Fréttablaðið - 12.02.2009, Page 10

10 12. febrúar 2009 FIMMTUDAGUR
ÞÝSKALAND Ólafur Ragnar Gríms-
son, forseti Íslands, „grefur undan
viðleitni ríkisstjórnarinnar til að
endurheimta glatað traust Íslands
erlendis − en það er sannarlega ekki
auðvelt verk, svo lengi sem maður
með eldgosalundarfar gegnir þjóð-
höfðingjaembættinu“.
Þetta skrifar þýska dagblaðið
Frankfurter Allgemeine Zeitung í
gær um það hvernig Ólafur Ragnar
hefur tjáð sig í þýskum og öðrum
alþjóðlegum fjölmiðlum síðustu
daga.
Mikla athygli vakti í Þýskalandi
er þýsk útgáfa Financial Times
birti í fyrradag uppsláttargrein þar
sem forsetinn var sagður hafa sagt
að Íslendingar ætluðu sér ekki að
standa þýskum sparifjáreigendum
hjá Kaupþingi skil á innistæðum
þeirra, sem hafa verið frystar síðan
bankinn var ríkisvæddur fyrir fjór-
um mánuðum.
Ólafur Ragnar sagði sjálfur að
rangt hefði verið eftir sér haft,
ríkisstjórnin ítrekaði að íslenska
ríkið myndi standa við allar sínar
skuldbindingar og skilanefnd Kaup-
þings ítrekaði að þýsku sparifjár-
innistæðurnar yrðu greiddar út að
fullu.
Í Frankfurter Allgemeine er í
gær hins vegar lítið gefið fyrir
skýr ingar forsetans á ummælunum;
hann hafi með þeim aðeins staðfest
að hann hafi reynt með ummælun-
um að koma sökinni á efnahags-
hruninu á Íslandi á útlendinga. Það
sé „gegnsætt lýðskrum“. - aa
Ummæli forseta Íslands um bankahrunið enn rædd í þýskum fjölmiðlum:
Sagður grafa undan viðleitni
til að endurheimta traust
„ÆSINGABELGUR“ Í umfjöllun Frankfur-
ter Allgemeine er forseti Íslands sagður
pólitískur „æsingabelgur“ (Hitzkopf).
KANADA, AP Kínversk stjórn-
völd eru afar ósátt við ákvörð-
un stjórnvalda í Kanada, sem
í síðustu viku veittu kínversk-
um flóttamanni, Lai Changxing,
atvinnuleyfi í Kanada.
Lögmaður Lais segir þetta
tryggja það, að framsal hans til
Kína sé ekki á dagskrá á næst-
unni. Hann hefur búið í Kanada
í tíu ár.
Jiang Yu, talsmaður utanríkis-
ráðuneytis Kína, segir að kanad-
ísk stjórnvöld ættu að framselja
hann án tafar frekar en að veita
honum atvinnuleyfi. Kínversk
stjórnvöld saka hann um smygl
og spillingarstarfsemi. - gb
Kínverskur flóttamaður:
Kínastjórn
krefst framsals
Ferðaskrifstofa
18. til 25. febrúar. Vika m/v 2 saman í íbúð, stúdíó
eða herbergi. Innifalið er flug, gisting í 7 nætur,
flugvallaskattar og íslensk fararstjórn.
EFNAHAGSMÁL Íslenska banka skort-
ir reynslu og þekkingu á endurupp-
byggingu fyrirtækja, að mati sér-
fræðinganefndar. Nefndin leggur
til að stofnað verði sérstakt eigna-
sýslufélag til að styðja endurreisn
tíu til 15 stærstu fyrirtækjanna.
Mats Josefsson, sænskur banka-
sérfræðingur sem leiðir nefnd um
endurreisn fjármálakerfisins,
kynnti fyrstu niðurstöður nefnd-
arinnar fyrir fjölmiðlafólki í Þjóð-
menningarhúsinu í gær. Nefndin
setur fram tillögur, en stjórnvöld
ákveða hvort farið verður eftir til-
lögunum.
Verði af stofnun eignasýslufé-
lags mun það hafa það hlutverk
að styðja endurreisn stærri fyrir-
tækja sem eru mikilvæg fyrir
samfélagið. Það mun einnig taka
að sér að endurskipuleggja félög
og bjarga verðmætum úr félögum
sem fara í þrot, segir Josefsson.
Talið er að það geti tekið tvo til
fjóra mánuði að ljúka lagabreyt-
ingum svo hægt verði að stofna
eignasýslufélagið.
Stjórnvöld hafa hingað til ekki
komið fram eins og eigendur bank-
anna, en það virðist nú vera að
breytast, segir Josefsson. Ríkið
eigi að tilkynna bönkunum að
gera verði breytingar á því hvern-
ig þeir stundi sín viðskipti. Stjórn-
endur bankanna verði að átta sig
á breyttu umhverfi og styðja ríkis-
stjórnina í að koma fram stefnu
um endurreisn efnahagslífsins.
