Tíminn - 20.04.1989, Blaðsíða 2

2 Tíminn
Fimmtudagur 20. apríl 1989
Halldór Ingi Haraldsson flugkennari og Magnús Sigurðsson flugnemi, með mynd af TF-FFA í baksýn.
Tímamynd: Árni Bjama
Rætt við mennina tvo sem komust heilir frá
iwoiru i wía Dnrgarhóla:
mminn og jörð
saman í eitt
„Við vorum fastir í vélinni í smá tíma, en Magnúsi tókst að
spyrna á hurðina, þannig að við komumst út,“ sagði Halldór
Ingi Haraldsson flugkennari hjá flugskólanum Vesturflug í
samtali við Tímann. Hann var ásamt nemanda sínum
Magnúsi Sigurðssyni á æfíngaflugi, þegar kennsluvélin TF-
FFA, sem þeir voru á brotlenti skammt frá Borgarhólum á
Mosfellsheiði í fyrradag.
Halldór sagði að það sem hefði
bjargað var að þeir voru reyrðir í
þriggja punkta öryggisbelti og því
köstuðust þeir ekki á mælaborðið.
Einu meiðsl þeirra voru að sauma
þurfti eitt spor í efri vör Halldórs,
líklega eftir glerbrot úr framrúð-
unni.
Magnús og Halldór voru á sér-
stöku æfingasvæði, sem flugmálayf-
irvöld láta í té til kennsluflugs og
voru þeir að æfa neyðarlendingar,
en þá er farið í gegnum viss atriði,
sem flugmenn þurfa að kunna mjög
góð skil á. Halldór sagði að þegar
þeir byrjuðu æfingarnar hefðu þeir
verið í þeirri hæð sem ráðlagt er við
æfingar sem þessar. „Pað sem orsak-
aði þetta var snjóblinda. Himinn og
jörð runnu saman í eitt. Það er ekki
hægt að skýra það mikið nánar,“
sagði Halldór.
Aðspurðir sögðu þeir að lendingin
hefði verið frekar mjúk. Flugvélin
rann í snjónum á hjólunum um 23
metra, áður en hún snerist á bakið.
Halldór sagði að í þessu tilfelli væri
ekki rétt að tala um brotlendingu,
því vélin var mjög heilleg og brotn-
aði ekki neitt. „Höggið var það lítið
að neyðarsendirinn fór ekki sjálf-
krafa í gang, svo ég þurfti að kveikja
á honum. Okkur leið dálítið illa að
geta ekki komið boðum áfram því
talstöðvarloftnetið brotnaði. En við
tókum eftir því að siglingarloftnetið
var heilt og náðum að skipta um
loftnet, þannig að við gátum látið
vita að við vorum heilir á húfi,“
sagði Halldór. Hann sagði að þeir
hefðu fyrst reynt að nota talstöðvar-
loftnetið, en ekki treyst því að það
heyrðist í þeim og því skipt.
Halldór sagði að þeir hefðu haldið
sig að mestu við vélina eftir lending-
una, en biðin við þessar aðstæður
hefði verið löng. „Að vísu gekk ég
aðeins frá, því mér fannst ég sjá bíl
þarna nærri, en það var bara fjar-
lægðarskynið sem brást,“ sagði
Halldór. Aðspurður hvort þeir
hefðu ekki verið hræddir um að
kviknaði í vélinni, sagði Halldór að
þegar þeir voru ennþá inní flugvél-
inni, hefði það hvarflað að þeim.
„Ég fann enga bensínlykt og því
urðum við rólegri," sagði Halldór.
Þeir fóru í loftið klukkan 17.12 og
höfðu verið á flugi í um hálftíma
áður en slysið varð. Yfirflugkennari
flugskólans fór að leita þeirra og
fann þá um fimmtán mínútur yfir sex
og hringsólaði yfir þeim, þar til þyrla
Landhelgisgæslunnar kom á staðinn
og fór með þá til byggða.
