Fréttablaðið - 01.04.2009, Side 6

6 1. apríl 2009 MIÐVIKUDAGUR
Hefur þú prófað kannabis?
Já 29%
Nei 71%
SPURNING DAGSINS Í DAG:
Á Fjármálaeftirlitið að halda
heimildum til að taka yfir
stjórn fjármálafyrirtækja?
Segðu þína skoðun á visir.is
BETRA START MEÐ
EXIDE-RAFGEYMUM
15%
afsláttur
Upplýsingar í síma 515 1100
Sendið pantanir á pontun@olis.is
Eigum fyrirliggjandi mikið úrval rafgeyma frá Exide, ýmsar
stærðir og gerðir fyrir bíla, báta og önnur tæki. Gæðafram-
leiðsla sem reynst hefur afar vel við íslenskar aðstæður.
STJÓRNMÁL Áhrif efnahagsþreng-
inga á einstaklinga eru ekki komin
fram og mikilvægt er að úrræði
til að bregðast við fjárhagsvanda
heimilanna séu samfelld, segir í
skýrslu um velferðarmál í kjölfar
kreppunnar sem Ásta R. Jóhann-
esdóttir, félags- og tryggingamála-
ráðherra, kynnti í gær. Ráðherra
kynnti í gær aðgerðaáætlun ríkis-
stjórnarinnar um velferð.
Stofnaður verður mótvægis-
sjóður sem veiti fé til rannsókna
á sviði velferðarmála og átaks-
verkefna fyrir þá hópa sem verst
koma út úr kreppunni. Til þess
verða settar 30 milljónir. Þá munu
sérfræðingar fylgjast með félags-
legum og fjárhagslegum afleiðing-
um bankahrunsins á fjölskyldur í
landinu.
Ráðherra segir að ekki sé um
loforð um aukin fjárútgjöld að
ræða heldur raunsæja áætlun sem
endurspegli verkefni stjórnvalda.
Þá sé mikilvægt að sparnaður í
einum hluta hins opinbera kerfis
leiði ekki til aukins kostnaðar ann-
ars staðar.
Gríðarlega mikilvægt sé að gott
aðgengi verði að velferðarþjónust-
unni og að skilvirk úrræði vegna
skuldastöðu heimilanna verði
tryggð. Leitað verði fjölbreyttra
leiða til að skapa fleiri störf. Í
áætluninni er tilgreint hvaða
ráðuneyti bera ábyrgð á einstök-
um aðgerðum. - kóp
Félagsmálaráðherra kynnir aðgerðaáætlun stjórnvalda um velferð:
Líðan fólks á eftir að versna
ÁÆTLUN KYNNT Félagsmálaráðherra
kynnti áætlun stjórnvalda í velferðar-
málum í gær. Þar kemur fram að áhrif
kreppunnar á einstaklinga séu ekki
komin fram að fullu. FRÉTTABLAÐIÐ/GVA
STJÓRNMÁL Í því árferði sem nú
ríkir á alþjóðlegum fjármála-
mörkuðum er ómögulegt fyrir
lífeyrissjóðina að selja eignir í
útlöndum til að flytja heim gjald-
eyri.
Innan stjórnkerfisins er nú
allra leiða leitað
til að létta á
þrýstingnum á
krónunni og er
meðal annars
horft til þess
að lífeyrissjóð-
irnir leggist á
árarnar.
Jóhanna Sig-
urðardóttir for-
sætisráðherra
sagði á fundi
með blaðamönnum í gær að verið
væri að skoða ýmsar hugmyndir.
Spurning væri hvort lífeyrissjóð-
irnir vildu koma með gjaldeyri til
landsins í því augnamiði.
Hrafn Magnússon, framkvæmda-
stjóri Landssamtaka lífeyrissjóða,
segir stjórnvöld ekki hafa fært
málið í tal við sjóðina með form-
legum hætti en lýsir þá reiðubúna
til viðræðna. „En gallinn er sá að
eignir okkar erlendis eru nú á mjög
lágu gengi. Við seljum þær ekki á
brunaútsölu,“ segir Hrafn. Málið
horfði öðruvísi við ef eignirnar
væru verðmeiri.
Steingrímur J. Sigfússon fjár-
málaráðherra sagði í gær að tappa
þyrfti þrýstingnum af kerfinu og
koma því í jafnvægi á nýjan leik. Ein
fær leið væri eignasala lífeyrissjóð-
anna, önnur væri að innlendir aðilar
bjóðist til að taka þetta fé að láni til
einhvers tíma þannig að það bind-
ist hér inni í hagkerfinu „og menn
taki stöðu með krónunni og með
hagkerfinu í staðinn fyrir að fara.“
Þriðja leiðin gæti verið að undirbúa
að hleypa því fé út sem þurfi að fara.
Slíkt sé reyndar óhjákvæmilegt þar
sem sumir jöklabréfaeigendur eru
bundnir skilmálum og kvöðum sem
nú þegar mæla fyrir um að þeir selji
bréf sín. Kemur þar meðal annars
til lánshæfismat íslenska ríkisins.
„Það þarf að undirbúa og við að
hafa bolmagn til að láta það gerast
án þess að það valdi jafnvægisleysi
og trufli of mikið gengi krónunn-
ar,“ sagði Steingrímur. Nauðsyn-
legt væri að ná utan um þennan
óstöðugleika í heild, „þessa tifandi
sprengju sem hefur verið í hag-
kerfinu alveg frá því að þetta kvika
fé fór að streyma hér inn í stórum
stíl árin 2004-5 og menn af miklu
andvaraleysi tóku bara fagnandi á
móti“, sagði Steingrímur í gær.
bjorn@frettabladid.is
Efna ekki til útsölu
til bjargar krónunni
Eins og sakir standa kemur ekki til greina af hálfu lífeyrissjóðanna að selja eignir
í útlöndum og flytja heim gjaldeyri. Biðlað er til þeirra um að taka þátt í að létta
á þrýstingnum á krónunni. Sjóðirnir segja hagstæð kjör verða að bjóðast.
