Tíminn - 23.04.1988, Blaðsíða 24

24 Tíminn
Laugardagur 23. apríl 1988
llllllllllillllllll DAGBÓK IIIIIHH
Tónlistarfélagið
í Reykjavík:
Ursula, Judith og Mirjam halda tónleika
í íslensku óperunni
f dag, laugard. 23. apríl mun Ursula
Ingólfsson-Fassbind, píanóleikari og dæt-
ur hennar Judith, 14 ára fiðluleikari og
Mirjam, 13 ára sellóleikari, halda tón-
leika í fslerisku óperunni kl. 14:30 á
vegum Tónlistarfélagsins.
Ursula Ingólfsson-Fassbind fæddist f
Zurich í Sviss og hóf píanónám aðeins 4
ára gömul. Hún lærði bæði í Mozarteum
í Salzburg og tónlistarháskólanum í
Zurich, en sótti framhaldsnám til Banda-
ríkjanna. Hún hefur komið oft fram sem
einleikari og í flutningi kammertónlistar
víðs vegar í Evrópu.
Ursula fluttist til íslands með manni
sínum, Katli Ingólfssyni, og lék sem
píanóleikari bæði með Sinfóníuhljóm-
sveit fslands og á einleikstónleikum, auk
þess kenndi hún við Tónlistarskólann í
Reykjavík um 10 ára skeið.
Judith, fiðluleikari og Mirjamsellóleik-
ari eru nú 14 og 13 ára gamlar. Þær hófu
báðar hljóðfæranám mjög ungar að aldri
í Tónmenntaskólanum í Reykjavík og
eru nú yngstu nemendur í hinum fræga
Curtis-tónlistarskóla í Philadelphiu. Þær
hafa unnið til fjölda viðurkenninga og
unnið samkeppni, en auk þess að koma
stöðugt fram sem einleikarar hafa mæðg-
urnar lagt sérstaka stund á flutning kam-
mertónlistar.
Á efnisskránni eru þrjú verk: Tríó í
B-dúr cftir Mozart, Tríó í g-moll eftir
Beethoven og „Dumky“-tríó í e-moll
eftir Dvorák.
Aðgöngumiðar verða seldir við inn-
ganginn.
Sunnudagsferðir F.í. 24. apríl
Kl. 10:30 - Skógfellaleið - gömul
þjóðleið. Gangan hefst á móts við Voga
á Vatnslcysuströnd á Skógfellaleið, en
henni verður síðan fylgt til Grindavíkur.
Þægileg gönguleið á jafnsléttu en í lengra
lagi. (800 kr.)
Kl. 10:30 - Fljótshlíð/ökuferð. Ekið
sem leið liggur um Suðurlandsveg og
síðan Fljótshlíðarveg allt austur að
Fljótsdal. Markverðir staðir í Fljótshlíð
skoðaðir. (1000 kr)
Brottför í báðar sunnudagsferðirnar
frá Umferðarmiðstöðinni, austanmegin.
Farmiðar við bíl. Frítt fyrir börn í fylgd
fullorðinna.
Tónleikar
Tónlistarskólans í Reykjavík
Tónlistarskólinn í Reykjavík heldur
tvenna tónleika eftir helgi. Fyrri tón-
leikarnir verða í Bústaðakirkju mánudag-
inn 25. apríl kl. 20:30. Á þeim tónleikum
leikur hljómsveit Tónlistarskólans ásamt
tveimur einleikurum og cinsöngvara, og
eru tónleikarnir hluti af lokaprófi þeirra
frá skólanum.
Á efnisskrá eru: Klarinettkonsert í
A-dúr eftir Mozart, einleikari Ármann
Helgason, Konsert í F fyrir óbó og
hljómsveit, einlcikari á óbó Hólmfríður
Þóroddsdóttir, Serenaða op. 48 fyrir
strengjasveit eftir Tsjaikovsky og Folk
Songs eftir Luciano Berio, einsöngvari
Guðný Árnadóttir mezzósópran.
