Tíminn - 23.04.1988, Blaðsíða 22

22 Tíminn
Laugardagur 23. apríl 1988
Fundur um borgarmálefni
Fimmtudaginn 28. apríl n.k. gengst borgarmálaráð Framsóknarfélag-
anna í Reykjavík fyrir fundi um málefni Reykjavíkurborgar í Nóatúni
21 kl. 18.00.
Dagskrá:
1. Yfirlit yfir störf borgarstjórnar Reykjavíkur
Framsögumaður Sigrún Magnúsdóttir
2. Skipulagsmál, Alfreð Þorsteinsson
3. Umferðarmál, Sveinn Grétar Jónsson
4. Málefni S.V.R., Hallur Magnússon
5. Dagvistarmál, Þrúður Helgadóttir
6. Heilbrigðismál, Margeir Daníelsson
7. Almennar umræður og fyrirspurnir.
Fundurinn er öllum opin en sérstaklega er mælst til þess að þeir sem
gegna trúnaðarstörfum fyrir Framsóknarflokkinn í Reykjavík mæti á
fundinn.
Slgrún
Hatlur
Alfreð
Sveinn Grétar
Þrúður
Margeir
Framsóknarfélögin í Reykjavík
Rabbfundir LFK í kjördæmum
Landssamband framsóknarkvenna gengst fyrir rabbfundum í kjör-
dæmunum í samvinnu við konur á hverjum stað. Fundir verða sem
hér segir.
Hafnarfjörður: þriðju-
daginn 26. apríl
kl. 20.30 að Hverfis-
götu 25.
Ásta Ragnheiður
Ragnheiður
Sveinbjörnsdóttir
Vík í Mýrdal: fimmtudaginn 28. apríl kl. 21.00.
Ólafia Ingólfsdóttir
Allar velkomnar.
Guðrún Sveinsdóttir Unnur Stefánsdóttir
Vestur-Húnvetningar -
Austur-Húnvetningar
Framsóknarfélögin I Húnavatnssýslum halda al-
mennan kynningarfund um væntanlegan virðisauka-
skatt I Víðihlíð sunnudaginn 24. apríl n.k.
Fundurinn hefst kl. 21.00. Gunnlaugur Júlíusson
flytur framsögu og svarar fyrirspurnum.
Allir velkomnir
Framsóknarfélögin
Skagfirðingar
Framsóknarfélag Skagafjarðar heldur almennan
kynningarfund um væntanlegan virðisaukaskatt I
Höfðaborg Hofsósi mánudaginn 25. apríl n.k.
Fundurinn hefst kl. 21.00. Gunnlaugur Júlíusson
flytur framsögu og svarar fyrirspurnum.
Allir velkomnir.
Framsóknarfélag Skagafjarðar

llllllllllll
MINNING
■1
Eyrún Eiríksdóttir
Fædd 23. ágúst 1912
Dáin 2. apríl 1988
Eyrún Eiríksdóttir fæddist í Hafn-
arfirði, en ólst upp á Karlsskála í
Grindavík, hjá móður sinni Guð-
rúnu Steinsdóttur og stjúpföður,
Ágústi Karli Guðmundssyni. Faðir
hennar, Eiríkur Ingvason, drukkn-
aði áður en hún fæddist.
Guðrún var söngkona góð og
mætti ötullega við messugerðir í
Grindavík, enda sterkur hlekkur í
kirkjukór Svavars Árnasonar organ-
ista þar. Eiríkur Ingvason var Árnes-
ingur og bróðir hans var Kristinn,
sem lengi var vel þekktur organleik-
ari við Lauganeskirkju í Reykjavík.
Ekki er gott að staðhæfa hvaðan
listgáfa kemur, sem einstaklingum
er gefin, en hitt er víst að tónást var
Eyrúnu í blóð borin og hefir hún
dreifst ríkulega til afkomendanna,
sem margir eru tónlistarmenn og
fjölhæfir á ýmsum öðrum sviðum.
