Morgunblaðið - 10.01.2006, Side 11
MORGUNBLAÐIÐ ÞRIÐJUDAGUR 10. JANÚAR 2006 11
FRÉTTIR
ÚR VERINU
AFLAVERÐMÆTI Brims hf. á
árinu 2005 var 2.779 milljarðar
króna sem er mjög svipað og á fyrra
ári þegar það var 2.736 milljarðar.
Skip Brims veiddu 21.369 tonn á síð-
asta ári, sem er um tvö þúsund
tonna aukning frá árinu 2004.
Á síðasta ári gerðu Brim og Út-
gerðarfélagið Sólbakur út frysti-
skipin Guðmund í Nesi og Tjald, ís-
fiskskipin Kaldbak, Árbak, Harðbak
og Sólbak og dragnótabátinn Sól-
borgu.
Guðmundur í Nesi veiddi 3.112
tonn á síðasta ári, sem var veruleg
aukning frá fyrra ári þegar skipið
veiddi 2.148 tonn. Aflaverðmætið
jókst að sama skapi – fór úr 608
milljónum í 866 milljónir króna
(FOB) á síðasta ári. Tjaldur veiddi
1.057 tonn á síðasta almanaksári en
1.258 tonn árið 2004. Aflaverðmætið
í fyrra var 358 milljónir (FOB), en
388 milljónir árið áður. Kaldbakur
veiddi 4.284 tonn á síðasta ári sam-
anborið við 4.616 tonn árið 2004.
Aflaverðmætið var 363 milljónir en
var 453 milljónir króna árið 2004.
Árbakur veiddi 3.854 tonn árið 2005
en 3.740 tonn árið 2004. Aflaverð-
mætið í fyrra var 351 milljón, en var
377 milljónir króna árið 2004. Harð-
bakur veiddi 4.178 tonn árið 2005
samanborið við 4.294 tonn árið 2004.
Aflaverðmætið var 348 milljónir
króna en var 415 milljónir árið 2004.
Sólbakur veiddi 3.956 tonn árið 2005
en 815 tonn árið 2004, en þá hófst
útgerð hans á bolfisk á haustmán-
uðum. Aflaverðmætið í fyrra var
363 milljónir króna, en var 82 millj-
ónir króna árið 2004. Sólborg veiddi
928 tonn á síðasta ári en 1.054 tonn
árið 2004. Aflaverðmætið var 130
milljónir í fyrra en 138 milljónir árið
2004.
Aflaverðmæti Brims
svipað og í fyrra
Morgunblaðið/Þorgeir Baldursson
Komið að landi Harðbakur er eitt skipa Brims og gert út frá Akureyri.
LOKIÐ er endurbyggingu hús-
næðis sem ætlað er að hýsa starf-
semi gæðavottunar og gæðaeftirlits
á fiskafurðum í Mósambik. Stofn-
unin, sem hingað til hefur starfað
undir sjávarútvegsráðuneytinu þar
í landi, mun frá og með áramótum
starfa sem sjálfstæð stofnun.
ÞSSÍ hefur stutt við verkefnið
með því að greiða kostnaðinn við
endurbyggingu húsnæðisins og búa
það nauðsynlegum tækjum og hús-
gögnum. Einnig hafa íslenskir sér-
fræðingar verið ráðnir til að að-
stoða hina nýju stofnun við
skipulagningu á fjárhagslegum
þáttum rekstrarins og íslenskir
ráðgjafar á vegum ÞSSÍ unnið
handbók fyrir stofnunina um gæða-
eftirlit í samræmi við alþjóðlega
viðurkennda staðla. Mun það
greiða leið fyrir útflutning á fisk-
afurðum frá Mósambik, aðallega
rækju, inn á Evrópumarkað.
