Tíminn - 23.04.1988, Blaðsíða 28

Yfirdráttur
á tékkareiKninea
launafólks
SAMVINNUBANKI
ÍSLANDS HF
Auglýsingadeild hannar
auglýsinguna fyrir þig
Okeypis þjónusta

■
UL
Tíniiim
Líf og fjör á fyrsta degi verkfalls verslunarmanna:
Hluthafafjölgun og
tíð verslanaættarmót
Verkfallsverðir verslunar-
mannafélaganna á höfuðborgar-
svæðinu þurftu ekki að kvarta
undan verkefnaskorti á fyrsta
degi verkfalls verslunarmanna í
gær. Samkvæmt upplýsingum
verkfallsnefndar VR þurftu verk-
fallsverðir félagsins að hafa af-
skipti af um 60-70 fyrirtækjum í
Reykjavík vegna meintra verk-
fallsbrota en verkfallsncfnd bár-
ust tilkynningar um á annað
hundrað tilvik, þar sem framin
voru verkfallsbrot.
Höfuðborginni var skipt niður
í 10 vörslusvæði, og á hverju
svæði réði harðskeytt lið verk-
fallsvarða ríkjum. Um 300 félag-
ar í VR komu á verkfallsvaktina
í morgunsárið og þeim fjölgaði
síðan jafnt og þétt er á daginn
leið. Það var greinilegt á fólki að
nú skyldi samstaðan ekki rofin,
sótt yrði fram í nafni einingar þar
til sigur ynnist. Það var mái
manna að verkfall kynni að drag-
ast á langinn, í það minnsta fram
í miðja næstu viku.
„Vesen með Hrafn,
eins og venjulega“
En það voru ekki aðeins félag-
ar í VR, sem höfðu í nógu að
snúast við verkfallsvörsluna.
Kollegar þeirra í Verslunar-
mannafélagi Hafnarfjarðar áttu
einnig erfiðan dag. Reyndar
þurftu þeir að kalla á hjálp frá
VR, þegar stríðið stóð sem hæst,
en „stríðsátökin" voru hvað mest
í Kjötmiðstöðinni í Garðabæ.
Þar vörnuðu verkfallsverðir við-
skiptavinum inngöngu á þeirri
forsendu að kjötiðnaðarmenn
verslunarinnar gengju í störf
verslunarmanna, t.d. við að raða
vörum í hillur og að „vera á
kassa“. „Það er sama vesenið og
venjulega, með Hrafn
Bachmann," varð einum verk-
fallsverði á orði.
Vatnslagur
og fingurbrot
Unglingar gerðu aðsúg að ver-
kfallsvörðum og gusuðu vatni
yfir þá. Einn starfsmanna Kjöt-
miðstöðvarinnar, og nokkrir ung-
lingar sem voru á staðnum,
reyndu inngöngu í verslunina
með áhlaupi, með þeim afleiðing-
um að einn verkfallsvarðafingur
varð undan að láta og brotnaði.
Lausn á þessu máli fékkst eftir
nokkurra klukkustunda þref milli
forsvarsmanna VH og eigenda
Kjötmiðstöðvarinnar, á þann veg
að kjötiðnaðarmenn voru sendir
heim, en tveir eigendur og makar
þeirra önnuðust eftir það öll störf
verslunarinnar.
í Kostakaupum í Hafnarfirði
meinuðu verkfallsverðir við-
skiptavinum aðgang að verslun-
inni á fjórða tímanum í gær, en
þar var opið fyrir hádegi og síðan
átti að vera opið frá 15-19. Verk-
fallsverðir töldu, eins og í Kjöt-
miðstöðinni, að tveir kjötiðnað-
armenn hefðu gengið í störf versl-
unarfólks og þannig vísvitandi
framið verkfallsbrot.
Hver má vinna
í verkfalli?
