Morgunblaðið - 15.01.2006, Side 42

42 SUNNUDAGUR 15. JANÚAR 2006 MORGUNBLAÐIÐ
UMRÆÐAN
Guðrún Árnadóttir, lögg. fasteignasali.
KELDULAND 19 - FOSSVOGI
Sérlega falleg, björt og vel skipulögð 3ja-4ra herbergja 86 fm íbúð á 2. hæð í vel við-
höldnu fjölbýli. Íbúðin hefur verið mikið endurnýjuð, m.a. hefur verið skipt um eldhús-
innréttingu, hurðir, gólfefni og gler í öllum gluggum. Fallegt útsýni yfir Fossvogsdalinn.
Gott þvottahús og þurrkherbergi er í kjallara. Snyrtileg lóð með stórri grasflöt. Rólegt
og barnvænt hverfi. Stutt í skóla, leikskóla, íþróttir og alla þjónustu. Í heild er hér um
að ræða mjög góða eign í vinsælu hverfi.
Upplýsingar veitir Jón Gretar Jónsson sölumaður í síma 840 4049
Fasteignir til sölu
Upplýsingar hjá ERON í síma 515 7440,
eron@eron.is, Vegmúla 2, Reykjavík
Stefán Hrafn Stefánsson hdl., lögg. fasts.
Vorum að fá í einkasölu glæsilega og fullbúna u.þ.b. 95 fm 3ja herbergja
íbúð á 2. hæð í lyftuhúsi ásamt stæði í bílageymslu. Íbúðin er ný og er
parketlögð og með vönduðum eikarinnréttingum, stáltækjum í eldhúsi
og stórum nuddsturtuklefa á baðherbergi. Stórar suðursvalir. Óvenju-
stórt stæði í bílageymslu fylgir. Til afhendingar strax. Verð 22,9 millj.
Álfkonuhvarf - Glæsileg 3ja fullbúin
FULLTRÚI Félags grunnskóla-
kennara (FG) í samstarfsnefnd
Kennarasambands Íslands (KÍ) og
Launanefndar sveitarfélaganna
(LN) hafnaði í desember sl. til-
raunasamningi milli kennara og
stjórnenda Norðlingaskóla ann-
arsvegar og Menntasviðs Reykja-
víkurborgar hinsvegar. Í samn-
ingnum sem gerður
var til eins árs var
skilgreiningu á vinnu-
tíma grunnskólakenn-
ara breytt en FG taldi
sig ekki geta sam-
þykkt samning sem
innihéldi engin ákvæði
um hámarks kennslu-
skyldu. Með því hafn-
aði FG að laun kenn-
ara hækkuðu um
31–35% fyrir sama
vinnutíma og í núgild-
andi kjarasamningi.
Kennarar Norðlinga-
skóla hafa engu að síður unnið sam-
kvæmt vinnutímaákvæðum til-
raunasamningsins án þess að fá
launahækkun.
Helstu breytingar í tilrauna-
samningnum frá núgildandi kjara-
samningi eru eftirfarandi:
 Daglegur vinnutími er frá kl.
8–17 og bundinn á vinnustað.
 Hámarks- og lágmarks
kennsluskylda er ekki til-
greind.
 Enginn kennsluafsláttur er
fyrir 55 og 60 ára kennara.
 Undirbúningstími, verkstjórn-
artími og tími til frímínútna er
ekki skilgreindur.
 Skólastjóri ráðstafar allri
vinnu kennara til faglegra
starfa og verkefna sem skól-
inn kallar á sem felur í sér
heimild til að breyta vinnu-
tilhögun í samráði við kenn-
ara.
 Yfirvinna greiðist ekki á dag-
vinnutíma.
Það sem er merkilegt við af-
greiðslu málsins er að í bókun 5
með kjarasamningi KÍ og LN frá
17. nóvember 2004 er heimild fyrir
gerð slíkra samninga í tilrauna-
skyni með „hliðstæð vinnutíma-
ákvæði og hjá öðrum háskóla-
menntuðum starfsmönnum
sveitarfélaga þ.e. á bilinu 8:00–
17:00 og innan þeirra tímamarka sé
öll vinnuskylda kennara“. Kennarar
Norðlingaskóla sem jafnframt eru
félagsmenn í FG vilja gera þessa
tilraun fyrir umtalsvert hærri laun
en þeir fá nú. Það er hinsvegar
þeirra eigið stéttarfélag sem neitar
þeim um tækifæri til að gera til-
raunina sem bæði vinnuveitandinn
og launþeginn eru sammála um að
gera. Um leið hafnar forysta FG
því að laun þessara
kennara hækki. Spyrja
má hvort launþega-
samtökum almennt sé
heimilt að neita fé-
lagsmönnum sínum
um betri kjör fyrir
sama vinnuframlag en
kveðið er á um í gild-
andi kjarasamningi?
