Tíminn - 31.10.1982, Blaðsíða 22

22___________
á bókamarkaöi
SUNNUDAGUR 31. OKTÓBER 1982
The Travels
eftir Marco Polo.
Útgefandi: Penguin Books.
■ Markó Póló hefur getið sér
ódauðlegt nafn í sögunni fyrir
merkilega ferð sem hann kvaðst hafa
farið til Kína. Þetta gerðist á
þrettándu öld og þá höfðu Evrópu-
menn ekki lagt leið sína á slóðir
Kínverja svo umtalsvert væri. Lýs-
ingar Pólós á því sem fyrir augu bar
á þeim árum sem hann dvaldist þar
eystra þóttu í senn ævintýralegar og
ýkjukenndar og vöktu mikinn áhuga
í Evrópu á nánari kynnum við
Kínverja.
Á síðari árum hafa fræðimenn
hneigst til að draga ýmsa þætti í
ferðasögu Pólós æ meir í efa, en
sennilega verður aldrei skorið úr um
hvort hann fór að einhverju eða
verulegu leyti með staðlausa stafi í
frásögnum sínum.
Hvað sem þeim vangaveltum líður
er óhætt að segja að bókin er hin
ágætasta lesning og verðskuldar að
tcljast til klassískra ritverka í
samnefndri útgáfuröð Penguin for-
lagsins.
Marco Polo, If You Can
eftir William F. Buckley yngri.
Útgefandi: Avon
■ Sá Marco Polo sem getið er í titli
þessarar bókar á ekkert skylt við
Marco þann sem ferðaðist til Kína á
þrettándu öld. Hér er nefnilega
komin æsispennandi reyfari sem
sviðsettur er árið 1959, árið sem
Krúsjef kom til að ræða við Kennedy
um bætta sambúð Bandaríkjanna og
Sovétríkjanna og árið sem U-2
njósnaflugvélin var neydd til að
lenda í austurvegi.
Buckley þykir óvenju snjall reyf-
arahöfundur, og bókin hefur hlotið
mjög lofsamleg ummæli í heimalandi
höfundar, Bandaríkjunum. M.a. er
hún á lista hjá Book-of-the-Month
Club.
Af söguþræðinum er það að segja
að hetja úr fyrri bókum Buckleys,
Blackford Oakes, fær það verkefni
að afhjúpa sovéskan njósnara sem er
að komast til metorða hjá leyniþjón-
ustunni CIA. En það reynist vanda-
samt verk og hann lendir í fangelsi í
Rússlandi. Allt gerist þetta á einkar
viðkvæmum tíma þegar fundir stór-
veldaforingja standa yfir.
IIis fiiurlli l laslsvltcr
íjlic hcartuuriuing nnd joyfuí nciv
story bv thc autlior iif
/111 (•'rviinircs (ýmit uml tsmali
<Thc<*Lord
(iod^Iaclc
m11iN i Uil 11
prppMMKS
Pi flmay IIWMIÍIUJ
L.
æíathkI
CHRISTIE

13ATDINNER .
A flcrcuk f’oirol My*tcry J
The Lord God Madc Thein All
eftir James Herriot.
Útgefandi: Bantam Books.
■ James Herriot er víðkunnur
sjónvarpsmaður; þættir hans um
dýrin stór og smá vöktu gífurlega
hrifingu í Bretlandi og ágætar
undirtektir hér á landi. Hann hefur
búið efni sjónvarpsþátta sinna í
bókarbúning og í öll skiptin hafa
bækur hans orðið metsölurit. Þetta
sem hér liggur fyrir er engin
undantekning.
Sem fyrr eru það samskipti manna
og dýra, og ýmsir skemmtilegir og
forvitnilegir viðburðir er af þeim
hljótast sem verða Herriot að
söguefni. Hann þykir einkar þekki-
legur frásagnarmaður, og Ijúft að
lesa bækur hans, ekki síður en að
hlýða á rödd hans í sjónvarpi.
13 at Dinner
eftir Agatha Christie.
Útgefandi: Dell
■ Agatha Christie er látin og
skrifar ekki fleiri bækur. En áhugi á
verkum hennar er sífellt til staðar.
Gamlir aðdáendur taka bækur henn-
ar fram og blaða í þeim á nýjan leik
og á hverju ári bætast nýir lesendur
í hópinn.
Hér er bók sem Christie skrifaði á
fjórða áratugnum og sem oftar er
það Hercule Poirot sem er á slóðum
afbrotamanns. Eiginmaður leikkon-
unnar Jane Wilkinson hefur verið
myrtur, og hún leitar á náðir Poirot.
Hinir seku geta aðcins verið 13
kvöldverðargestir. En hver þeirra er
morðinginn?
Saga sem fær kalt vatn til að renna
milli skinns og hörunds lesenda.