Stjórnendur á tónleikunum eru Bern-
harður Wilkinson og Mark Reedman.
Seinni tónleikarnir eru 8. stigs söngtón-
leikar í sal skólans, Skipholti 33, þríðj-
udaginn 26. apríl kl. 20:30. Hlíf Káradótt-
ir, sópran og Sigurdríf Jónatansdóttir
mezzósópran flytja lög eftir íslcnska og
erlenda höfunda.
Gallerí Borg:
Sýning á uppboðsverkum
Nýlega var opnuð í Gallerí Borg sýning
á þeim verkum sem verða á 14. uppboði
Gallerísins, sem haldið verður í samvinnu
við Listmunauppboð Sigurðar Benedikts-
sonar. Uppboðið verður á Hótel Borg á
morgun, sunnudaginn 24. apríl og hefst
kl. 15:30. Uppboðsverkin verða sýnd í
Gallert Borg, Pósthússtræti fyrir uppboð-
ið.
GRAFÍK • GALLERÍ BORG
í glugga Grafík-Gallerísins, Austur-
stræti 10 (Penninn) stendur nú yfir kynn-
ing á grafík-myndum eftir Þórð Hall og
keramik-verkum eftir Guðnýju Magnús-
dóttur.
Háskólafyrirlestur
um norræna sagnadansa
Dr. Bengt R. Jonsson, forstöðumaður
Svenskt visarkiv, flytur opinberan fyrir-
lestur í boði heimspekideildar Hásícóla
fslands þriðjudaginn 26. apríl kl. 17:15 í
stofu 423 í Árnagarði.
Fyrirlesturinn nefnist „Den nordiska
balladens áldsta historia" og verður flutt-
ur á sænsku.
Bengt R. Jonsson er einn lærðasti
núlifandi fræðimaður á sviði norrænna
sagnadansa. Doktorsritgerð hans
„Svensk balladtradition" kom út árið
1967 og hann var einn höfunda að ritinu
„The Types of Scandinavian Medieval
Ballad" (1978). Jonsson er ritstjóri nor-
ræna þjóðfræðatímaritsins Arv og ritstýr-
ir einnig ársritinu Sumlcn, sem fjallar um
þjóðkvæði og þjóðlög.
Auk þess flytur Bengt R. Jonsson
fyrirlestur á vegum Norræna hússins
mánudaginn 25. apríl kl. 20:30 og nefnist
sá fyrirlestur „Svensk visforskning i dag“.
Leikfélag Reykjavíkur:
Frumsýning á HAMLET
Harmleikurinn um Hamlet Danaprins
eftir William Shakespeare verður frum-
sýndur annað kvöld, sunnud. 24. apríl kl.
20:00 í Iðnó. Shakespeare samdi Hamlet
árið 1602. Hamlet hefur tvisvar áður
verið sýndur í íslensku leikhúsi, í Iðnó
1948-’49 og í Þjóðleikhúsinu 1963-’64.
Leikstjóri nú er Kjartan Ragnarsson og
er uppfærsla hans að mörgu leyti nýstár-
leg. Leikmynd og búninga hannar Grétar
Reynisson og lýsingu Egill Örn Árnason.
Tónlistin í sýningunni er eftir Jóhann G.
Jóhannsson en Pétur Grétarsson útsetti.
Þeir félagar flytja tónlistina sjálfir
(„life").
Leikarar er: Þröstur Leó Gunnarsson
(Hamlet Danaprins), Sigurður Karlsson
(Kládíus Danakonungur), Guðrún Ás-
mundsdóttir (Geirþrúður Danadrottn-
ing), Steindór Hjörleifsson (Pólóntus ráð-
gjafi), Sigrún Edda Björnsdóttir(Ófelía),
o.fl. o.fl.
