Fréttablaðið - 01.04.2009, Side 39

MIÐVIKUDAGUR 1. apríl 2009 7
Nú standa yfir sérstakir tímar í íslensku þjóðfélagi – tímar
sem síðar verða skráðir í sögu-
bækurnar. Hvert sem litið er leit-
ar fólk leiða til að mæta aðkallandi
vandamálum í íslensku samfélagi.
Á tímum sem þessum verða allir
að bregðast við með ábyrgum
hætti, leita leiða úr kviksyndinu
og hugsa í lausnum.
Það er mikilvægara nú en
nokkru sinni fyrr að reist verði
skjaldborg um íslenskar mennta-
stofnanir. Menntun er auðlind sem
aldrei glatar gildi sínu – fjárfest-
ing til framtíðar sem mun stuðla
að uppbyggingu þjóðarinnar á
átakatímum. Það er því mikil-
vægt að Háskóli Íslands, fremsta
menntastofnun landsins, taki mið
af sérstökum aðstæðum í þjóð-
félaginu, grípi til nauðsynlegra
aðgerða og sé brautryðjandi í upp-
byggjandi aðgerðum í landinu.
Stúdentaráð Háskóla Íslands
sendi á dögunum skoðanakönnun
á stúdenta við alla háskóla lands-
ins. Niðurstöður könnunarinnar
sýndu að rúmlega 12.000 stúdent-
ar eru enn án atvinnu og 10.000
þeirra telja litlar líkur á sumar-
vinnu. Tölurnar eru sláandi og
ástandið skelfilegt. Stúdentar
kalla því á viðbrögð stjórnvalda
og við frábiðjum okkur vettlinga-
tök. Sérstakar aðstæður kalla á
sérstakar aðgerðir. Stúdentaráð
Háskóla Íslands krefst þess að
sumarpróf verði endurvakin við
Háskóla Íslands í ljósi þjóðfélags-
aðstæðna og námsmönnum verði
gefinn kostur á að stunda fjarnám
yfir sumartímann. Með sumar-
önnum við Háskóla Íslands væri
atvinnulausum stúdentum gefinn
kostur á að stunda sumarnám og
taka um leið sumarlán hjá Lána-
sjóði íslenskra námsmanna.
Stúdentaráð Háskóla Íslands
minnir háskólayfirvöld og
menntamálaráðuneytið á þá
ábyrgð sem hvílir í þeirra hönd-
um. Háskóli Íslands, flaggskip
íslenskra menntastofnana, á
að vera brautryðjandi í þeirri
uppbyggingu sem framundan
er í íslensku samfélagi - sam-
félagi sem nú stendur frammi
fyrir efnahagshruni, áföllum
og atvinnuleysi. Þegar þúsund-
ir stúdenta fyllast örvæntingu
og vonleysi ber stjórnvöldum að
bregðast við. Þetta er neyðarkall
stúdenta og við krefjumst þess að
því verði svarað!
Menntamál
HILDUR
BJÖRNSDÓTTIR,
formaður Stúdenta-
ráðs Háskóla Íslands
Neyðarkall stúdenta
Smiðsbúð 6, 210 Garðabæ, Sími 564 5040
w w w . h i r z l a n . i s
Fermingartilboð
Gott verð í 16 ár !
kr. 56.900
Ti
lb
oð
Ti
lb
oð
kr. 39.900 kr. 23.500
Ti
lb
oð
Ti
lb
oð
Ti
lb
oð
kr. 39.900
kr. 19.900 kr. 21.900
kr. 29.900
kr. 14.500
Sjávarútvegsmál
Það er auðvelt fyrir borgar-barn að skilja óréttlæti
kvótakerfisins ef maður gefur
sér bara smá tíma. Núna er það
lífsspursmál fyrir okkur á möl-
inni því bankarnir sem áttu að
framleiða ómælt úr engu eru
farnir. Því verðum við að fara
aftur í slorið. Áður fyrr gaf
sjávarútvegurinn vel af sér, gull
hafsins, menn mokuðu inn gjald-
eyri fyrir íslenska þjóð. Núna er
öldin önnur. Menn fiska reynd-
ar enn vel. Fyrirtækin eru bara
á hausnum, sjávarútvegurinn á
Íslandi skuldar morð fjár. Sér-
kennileg staða hjá iðnaði sem
aflar vel og selur sínar afurðir,
dæmið ætti að ganga upp, ekki
satt?
Inn í þessa aldagömlu jöfnu
viðskipta, framleiða og selja,
var sett smá hjáleið. Kvóta-
kerfið og framsal þess. Svipað
og að ég væri kvótagreifi og ætti
alla væntanlega viðskiptavini
í Bónus. Jóhannes í Bónus yrði
að borga mér 5.000 kall fyrir
hvern viðskiptavin sem verslaði
hjá honum. Því yrði Jóhannes að
kaupa af mér kvóta af viðskipta-
vinum. Ef 25 þúsund manns
versluðu í Bónus á dag þá þyrfti
Jóhannes að borga mér 125 millj-
ónir á dag fyrir kvótann.
Við þessar aðstæður geng-
ur ekki að reka fyrirtæki. Þau
safna bara skuldum vegna
kvótakaupa. Útgerðarmaður-
inn þarf ekki eingöngu að kaupa
bát, net, olíu og slíka hluti held-
ur þarf hann að greiða kvóta-
greifanum fyrir að fá að veiða
fiskinn sem við öll eigum. Dæmi
eru um að menn hafi greitt allt
að fimmtán ára ársveltu, þ.e. að
fyrstu fimmtán ár útgerðarinn-
ar fóru í að greiða fyrir kvótann.
Eftir situr sjávarútvegurinn
með skuldirnar en kvótagreifinn
hefur allt sitt á þurru, ástæðan
er sú að hann hefur engan kostn-
að af því að eiga óveiddan fisk.
Í kreppunni kristal last
heimska kvótakerfisins. Núna
þarf íslensk þjóð tekjur. Aðal
mjólkurkýrin okkar, sjávar-
útvegurinn sem hefði getað
bjargað okkur, er stórskuldugur.
Hvernig á atvinnugrein í slíkri
stöðu að skila hagnaði til þjóð-
arbúsins? Frjálslyndi flokkur-
inn hefur ætíð varað við þess-
ari vitleysu og vill breyta þessu
kerfi. Kvótinn á að færast aftur
til þjóðarinnar sem getur síðan
leigt hann á hógværu verði án
möguleika á braski. Það gerir
nýliðun mögulega sem er ekki í
dag. Ein mesta breytingin er að
hjáleiðin, kvótagreifar, myndu
ekki fá ómælda fjármuni í eigin
vasa bara fyrir að hafa umráða-
rétt yfir óveiddum fiski. Þá er
von til þess að sjávarútvegurinn
verði aftur sá bjargvættur sem
hann áður var.
Bónus og kvótagreifar
HELGA
ÞÓRÐARDÓTTIR
kennari og fram-
bjóðandi Frjálslynda
flokksins
Aðal mjólkurkýrin okkar, sjáv-
arútvegurinn, sem hefði getað
bjargað okkur er stórskuldug.
Hvernig á atvinnugrein í slíkri
stöðu að skila hagnaði til þjóð-
arbúsins?