Fréttablaðið - 23.03.2009, Qupperneq 28

23. MARS 2009 MÁNUDAGUR8 ● fréttablaðið ● heilsa og hreyfi ng
Mörg okkar tengja fulla skál af
kornflexi eða All-Bran við holl-
ustu og heilsusamlegt líf. Þar
gætum við þó verið á villigötum
ef marka má litla grein sem birt-
ist á danska fréttavefnum Politik-
en.dk 20. mars síðastliðinn en þar
er bent á sykurinnihald mismun-
andi morgunkorns.
Í töflu sem birt er með fréttinni
kemur fram að í venjulegu korn-
flexi eru um 8 prósent af sykri, 10
prósent í Rice Crispies en 17 pró-
sent í venjulegu Special K korn-
flexi. Örlítið minna, eða 13 pró-
sent, er af sykri í heilkorna Special
K kornflexi en 23 prósent í Speci-
al K Red Berries. Einnig kemur á
óvart að í venjulegu All-Bran eru
22 prósent sykur, 27 prósent í All-
Bran Apple & Fig og í All-Bran
Plus eru 17 prósent sykur.
Ekki er því allt sem sýnist
þegar velja á hollan morgunverð
en greinina má nálgast á www.pol-
itiken.dk/tjek/dagliliv. - rat
Sælgæti eða
hollusta
Ávaxtasalat er almennt talið vera hollur
og góður morgunverður.
Paprikur eru fullar af vítamínum
en í þeim eru A, B og C-vítamín
auk steinefna og trefja. Rauð papr-
ika inniheldur til dæmis þrefalt
meira C-vítamín en appelsína og í
grænni papriku er tvöfalt meira af
C-vítamíni en í appelsínu.
Best er að geyma paprikur við
átta til tólf gráðu hita en þær lin-
ast fyrr ef þær eru geymdar í
kulda. Grænar paprikur geymast
lengst. Þó má frysta paprikur eftir
að hafa skolað þær vel og fjarlægt
himnur og fræ. Best er að skera
þær niður í sneiðar eða bita í fryst-
inn og neyta þeirra strax eftir að
þær þiðna.
Af paprikunni er allt ætt nema
stilkurinn, himnurnar og fræin
sem geta verið bragðsterk.
Nánar má fræðast um íslenskt
grænmeti og meðhöndlun þess á
vefsíðunni www.islenskt.is. - rat
C vítamín-ríkari
en appelsínur
Paprikur eru ríkar af steinefnum og
trefjum auk þess að innihalda A, B og
C-vítamín. NORDICPHOTOS/GETTY
Lýðheilsustöð og Slysavarnaráð standa fyrir
morgunverðarfundi miðvikudaginn 25. mars
á Grand hóteli við Sigtún. Yfirskrift fundar-
ins er Ofbeldi og slys á börnum.
Á fundinum verða fjórir fyrirlestrar. Brynj-
ólfur Mogensen, yfirlæknir á slysa- og bráða-
sviði Landspítala Háskólasjúkrahúss, fjall-
ar um slys á börnum; Sigrún Þorsteinsdóttir,
sviðsstjóri slysavarnasviðs Slysavarnafélags-
ins Landsbjargar, fjallar um slysa varnir fyrr
og nú; Steinunn Bergmann, félagsráðgjafi
Barnaverndarstofu, fjallar um ofbeldi gegn
börnum og íhlutun á grundvelli barnavernd-
arlaga; Jenný Ingudóttir, verk efnisstjóri hjá
Lýðheilsustöð, talar um áverkavarnir í ljósi
lýðheilsu.
Eftir fundinn gefst tækifæri til fyrirspurna
og umræðna en fundarstjóri verðu Eva María
Jónsdóttir, dagkrárgerðarmaður hjá RÚV.
Þátttakendur verða að skrá sig á fund-
inn fyrir klukkan 12 á hádegi þriðjudaginn
24. mars. Þáttökugjald er 2.000 krónur og er
morgunverðarhlaðborð innifalið. Skráning
fer fram á www.lydheilsustod.is/skraning og
skal merkja sem „slysavarnir“.
- rat
Ofbeldi og slys á börnum
Meðal þess sem rætt verður á fundinum á Grand hóteli
á miðvikudag eru slys á börnum.
FRÉTTABLAÐIÐ/HEIÐA