Aðalfundur
Sógufélags Árnesinga
Aðalfundur Sögufélags Árnesinga
verður haldinn á Hótel Selfossi miðviku-
daginn 27. apríl kl. 20:30.
Fundurinn hefst með fyrirlestri. Ög-
mundur Helgason flytur fyrirlestur um
þjóðfræðasafnara úr Árnesþingi, Guð-
mund Sigurðsson frá Loftsstöðum. Guð-
mundur fæddist í Syðri Gegnishólum árið
1808 og dó árið 1874. Hann var vinnu-
maður alla ævi, lengst af í Gaulverjabæ.
Guðmundur skráði fjölda þjóðsagna og
þjóðkvæða sem sum hafa verið prentuð á
víð og dreif í þjóðfræðasöfnum annarra.
Eftir fyrirlesturinn taka við venjuleg
aðalfundarstörf. Fyrirlesturinn er öllum
opinn og nýir félagar velkomnir.
Opnunartími sundstaða
fráog með18. apríl:
Laugardalslaug - Vesturbæjarlaug -
Breiðholtslaug.
Þessar sundlaugar eru allar opnar á
sama tíma:
Mánudaga-föstudaga (virka daga) kl.
07:00-20:30
Laugardaga kl. 07:30-17:30
Sunnudaga kl. 08:00-17:30
Sundhöll Reykjavíkur:
Mánudaga-föstudaga (virka daga) kl.
07:00-20:30, en vegna æfinga íþrótta-
félaga verða frávik á opnunartíma í
Sundhöllinni á tímabilinu 1. okt.-l. júní,
og er þá lokað kl. 19:00 virka daga.
Laugardaga 07:30-17:30
Sunnudaga 08:00-15:00.
Lokunartími er miðaður við þegar sölu
er hætt, en þá hafa gestir 30 mínútur áður
en vísað er upp úr laug.
Revíuleikhúsið:
Sætabrauðskarlinn
Síðasta sýning á Sætabrauðskarlinum
verður sunnudaginn 24. apríl kl. 15:00 í
Kópavogsleikhúsinu. Miðapantanir eru í
síma 656500 og miðasala er opin frá kl.
13:00 sýningardaginn.
Hafnarfjarðarkirkja
Sunnudagaskóli kl. 10:30. Guðsþjón-
usta kl. 14:00. Organisti Helgi Bragason.
Sr. Gunnþór Ingason
Útboð
Innkaupastofnun Reykjavíkurborgar, f.h. Gatnamálastjórans
í Reykjavík, óskar eftir tilboðum í verkið „Sætúnsræsi 5.
áfangi“.
Verkið felst í uppsteypu og lagningu stokka meðfram
núverandi Skúlagötu og í útrásum. Einnig er innifalið í verkinu
4 þveranir á Skúlagötu.
Útboðsgögn eru afhent á skrifstofu vorri, að Fríkirkjuvegi 3,
Reykjavík, gegn kr. 15.000,- skilatryggingu frá og með
þriðjudegi.
Tilboðin verða opnuð á skrifstofu vorri, þriðjudaginn 10. maí
kl. 14.00.
INNKAUPASTOFNUN REYKJAVIKURBORGAR
Frikirkjuvegi 3 - Simi 25800
Blásarakvintett Reykjavíkur:
Tónleikar í Stykkishólmi
og Ólafsvík
Blásarakvintett Reykjavíkur heldur í
tónleikaferð til Snæfellsness um helgina.
Tónleikar verða í sal Grunnskólans í
Stykkishólmi laugardaginn 23. apríl kl.
14:00 og í Ólafsvíkurkirkju kl. 14:00 á
sunnudag.
Flutt verður léttklassísk tónlist eftir
Mozart, Malcolm Arnold, Jean Francaix,
Scott Joplin, Ferenc Farkas og Þorkel
Sigurbjörnsson.