Enn er unnið að því að meta
eignir bankanna, og er búist við
að þeirri vinnu ljúki í lok mars,
segir Josefsson. Þegar verðmati
ljúki verði bankarnir endurfjár-
magnaðir með ríkisskuldabréfum.
Nefndin bíður einnig eftir efna-
hagsreikningum viðskiptabank-
anna fyrir 2008.
Josefsson segir enn of snemmt
að segja til um hvort rétt sé að
sameina banka hér á landi. Fyrst
verði að leysa mest aðkallandi
vandamálin, svo megi líta á skipu-
lag bankanna í stærra samhengi.
Stjórnendur og stjórnarmenn
íslensku viðskiptabankanna geta
ekki komið ábyrgð á því hvernig
fór yfir á eftirlitsstofnanir, stjórn-
völd eða aðra, segir Josefsson.
Endanleg ábyrgð á því að bankarn-
ir hafi farið í þrot hvíli á herðum
stjórnendanna.
Bankahrunið hér á landi mun
komast í sögubækurnar, að mati
Josefsson, enda verður það að lík-
indum stærsta hrunið miðað við
höfðatölu. brjann@frettabladid.is
Bankastjórarnir bera
ábyrgð á bankahruni
Stofna þarf eignasýslufélag til að styðja endurreisn og endurskipulagningu
mikilvægustu fyrirtækjanna að mati nefndar um endurreisn fjármálakerfisins.
Stjórnendur viðskiptabankanna bera sjálfir endanlega ábyrgð á hruni þeirra.
Fyrstu tillögur nefndar um endur-
reisn fjármálakerfisins taka til átta
atriða:
■ Stofnað verði eignasýslufélag sem
styðji endurreisn og endurskipu-
lagningu mikilvægra fyrirtækja.
■ Ríkisstjórnin geri bönkun-
um grein fyrir breytingum á
viðskiptaháttum.
■ Stjórnendur banka geri sér grein
fyrir breyttu umhverfi.
■ Laga- og framkvæmdarammi
varðandi uppgjör gömlu bank-
anna verði endurbættur.
■ Skipting verðmæta sem fást með
sölu eigna gömlu bankanna milli
kröfuhafa verði réttlát og gegnsæ.
■ Íhugað verði að stofna eignar-
haldsfélag til að fara með hlut
ríkisins í bönkum og fjármála-
stofnunum.
■ Mótuð verði afstaða til framtíð-
areignarhalds á bönkunum og
mögulegrar sölu á hlutabréfum.
■ Settar verði reglur og eftirlits-
rammi í samræmi við það sem
best gerist annars staðar.
REGLUR VERÐI EINS OG BEST ÞEKKIST
FYRSTU TILLÖGUR Mats Josepsson (til hægri) kynnti fyrstu tillögur nefndar um
endurreisn fjármálakerfisins í Þjóðmenningarhúsinu í gær. Með honum voru
þau Einar Gunnarsson (lengst til vinstri), Jónína S. Lárusdóttir og Guðmundur
Árnason, sem sitja í nefndinni. FRÉTTABLAÐIÐ/STEFÁN
EFNAHAGSMÁL Gylfi Arnbjörns-
son, forseti ASÍ, segir vissan
samhljóm með tillögum nefndar
um endurreisn
fjármálakerf-
isins og þess
sem áður hefur
verið rætt milli
ASÍ, Samtaka
atvinnulífs-
ins og Við-
skiptaráðs. „Við
reyndar gerð-
um ráð fyrir
því að stofna
Fjárfestingasjóð Íslands eða
endurreisnarsjóð með þeim hætti
að fyrirtækin sem bankarn-
ir væru að taka til sín og þyrftu
nýja eigendur yrðu ekki í eignar-
haldi bankanna heldur yrðu ein-
mitt tekin út úr bönkunum. Það
er mjög erfitt fyrir banka að reka
annars vegar bankaþjónustu og
vera samhliða í samkeppni við
viðskiptavini,“ segir Gylfi. - gar
Forseti ASÍ um nefndartillögu:
Lögðum líka til
endureisnarsjóð
GYLFI
ARNBJÖRNSSON
EGILL JÓHANNSSON Hann vill fá 156
milljónir króna með verðbótum fyrir
lóðina að Esjumelum. FRÉTTABLAÐIÐ/ANTON
STJÓRNSÝSLA Egill Jóhannsson,
framkvæmdastjóri Brimborgar,
segir að í dag eða á morgun verði
tekin ákvörðun um málshöfðun á
hendur Reykjavíkurborg fyrir að
synja fyrirtækinu um að skila inn
á lóð á Esjumelum.