Þegar ég sá Eyrúnu fyrst, átti hún
heimili á Framnesi í Keflavík, hjá
systrunum Guðlaugu og Jónínu
Guðjónsdætrum, sem báðar voru
kennarar við barnaskólann þar um
áratugi. Þær systur voru afar gest-
risnar og höfðu miklum fróðleik að
miðla, enda skemmtilegt að koma á
heimili þeirra og nutum við hjónin
þess í ríkum mæli. Við þekktum fáa
í byggðarlaginu, vorum meðal fjölda
innflytjenda á þessum árum. Maður-
inn minn, Hallgrímur, gerðist kenn-
ari við sama skóla og Framnessystur,
eins og þær voru almennt kallaðar
og leiddu kynni hans og þeirra til
þess, að við urðum nokkuð tíðir
gestir á Framnesi. Þá var tíminn
ekki orðinn eins hraðfleygur og nú,
enda fjölmiðlafárið ekki byrjað að
brjóta niður mannleg samskipti.
Fólk gat leyft sér að hittast og blanda
geði yfir kaffibolla á rólegum
stundum. Já, sannarlega er ég þakk-
lát fyrir að hafa átt þess kost að
kynnast Framnesheimilinu, á þess-
um fyrstu árum mínum í Keflavík.
Eins og áður er getið, var Eyrún
til heimilis á Framnesi um þessar
mundir, en vann við afgreiðslustörf
í Alþýðubrauðgerðinni. Ung var
hún að árum, en lífið hafði úthlutað
henni þeirri reynslu að missa eigin-
mann sinn, Magnús Sigurðsson, eftir
skamma sambúð, en hann drukkn-
aði í ofsaveðri á leiðinni frá Reykja-
vík til Keflavíkur á m/b Huldu.
Magnús var fóstursonur Framnes-
systra, en móðir hans var Ágústa
systir þeirra. Eina dóttur höfðu ungu
hjónin eignast, sem hlaut nafnið
Gauja Guðrún og var í frum-
bernsku, en sólargeisli heimilisins
og yndi móður sinnar. Á Framnesi
var einnig aldurhnigin kona, móðir
systranna, Guðrún Torfadóttir, full-
trúi hins gamla tíma. Sat hún oftast
á rúmi sínu með prjóna í höndum,
sem tifuðu mjúklega og seiddu fram
klingjandi tóna, eins og lágvært
undirspil við samtal fólksins.
Unga konan, Eyrún, tók gjarna
að sér húsmóðurskyldurnar ef hún
var heima, hellti á könnuna og bar
gestum kaffi. Hlýleg, glöð og höfð-
ingleg gekk hún um beina og sá um
að ekkert vantaði, - tók einnig þátt
í samræðunum en virtist þó frekar
hlédræg og hefir kannske ekki notið
sín fyllilega í óljósri stöðu sinni, þó
systurnar létu sér mjög annt um
hana og væru henni góðar.
En tímans elfur hélt áfram að
streyma að ósi með sorgir og gleði,
eins og ævinlega. Þannig barst til
Keflavíkur ungur og glæsilegur Aust-
ur-Húnvetningur, Sigtryggur Árna-
son, duglegur hagleiksmaður. Réðst
hann snemma til löggæslustarfa þar
og varð síðan yfirlögreglumaður í 33
ár. Árni faðir Sigtryggs var rit-
höfundur og minnist ég lítillar sögu
eftir hann, sem ég las á unglingsárum
og hét Æskuminningar smaladrengs.
Þetta var hugljúf bók, ég naut henn-
ar vel og lifði mig inn í hlutverk
smaladrengsins.
Móðir Sigtryggs hét Þórunn var
Hjálmarsdóttir. Hún unni fögrum
tónum, söng mikið og spilaði vel á
harmóniku. Hálfbróðir hennar var
Guðmann Sigtryggur Hjálmarsson,
fjölhæfur og listrænn maður. Hann
stjórnaði kórum, spilaði á orgel í
mörgum kirkjum, samdi lög og var
góður hagyrðingur. Þá má geta þess
að föðurfrændi Sigtryggs, skáldið á
Bólu, skar með kutanum sínum ...
máttuga megin stafi/ og myndir á
askinn sinn,“ eins og Davíð Stefáns-
son segir í kvæði sínu Askurinn.
f Keflavík, eins og víða annars-
staðar, lágu vegir til allra átta, þar
hittust Eyrún og Sigtryggur og felldu
hugi saman. Síðan lá leiðin inn í
hjónabandið og um það leyti stofn-
uðu þau sitt eigið heimili.
