Tíminn - 20.04.1989, Blaðsíða 7

Fimmtudágur20. aprííiááé
Tíminn
7
Verkafólk á Vesturlandi ekkert yfirlit fengið um Iífeyrisréttindi sín frá 1982:
Lífeyrisiðgjðld Olsara
lögð á bankareikninga?
„Staðan er þannig, að það er meira en hugsanlegt að brugðið verði á
það ráð að fyrirtæki hér í Ólafsvík hætti að skila iðgjöldum starfsmanna
sinna (10% íauna) til Lífeyrissjóðs Vesturlands en leggi þau þess í stað
inn á sérstaka bankareikninga á nafni hvers og eins. Þetta fyrirkomulag
er hugsað sem nokkurskonar bráðabirgðaúrræði þar til málefnum
lífeyrissjóðsins veröur komið á hreint. Því við núverandi ástand verður
ekki lengur unað,“ sagði Bráður Jensson, starfsmaður verkalýðsfélagsins
í Ólafsvík, og formaður þess um áraraðir þar til á aðalfundi s.l. sunnudag,
þar sem lífeyrissjóðamálið var enn einu sinni tekið til umfjöllunar.
Að sögn Bárðar hafa breytingar
í þessa vegu verið í undirbúningi
frá s.l. áramótum. Forsvarsmenn
fyrirtækja hafi tekið þessu mjög
vel. Endanleg ákvörðun bíði þess
að nýkjörinni stjórn verkalýðs-
félgsins gefist tími til starfa, en
nýkjörinn formaður hefur verið
upptekinn vegna sjóróðra.
Engir ársreikningar
í fjögur ár
Þolinmæði margra félaga verka-
lýðsfélaganna á Vesturlandi er að
verða á þrotum í þessu máli. En
níu verkalýðsfélög í kjördæminu
eiga aðild að Lífeyrissjóði Vestur-
lands. Til ársins 1982 sendi sjóður-
inn hverjum sjóðfélaga yfirlit um
stöðu sína (innborganir og réttindi)
í sjóðnum, en síðan ekki söguna
meir. Vitað er um fólk sem leitað
hefur upplýsinga um réttindi sín
beint til sjóðsins án árangurs. Full-
trúaráð Lífeyrissjóðs Vesturlands,
á að halda fund og afgreiða reikn-
inga árlega. Frá árinu 1984 var hins
vegar enginn fundur haldinn og
engir reikningar lagðir fram á
fimmta ár. Fundir í verkalýðsfélög-
um, a.m.k. í Ólafsvík og Borgar-
nesi, hafa ítrekað samþykkt kröfur
um að fundir yrðu haldnir, reikn-
ingar lagðir fram og málin skýrð.
Jafnframt var lýst vantrausti á
stjórnarformann lífeyrssjóðsins og
þess krafist að skipt yrði um stjórn-
armenn.
Að sögn Bárðar var það svo loks
í desember s.l. að fundur var
haldinn í fulltrúaráðinu og árs-
reikningar lífeyrissjóðsins fyrir
1984 og 1985 lagðir fram, hvar af
fulltrúaráðsmenn hafi aðeins getað
samþykkt þá síðarnefndu. Þá hafi
því verið lofað að reikningar fyrir
1986 mundu liggja fyrir snemma á
þessu ári og reikningar 1987 svo
síðsumars. Þó komið sé vorið 1989
hafi enn ekkert gerst. „Og nú hef
ég frétt að boða eigi til fundar í maí
þar sem ekki eigi þó að leggja fram
neina reikninga," sagði Bárður.
Engin skýr svör
Hvaða skýringar eru stjórnar-
mönnum verkalýðsfélaganna gefn-
ar á þessu og hvenær er búist við
að mál lífeyrissjóðsins komist á
hreint?
„Það eru aldrei nein skýr svör
um það - og það er einmitt það sem
maður er hvað óánægðastur með,
hvað þetta er allt saman hulið og
lokað. Það vekur með manni grun-
semdir um að eitthvað alvarlegt sé
að. Við höfum t.d. ekki hugmynd
um hvort mál skýrast á þessu ári.
Sjóðsstjórnin hefur viljað klína
þessu á fyrrverandi endurskoðanda
sjóðsins, hvers starfsbræður treysta
hins vegar ekki verr en það að þeir
hafa nú kjörið hann formann sinna
samtaka," sagði Bárður.
