Morgunblaðið - 15.01.2006, Síða 16

16 SUNNUDAGUR 15. JANÚAR 2006 MORGUNBLAÐIÐ
Fyrir 20 árum, í janúar 1986var í Reykjavík stofnað al-mannatengslafyrirtækiðKynning Og Markaður –KOM, sem er elsta starf-
andi fyrirtækið á þessum vettvangi.
„Ég stofnaði þetta fyrirtæki með
Indriða G. Þorsteinssyni rithöfundi,“
segir Jón Hákon Magnússon sem enn
rekur umrætt fyrirtæki.
„Indriði hætti nokkrum mánuðum
eftir stofnunina til að taka aftur við
sem ritstjóri dagblaðsins Tímans, en
þar höfðum kynnst, ég sem blaðamað-
ur og hann sem ritstjóri.
Indriði var minn lærifaðir í blaða-
mennsku.“
Varstu mjög fákunnandi þegar þú
komst undir handarjaðar Indriða?
„Ég var svo kornungur þegar ég
kom til starfa sumarmaður í blaða-
mennsku og ljósmyndun á Tímanum
að ég held að það met sé ekki slegið
enn, ég var aðeins 16 ára gamall. Auð-
vitað var ég því fákunnandi en ég fékk
góða handleiðslu hjá Indriða eins og
fjöldi annarra blaðamanna.“
Stofnaði KOM atvinnulaus
eftir að Hafskip steytti á skeri
Hvers vegna var fyrirtækið KOM
stofnað?
„Ég er menntaður í Ameríku í fjöl-
miðla- og stjórnmálafræði og hafði
kynnst þar vestra almannatengslum
og sá að það kæmi að því að slík starf-
semi yrði innleidd hér sem annars
staðar. Hún kitlaði mig því, þessi hug-
mynd. Svo gerðist ýmislegt eins og í
lífinu yfirleitt, – ég tók U-beygju í
starfi og gerðist framkvæmdastjóri
markaðsmála hjá Hafskip.
Þegar það fyrirtæki steytti á skeri
varð ég atvinnulaus og þá sá ég fram á
það að enginn vildi ráða mig í vinnu,
enginn vildi þá koma nálægt Haf-
skipsmönnum, ég hlyti því að verða
atvinnulaus. Ég tók því þá ákvörðun í
janúar 1986 að stofna almanna-
tengslafyrirtæki, hið fyrsta sinnar
tegundar hér á landi.
Indriði kom inn í þetta af því að við
vorum góðir vinir og hann var þá
hættur á Tímanum. Það var gott að
hafa hann nálægt sér.
Ég var um þetta leyti atvinnulaus
og fátækur með konu og tvö lítil börn.
Það vildi mér til happs að Höskuldur
Ólafsson bankastjóri Verslunarbank-
ans hafði tiltrú á mér og veitti mér lán
svo ég gat byrjað starfsemina í hús-
næði við Aðalstræti.
Fyrsti viðskiptavinur minn var
Brynjólfur Bjarnason í Granda, ég fór
í gegnum samrunaferli með honum
þegar BÚR og Ísbjörninn voru sam-
einuð undir nafninu Grandi. Ég hef
verið ráðgjafi Brynjólfs allar götur
síðan í þessum málum.“
Það þótti veikleikamerki að
leita til almannatengslafyrirtækis
Var mikil þörf á svona fyrirtæki?
„Já það var mikil þörf en lítill skiln-
ingur stjórnenda fyrirtækja á að þeir
þyrftu að stunda skipulögð almanna-
tengsl fyrir hönd fyrirtækja sinna. Í
þá daga voru forstjórar gjarnan í
„fílabeinsturnum“, – það þótti veik-
leikamerki að leita sér aðstoðar á
þessu sviði.“
Hvenær breyttist þetta?
„Þetta hefur verið að breytast
hægt og rólega, meðal annars vegna
tilkomu fyrirtækja eins og KOM, sem
veita faglega þjónustu.
Fólk áttar sig ekki á því að það er
talsverður munur á almannatengslum
og auglýsingum. Auglýsingabransinn
eru miklu eldri hér en auglýsingar og
almannatengsl eru greinar af sama
meiði, aðferðafræðin er bara allt önn-
ur.
Leiðtogafundurinn haustið
1986 fyrsta stóra verkefnið
Stærsta verkefni okkar, sem kom í
október 1986, var leiðtogafundurinn
þegar þeir hittust Reagan og Gorbac-
hev í Reykjavík. Það var Matthías H.
