Morgunblaðið - 15.01.2006, Side 57

MORGUNBLAÐIÐ SUNNUDAGUR 15. JANÚAR 2006 57
AUÐLESIÐ EFNI
Um 345 píla-grímar tróðust
undir og margir slösuðust í
mikilli mann-þröng sem varð
á hajj-trúar-hátíð múslíma í
Sádi-Arabíu á fimmtu-daginn.
Fólkið tróðst undir á
Jamarat-brúnni í Mina,
skammt frá hinni helgu borg
Mekka. Þar fór fram at-höfn
þar sem píla-grímar kasta
grjóti í 3 stein-súlur sem
tákna djöfulinn.
Troðningurinn hófst þegar
nokkrir píla-grímar dutt um
farangur trú-bræðra sinna á
leið að stein-súlunum. Vitni
segja að hörmu-legt hafi
verið að horfa upp á
troðninginn. „Ég heyrði fólk
öskra og … sá menn
stökkva hver yfir annan,“
sagði píla-grímur frá
Egypta-landi. „Lög-reglan tók
að draga lík manna úr
hrúgunni. Líkin hlóðust upp.
Ég hafði ekki tölu á þeim,
þau voru svo mörg.“
Mörg slys hafa orðið á
trúar-hátíðinni í gegnum árin,
þrátt fyrir að að sádi-arabísk
stjórn-völd reyni að tryggja
öryggi píla-grímanna. Árið
1990 fórust 1.426 rétt hjá
Jamarat-brúnni. Margir eru
óánægðir með þessi
endur-teknu slys og telja þau
hneyksli.
2,5 milljónir pílagríma
tóku þátt í trúar-hátíðinni að
þessu sinni en hver
heilsu-hraustur múslími skal
taka þátt í hajj einu sinni á
ævinni.
Hundruð píla-gríma fórust
Reuters
Lík flutt burt frá Mina.
Angelina er ólétt
Tals-menn
banda-rísku leikaranna
Angelina Jolie og Brad
Pitt hafa stað-fest að
leikara-parið á von á
barni. Jolie á fyrir 2
ætt-leidd börn, Maddox,
sem er 4 ára og
Zahara, sem er 1 árs. Í
síðasta mánuði skráði
Jolie Pitt sem föður
barna sinna og er
eftir-nafn þeirra nú
Jolie-Pitt.
Jóhannes Karl til Alkmaar
Jóhannes Karl
Guðjónsson,
knattspyrnu-maður hjá
Leicester City í ensku
1. deildinni, fer til
hollenska
úrvalsdeildar-liðsins
Alkmaar. Samningar eru
á loka-stigi, og líst
Jóhannesi mjög vel á
Alkmaar. Samningur
hans við Leicester
rennur út eftir þetta
tíma-bil.
Fyrsti leikurinn gegn
Trinidad og Tóbagó
Fyrsti leikur íslenska
A-lands-liðsins undir
stjórn Eyjólfs
Sverrissonar verður
gegn Trínidad og
Tóbagó. Hann fer fram í
London þann 28.
febrúar. „Ég geri ráð
fyrir að allir gefi kost á
sér og við getum teflt
fram okkar sterkasta
liði,“ sagði Eyjólfur við
Morgunblaðið.
Stutt
Á þriðju-daginn birti DV
forsíðu-grein undir
fyrir-sögninni „Ein-hentur
kennari sagður nauðga
piltum“, en maðurinn sem
um ræðir framdi sjálfs-morð
sama dag.
Miklar um-ræður hafa
farið fram um málið í
fjöl-miðlum og á vef-síðum.
Rúm-lega 32 þúsund manns
skoruðu á DV að breyta
ritstjórnar-stefnu sinni á
undirskriftar-listum.
Stjórn Blaðamanna-félags
Íslands segir DV fara eftir
eigin siða-reglum, sem séu
ekki þær sömu og
siða-reglur
Blaðamanna-félagsins, og
það geti ekki gengið.
Jónas Kristjánsson,
rit-stjóri DV, segir blaðið
hafa fjallað af sann-girni um
mál mannsins og hugað
sérstak-lega að þolendum
málsins.
Hins vegar eru piltarnir
sem kærðu manninn
sam-mála um að DV hafi
unnið gegn hags-munum
þeirra. „Sann-leikurinn
kemur nú aldrei fram fyrir
dóm-stólum eins og við
vonuðumst til,“ sagði einn
piltanna í Kast-ljósi.
Á föstudags-morgun barst
frétta-tilkynning frá Jónasi
Kristjánssyni og Mikael
Torfasyni, rit-stjórum DV, þar
sem þeir segja upp stöðum
sínum. Björgvin
Guðmundsson og Páll
Baldvin Baldvinsson voru
ráðnir rit-stjórar DV frá og
með föstu-deginum.
Rit-stjórar DV
segja af sér
Íbúar á Íslandi urðu 300.000
á mánudags-morgun, þegar
lítill drengur kom í heiminn á
fæðingar-deild Landspítala –
háskóla-sjúkrahúss. Hann er
fyrsta barn Erlu Maríu
Andrésdóttur og Haraldar
Arnarsonar sem búa í
Reykjanes-bæ. Halldór
Ásgrímsson
forsætis-ráðherra og
Hallgrímur Snorrason
hagstofu-stjóri heim-sóttu
drenginn daginn eftir, Halldór
afhenti heillaóska-bréf og
óskaði ný-fædda drengnum
gæfu um alla fram-tíð.
Skömmu áður hafði Árni
Sigfússon bæjar-stjóri
Reykjanes-bæjar komið með
gjafir.
Hallgrímur Snorrason
hagstofu-stjóri segir það
auðvitað ekki alveg víst hver
sé íbúi númer 300 þúsund en
þar sem Hag-stofan hefði
haldið úti mannfjölda-klukku
hefði verið ein-faldast að
taka þann ein-stakling sem
fæddist næst því þegar
klukkan sló 300 þúsund.
Morgunblaðið/Ásdís
Drengurinn góði með móður
sinni Erlu Maríu.
Íslendingar
orðnir 300
þúsund
Arnold Schwarzenegger,
ríkis-stjóri í Kaliforníu, lenti í
árekstri á vél-hjólinu sínu um
síðustu helgi. Komst
lög-reglan þá að því að hann
hefur ekki banda-rískt
vélhjóla-próf.
Sauma þurfti saman efri
vörina á Schwarzenegger
eftir áreksturinn, en við 12
ára gamall sonur hans,
Patrick, slapp ó-meiddur.
Lög-reglan í Los Angeles
sagði, að öku-leyfi
ríkis-stjórans gilti ekki um
vél-hjól og því hefði hann
verið réttinda-laus.
Bifreiða-stofnunin, sagði
hins vegar, að
Schwarzenegger hefði haft
rétt-indi, því það þurfi ekki
sérstakt leyfi til að aka
þriggja hjóla vél-hjólum, en
sonur hans sat í hliðar-vagni.
Það eru þó ekki allir
sam-mála um að það geti
talist þriggja hjóla vél-hjól.
Verður ríkis-lögmaður að
ákveða hvort ríkis-stjórinn sé
sekur eða saklaus.
Réttinda-
laus ríkis-
stjóri
Með bros á saumaðri vör.
Fréttir
í tölvupósti