Ekkert lífeyrissjóðaeftir-
lit með 70.000milljónum
Eignir lífeyrissjóðanna voru
taldar um 70 milljarðar króna nú
um síðustu áramót og vantar því
ekki orðið mikið á að þær jafnist
við heildarinnlán allra banka og
sparisjóða í landinu. Þarna er því
um gífurlega fjármuni að ræða. Sá
er hins vegar munurinn að innláns-
stofnanir eru undir eftirliti banka-
eftirlits sem grípur í taumana ef
„hallast fer á merinni" hjá bönkum
eða sparisjóðum. Ekkert samsvar-
andi eftirlit er hins vegar enn til
staðar hvað lífeyrissjóðina varðar,
samkvæmt upplýsingum fram-
kvæmdastjóra SAL, þó ákvæði séu
hins vegar um það í því lífeyris-
sjóðafrumvarpi sem bíður þess að
vera lagt fram á Alþingi.
Opinber rannsókn?
Að sögn Bárðar hefðu verka-
lýðsfélögin því ekki aðra mögu-
leika til að komast endanlega til
botns í svona málum heldur en að
óska opinberrar rannsóknar. Og
fari ekki alveg á næstunni að fást
botn í þetta lífeyrssjóðamál fer að
verða ástæða til að óska slíkrar
rannsóknar, þótt engin ákvörðun
þar um hafi verið tekin ennþá. „En
ég sé ekki betur en að fullkomin
ástæða sé til að þessi mál verði
skoðuð niður í kjölinn."
Tíminn hafði samband við
Valdimar Indriðason stjórnar-
formann Lífeyrssjóðs Vesturlands.
Hann sagði málefni lífeyrissjóðsins
í fullri vinnslu, en kvaðst ekki vilja
ræða það frekar í fjölmiðlum að
svo komnu máli. -HEI
Ný hverfamiðstöð
Á myndinni sést ný hverfamiðstöð á vegum gatnamálastjóra sem var vígð
fyrir skömmu. Stöðin er staðsett við Stórhöfða og þjónar Ártúnsholti,
Grafarvogi og Selási. Þessar Hverfamiðstöðvar þjóna því hlutverki að vera
bækistöðvar fyrir starfsmenn Reykjavíkurborgar. Einnig eiga þær að vera
eins konar tengliður milli íbúa hverfanna og starfsmannanna og getur fólk
snúið sér þangað með ábendingar, eða jafnvel þegið ráðleggingar.
Hverfamiðstöðin við Stórhöfða er sjötta miðstöðin af þessu tagi. SSH
Garðyrkjuskóli ríkisins:
\jai uyi r\juorxu11 iimoiiio.
Fagna sumrinu
með opnu húsi
Glettingur hf.
Þorlákshöfn
Fyrsta dag sumars hafa nemendur
Garðyrkjuskóla ríkisins að Reykjum
í Ölfusi opið hús, frá tíu um morgun-
inn til sex.
Tilgangurinn er tvíþættur. Annars
vegar að kynna skóíann og námið
við hann og hins vegar er þetta
fjáröflunardagur nemenda fyrir
námsferð til Englands í haust.
Til sýnis verða skipulagsteikning-
ar af umhverfi skólans og sýnishorn
af vinnu nemenda, bananahúsið og
fleiri gróðurhús verða opin. Upplýs-
ingar um trjárækt verða veittar og
landslagsarkitektar svara spurning-
um gesta, nokkur fyrirtæki kynna
vörur sínar og ný braut við skólann,
umhverfisbraut, verður kynnt. Þá
verða til sölu pottaplöntur og afskor-
in blóm, grænmeti og garðskála-
plöntur, kaffi, kökur sælgæti og ís.
Gróðurskálinn sem er hluti af skóla-
húsinu skartar nú sínu fegursta og
verður hann einnig opinn gestum og
gangandi.
jkb
Færeysk hljómsveit í Þórscafé:
Víkinga bandið
mætir til leiks
í dag, miðvikudag, og um næstu
helgi heldur hið færeyska Viking
band uppi fjörinu í Þórscafé.
Þeir félagar munu spila lög af
nýrri plötu sem inniheldur íslensk
lög við færeyska texta. Þar á meðal
eru lög eins og „Út á gólf“ sem
Hermann Gunnarsson flutti eða
„Upp á gólv“ eins og það heitir á
færeysku. Að auki bjóða þeir upp á
fjölbreytt úrval laga sem spannar allt
frá rokkinu til nýjustu smellanna.
Víkingarnir eru sex talsins og fyrir
flokknum fer íslendingurinn Njáll
Sigurjónsson. Auk hans skipa
hljómsveitina Færeyingarnir Koll-
bein Simonsen, Ronny Nielsen,
Arnbjörn Sívensen. Hans Karl Jens-
en og Georg Eystan Á.
óskar landsmönnum
gleðilegs sumars
og þakkar jafnframt starfsfólki
og viðskiptavinum ánægjuleg
viðskipti
jkb