■ Ofannefndar bækur fást í Bókavcrslun Sigfúsar Eymundssonar. Tekið
skal fram að hér er aðeins um kynningu að ræða, enga ritdóma.
Crime of the Century: The Kennedy
Assassination from a Historian’s Per-
spective
eftir Michael L. Kurtz.
Útgefandi: Harvester (1982).
■ Otal bækur hafa verið ritaðar um
morðið á Kennedy Bandaríkjaforseta í
nóvember 1963. Hér er komin bók sem
um margt er óvanaleg. Sagnfræði-
prófessor skrifar um morðið og þær
aðstæður sem það var framið við, en fer
að auki í saumana á þeim ritum sem um
það hafa verið skrifaðar í tæpa tvo
áratugi. Eins grandskoðar hann skýrslur
tveggja nefnda sem skipaðar voru til að
rannsaka morðið, annars vegar Warren
nefndarinnar og nefndar fulltrúadeildar
þingsins. Samkvæmt Kurtz hafa verið
ritaðar um 70 bækur um Kennedy
morðið, og aragrúi af blaða- og
tímaritsgreinum.
Kurtz fjallar um málið frá sjónarhóli
■ Kennedy forseti ráðinn af dögum í Dallas 1963.
Hver myrtí Kennedy?
— Sagnfrædiverk um morðið á forsetanum 1963
sagnfræðings og kveðst ekki hafa síðasta
orðið um Kennedy morðið - enda verði
það líklega aldrei sagt. Ritdómar hafa
borið lof á bókina og þyklr hún skrifuð
af yfirvegun og skynsemi, þótt marga
þeirra greini á við Kurtz um sumar
niðurstöður hans og staðhæfingar. Um
Kennedy morðið hafa sem kunnugt cr
verið skrifaðar bækur sem eru marklaust
bull, og menn eru alltaf á varðbergi
þegar nýir höfundar kveða sér hljóðs á
þessum vettvangi.
Kjarni bókar Kurtz er nákvæm
athugun á þeim gögnum sem fyrir liggja
um morðið á Kennedy og höfundur setur
síðan fram 37 spurningar á þeim
grundvelli. Lokakafli bókarinnar er
tilraun Kurtz til að átta sig í atburðarrás
og aðdraganda morðsins og þar setur
hann fram sín eigin sjónarmið. Þar segir
hann m.a. að fyrirliggjandi gögn séu
mótsagnakennd, t.d. hvað varðar fjölda
þeirra kúlna er skotið var og úr hvaða
átt þær komu, og því erfitt að komast
að einhlítri niðurstöðu. Allt bendi þó til
þess að fleiri en eitt skotvopn hafi verið
notað í morðárásinni.
Meðal álitaefna í bók Kurtz eru
harðorð ummæli hans í garð Warren-
nefndarinnar. Hann telur að nefndin
hafi í upphafi gengið að því vísu að Lee
Harvey Oswald væri einn sekur og
jafnvel reynt að hagræða sönnunargögn-
um í þá átt. Rökstuðningi hans fyrir
þessari skoðun þykir ábótavant. þótt
hann kunni á endanum að hafa rétt fyrir
sér.
Bók Kurtz verður án vafa grundvallar-
rit fyrir alla þá sem rannsaka vilja eða
velta fyrir sér hinu sögufræga morði á
Kennedy Bandaríkjaforseta. Sennilega
er enginn hörgull á þeim sem það vilja.
-GM
Fjölnir sendir frá sér 6 bækur á jólamarkað:
Æviminningar
Ingólf $ á Hellu
■ Nýstofnað útgáfufyrirtæki Fjölnir
sendir frá sér sex bækur og eina
hljómplötu nú fyrir jólin. Þessar bækur
eru:
Mesta mein aldarinnar, sem hefur
undirtitilinn „Joseph P. Pirro ræðir um
sjálfsrækt og alkóhólisma.“ Pirro er
kunnur fyrirlesari við Freeportsjúkra-
húsið í New York, sem þúsundir
íslendinga hafa kynnst í baráttunni við
áfengisvandamálið, en Pirro hefur oft
komið hingað til lands og meðal annars
haldið fyrirlestra í sjónvarpinu. Hrafn
Pálsson hefur þýtt fyrirlestra Pirros og
búið í bókarform. Þetta er frumútgáfa á
fyrirlestrum hans, þar sem bókin hefur
ekki komið út á ensku áður.
Max og Helena nefnist ný bók eftir
hinn kunna „nasistaveiðara" Simon
Wiesenthal. Sveinn Ásgeirsson hefur
íslenskað bókina og ritað formála.
Wiesenthal sat sjálfur í fangabúðum
Þjóðverja í síðari heimsstyrjöldinni og
þekkir því helför Gyðinga af eigin raun.
