Morgunblaðið - 16.02.2006, Side 38

38 FIMMTUDAGUR 16. FEBRÚAR 2006 MORGUNBLAÐIÐ
GREINARGERÐ
FYRIRTÆKI og félög sem tengjast landflutn-
ingum hafa sent frá sér eftirfarandi greinar-
gerð um vegaeftirlit og umferð þungaflutn-
ingabíla. Eftirtaldir aðilar skrifa undir
greinargerðina: Alli Geira hf., Húsavík, Aust-
urpóll ehf., Eskifirði, Árni Helgason ehf. Ólafs-
firði, Bás ehf., Siglufirði, Betriflutningar ehf.
Egilsstöðum, Fjörður ehf. Varmahlíð, G.
Hjálmarsson hf., Akureyri, G.V. Gröfur ehf.,
Akureyri, Hóll ehf. Húsavík, KNH ehf. Ísa-
firði, Króksverk, Sauðárkróki, Malbikun KM,
Akureyri, Nesfrakt ehf. Ólafsvík, Norðurfrakt
ehf., Siglufirði, Ragnar og Ásgeir ehf.,
Grundarfirði, SBA-Norðurleið hf., Akureyri,
Steypustöðin Dalvík, Víðimelsbræður, Sauðár-
króki, Vörubílstjórafélagið Valur, Akureyri, Þ
S Verktakar ehf., Egilsstöðum, Ævar og Bóas
ehf., Dalvík:
„Fyrir Alþingi liggur nú frumvarp til breyt-
inga á umferðarlögum sem felur í sér aukið
vald umferðareftirlitsmanna Vegagerðarinnar
úti á þjóðvegunum. Þetta atriði snertir mjög þá
atvinnugrein sem undirrituð fyrirtæki starfa í,
þ.e. rekstur þungaflutningabifreiða, og er
óhjákvæmilegt að láta í ljósi skoðanir á þeirri
breytingu sem frumvarpið boðar. Þess má geta
hér að fjöldaundirskriftir gegn þessari breyt-
ingu eru nú fyrirliggjandi og verða afhentar
samgöngunefnd Alþingis vegna umfjöllunar
um frumvarpið. Auk þess gera eftirtalin fyr-
irtæki kröfu um að nefndin boði til sín fulltrúa
eigenda þungaflutningabifreiða til að kynna
þeirra hlið málsins.
Hvað þolir vegakerfið?
Í tengslum við umræðu um vegaeftirlitið er
nauðsynlegt að víkja að vegakerfinu sjálfu. Það
er fullkomlega ljóst að vegakerfið á Íslandi þol-
ir illa þá auknu þungaumferð sem á það er lagt.
Við Íslendingar erum einfaldlega á eftir hvað
þetta varðar og þegar vöruflutningum er beint
í vaxandi mæli af sjó á vegina sjá allir að það
þýðir aukið álag. Við eigendur eða bifreiða-
stjóra getur ekki verið að sakast í þessum efn-
um. Hér er um að ræða þróun sem samfélagið
verður að taka ábyrgð á og búa svo um hnútana
að ekki hljótist aukin slysahætta af. Ástand
vega snertir nefnilega ekki bara öryggi hins al-
menna vegfaranda heldur er ástand vega ein-
mitt lykilatriði í öryggi okkar sem höfum okkar
atvinnu úti á vegunum og það vill því miður
stundum gleymast.
Fáein dæmi úr raunveruleikanum!
Eftirlitskerfi er nauðsynlegt að hafa. Við
sem í atvinnugreininni störfum höfum engan
áhuga á að svörtu sauðirnir komist upp með
brot sín en höfum því miður alltof mörg dæmi
um óeðlileg og á tíðum ósanngjörn vinnubrögð
í vegaeftirliti. Dæmi eru um 20.000 kr. sekt
vegna bilaðs ökurita sem þó hafði staðist skoð-
un Frumherja í þrígang og bilunin hafði líka
farið framhjá eftirlitsmönnum við skyndiskoð-
un. En þegar hún uppgötvaðist var farið með
hana sem hvert annað ásetningsbrot eiganda
bifreiðar.
Dæmi eru um sektir í kjölfar þungamæling-
ar malarflutningabíls þar sem þungi fór yfir
mörk þrátt fyrir að rúmmál farmsins væri ná-
kvæmlega það sama og mokað var á bílinn dag
eftir dag. Ástæðan var að í ámokstrinum fyrir
mælingu var efnið óvenju blautt og þar með
mun þyngra, án þess að ökumaður ætti þess
nokkurn möguleika að skynja þyngdina. Farið
var með þetta mál sem hvert annað ásetnings-
brot ökumanns og sektað eftir því um tugi þús-
unda. Vissulega er þetta brot en hins vegar á
ökumaður í þessu tilviki mjög erfitt með að
meta þunga bílsins út frá samsetningu malarf-
armsins og við þær aðstæður væru tilmæli eða
ábendingar sanngjarnari og skiluðu líka ár-
angri í stað þess að „góma“ ökumenn með tug-
þúsunda sektum.