Fróðlegt væri að fá
álit lögfróðra manna á
því en vinnubrögð for-
ystu FG í þessu máli
eru illskiljanleg.
Hverju er þá verið
að sækjast eftir með breyttri vinnu-
tíma-skilgreiningu grunnskólakenn-
ara? Hér má nefna tvennt en það
er aukinn sveigjanleiki í starfs-
háttum kennara og farsælla starf-
sviðhorf. Sveigjanlegt skólastarf
krefst annarrar vinnutímaskilgrein-
ingar en nú er í gildi. Í þeim skól-
um sem vinna markvisst með ein-
staklingsmiðaða kennsluhætti er
hreint og beint nauðsynlegt að búa
við sveigjanlegt kerfi ef þróa á
starfshætti í því skyni að koma bet-
ur til móts við þarfir nemenda.
Varðandi viðhorf til starfsins þá
mótar kjarasamningur það með ná-
kvæmum skilgreiningum á öllum
þáttum kennarastarfsins. Fyrir vik-
ið getur umræðan innan veggja
skólans snúist um hvort viðkomandi
kennara beri að vinna ákveðið verk
þar sem það er ekki skilgreint sem
hans eða ekki búið að reikna út
hvort vinna eigi verkið í dagvinnu
eða yfirvinnu, hvort skólastjóra sé
heimilt að óska eftir að ákveðið
verk sé unnið á tilteknum tíma því
það sé utan skilgreinds vinnu-
ramma sem ætlaður er eingöngu til
annarra þátta kennarastarfsins.
Þetta er það starfsumhverfi sem
kennurum er búið og má hverjum
manni vera ljóst að þörf er á breyt-
ingum. Það er sorglegt að heil stétt
fagmanna sé bundin á slíka klafa
og þegar hluti þess hóps vill gera
tilraun með breytingar þá hafnar
þeirra eigin forysta slíku. Skóla-
stjórafélag Íslands lét þá skoðun í
ljósi þegar síðustu kjaraviðræður
stóðu yfir að fækka bæri skilgrein-
ingum á vinnutíma kennara en
hafði ekki erindi sem erfiði.
Mörgu ber að fagna við um-
ræðuna sem vakin er í tengslum við
nýfelldan tilraunasamning þó eink-
um og sér í lagi því sem lýtur að
mismunandi vinnuframlagi að baki
hverri kennslustund. Það er mörg-
um ljóst að undirbúningur og úr-
vinnsla kennslu er æði misjöfn og
getur margt komið þar til. Fögin
geta krafist mismikils tíma, nýjar
kennslugreinar kalla á aukinn und-
irbúning, umsjónarkennari þarf
tíma til foreldrasamskipta og sumir
tímar þarfnast hvorki undirbúnings
né úrvinnslu svo fátt eitt sé nefnt.
Samt sem áður er öll kennsla mæld
á sama kvarða í kjarasamningi. Það
er kominn tími til að forysta Félags
grunnskólakennara sýni frumkvæði
að skólaþróun og leggi fram til-
lögur um hvernig gera megi tilraun
með breytta skilgreiningu á vinnu-
tíma kennara samkvæmt bókun 5.
Sama forysta skuldar þeim fé-
lagsmönnum sem hún neitaði um
bætt kjör og annan vinnutíma
raunhæfar tillögur til að þróa mál
til þess horfs sem kennarar sjálfir
vilja.
Það er óskandi að Reykjavík-
urborg greiði kennurum Norðlinga-
skóla laun samkvæmt samningnum
sem undirritaður var 16. ágúst
2005. Kennarar Norðlingaskóla
hafa staðið við sinn hluta sam-
komulagsins og koma til með að
safna dýrmætri reynslu sem svarað
getur, hverju tilraunin skilar.
Tilraun um skólaþróun hafnað
Karl Frímannsson
fjallar um menntamál ’ Það er óskandi aðReykjavíkurborg greiði
kennurum Norðlinga-
skóla laun samkvæmt
samningnum sem und-
irritaður var 16. ágúst
2005.‘
Karl Frímannsson
Höfundur er skólastjóri
Hrafnagilsskóla.