Á þessu ári hefur Blásarakvintettinn
farið í tónleikaferð til Svíþjóðar og leikið
fyrir Musica Nova, Kammersveit Reykja-
víkur og Tónlistarfélag Njarðvíkur.
í maí eru fyrirhugaðir tónleikar á
Akranesi, auk þess tónleikaferð til
Englands, þar sem kvintettinn tekur einn-
ig upp tvo útvarpsþætti fyrir B.B.C.
Þetta er sjöunda starfsár Blásarakvint-
etts Reykjavíkur, en hann hafa skipað frá
upphafi: Bernharður Wilkinson flautu-
leikari, Daði Kolbeinsson óbóleikari,
Einar Jóhannesson klarínettleikari, Jo-
scph Ognibenc hornleikari og Hafsteinn
Guðmundsson fagottleikari.
Sunnudagsferð Útivistar
Strandganga í landnámi Ingólfs 12. ferð.
Rafnkelsstaðaberg- Garðskagi
Hvalsnes.
Kl. 10:30 Rafnkelsstaðaberg
Hvalsnes. Gengið um Kirkjuból og Garð-
skaga.
Kl. 13:00 Kirkjuból - Hvalsnes. í
þennan hluta mæta þeir sem ekki hafa
tíma í alla gönguna. Gengið um Bæjar-
sker, Fuglavík og Sandgerði. Sjá má
sögulegar minjar og fjölbreytt fuglalíf.
Brottför frá BSf bensínsölu. Farmiðar
við bíl (800 kr.).Viðurkenning veitt fyrir
góða þátttöku í „Strandgöngunni". Sími
Útivistar: 14606
Gallerí GANGSKÓR:
Sýning Ingibergs Magnússonar
Ingiberg Magnússon opnar sýningu á
þurrkrítarmyndum í Gallerí GANG-
SKÖR Amtmannsstíg 1 í dag, laugardag-
inn 23. apríl kl. 14:00. Á sýningunni
verða 12 myndir, flestar unnar á þessu
ári. Sýningin stendur til 8. maí.
Ingiberg Magnússon stundaði nám
við Myndlista- og handíðaskóla íslands
1965-1970. Hann hefur haldið einkasýn-
ingar í Reykjavík, á Egilsstöðum, ísafirði
Akranesi, í Kópavogi, Odense og síðast
í Stokkhólmi 1987. Einnig tekið þátt í
fjölda samsýninga hér heima og erlendis.
Verk hans eru í eigu Listasafns íslands,
Listasafns ASÍ, Listasafns Kópavogs,
Neskaupstaðar, Norrænu myndlistarmið-
stöðvarinnar Sveaborg í Finnlandi og
Norræna hússins í Reykjavík.
Sýning Ástu Guðrúnar
í Hafnargalleríi
Þann 7. apríl opnaði Ásta Guðrún
Eyvindsdóttir málverkasýningu í Hafn-
argalleríi við Hafnarstræti á hæðinni ofan
við bókaverslun Snæbjarnar. Sýningin er
opin á verslunartíma og mun standa til
24. apríl.
Breyting verður á opnunartíma sýning-
arinnar, - ef til verkfalls verslunarmanna
kemur og bókabúðin verður lokuð ein-
hvem tfma. Þá verður sýning Ástu Guð-
rúnar opin vikuna eftir að verkfail leysist,
á sama tíma og bókabúðin.
Þetta er fyrsta sölusýning Ástu, en hún
stundaði nám við Myndlista- og handíða-
skóla íslands og síðan við Central School
of Art and Design í London. Á sýning-
unni eru 14 olíumálverk, flest frá nýliðnu
ári.
Húnvetningafélagið
heldur sumarfagnað
Húnvetningafélagið í Reykjavík heldur
sumarfagnað sinn í Domus Medica laug-
ardaginn 23. apríl. Hann hefst kl. 21:00
með skemmtidagskrá, þ.á m. spurninga-
keppni þar sem norðan- og sunnanmenn
etja kappi saman. Þar mætir lið Húnvetn-
inga úr sjónvarpsþætti Ómars Ragnars-
sonar „Hvað heldurðu” Að lokinni
skemmtidagskrá leikur hljómsveitin Upp-
lyfting fyrir dansi.