Þá kom sér vel að Sigtryggur var
vel verki farinn og laginn við smíðar.
Notaði hann vel hverja frístund,
sem gafst til að koma upp íbúð
handa fjölskyldu, sem stækkaði
óðum. Seinna byggði hann myndar-
legt einbýlishús á Framnesvegi 8,
enda þörfin vaxandi því börnin urðu
sjö, auk Gauju Guðrúnar dóttur
Eyrúnarfráfyrrahjónabandi. Gauja
er gift Kjartani Finnbogasyni, lög-
regluvarðstjóra á Keflavíkurflug-
velli og búa þau í Keflavík. Elst af
börnum Eyrúnar og Sigtryggs er
Magnús Þór, flugvirki, Minnesota.
Næstur er Eiríkur Árni, söng- og
tónmenntakennari, Reykjavík.
Guðlaug Jónína gift Gottskálk
Ólafssyni, verslunarfulltrúa í Kefla-
vík. Gunnar, sölumaður, Reykja-
vík, kvæntur Kristínu Friðriksdótt-
ur. Rúnar Sigtryggur, vinnur við
hestatamningar og býr í Keflavík,
kvæntur Margréti Sigurðardóttur.
Ingvi Steinn og Bragi, búfræðingur,
báðir í Reykjavík.
Stutt er leiðin að Framnesi, frá
heimili Eyrúnar og átti hún mörg
spor þangað, til að rétta hjálparhönd
og hlynna að systrunum, er þær tóku
að eldast og eiga við lasleika að
stríða.
En slíkt bar Eyrún ekki á torg
né kvartaði yfir. Hljóðlát vann hún
störf sín af alúð og eftirtölulaust,
hvort heldur var á hennar eigin
heimili eða utan þess.
Eftir að börnin voru flest búin að
hleypa heimdraganum og farið að
hægjast um, réðst Eyrún til verslun-
arstarfa hjá Kaupfélagi Suðurnesja
og þar unnum við saman í vefnaðar-
vörudeildinni fáein ár og hófst því
nýr kapítuli í kynnum okkar. Að
vísu höfðu tengslin aldrei rofnað, í
tímans rás, þrátt fyrir umfangsmikið
ævistarf Eyrúnar við umönnun átta
barna og önnur óþrjótandi verk
húsmóður á stóru heimili.
Þegar hún hófst handa í kaupfé-
laginu er ekki ótrúlegt að hún hafi
verið farin að lýjast nokkuð, en það
kom aldrei fram í störfum hennar
þar. Henni var heldur ekki tamt að
hlífa sjálfri sér á kostnað annarra og
öllum hlaut að líða vel í návist
Eyrúnar, hún var alltaf í jafnvægi,
alltaf glöð, traust og æðrulaus. í
hraða nútímans er gott að geta
minnst slíkra samferðamanna.
Þakkir mínar og blessunaróskir
sendi ég henni yfir landamærin.
Eftirlifandi eiginmanni Eyrúnar,
börnum, barnabörnum og öðrum
ættingjum flyt ég innilegar samúðar-
kveðjur.
t Þökkum öllum þeim sem sýndu okkur hlýhug og vináttu við andlát og
útför
Kristjönu Jónsdóttur fyrrum húsfreyju Bergi, Keflavík
Guð blessi ykkur öll Kristín Nikolaidóttir Ólafur H. Kjartansson
Jón Nikolaison Erla Delberts
Elías Nikolaison ÞórunnTorfadóttir
Axel Nikolaison Ásta Sigurjónsdóttir
barnabörn og barnabarnabörn
Sóknarfélagar
Aöalfundur starfsmannafélagsins Sóknar veröur
haldinn þriðjudaginn 26. apríl kl. 20.30 í fundarsal
félagsins að Skipholti 50A.
Fundarefni: 1. Venjuleg aðalfundarstörf
2. Önnur mál
Munið að sýna skírteini.
Stjórnin
Selfoss - félagsfundur
Framsóknarfélag Selfoss boðar til félagsfundar þriðjudaginn 26. apríl
n.k. að Eyrarvegi 15, og hefst hann kl. 20.30.
Dagskrá:
Staða bæjarmála.
Framsögur.
Fyrirspurnir og almennar umræður.
Kökur og kaffi. Mætum öll.
Stjórnin
Lóa Þorkelsdóttir.