Eftir stríð hefur hann hclgað krafta sína
baráttunni fyrir því að draga þá menn
fyrir rétt er báru ábyrgð á útrýmingar-
herferðinni gegn Gyðingum og ýmsurn
þjóðarbrotum í Evrópu 1938-1945.
Hefur Wiesenthal tekist að koma því til
leiðar að fjölmargir stríðsglæpamenn
hafa verið handteknir og dregnir fyrir
rétt. Frægasta dæmið er þegar hinn
illræmdi Adolf Eichman var fluttur til
Israel, dæmdur þar og líflátinn skömmu
eftir 1960 að undirlagi Wiesenthals.
I bókinni um Max og Helenu segir
höfundur sanna sögu af ungu pólsku pari
sem lendir í fangabúðum Þjóðverja. Þau
verða viðskila hvort við annað, og eftir
stríð lendir Max einnig í fangabúðum
Sovétmanna. Bókin er í senn ástarsaga,
dæmisaga úr helförinni og saga mikilla
mannlegra örlaga, en þó fyrst og fremst
sönn saga um ótrúlega óhuganlega hluti
sem eru okkur ekki svo fjarri í tíma.
Ingólfur á Hellu - umhverfi og
ævistarf nefnist fyrsta bindi æviminninga
Ingólfs Jónssonar fyrrum ráðherra og
alþingismanns, sem Páll Líndal hefur
skráð eftir honum sjálfum. í bókinni er
rakinn uppruni Ingólfs og fyrstu störf,
og fjallað er ýtarlega um það umhverfi
er hann ólst upp í á Rangárvöllum.
Fjallað er um kaupfélög og landbúnað,
og fylgst með Ingólfi er hann hefur
þátttöku í stjórnmálum. Ingólfur segir
frá því er hann varð fyrst ráðherra og
áður þingmaður, frá samþingsmönnum
sínum og öðrum samferðarmönnum, og
mörgu öðru. Bókin hefur að geyma sæg
upplýsinga sem ekki hafa komið fram
áður.
James Bond snýr aftur er ný bók um
hinn kunna kappa sem lan Fleming
gerði ódauðlegan á sínum tíma. Erfingj-
ar höfundaréttar Flemings hafa nú ráðið
nýjan höfund til að skrifa frá ævintýrum
Bonds, og hafa fyrstu tvær bækurnar
þegar orðið metsölubækur austan hafs
og vestan. Bond er sjálfum sér líkur í
bókum Gardners, umvafinn harðsvíruð-
unt glæpamönnum og fögru kvenfólki,
og hann hefur fengið endurnýjað
sérleyfi sitt númer 007, sem veitir honum
leyfi til að vega mann og annan ef þörf
krefur. Björn Jónsson skólastjóri þýðir
bókina.
Stóra Barnabókin hefur að geyma
sögur og ævintýri, bænir, þulur, kvæði,
leiki, þrautir og barnagælur, fyrir börn
og foreldra þeirra. Jóhanna Thorsteins-
son hefur valið efnið, en Haukur
Halldórsson gerir myndskreytingar.
Bókin er samantekin með það fyrir
augum að börn og fullorðnir geti lesið
hana saman eða sitt í hvoru lagi. í henni
er að finna ýmsar sögur og þulur, sem
foreldrar munu kannast við úr æsku
sinni, en sem þeir hafa þó ef til vill
gleymt. Hér gefst gott tækifæri til að rifja
upp góðar minningar og miðla þeim til
barna sinna. - Tekið skal þó fram að
bókin er þannig úr garði gerð að börn
og unglingar þurfa ekki aðstoð við
lesturinn eða lausn leikja og þrauta sem
í bókinni eru.
Fimmtán kunnir knattspyrnumenn er
sjötta bók Fjölnis í ár. Anders Hansen
blaðamaður hefur skráð viðtöl við
fimmtán kunna knattkspyrnumenn frá
hinum ýmsu félögum, menn sem ýmist
gerðu garðinn frægan fyrir all mörgum
árum, eða eru enn á hátindi ferils síns.
Rætt er við atvinnumenn íslenska
erlendis, talað við menn er lagt hafa
stund á þjálfun, forystustörf fyrir
knattspyrnuhreyfinguna og svo fram-
vegis.
Gunnar Þórðarson og Pálmi Gunnars-
son eru þessa dagana að taka upp á
vegum Fjölnis, hæggenga hljómplötu.
Platan er tekin upp í Lundúnum, og
hefur að geyma tíu splunkuný lög eftir
Gunnar Þórðarson, sem Pálmi Gunnars-
son syngur öll. Textar eru eftir nokkra
kunnustu textahöfunda landsins. Hljóm-
plötur Gunnars Þórðarsonar hafa á
undanförnum árum verið með sölu-
hæstu plötum hér árlega, og enn á ný
sýnir Gunnar á sér nýjar og ferskar
hliðar, og söngur Pálma hefur sennilega
aldrei verið betri en um þessar mundir.