Félagsvist
Húnvetningafélagsins
Húnvetningafélagið í Reykjavík verð-
ur með félagsvist laugardaginn 23. apríl í
félagsheimilinu, Skeifunni 17 og hefst
hún kl. 14:00.
Neskirkja ■ Félagsstarf aldraðra
Samverustund í dag, laugardaginn 23.
apríl, kl. 15:00 í safnaðarheimili kirkj-
unnar. Samúcl Ólafsson segir frá dvöl
sinni í Afríku í máli og myndum. Nem-
endur úr Tónskóla Sigursveins flytja
KVENNAATHVARF
Húsaskjól er opið allan sólarhringinn
og aðstoð fyrir konur sem beittar hafa
verið ofbekíi í heimahúsum eða orðið
fyrir nauðgun.
Síminn er 21205 - opinn allan sólar-
hringinn.
Listasafn Einars Jónssonar
Listasafn Einars Jónssonar er opið alla
laugardaga ogsunnudaga kl. 13:30^-16:00.
Höggmyndagarðurinn er opinn alla
dagafrákl. 11:00-17:00.
Kvikmyndasýning MÍR
í dag, laugard. 24. apríl kl. 16:00,
verður kvikmyndin „Lenin 1918“ sýnd í
bíósal MÍR Vatnsstíg 10. Myndin er nær
hálfrar aldar gömul, gerð árið 1939.
Leikstjóri er Mikhaíl Romm, sá sami og
gerði myndina „Lenin í október“ 2 árum
áður. Skýringar á ensku eru fluttar með
myndinni. Aðgangur er öllum heimill.
Félag eldri borgara
Opjð hús í Goðheimum, Sigtúni 3, á
sunnudag. Kl. 14:00 - frjálst spil og tafl.
Kl. 20:00 - dansað til
kl. 23:30.
KAMMERMÚSÍKKLÚBBURINN
Kammermúsíkklúbburinn heldur
fjórðu tónleika sína á starfsárinu 1987-
1988 sunnudaginn 24. apríl kl. 16:00 í
Bústaðakirkju.
Á efnisskrá er:
Tríó í Es-dúr, op. 3 (1792 ?) eftir Ludwig
van Beethoven (1770-1827) og Kvartett
fyrir píanó og strengi í G-moll, op. 25
(1861) eftir Johannes Brahms (1833-
1897).
Flytjendur eru: Laufey Sigurðardóttir
fiðla, Helga Þórarinsdóttir lágfiðla, Rich-
ard Talkowsky knéfiðla og Þorsteinn
Gauti Sigurðsson píanó.
III ÚTVARP/SJÓNVARP lllllllllllllllllllll
Laugardagur
23. apríl
6.45 Veöurfregnir. Bæn, séra Heimir Steinsson
flytur.
7.00 Fréttir.
7.03 „Góðan dag, góðir hlustendur" Pétur Pét-
ursson sér um þáttinn. Fréttir sagðar kl. 8.00,
þá lesin dagskrá og veðurfregnir sagðar kl.
8.15. Að þeim loknum heldur Pétur Pétursson
áfram að kynna morgunlögin.
9.00 Fréttir. Tilkynningar. Tónlist.
9.30 Saga bama og unglinga: „Drengirnir frá
Gjögri“ eftir Bergþóru Pálsdóttur Jón Gunn-
arsson les (3).
10.00 Fréttir. Tilkynningar.
10.10 Veðurfregnir.
10.25 Vikulok Brot úr þjóðmálaumræðu vikunnar,
fréttaágrip vikunnar, hlustendaþjónusta, viðtal
dagsins og kynning á helgardagskrá Útvarps-
ins. Tilkynningar lesnar kl. 11.00. Umsjón: Einar
Kristjánsson.