„Við erum hundrað prósent viss-
ir um að við erum að fylgja lögun-
um en þeir ekki. Þeir eru að beita
dæmigerðri valdníðslu embættis-
manna og stjórnmála,“ segir Egill.
Eins og komið hefur fram í
Fréttablaðinu fékk Brimborg lóð-
ina á árinu 2006 og hugðist reisa
byggingu þar. Fyrirtækið greiddi
113 milljónir króna í gatnagerð-
argjöld en ekkert varð af fram-
kvæmdum. Þann 9. október óskaði
Brimborg eftir að skila lóðinni
og fá gatnagerðargjöldin endur-
greidd. Borgin telur sér ekki skylt
að taka við lóðinni.
„Nú eru þeir búnir að vinna sér
inn þrjá mánuði og þetta er nátt-
úrulega ekkert eðlileg stjórn-
sýsla,“ segir forstjóri Brimborgar.
- gar
Forstjóri Brimborgar:
Sakar borgina
um valdníðslu
Aðstoðarmaður ráðinn
Ása Ólafsdóttir hefur verið ráðin sem
aðstoðarmaður Rögnu Árnadóttur
dóms- og kirkjumálaráðherra. Ása er
lektor við lagadeild Háskóla Íslands.
DÓMSMÁLARÁÐUNEYTI
AUGLÝSINGAR „Það er auðvitað bara
hlægilegt að BYKO hafi kært
okkur fyrir að nota þetta slagorð
fyrir tíu árum síðan og dragi það
svo sjálfir á flot núna,“ segir Krist-
inn Einarsson, framkvæmdastjóri
verslunarsviðs hjá Húsasmiðjunni.
BYKO kærði Húsasmiðjuna fyrir
samkeppnisyfirvöldum árið 1999
fyrir að nota slagorðið „Hvergi
betra verð“ í auglýsingum sínum.
Samkeppnisstofnun úrskurðaði að
notkun slagorðsins væri óheimil á
sínum tíma, en um helgina birt-
ust auglýsingar frá BYKO í prent-
miðlum þar sem sama slagorðið er
notað.
Fyrir áratug var Húsasmiðjunni
meinað að nota slagorðið „Hvergi
betra verð“ á þeim forsendum að
óheimilt sé að veita rangar eða
villandi upplýsingar í auglýsing-
um. Húsasmiðjan hafi ekki fært
sönnur á að hvergi hafi verið betra
verð en hjá þeim.
Húsasmiðjan hóf þá notkun á
sambærilegum fullyrðingum á
borð við „Besta verðið í Húsa-
miðjunni“. Það féll ekki í kramið
hjá Samkeppnisstofnun og fór svo
að Húsasmiðjan var dæmd til dag-
sekta fyrir hvern þann dag sem
bannið yrði brotið.
Eggert Kristinsson, fram-
kvæmdastjóri verslunarsviðs
BYKO, segir notkun slagorðsins
í auglýsingum um helgina hafa
verið mistök sem verði ekki end-
urtekin. - kg
BYKO notar slagorð sem fyrirtækið kærði Húsasmiðjuna fyrir að nota árið 1999:
Ólöglegt slagorð dregið á flot
HVERGI BETRA VERÐ Þessi auglýsing
frá BYKO birtist í Morgunblaðinu á
laugardaginn. Mistök sem verða ekki
endurtekin, segir framkvæmdastjóri
verslunarsviðs BYKO.
KLIFRAÐ UPP Á FÍL Hann togar í eyrað,
stígur á tönn og stefnir upp á höfuð
fílsins, indverski fílaknapinn sem ætlar
að ríða reiðskjóta sínum á fílahátíð,
sem haldin er í þjóðgarðinum Kazir-
anga á Indlandi. NORDICPHOTOS/AFP
EFNAHAGSMÁL „Ég myndi halda
að slík leið væri afar vafasöm,“
segir Vilhjálmur Egilsson, fram-
kvæmdastjóri Samtaka atvinnu-
lífsins, um þá tillögu sérfræð-
inganefndar að stofnað verði
eignasýslufélag til að styðja end-
urreisn valdra fyrirtækja.
Vilhjálmur telur ekki eðli-
legt að ríkið eignist stóran hluta
atvinnulífsins með þeim hætti.
„Bæði held ég að upp kæmi mikil
tortryggni og vandamál vegna
samkeppnismála, og eins efast
ég um að pólitískur trúverðug-
leiki gæti ríkt í kringum slíka
leið. Þannig væri verið að búa
til kerfi sem byði upp á spillingu
og pólitíska misnotkun,“ segir
Vilhjálmur Egilsson. - kg
Vilhjálmur Egilsson:
Telur leiðina
afar vafasama