Frá því samningur um samvinnu
Íslands og Mósambik var undirrit-
aður 1995, hefur ÞSSÍ unnið að
uppbyggingu gæðaeftirlits með
fiskafurðum í landinu og byggt í
samvinnu við Breta og Dani þrjár
rannsóknarstofur til gæðarann-
sókna. Íslendingar með sérþekk-
ingu sviðinu hafa svo aðallega séð
um þjálfun starfsfólks.
Gæðaeftirlit með fiskaf-
urðum í Mósambik styrkt
ÞAÐ ER vissara að halda úlpunni þétt upp að sér þessa dagana þegar vindurinn blæs ótæpilega. Hund-
um leiðist yfirleitt ekki rigningin og fagna yfirleitt gönguferð í hvernig veðri sem er. Þessi seppi var þó
heldur hægfara í rigningunni í Reykjavík í gær og leyfði eiganda sínum fús að vísa leiðina.
Morgunblaðið/Þorkell
Rakki á göngu í rigningu
„ÞINGFLOKKUR Samfylkingarinnar telur að
hætta eigi við öll áform um orkuframkvæmdir á
Þjórsárverasvæðinu og ítrekar ályktun síðasta
landsfundar flokksins um verulega stækkun frið-
landsins,“ segir í ályktun þingflokksins frá 9. jan-
úar, um friðun Þjórsárvera. Telur þingflokkurinn
að áætlanir um framkvæmdir við Norðlingaöldu
og víðar í nágrenni Þjórsárvera séu nú í öngstræti
þar sem ekki hafi náðst sú sátt um málið milli
sveitarstjórna á svæðinu og Landsvirkjunar sem
áskilin var í úrskurði setts umhverfisráðherra í
janúar 2003.
„Úrskurður umhverfisráðherra nú fyrir ára-
mótin um skipulagstillögu samvinnunefndar
miðhálendisins hefur sett öll framkvæmdaráform
á svæðinu aftur á byrjunarreit,“ segir í ályktun-
inni.
Þingflokkurinn telur að undanfarin misseri hafi
komið fram gögn og upplýsingar sem breyta í
grundvallaratriðum þeim forsendum sem fyrst og
fremst var litið til þegar Alþingi samþykkti vorið
2003 að veita iðnaðarráðherra heimild til að leyfa
Norðlingaölduveitu samkvæmt úrskurði Jóns
Kristjánssonar.
Fær hæstu einkunn athugunarsvæða
„Í rammaáætlun um nýtingu vatnsafls og jarð-
varma frá 2004 fær Þjórsárverasvæðið hæstu ein-
kunn allra athugunarsvæða hvað náttúru og um-
hverfi varðar,“ segir í ályktuninni. „Allir helstu
fræðimenn og áhrifamenn um náttúrufar og um-
hverfisvernd telja Þjórsárver einhverja dýrmæt-
ustu náttúruperlu Íslendinga.
Sú þörf sem stuðningsmenn veitunnar töldu á
henni í umræðum á alþingi vorið 2003 vegna
stækkunar álversins á Grundartanga er ekki leng-
ur fyrir hendi. Forsendur veitunnar eru úr gildi
fallnar.“
Telur þingflokkurinn að hætta eigi við öll áform
um orkuframkvæmdir á Þjórsárverasvæðinu og
ítrekar ályktun síðasta landsfundar flokksins um
verulega stækkun friðlandsins. Hyggst þingflokk-
urinn taka þessi mál til umræðu á Alþingi jafn-
skjótt og það kemur saman.
„Þingflokkurinn áréttar af þessu tilefni þá af-
stöðu að stjórnvöld taki þegar að vinna eftir
rammaáætlun um vatnsafl og jarðvarma þannig
að tryggð sé upplýst ákvörðunartaka um náttúru-
vernd á svæðum sem athuguð hafa verið með
virkjunarframkvæmdir í huga,“ segir í ályktun-
inni.