12.00 Dagskrá. Tilkynningar.
12.20 Hódegisfréttir
12.45 Veðurfregnir. Tilkynningar. Tónlist.
13.10 Hér og nú Fréttaþáttur í vikulokin.
14.00 Tilkynningar.
14.05 Slnna Þáttur um listir og menningarmál.
Umsjón: Þorgeir Ólafsson.
15.00 Tónspegill Þáttur um tónlist og tónmenntir á
líðandi stund. Umsjón: Magnús Einarsson.
16.00 Fréttir. Tilkynningar. Dagskrá.
16.15 Veðurfregnir.
16.20 íslenskt mól Jón Aðalsteinn Jónsson flytur
þáttinn. (Einnig útvarpað nk. miðvikudag kl.
8.45).
16.30 Lelkrit: „Jekyll .læknir og herra Hyde“ eftir
Robert Louis Stevenson. Leikgerð samdi Jill
Brooke. Þýðandi: Karl Emil Gunnarsson. Leik-
stjóri: Karl Ágúst Úlfsson. Leikendur: Amar
Jónsson, Rúrik Haraldsson, Steindór Hjörleifs-
son, Jón Sigurbjörnsson, Unnur Stefánsdóttir,
Guðrún Ásmundsdóttir, Valdimar Lárusson,
Karl Guðmundsson, Jón Hjartarson, Helga Þ.
Stephensen, Rósa Guðný Þórsdóttir og Ragnar
Kjartansson. (Einnig útvarpað nk. þriðjudags-
kvöld kl. 22.30).
18.00 Gagn og gaman Umsjón: Sigrún Sigurðar-
dóttir. Tónlist. Tilkynningar.
18.45 Veðurfregnir.
19.00 Kvöldfréttir
19.30 Tilkynningar. Tónlist.
20.00 Harmoníkuþáttur Umsjón: Högni Jónsson.
(Einnig útvarpað nk. miðvikudag kl. 14.05).
20.30 Maður og náttúra. Þáttur í umsjá Sigmars
B. Haukssonar.
21.30 Danslög
22.00 Fréttir. Dagskrá morgundagsins. Orð
kvöldsins.
22.15 Veðurfregnir.
22.20 Útvarp Skjaldarvík Leikin lög og rifjaðir upp
atburðir frá liðnum tíma. Umsjón: Margrét
Blöndal. (Frá Akureyri)
23.00 Mannfagnaður á vegum Ungmennafélags
Hveragerðis.
24.00 Fréttir.
24.10 Um lágnættið. Sigurður Einarsson kynnir
klassíska tónlist.
01.00 Veðurfregnir.
Næturútvarp á samtengdum rásum til
morguns.
02.00 Vökulögin Tónlist af ýmsu tagi í næturút-
varpi. Fréttir kl. 2.00 og 4.00 og sagt frá veðri,
færð og flugsamgöngum kl. 5.00 og 6.00.
Veðurfregnir frá Veðurstofu kl. 4.30.
10.05 Nú er lag Gunnar Salvarsson tekur á móti-
gestum í morgunkaffi, leikur tónlist og kynnir
dagskrá Ríkisútvarpsins.
12.20 Hódegisfréttir
12.45 Léttir kettir Jón Ólafsson gluggar í heimilis-
fræðin... og fleira.
15.00 Við rásmarkið. Sagt frá íþróttaviðburðum
dagsins og fylgst með ensku knattspyrnunni.
Úrslitaleikir karla og kvenna í bikarkeppninni í
körfuknattleik. Umsjón: Amar Björnsson, Sam-
úel Örn Erlingsson og Skúli Helgason.
17.00 Lög og létt hjal Svavar Gests kynnir innlend
og erlend lög og tekur gesti tali um lista- og
skemmtanalíf um helgina.