HRAFN
MAGNÚSSON
FARIÐ YFIR STÖÐUNA Jóhanna Sigurðardóttir forsætisráðherra og Steingrímur J. Sigfússon fjármálaráðherra ræddu meðal annars
um gjaldeyrishöftin og jöklabréfin á vikulegum blaðamannafundi sínum í gær. FRÉTTABLAÐIÐ/GVA
STJÓRNMÁL Íslensk og bresk stjórn-
völd eiga nú í viðræðum um lausn á
deilu þjóðanna um IceSave-reikn-
ingana. Eru nýjar og áður óræddar
útfærslur uppi á borðum.
Utanríkisráðherrar Íslands og
Bretlands, Össur Skarphéðinsson
og David Miliband, fjölluðu um
málið í Lundúnum í gær en ytra
eru einnig fulltrúar í sérstakri
IceSave-samninganefnd Íslands.
Segir í fréttatilkynningu frá
utanríkisráðuneytinu að ráð-
herrarnir hafi átt hreinskiptnar
og uppbyggilegar viðræður um
óleyst úrlausnarefni og tvíhliða
samskipti. Sammæltust þeir, sam-
kvæmt tilkynningunni, um að
ljúka viðræðum vegna IceSave
á ásættanlegan hátt fyrir báðar
þjóðir eins fljótt og kostur er.
Steingrímur J. Sigfússon fjár-
málaráðherra sagði á fundi með
blaðamönnum í gær að jákvæð
þróun hefði orðið í málinu, heil-
miklum tengslum hefði verið
komið á á nýjan leik milli stjórn-
valda ríkjanna og verið væri að
ræða nýjar mögulegar útfærslur
til lausnar.
Í viðtali á mbl.is í síðustu viku
sagði Steingrímur að glæsi-
leg niður staða væri í sjónmáli
í IceSave-deilunni. Inntur eftir
skýringum á þeim orðum sagðist
Steingrímur þurfa að viðurkenna
að orðið „glæsilegt,“ hafi ekki
verið vel valið. Jákvæð þróun, sé
hins vegar rétt lýsing. - bþs
Utanríkisráðherrar Íslands og Bretlands ræddu um lausn IceSave-deilunnar:
Nýjar útfærslur til skoðunar
RÆDDU UM ICESAVE Utanríkisráðherrar
Bretlands og Íslands hittust í Lundúnum
í gær. MYND/UTANRÍKISRÁÐUNEYTIÐ
KAUPMANNAHÖFN, AP Danska
leyniþjónustan varaði í gær við
því að „umtalsverð áhætta“ væri
á því að Dönum á faraldsfæti í
sumum löndum múslima yrði
rænt. Enn væri mikil reiði í garð
þjóðarinnar vegna myndbirt-
inga Jyllandsposten, en árið 2005
voru birti blaðið tólf myndir af
Múhameð spámanni..
Danir á ferð í Pakistan, Afgan-
istan, víða í Mið-Austurlöndum
og Austur-Afríku voru sérstak-
lega beðnir að vera á varðbergi.
„Vopnaðir öfgahópar gætu
beitt sér fyrir að ræna Dönum.
Ekki aðeins vegna Múhameðs-
myndanna, heldur einnig til þess
að vinna sig í áliti gagnvart leið-
togum al-Kaída,“ segir Jakob
Scharf, yfirmaður dönsku leyni-
þjónustunnar. - kóp
Reiði vegna myndbirtinga:
Danir varaðir
við aðgerðum
ATVINNULÍF Sveitarstjórn Blá-
skógabyggðar hefur skorað á
ríkið að standa við fyrirheit um
stórátak í uppbyggingu skógrækt-
ar.
„Skógarplöntuframleiðend-
ur hafa byggt upp og aðlagað
sín fyrirtæki að áformum rík-
isvaldsins. Nú stefnir í að ríkið
muni lækka framlög sín til þessa
málaflokks um allt að 45 prósent.
Þessi ákvörðun mun hafa veruleg
áhrif á starfsemi skógarplöntu-
framleiðenda og hæpið að þeir
muni lifa af slíkan niðurskurð,“
segir sveitarstjórnin sem kveður
garðyrkjuna í raun stóriðju Blá-
skógabyggðar. - gar
Sveitarstjórn í Bláskógabyggð:
Skógarbændur
í hæpinni stöðu
Veiðisýningu aflýst
Stórsýningunni Veiði 2009 sem halda
átti í vor hefur verið aflýst. Ástæðan
er kreppan að því er kemur fram í
tilkynningu frá sýningarhaldaranum,
Ólafi M. Jóhannessyni.
VIÐSKIPTI
Sturla bílstjóri í fyrsta sæti
Sturla Jónsson vörubílstjóri fer fyrir
lista Frjálslynda flokksins í Reykjavíkur-
kjördæmi suður. Áður var ákveðið að
Ásgerður Jóna Flosadóttir yrði í fyrsta
sæti en en hún sagði sig úr flokknum.
STJÓRNMÁL
Rákust ekki á unglinga
Forvarnanefnd Hafnarfjarðar, sem
auglýsti á dögunum opið foreldrarölt
fyrir alla áhugasama, gekk ásamt
gestum um miðbæinn um síðustu
helgi án þess að rekast á einn einasta
ungling.
HAFNARFJÖRÐUR
KJÖRKASSINN