Aðspurðir hvort þeir hefðu gert
sér grein fyrir hvað var að gerast
áður en vélin kom niður, sagði
Magnús að það hefði ekki verið. „Ef
maður hefði vitað það áður, þá hefði
þetta ekki komið fyrir. Við höfðum
alla möguleika á að bjarga þessu
hefðum við vitað hvað var að
gerast,“ sagði Magnús.
Halldór sagðist vilja koma því á
framfæri að fjölmiðlar hefðu verið
einum of aðgangsharðir. „Það voru
ekki allir aðstandendur búnir að fá
að vita af þessu, þegar myndir komu
af okkur í sjónvarpinu," sagði
Halldór.
Þetta var sjötti tími Magnúsar í
fluginu, og sagðist hann vera stað-
ráðinn í að halda áfram. Þegar
Tíminn hitti hann að máli síðdegis í
gær hafði hann ætlað að fara að
fljúga, en vegna lélegs skyggnis var
það ekki hægt. Halldór hefur stund-
að flugið meira og minna síðan 1985
og á að baki 310 flugtíma og sagði
hann að allar reglur væru mjög
strangar og þyrfti hann að standast
hæfnispróf reglulega og læknisskoð-
un árlega. Magnús bar kennara sín-
um vel söguna og sagði Halldór
mjög færan og virka vel á nemand-
ann. „Þetta er mjög góð reynsla.
Þetta hefði getað komið fyrir hvern
sem er,“ sagði Magnús.
Báðir vildu þeir koma á framfæri
þakklæti til þeirra sem komu þeim
til aðstoðar. -ABÓ
Til ökumanna
Gleðilegt sumar
Sumardekkin undir bifreiðina
Sparíð naglana, bensínið og malbikið.
Eindaginn er 1. maí.
GA TNAMÁLASTJÓRI
Munnlegur málflutningur um frávísunarkröfu
verjenda ellefu ákærðra í Hafskipsmálinu:
Urskurður
á mánudag
Munnlegur málflutningur um frá-
vísunarkröfu verjenda ellefu
ákærðra í Hafskipsmálinu, fór fram
í Sakadómi Reykjavíkur í gærmorg-
un. Að loknum málflutningi sagði
Sverrir Einarsson dómsformaður að
úrskurður um frávísunarkröfuna
yrði kveðinn upp nk. mánudag kl.
10.00.
Rök verjendanna fyrir frávísunar-
kröfunni eru einkum þau að ekki sé
hægt að reka saman mál á hendur
starfsmönnum Hafskips og starfs-
mönnum Útvegsbankans. Þá telja
verjendurnir að verknaðarlýsing sé
óljós, þ.e. að sakargiftum sé ekki
nægjanlega lýst. Einn verjendanna,
Hjörtur Torfason hrl. sagði að verið
væri að saka skjólstæðing sinn um
athafnaleysi, sem gæti ekki staðist
miðað við lýsingu á meintu broti,
nema aðgerðarleysi skjólstæðingsins
hafi verið algjört. Hann sagði að sér
sýndist að ákveðin hugsanavilla væri
með sameiningu málanna, starfs-
manna Hafskips og starfsmanna Út-
vegsbankans.
Páll A. Pálsson hæstaréttarlög-
maður, aðstoðarmaður sérstaks
saksóknara sagði að hér væri ákært
í einu lagi, bæði er varðar saknæmt
atferli starfsmanna Hafskips og Út-
vegsbankans og vísaði í því sambandi
til 28 gr. laga um meðferð opinberra
mála. Þar segir að ef fleiri en einn
maður eru viðriðnir refsivert brot,
eitt eða fleiri, þá skuli að jafnaði
sækja málið í einu lagi. Að auki
tiltók aðstoðarmaður sérstaks sak-
sóknara til stuðnings við ákæruna að
um náin hagsmunatengsl væri að
ræða, fjallað væri um sömu atvik og
að með brotinu hafi verið náð gífur-
legum fjármunum frá Útvegsbank-
anuin.
Páll lagði á það mikla áherslu að
mál allra fylgdust að, annað mundi
leiða til mikils óhagræðis, auk þess
sem þá yrðu tafir á málinu.