19.00 Kvöldfréttir
19.30 Kvöldtónar. Tónlist af ýmsu tagi.
22.07 Út á lífið. Snorri Már Skúlason ber kveðjur
milli hlustenda og leikur óskalög.
02.00 Vökulögin Tónlist af ýmsu tagi í næturút-
varpi til morguns. Fréttir kl. 2.00 og 4.00 og
sagðar fréttir af veðri, færð og flugsamgöngum
kl. 5.00 og 6.00. Veðurfregnir frá Veðurstofu kl.
4.30.
Fréttlr kl. 2.00,4.00,7.00,8.00,9.00,10.00,12.20,
16.00,19.00, 22.00 og 24.00.
SJÓNVARPIÐ
Laugardagur
23. apríl
13.30 Fræðsluvarp 1. Útlaginn. íslensk kvikmynd
frá 1982. Handrit og leikstjórn: Ágúst Guð-
mundsson. Aðalhlutverk Arnar Jónsson, Ragn-
heiður Steindórsdóttir, Bjarni Steingrímsson,
Tinna Gunnlaugsdóttir, Þráinn Karlsson og
Helgi Skúlason. Mynd þessi er gerð eftir Gísla
sögu Súrssonar en hún er lesin af nemendum
9. bekkjar grunnskóla fyrir samræmt próf í
íslensku. 2. Lærið að tefla - Fimmti þáttur -
Skákþáttur fyrir byrjendur. Umsjónarmaður
Áskell örn Kárason.
15.30 Hlé.
16.20 Reyklaus dagur - Endursýning. Helgi E.
Helgason fréttamaður stýrir umræðum um
skaðsemi reykinga. Þessi þáttur var áður á
dagskrá 5. apríl sl.
17.00 Iþróttir. Umsjónarmaður Bjarni Felixsson.
18.50 Fréttaágrip og táknmálsfréttir.
19.00 Smellir.
19.30 Litlu prúðuleikararnir (Muppet Babies)
Teiknimyndaflokkur eftir Jim Henson. Þýðandi
Guðni Kolbeinsson.
20.00 Fréttir og veður.
20.35 Lottó.
20.45 Söngvakeppni evrópskra sjónvarps-
stöðva. Lögin í úrslitakeppninni. Kynnir: Her-
mann Gunnarsson.
20.55 Landið þitt - ísland. Umsjónarmaður Sig-
rún Stefánsdóttir.
21.05 Fyrirmyndarfaðir (The Cosby Show). Þýð-
andi Guðni Kolbeinsson.
21.30 Maður vikunnar
21.50 Lifi Lucy! (We Love Lucy) Bandarísk mynd
þar sem sýndar eru svipmyndir úr hinum
vinsælu sjónvarpsþáttum Lucy Ball. Þýðandi
Ólöf Pétursdóttir.
23.25 Síðasta sakramentið (Inspector Morse -
Service of All the Dead) Bresk sakamálamynd
frá 1986. Aðalhlutverk John Thaw. Morse
lögregluforingi er beðinn um að rannsaka morð
sem framið er í sveitakirkju rétt fyrir utan Oxford.
Fyrr en varir liggja fleiri í valnum en þrátt fyrir
það er erfitt að fá starfsfólk kirkjunnar til að leysa
frá skjóðunni, jafnvel þvottakonan virðist búa
yfir leyndarmáli. Þýðandi Gunnar Þorsteinsson.
01.10 Útvarpsfréttir í dagskrárlok.
Laugardagur
23. apríl
09.00 Með afa. Þáttur með blönduðu efni fyrir
yngstu bömin. Afi skemmtir og sýnir börnunum
stuttar myndir: Skeljavík, Kátur og hjólakrílin og
fleiri leikbrúðumyndir. Emma litla, Júlli og töfra-
Ijósið, Depill, Yakrai, I bangsalandi, Litli folinn
og félagar, og ný mynd sem nefnist Lokkadísa.