ANDSTÆÐINGAR einkavæð-
ingar ríkisfyrirtækja uppnefndu
einkavæðinguna „einkavinavæð-
ingu“. Nú eru þeir kolvitlausir yfir
því hve einkavæðingin tókst vel í
aðalatriðum. Þá er um að gera að
þyrla upp moldviðri. Gullið tæki-
færi kom vegna
starfslokasamninga
við yfirmenn FL
Group við eig-
endaskipti á hluta-
bréfum.
Öfundarvæðing
hefur allt of lengi
tröllriðið húsum í ís-
lensku samfélagi. Við
lestur á þrem vönd-
uðum bókum Guðjóns
Friðrikssonar, um
Einar Benediktsson
skáld og mesta frum-
kvöðul Íslands, má
gera sér í hugarlund,
hvernig grimmdarleg
og skiðulögð öfund-
arvæðing þess tíma
lék frumkvöðlastarf
Einars Ben. Hann
hafði, nánast einn og
óstuddur, náð samningum við
landeigendur um virkjunarrétt,
keypt verkfræðiþjónustu af aðilum
sem ferðuðust á hestum og bjuggu
í tjöldum, látið teikna virkjanir,
safnað hlutafé og lánsfé í virkj-
anir, áburðarverksmiðju o.fl. Jafn-
framt var áformað að leggja ján-
braut úr Skerjafirði um undirlendi
Suðulands. Öfundarvæðing and-
stæðinga Einars Ben. virðist hafa
átt stóran þátt í að setja gerða
samninga Einars Ben í uppnám og
eyðileggja áform hans. Þá hlakk-
aði í öfundargenginu. Hvað ætli
efnahagslegt tjón Íslands hafi orð-
ið stórt, í milljörðum dollara og
lakari lífskjörum hérlendis frá
1925 þar til loksins var svo virkjað
í Búrfelli?
Og enn er djöflast með öfund-
arvæðingu. Nú er ráðist á frum-
kvöðla nútímans við hvert tæki-
færi. Vegna „ofurlauna“
„starfslokasamninga“ og alls sem
til fellur. Þetta minnir á árásir á
Einar Ben, Thor Jensen, o.fl.
frumkvöðla fortíðar. Nú er sam-
félagið upplýstara og því erfiðara
að láta sendisveina Gróu á Leiti
og co. ná „árangri“. Fyrir barðinu
verða helst í dag Kári Stefánsson
og og frumkvöðlar útrásarinnar.
Hafa talsmenn öfundarvæðing-
arinnar hugleitt hvers konar
skaða þeir geta valdið með þess-
um djöflagangi? Hvert er mark-
mið þeirra? Varla er þetta gert
með hagsmuni þjóðarinnar að leið-
arljósi. Ekki græðir
þjóðin á þeim sem
endalaust reyna að
skaða, skemma eða
eyðileggja? Er til-
gangurinn að reyna að
flæma okkar mestu
frumkvöðla í dag úr
landi með þessari öf-
undarvæðingu?
Væri líklegt til ár-
angurs í íþróttum að
púa sem hæst á okkar
lið – þegar það er að
vinna sína mestu
sigra? Á að öfund-
arvæða íþróttahreyf-
inguna og „framleiða“
innbyrðis skítamóral
til að ná „árangri“ – af
því að Eiður Smári og
okkar bestu menn
hafa „ofurlaun“ er-
lendis? Þarf ekki einhver að hugsa
sinn gang, hvað verið er að gera?
Auðvitað má alltaf þyrla upp
moldviðri út af peningum, hvort
svo sem það er vegna samninga
um starfslok eða annars. Hvað
með launaleynd á sömu forsendum
og bankaleynd? Er ekki eign-
arrétturinn friðhelgur (laun eru
persónuleg eign) skv. stjórn-
arskrá? Eru ekki líka ákvæði í
stjórnarskrá um friðhelgi einka-
lífs? Hvernig samrýmast þessi
ákvæði stjórnarskrár umfjöllun
fjölmiðla síðustu vikur um per-
sónuleg málefni einstaklinga?
Stórskáldið Alexander Solsénit-
sýn sagði eitt sinn í viðtali við
TIME að „móðir kommúnismans
væri öfundin, en faðirinn ill-
girnin.“ Eru leiðtogar öfund-
arvæðingarinnar hérlendis stoltir
af verkum sínum og því að hafa
tileinkað sér slíka pólitíska „kjör-
foreldra“?
Öfundarvæðingin
Kristinn Pétursson fjallar um
öfund og einkavæðingu
Kristinn Pétursson
’Nú er ráðist áfrumkvöðla nú-
tímans við hvert
tækifæri.‘
Höfundur er fiskverkandi
á Bakkafirði.
Fréttasíminn 904 1100