIN ERU Á SÍÐU 26
Nú er sá tími ársins sem
sígarettuþrælar reyna
hve harðast að sleppa
tökum á fíkninni.
Snaggaraleg örvíman
sem hlýst af innöndun-
inni er lítilfjörleg í
samanburði við heilsu-
leysið sem reykingafólk
er að kalla yfir sig. Ekki
síðri hvati til að hætta er
tilhugsunin um allar
krónurnar sem sparast.
Nú er algengt sjoppu-
verð á sígarettupakka
um 700 krónur, svo eins pakka á dag-
manneskja er að púa 255.500 krónum
bókstaflega út í loftið á ári. Það eru
útborguð mánaðarlaun fyrir meðalmann-
inn.
Margir treina sér vanann og svissa yfir
í nikótíntyggjó. Eins pakka á dag-
reykingamanneskjan fer með sirka spjald
á dag (12 tyggjó) og þarf því að kaupa tvo
pakka á mánuði. Það er vissulega ódýrara
en að totta líkkistunaglanna, kostar 105-
125 þúsund á ári eftir því hvar nikótín-
tyggjóið er keypt. Sumir reykingamenn
skipta yfir í nefúða sem ku meira „kikk“
en tyggjóið. Eins og sést hér á verðkönn-
uninni eru apótekin misdýr. Þessar
hjálparvörur hafa hækkað mikið
undanfarna mánuði vegna veikingar
krónunnar, líkt og sígaretturnar.
Hafa skal í huga að fólk getur
auðveldlega orðið háð nikótínvörum.
Mörg dæmi eru um fólk sem er enn á
nikótíntyggjói eftir margra ára jórtur.
Mesta vitið og mestur sparnaður er því
auðvitað að hætta bara og þola fráhvörfin
með tilheyrandi geðvonsku og svitaköst-
um.
Neytendur: Hættu að reykja og sparaðu stórfé
Græddu ein mánaðarlaun á ári
Nicotinelle Nicorette nefúði
fruit 2 mg., 0.5 mg.,
Apótek 204 stk. 200 skammtar
Lyfjaver 4.459 kr 3.994 kr.
Garðsapótek 4.390 kr. 4.790 kr.
Skipholtsapótek 4.483 kr. 4.103 kr.
Lyfja, Lágmúla 4.890 kr. 4.324 kr.
Lyf og heilsa, JL-húsinu 5.293 kr. 5.093 kr.
Apótekarinn, Melhaga 4.857 kr. 4.298 kr.
Lyfjaval, Þönglabakka 4.950 kr. 5.470 kr.
STJÓRNSÝSLA Stjórnskipulag Akra-
neskaupstaðar tók miklum breyt-
ingum um áramót. Margar nefnd-
ir voru aflagðar og verkefni
þeirra færð undir ný ráð; fjöl-
skylduráð og framkvæmdaráð. Í
þeim munu kjörnir fulltrúar sitja,
líkt og í bæjarráði sem starfar
áfram.
Samhliða urðu svið bæjarins –
sem á starfa embættismenn – að
stofum og heita eftirleiðis fjöl-
skyldustofa, framkvæmdastofa
og skipulags- og umhverfisstofa
auk aðalskrifstofu.
Gísli S. Einarsson bæjarstjóri
segir að þegar breytingarnar
verði að fullu komnar til fram-
kvæmda sparist tíu til fimmtán
milljónir króna á ári.
Skipulagsbreytingarnar nú eru
afrakstur starfs sem hófst að
loknum kosningunum 2006. Leið-
arljósið var að gera stjórnsýsluna
gegnsærri og auka skilvirkni
hennar.
Gísli segir að jafnframt hafi
verið stigið stórt skref í átt til
aukins lýðræðis þar sem kjörnum
fulltrúum sé falið veigameira
hlutverk en áður. Þeir komi að
málum á fyrstu stigum sem geri
lýðræðið opnara og virkara. Þá
verði hlutverk og ábyrgð kjör-
inna fulltrúa og ráðinna embætt-
ismanna gleggra og skýrara með
erindisbréfum.
Breytingarnar voru gerðar í
samráði við samgönguráðuneytið
sem fer með málefni sveitarfé-
laganna. Að sögn Gísla hafa þær
vakið áhuga sveitarstjórnar-
manna í nágrannasveitarfélög-
um. - bþs
Stjórnskipulagsbreytingar á Akranesi gætu sparað tíu til fimmtán milljónir á ári:
Ætlað að auka skilvirkni og gegnsæi
GÍSLI S.
EINARSSON
Segir 10 til 15
milljónir sparast
með því að
leggja niður
nefndir.
Kólerufaraldur magnast
Kólerufaraldurinn í Simbabve magn-
aðist á mánudaginn, eftir að hafa
hægt á sér um viku skeið. Alls hafa
nærri 35 þúsund manns veikst og
1.700 látist síðan faraldurinn braust
út í ágúst.