Sagan af Sollu Bollu og Támínu eftir Elfu
Gísladóttur. Myndskreytingar eftir Steingrím
Eyfjörð. Allar myndir sem bömin sjá með afa,
eru með íslensku tali. Leikraddir: Guðmundur
Ólafsson, Guðný Ragnarsdóttir, Guðrún Þórð-
ardóttir, Júlíus Brjánsson, Randver Þorláksson
og Saga Jónsdóttir.
10.30 Peria. Teiknimynd. Þýðandi Björgvin Þóris-
son.
10.55 Hinir umbreyttu. Teiknimynd. Þýðandi
Ástráöur Haraldsson
11.15 Guð í alheimsgeimi. Leikin barna- og
unglingamynd.
12.00 Snóker. Bein útsending frá Islandsmótinu í
snóker. Umsjónarmaður er Adolf Erlingsson.
14.05 Fjalakötturinn Kvikmyndaklúbbur Stöðvar
2. Sýningarmaðurinn. The Picture Showman.
Aðalhlutverk: Rod Taylor, John Meillin og John
Ewart. Leikstjóri: John Power. Handrit: Joan
Long. Þýðandi: Snjólaug Bragadóttir. Ástralía
1977. Sýningartími 100 mín.
15.45 Ættarveldið. Dynasty. Des reynir að fá
Alexis til samstarfs við sig og Fallon hittir
myndarlegan milljónamæring. Þýðandi: Guðni
Kolbeinsson. 20th Century Fox.
16.20 Nærmyndir Nærmynd af Leifi Breiðfjörð.
Umsjón: Jón Óttar Ragnarsson. Stöð 2.
17.00 NBA körfuknattleikur. Einhverjir snjöllustu
íþróttamenn heims í hörðum leik. Umsjónar-
maður: Heimir Karlsson._______________
18.30 íslenski listinn. Bylgjan og Stöð 2 kynna40
vinsælustu popplög landsins. Vinsælir hljómlist-
armenn koma fram hverju sinni. Þátturinn er
gerður í samvinnu við Sól hf. Umsjónarmaður:
Felix Bergsson og Anna Hjördís Þorláksdóttir.
Stöð 2/Bylgjan.
19.19 19.19 Fréttir og fréttatengt efni ásamt veður-
og iþróttafréttum.____________________________
20.10 Fríða og dýrið Beauty and the Beast. Nýtt
lyf kemur á markaðinn sem reynist hafa alvar-
legar aukaverkanir. Cathy vill grafast fyrir um
uppruna lyfsins og biður Vinsent um aðstoð.
Þýðandi: Davíð Þór Jónsson. Aðalhlutverk:
Linda Hamilton og Ron Perlman. Republic
1987.
21.00 Næstum fullkomið samband. Almost
Perfect Affair. Aöalhlutverk: Keith Carradine,
Monica Vitti og Raf Vallone. Leikstjórn: Michael
Ritchie. Framleiðandi: Terry Carr. Paramount
1979. Sýningartími 90 mín.
23.30 Á villigötum. Fallen Angel. Aðalhlutverk
Dana Hill, Melinda Dillon og Richard Masur.
Leikstjóri: Robert Lewis. Framleiðendur: Jim
Green og Allen Epstein. Þýðandi: Ingunn Ing-
ólfsdóttir. Columbia 1981. Sýningartími 90 mín.
01.00 Hinir ósigruðu. Undefeated. Vestri segirfrá
fornum fjendum sem að loknu þrælastríðinu
leggja saman upp í ferðtil Mexíkó. Aðalhlutverk:
John Wayne, Rock Hudson og Bruce Cabot.
Leikstjóri: Andrew V. McLaglen. Framleiðandi:
Robert L. Jacks. Þýðandi: Björn Baldursson.
20th Century Fox 1969. Sýningartími 110 mín.
03.00 Dagskrárlok.