Mathiesen utanríkisráðherra sem bað
mig um að annast alla framkvæmd og
skipulag á fjölmiðlastarfinu í kringum
fundinn. Þá fór starfsmannafjöldinn
hjá KOM úr þremur í 62 á nokkrum
dögum, flesta starfsmennina sóttum
við upp í háskóla, tæmdum næstum
Guðfræðideildina þar, þeir töluðu svo
mörg tungumál guðfræðinemarnir.
Eftir fundinn fór svo starfsmanna-
fjöldinn aftur niður í þrjá menn, en
þetta verkefni skaut styrkum stoðum
undir starfsemi KOM.
Núna starfa hjá fyrirtækinu níu
manns.
Þetta verkefni varð og til þess að
forsætisráðherra Möltu kom að máli
við mig og bað mig að hjálpa þeim að
skipuleggja leiðtogafund Bush eldra
og Gorbachev á Möltu 1989.“
Breyta almannatengsl miklu í
kynningu á fyrirtækjum?
„Já, það hefur breyst mikið á þess-
um vettvangi á undanförnum 20 ár-
um. Nú leita fyrirtæki, stofnanir og
samtök í auknum mæli til almanna-
tengslafyrirtækja – auk þess eru
mörg þeirra komin með almanna-
tengslafulltrúa innanhúss.
Við erum samt talsvert á eftir hin-
um Norðurlöndunum í þessum efn-
um, þrátt fyrir að við séum yfirleitt
fljót til að tileinka okkur allar nýjung-
ar.
Það eimir ennþá eftir af því að
fyrirtæki kunni ekki að nota sér þá
fagmennsku í samskiptatækni sem
almannatengslafyrirtæki bjóða upp á,
– menn telja sig vita betur.
Við höfum í vaxandi mæli erlenda
viðskiptavini og það er gífurlega mik-
ill munur að vinna fyrir þá eða Íslend-
ingana, þeir kunna miklu betur að
nota sér fyrirtæki eins og KOM.
Forstjórar fyrirtækja í Bandaríkj-
unum og Bretlandi segja að það sé
viðvarandi forgangsverkefni þeirra
að standa vörð um ímynd fyrirtækj-
anna og sjá um að fjölmiðlatengsl og
samskiptatækni sé fyrsta flokks.“
Skiptir þetta miklu máli fyrir við-
gang fyrirtækja og einstaklinga?
„Við erum ekki með starfsemi fyrir
einstaklinga en þetta skiptir miklu
máli fyrir fyrirtæki, góð ímynd er ein-
hvern verðmætasta eign hvers fyrir-
tækis.“
Hverjir eru ykkar helstu erlendu
viðskiptavinir?
„Það eru m.a. Alcoa, VISA Europe,
Economist og fleiri. Það er alveg ljóst
að þessi grein á eftir að stóreflast hér
eins og annars staðar. Það sýnir sig
að almannatengslabransinn er að
sækja fram og er að komast fram úr
auglýsingamarkaðinum, bæði hér á
landi og erlendis. Við erum búnir að
vera í þessum bransa í 20 ár – en þeir
njóta sjaldnast eldanna sem fyrstir
kveikja þá.“
Góð ímynd
verðmætasta
eign fyrirtækis
Um þessar mundir er almannatengslafyrirtækið
KOM 20 ára. Guðrún Guðlaugsdóttir ræddi við Jón
Hákon Magnússon eiganda KOM, sem stofnaði það
ásamt Indriða G. Þorsteinssyni. KOM var fyrsta
fyrirtækið sinnar tegundar á Íslandi.
Morgunblaðið/Þorkell
Jón Hákon Magnússon stofnaði Kynningu og markað 15. janúar árið 1985. Að
baki honum er minjagripur um leiðtogafundinn í Reykjavík 1986.
Morgunblaðið/Þorkell
Sigurður Sverrisson, Ólafur G. Guðlaugsson, Sigrún Kristinsdóttir, Jón Hákon Magnússon, Þorsteinn G. Gunnarsson og
Hulda Bjarnadóttir á skrifstofu Kynningar og markaðar. Nú starfa níu manns hjá fyrirtækinu.
’Bandaríkjamenn eiga skilið aðfá betri svör frá væntanlegum
hæstaréttardómara.‘
Edward Kennedy , öldungadeild-
arþingmaður, eftir að hafa hlýtt á mál-
flutning Sameule Alito, sem George W.
