Réttur - 01.08.1961, Blaðsíða 49

RÉTTUR
273
6% raunhæfa kjarabót. Eftir gengisfellinguna fóru ráðherrarnir,
eins og t. d. Emil Jónsson, um landið og fullyrtu að ríkisstjórnin
mundi tryggja það að gengisfellingin skildi eftir 6% raunverulega
kauphækkun.
En nú á að skammta laun, sem verða 8—9% lœgri en þau áður
voru og um þriðjungi lægri en þau voru fyrir 3 árum.
Þetta eru óhugnanlegar staðreyndir jafnt um heilindi og orð-
heldni stjórnarherranna sem um allan ávöxtinn af stjórnarstefnu
þeirra.
í hvers manns hug krefst sú spurning svars hvernig við þessum
staðreyndum og reyndar mörgum öðrum, sem þær snerta, skuli
bregðast á örlagastund. Og engum efa er bundið að mikill meiri-
hluti þjóðarinnar hefur þegar gert upp við sig svörin í megin-
atriðum:
Þa3, sem koma verður er annors vegar órjúfandi samstaSa innan
verkaiýðshreyfingorinnar um verndun lifskjaronna, samstaðn, sem þvert
í gegnum allor stjórnmólaskoðanir og flokkaskipun setur sér það mark-
mið að endurheimta þau launakjör, sem verkalýðshreyfingin hafði mcð
lögmætum hætti samið um við stétt atvinnurekenda, samstaða, sem
slær skjaldborg um grundvallarréttindi alþýðusamtakanna og er reiðu-
búin að verja samtakafrelsið með öllu sínu afli fyrir hverri órós, sem enn
konn ó það að vera gerð.
Þessi samstaða er nú að skapast og er ráðstefna Alþýðusambands
íslands, sem haldin var um sl. mánaðamót þar gleggst vitni. Þar
voru allir fulltrúar verkalýðsfélaganna sammála um, að svo fremi
að ekki fengist fram friðsamleg leiðrétting á launakjörunum, sem
svaraði til þess að raunveruleg laun yrðu hin sömu og um var
samið sl. sumar, þá vœri óhjákvœmilegt að heita afli samtakanna
til þess acf knýja slíka leiðréttingu fram. Þarna gerðust þau sögu-
legu og góðu tíðindi að þessi afstaða var samþykkt jafnt af stjórnar-
andstæðingum sem þeim mönnum, sem taldir eru fyrirsvarsmenn
stjórnarflokkanna innan verkalýðshreyfingarinnar. Er það glöggt
tímanna tákn að hv. forsætisráðherra eyddi nokkru af tíma sínum
í ræðustóli á landsfundi flokks síns til þess að hirta sína menn inn-
an verkalýðshreyfingarinnar fyrir afstöðu þeirra á ráðstefnunni.