SIMBABVE
Hauskúpur í kjallara
Tvær hauskúpur ásamt fleiri manna-
beinum fundust í kjallara fjölbýlishúss
í Vínarborg í gær. Lögreglan var kvödd
til og hófst rannsókn þegar á því af
hverju beinin voru í kjallaranum.
AUSTURRÍKI
FJÖLMIÐLAR Flestir treysta
Fréttastofu Rúv, 82,1 prósent, og
eykst traustið á milli mánaða.
Þetta kemur fram í könnun MMR.
Þá fækkar þeim sem bera frekar
eða mjög lítið traust til Rúv, úr 5,6
í 5,1 prósent. Traust á Morgun-
blaðinu fer vaxandi, úr 62,6
prósentum í 64,3. Þeim sem
treysta blaðinu frekar eða mjög
lítið fjölgar úr 10,1 prósenti í 11,4.
Traust á Fréttablaðinu minnkar,
úr 45,2 prósentum í 41,2. Þeim
sem treysta Fréttablaðinu frekar
eða mjög lítið fjölgar úr 17,7 í 24,5
prósent. Fæstir treysta DV, eða
3,1 prósent en 80,9 prósent treysta
DV frekar eða mjög lítið. - kóp
Traust á fjölmiðlum:
Flestir treysta
Fréttastofu Rúv
VIÐSKIPTI Fjórir aðilar munu senn
hefja viðræður við Glitni um kaup
á Árvakri, útgáfufélagi Morgun-
blaðsins. Að hverjum þeirra
standa ýmist einn eða fleiri fjár-
festar. Ekki er loku fyrir það skot-
ið að samstarf komist á milli aðila
um kaup á félag-
inu.
Einar Sig-
urðsson, for-
stjóri Árvakurs,
hefur unnið að
leit og kynningu
fyrir nýja fjár-
festa. Hann
segir að rætt
hafi verið við
um tuttugu aðila
en eftir standi fjórir sem hefji nú
viðræður við Glitni, viðskipta-
banka Árvakurs. „Við teljum að
það þurfi að fást niðurstaða í þess-
ar samræður um miðjan þennan
mánuð,“ segir Einar en formleg
leit að nýjum eigendum hefur
staðið frá nóvemberlokum.
Að sögn Einars hefur áhersla
verið lögð á að reyna að tryggja
sem breiðast eignarhald að félag-
inu; samþjöppun eignarhalds sé
óæskilegt. Hann segir önnur skil-
yrði ekki hafa verið sett. Til að
mynda hafi ekki verið útilokað að
eigendur eða hluthafar í öðrum
fjölmiðlum eignist hlut í Árvakri.
Í fjárfestakynningu Árvakurs
kemur fram að ráðgert sé að hluta-
fé núverandi eigenda verði fært
niður þegar nýir fjárfestar finn-
ist. Einar segir að frá því hafi
verið gengið við Glitni að stjórn
félagsins sæti og gegndi skyldum
þar til endurfjármögnun væri frá-
gengin.
Í fjárfestakynningunni kemur
fram að skuldir Árvakurs nema
rúmlega 4,4 milljörðum króna.
Tæplega þrír milljarðar eru lán
frá Glitni vegna kaupa á prent-
smiðju en önnur lán frá Glitni
nema tæplega 800 milljónum. Þá
skuldar Árvakur Landsbankanum
tæpar 900 milljónir. Landsbanka-
lánið og Glitnislán upp á rúmar
300 milljónir eru óveðtryggð en
voru veitt með ábyrgð eignar-
haldsfélaga hluthafa.
Einar segir að skuldirnar hafi
vaxið mjög á síðasta ári vegna
gengishruns krónunnar. „Við, eins
og fleiri félög, erum með lán með
tengingar við erlendar myntir og
skuldastaðan versnaði um rúm-
lega tvo milljarða króna á síðasta
ári vegna gengishrunsins.“ Því til
áréttingar nefnir hann að lánið frá
Landsbankanum sem nú stendur í
tæpum 900 milljónum nam 450
milljónum þegar það var tekið.
Í fjárfestakynningunni kemur
fram að á síðasta ári nam tap
Árvakurs fyrir fjármagnsliði,
skatta og afskriftir (EBITDA) 570
milljónum króna. Rekstraráætlan-
ir gera ráð fyrir að á þessu ári
verði jákvæð EBITDA.
bjorn@frettabladid.is
Fjórir ræða við Glitni um að
kaupa útgáfufélagið Árvakur
Forstjóri Árvakurs segir að fást verði niðurstaða um aðkomu nýrra eigenda um miðjan janúar. Skuldir Ár-
vakurs nema rúmum 4,4 milljörðum. Þær jukust um rúma tvo milljarða á síðasta ári vegna gengisfalls.
AÐ HÁDEGISMÓUM Skuldir Árvakurs, útgáfufélags Morgunblaðsins, jukust um rúma
tvo milljarða á síðasta ári vegna hruns krónunnar. FRÉTTABLAÐIÐ/GVA
EINAR
SIGURÐSSON
VEISTU SVARIÐ?