Forsendur Norðlingaöldu-
veitu eru úr gildi fallnar
NOKKUÐ ljóst er að menn
verða að fara að taka mark á
því sem haldið hefur verið fram
um að kostnaður við jarðganga-
gerð á milli lands og Eyja sé
töluvert lægri en kastað var
fram í byrjun, segir Ingi Sig-
urðsson, formaður Ægisdyra,
áhugafélags um vegtengingu
milli lands og Eyja, og bætir við
að eðlilegt framhald sé að málið
verði skoðað af meiri alvöru en
menn hafa viljað gera hingað
til.
Í niðurstöðum sérfræðinga
frá skandinavíska verktakafyr-
irtækinu NCC og norska fyr-
irtækinu Multiconsult avd., eft-
ir yfirferð skýrslu sem
Íslenskar orkurannsóknir
(ISOR) skiluðu í haust vegna
rannsókna á jarðgangagerð
milli lands og Eyja, segir að
ekkert nýtt hafi þar komið fram
sem skipti sköpum varðandi
möguleika á jarðgangagerð.
Beðið eftir álitsgerðum
Ingi segir að félagið muni
herja enn frekar á málið en
óvíst er með hvenær kjarna-
boranir geta hafist. „Við viljum
bíða eftir niðurstöðum frá þeim
tveimur aðilum sem Vegagerð-
in fól að fara yfir skýrsluna og
bíðum eftir að mat þeirra liggi
fyrir til að sjá hvar samræmi er
á milli og hvar ekki,“ segir Ingi
sem einnig situr í nefnd um
framtíðarsamgöngur til Vest-
mannaeyja. Hann segir óvissu
ríkja um það hvenær ákvörðun
geti legið fyrir um hvort eða
hvenær ráðist verði í jarð-
gangagerð. Fleiri möguleikar
séu enn til skoðunar. s.s. end-
urnýjun Herjólfs og ferjuhöfn í
Bakkafjöru og beðið er eftir
álitsgerðum fagaðila. Eftir að
allar álitsgerðir hafa skilað sér
ætti vinna við ákvarðanatöku
að geta hafist fyrir alvöru.
Munu
herja
frekar á
málið
Formaður Ægisdyra
um göng til Eyja
REYKSÍMINN – Ráðgjöf í reykbindindi er þjón-
usta sem stendur þeim til boða sem vilja hætta að
reykja eða nota tóbak. Reyksíminn hefur lengur
opið fyrstu tvær vikurnar í janúar til að aðstoða
þá sem ákváðu að hætta að reykja um áramótin
við að halda bindindið. Guðrún Árný Guðmunds-
dóttir, hjúkrunarfræðingur og sérhæfður ráðgjafi
reyksímans, segir að alltaf sé hægt að merkja
aukningu símtala í reyksímann um áramót en
þessi þjónusta tók til starfa árið 2000. Hún segir
best ganga að hætta þegar fólk ákveður að ára-
mótaheitið sé að hætta að reykja og noti svo
fyrstu vikurnar til að undirbúa sig.
„Innhringingum hefur fjölgað smátt og smátt
undanfarin ár og eru samtölin yfirleitt löng, um
15–20 mínútur. Fólk er að leita eftir stuðningi, við
getum gefið góð ráð en stærst parturinn er and-
legur stuðningur, hvatningin og eftirfylgni en þá
er hringt til baka í viðkomandi eftir einhvern tíma.
Eftirfylgnin er mikið notuð og hún virkar best,“
segir Guðrún og bætir við að yfirleitt vari eft-
irfylgnin í um eitt ár.
Það er Heilbrigðisstofnun Þingeyinga sem rek-
ur þjónustuna í samstarfi við Tóbaksvarnarnefnd,
heilbrigðis- og tryggingamálaráðuneytið og Land-
læknisembættið og starfa þar sjö hjúkrunarfræð-
ingar með sérþekkingu í tóbaksmeðferð.
Svarað er í símann alla virka daga frá kl. 17.00
til 19.00 en fram til 16. janúar er svarað til kl. 21.
Síminn er 800 6030.
Reyksíminn hefur lengur
opið eftir áramótin
Eftirfylgni
virkar best