í flestum þeim tilfellum, sem
verkfallsverðir þurftu að grípa í
taumana í gær, var ágreiningur
um hverjir mættu vinnaoghverjir
ekki í verkfallinu. Ekki var þó
almennt neinn ágreiningur um
rétt eigenda fjölskyldufyrirtækja
til að vinna við þau. Hinsvegar
voru deildar meiningar um hvort
börnum eigenda fyrirtækja og
skyldfólki væri heimilt að ganga í
störf verslunarfólks. Eigendur
fyrirtækja töldu að öllum nánum
fjölskyldumeðlimum væri frjálst
að vinna í verkfallinu, en fulltrúar
verslunarmannafélaganna töldu
að börn eldri en 16 ára gömul
Hrafn Bachmann, annar eigenda Kjötmiðstöðvarinnar bað forsvarsmenn verkfallsvarða Verslunarmannafélags
Hafnarfjarðar, að hafa sig hæga og slappa af. Niðurstaða af rimmu verkfallsvarða og eigenda Kjötmiðstöðvar-
innar var á þá lund að heimilt væri að hafa verslunina opna að því tilskildu að einungis eigendur og makar þeirra
önnuðust öll verslunarstörf.
hefðu ekki löglega heimild til
þess.
Hluthafaákvæðið
umdeilanlegt
Ákvæði laga um að hluthafar í
fyrirtækjum mættu vinna í verk-
falli olli einnig oft deilum milli
verkfallsvarða og verslunareig-
enda í gær. Samkvæmt laganna
hljóðan mega strangt til tekið
þeir hluthafar vinna, sem byggja
lífsafkomu á hlutafjáreigninni.
Öðrum hluthöfum er óheimilt að
ganga í störf verslunarfólks í
verkfalli. Grétar Hannesson,
einn af forsvarsmönnum verk-
fallsnefndar VR, sagði að þetta
atriði væri vitaskuld umdeilan-
legt, en staðreyndin væri sú að
þegar þessi staða væri komin
upp, vildu allir vera annaðhvort
blóðskyldir verslunareigendum
eða vera hluthafar sem hefðu
afkomu af hlutafjáreign í við-
komandi fyrirtæki.
Létt kjaftshögg
á Akureyri
En það er víðar cn í Reykjavík
sem verslunarfólk hefur lagt nið-
ur störf. Á Akureyri voru verk-
fallsbrot nokkuð tíð í gær, en mál
voru leyst án vandræða í öllum
tilvikum nema einu, en þá sló
forstöðumaður bensínstöðvar til
verkfallsvarðar þegar hann ætlaði
að stöðva ólögmætt vinnuframlag
systur forstöðumannsins. Á ísa-
firði gengu málin átakalaust fyrir
sig og án verulegra afskipta verk-
fallsvarða. 1 Borgarnesi lokuðust
allar verslanir Kaupfélagsins svo
og sláturhús. Tímanum er ekki
kunnugt um meint verkfallsbrot
þar. Á Suðurlandi lamaðist vcrsl-
un að mestu í gær vegna verkfalls-
ins. Til dæmis er einungis vitað
um eina verslun sem hafði opið á
Selfossi.
Samninganefndir verslunar-
mannafélaganna og atvinnurek-
enda sátu áfram á rökstólum hjá
sáttasemjara í gær, en fyrsta fundi
deiluaðila lauk klukkan 4 í fyrri-
nótt. Að sögn Guðlaugs Þor-
valdssonar hefur enn ekkert verið
rætt um launalið samninga, en
augum þess í stað beint að ýmsum
auka- og hliðarmálum. Guðlaug-
ur sagðist búast við að fundum
yrði fram haldið um helgina.
óþh
BULGARÍA
Tryggið ykkur sæti, þar sem sumar ferðirnar eru að fyllast
NÁNARI UPPL ÝSINGAR Á SKRIFSTOFUNNI
KÝPUR
TT'Y
Kynnið tkkur einstaklega hagstætt verð
EYJA Hjá okkur er opið
ÁSTARINNAR p^RÐA
Haínaistiæti 18
/ikV
HF
14480 - 12534