Frávísunarkrafa verjendanna kom
fram þegar málið var þingfest í
Sakadómi Reykjavíkur á mánudag.
-ABÓ
Stuttar þingfréttir
Sveigjanleg starfslok
Þingsályktunartillaga Guðna
Ágústssonar og fleiri um sveigjan-
leg starfslok og starfsréttindi hefur
verið afgreidd af þinginu og send
til ríkisstjórnarinnar.
Upphaflega var tillagan orðuð
þannig: „Alþingi ályktar að skora
á ríkisstjórnina að skipa nefnd er
hafi það hlutverk að móta reglur
um sveigjanlegri starfslok, t.d. á
aldursbilinu 64-74 ára. í breyting-
artillögu við ályktunina voru ald-
urstakmörkin tekin út, en að öðru
leyti stendur hún óbreytt.
Tækniskóli á Keldum
Guðmundur G. Þórarinsson al-
þingsmaður Iagði fram fyrir
skömmu þingsályktunartillögu um
byggingu fyrir Tækniskóla íslands
á Keldnaholti.
Þar er ályktað að fram verði
látin fara hugmyndasamkeppni um
arkitektateikningar fyrir framtíð-
arbyggingu Tækniskóla íslands á
þeirri lóð sem hann hefur fengið
fyrirheit um á Keldnaholti.
Guðmundur G. Þórarinsson.
Takmörkun sauðfjár-
búskaps í þéttbýli
Fram er komin tillaga til þings-
ályktunar um takmörkun sauðfjár-
búskaps í þéttbýli. Þar er rakin sú
stefna er kemur fram í búvöru-
samningnum að minnka fram-
leiðslu kindakjöts og segir að að-
gerðir stjórnvalda, þar sem bændur
hafa verið styrktir til að taka upp
breytta búskaparhætti til að vega
upp á móti samdrættinum hafi ekki
skilað árangri.
Þess vegna sé eðlilegt að við
þessar aðstæður sé sauðfjárbú-
skapur takmarkaður við lögbýli og
þá aðila eina er hafa lífsviðurværi
af þessari atvinnugrein. Það eru
þingkonurnar Margrét Frímanns-
dóttir og Málmfríður Sigurðardótt-
ir sem flytja tillöguna.
Breyting á biðlaunum
Að frumkvæði forseta Alþingis
er flutt frumvarp í efri deild er
afmarkar rétt þingmanna til þing-
fararkaups. Þar kemur fram sú
breyting að afsali þingmaður sér
þingmennsku og hverfi til annarra
launaðra starfa, falli réttur hans til
biðlauna niður.
Jón Helgason fv. ráðherra mælti
á þriðjudag fyrir frumvarpi, er
hann flytur ásamt fleirum, og fjall-
ar um breytingar á lögum um
þingfararkaup alþingismanna.
Samkvæmt núgildandi lögum nýtur
þingmaður biðlauna er hann hættir
þingmennsku, í 3 mánuði eftir eins
kjörtímabils þingsetu, en 6 mánuði
eftir 10 ára eða lengri þingsetu. í
frumvarpi þessu er lagt til að
kveðið sé skýrt á um að réttur til
biðlauna falli niður ef þingmaður
afsalar sér þingmennsku fyrir lok
kjörtímabils og taki við öðru starfi.
Þessi breyting hefur engin áhrif á
rétt þingmanna til biðlauna að
kjörtímabili loknu.
Ingi Björn formaður
Á fyrsta þingflokksfundi Frjáls-
lynda hægri flokksins á miðvikudag
var Ingi Björn Albertsson kjörinn
formaður þingflokksins. Varafor-
maður er Hreggviður Jónsson, en
ritari er Kolbrún Jónsdóttir fyrsti
varamaður flokksins í Reykjanes-
kjördæmi.
Þá opnaði Frjálslyndi hægri
flokkurinn skrifstofu í Hafnar-
strætinu sama dag. Að sögn Inga
Björns mun flokkurinn ekki bjóða
fram við næstu sveitarstjórnar-
kosningar. - ÁG