Bush Bandaríkjaforseti hefur útnefnt sem
hæstaréttardómara. Bandaríksum demó-
krötum þykir Alito skyndilega hafa tekið
upp „skoðanaleysi“ í flestum stærstu
álitamálum samfélagsins.
’Ég er furðu lostinn yfir því aðþessir menn, sem við höfum
veitt búseturétt í Danmörku,
þar sem þeir búa sjálfviljugir,
skuli nú fara um arabalöndin og
kynda undir óvild gegn Dan-
mörku og Dönum.‘Anders Fogh Rasmussen , forsætisráð-
herra Danmerkur, sem segir danska músl-
ímaleiðtoga hafa haft í frammi „rang-
færslur“ um Danmörku á ferð sinni um
Mið-Austurlönd í desembermánuði. Til-
efni deilunnar er tekningar af Múhameð
spámanni sem danskt dagblað birti fyrir
áramót.
’Ofbeldi getur leynst áólíklegustu stöðum og þar sem
síst skyldi.‘Guðrún Jónsdóttir , talskona Stígamóta,
um tildrög auglýsingaherferðar samtak-
anna. Þegar skyggja tekur koma í ljós
áverkar á konunum og barninu á auglýs-
ingaskiltunum; Mónu Lísu og Madonnu
með barnið.
’Fyrst eyðileggja þeir máliðog síðan reyna þeir að eyði-
leggja okkur og fjölskyldur okk-
ar með því að láta okkur ekki í
friði þótt við viljum ekkert við þá
tala.‘Annar piltanna sem lagði fram kæru á
hendur manninum sem svipti sig lífi eftir
umfjöllun DV, í viðtali í Kastljósinu.
’Ég skil það vel að aðrir fjöl-miðlar telji sig hafa fundið blóð-
lyktina þegar þetta kemur upp á
og það er ekki heiðarlegt.‘Jónas Kristjánsson , fyrrverandi ritstjóri
DV, í Blaðinu 11. janúar.
’Þetta ætti ekki að eiga sér staðár eftir ár.‘Anwar Sadiqi , sem varð vitni að því er
hundruð manna tróðust undir í mikilli
mannþröng á hajj-trúarhátíð múslíma í
Sádi-Arabíu á fimmtudag.
’Maður fann þarna að fólk errólegt og háttvíst en mjög
ákveðið og sannfært um að þess-
ar framkvæmdir séu til ills
eins.‘Sigþrúður Jónsdóttir , talsmaður Áhuga-
hóps um verndun Þjórsárvera, eftir fjöl-
sóttan fund til stuðnings verndun ver-
anna.
’Við munum beita fullri hörku íþessum málum til að hinn stóri
meirihluti
löghlýðins og heiðarlegs fólks
þurfi ekki að líða fyrir
framkomu fárra einstaklinga og
fjölskyldna, sem halda, að ekk-
ert tillit þurfi að taka til ann-
arra.‘Tony Blair , forsætisráðherra Bretlands,
er hann hratt af stað herferð gegn
andfélagslegri hegðan í heimalandi
sínu.
’Ætlast er til að starfsfólkiðhlaupi hraðar og hraðar. Spara,
spara.‘Guðrún Kristjónsdóttir, sjúkraliði á
Landspítala – háskólasjúkrahúsi, sem
gagnrýnir sparnað á sjúkrahúsinu og það
sem hún kallar ópersónuleika og hroka í
garð starfsfólksins.
’Fyrir þá sem leggja mest uppúr brúðkaupsferðinni getur það
verið góður kostur að giftast hér
á Arlanda.‘Talsmaður Arlanda-flugvallar í Svíþjóð en
mjög færist í vöxt að fólk láti gefa sig sam-
an í flugvallarbyggingunni.
’Þeir hefðu getað fengið kjúk-lingabringur hjá okkur ef þeir
hefðu viljað það.‘Friðrik Mar Guðmundsson , fram-
kvæmdastjóri Matfugls ehf. eftir að til-
kynnt var að landbúnaðarráðuneytið hefði
auglýst eftir umsóknum til innflutnings á
50 tonnum af kjúklingum með lágum toll-
um. Friðrik segir fyrirtækið eiga nóg af
kjúklingabringum um þessar mundir.
Ummæli vikunnar
Morgunblaðið/Kristinn