Dæmi er um að vegaeftirlitsmaður hafi
stöðvað bifreið með tengivagn innan þéttbýlis
og sektað vegna þess að fylgibók með vagn-
inum vantaði í bifreiðina en vagninn hafði verið
færður milli bíla við athafnasvæði fyrirtækis-
ins örskömmu áður. Þrátt fyrir boð um að eft-
irlitsmaður fylgdi bifreiðinni á athafnasvæðið
skammt frá var því hafnað og sekt send út en
felld niður þar sem refsiheimild fyrir slíku
broti reyndist ekki til staðar í lögum! Og hinn
meinti brotaþoli, fyrirtækið sjálft, sat uppi með
lögfræðikostnað og mikla vinnu til að verja
sína hagsmuni.
Fjölmörg dæmi af sama toga má finna um
hvernig umferðareftirlit birtist okkur í raun í
daglegum rekstri. Oft spyrjum við okkur hvort
eftirlitið hafi að markmiði að bæta umferðarör-
yggi, sem það ætti þó að gera. Því miður líkist
umferðareftirlitið oft veiðiskap – að sekta fyrir
atriði sem oft væri nægjanlegt að veita tiltal
fyrir og sýna sem mesta hörku. Að góma menn
og hætta ekki fyrr en eitthvað er hægt að finna
til að sekta fyrir! Slíkt hugarfar er ekki til þess
fallið að bæta ástandið á vegunum, samskipti
og virðingu.
Rökin ekki sýnileg
Vandséð er hvaða rök búa að baki umræddu
frumvarpi. Með því er t.d. boðað að eftirlits-
menn Vegagerðarinnar fá aukna heimild til
kyrrsetninga ökutækja úti á vegum þar til lög-
regla hefur verið send á staðinn! Tökum dæmi.
Sjáum við fyrir okkur að slíkt gerist á miðjum
Möðrudalsöræfum með tilheyrandi kostnaði
lögreglu, vinnutapi ökutækis og ökumanns og
þannig mætti áfram telja? Það er jafn gott að
viðkomandi eftirlitsmenn kalli þá lögreglu á
staðinn vegna raunverulegra og saknæmra
brota en því miður höfum við orðið vitni að
sektarboðum frá vegaeftirliti sem hefur þurft
að afturkalla vegna þess að sektarheimild var
ekki að finna í lögum.
Verkefni lögreglunnar fyrst og síðast
Sú meginhugsun frumvarpsins að byggja
upp tvöfalt kerfi í umferðareftirliti er að okkar
mati mjög röng stefna stjórnvalda. Umferð
þungabifreiða á að sjálfsögðu að vera mál lög-
reglunnar, eins og annarra ökutækja, og nær
hefði verið að byggja upp sérstaka deild hjá
lögreglunni til að sinna þessu verkefni. Eða
getur verið að ástæðan fyrir þessu sé einmitt
togstreita milli ráðuneyta um krónur og rekst-
ur – útþenslu báknsins annað hvort hjá sam-
gönguráðuneyti eða dómsmálaráðuneyti?
Litlar kröfur gerðar
til vegaeftirlitsmanna
Aukið umferðareftirlit og gott eftirlitskerfi
er af hinu góða en það skiptir máli hvernig
hlutirnir eru framkvæmdir. Og það hlýtur að
vera eðlilegt að gera hæfis- og menntunarkröf-
ur til vegaeftirlitsmanna á sama hátt og lög-
reglumanna. En svo er ekki.
Í nýlegri auglýsingu frá Vegagerðinni í
Morgunblaðinu um starf vegaeftirlitsmanns
var eingöngu tekið fram að viðkomandi þurfi
að hafa stúdentspróf, tölvu- og málakunnáttu,
frumkvæði og góða samstarfshæfileika. Og þar
með er upptalið. Slíkur einstaklingur getur
ekki fengið starf í lögreglunni en á samt að fá
heimild í lögum til að ganga lengra inn á vald-
svið lögreglunnar. Þetta er að okkar mati full-
komlega óeðlileg þróun.
Auk þessa er staðfest að engar reglur hafa
verið settar af hálfu samgönguráðherra eða
samgönguyfirvalda um hæfi né starfsþjálfun
umferðareftirlitsmanna, hvað þá mótaðar
starfsreglur viðkomandi opinberra starfs-
manna. Hefði ekki verið nær að slíkt hefði legið
fyrir áður en starfssvið þeirra verður útvíkk-
að?
Sýnilegri lögregla skilar bættri umferð
Síðastliðið sumar var eftirlit lögreglunnar
úti á þjóðvegunum aukið í sérstöku átaki til að
sporna við hraðakstri. Það skilaði árangri. Ár-
angurinn af því að lögreglan tæki við umferð-
areftirlitinu og yrði þar af leiðandi sýnilegri í
vinnu sinni úti á vegum yrði að sama skapi
áhrifaríkur. Auk heldur hefði lögreglan með
höndum mun fleiri þætti s.s. hraðaaksturs-
mælingar, ölvunarakstur og önnur almenn um-
ferðarlagabrot. Þess vegna er það okkar mat
að ávinningurinn er mun meiri og skynsam-
legri af því að fela lögreglunni aukin verkefni á
þessu sviði fremur en umferðareftirliti Vega-
gerðarinnar. Það er skoðun okkar sem höfum
reynsluna af þjóðvegunum í atvinnu okkar og
um það vitna fyrirliggjandi mótmælalistar og
beiðni til Alþingis um að láta skynsemina ráða
en ekki kerfið!“
Um vegaeftirlitið og
umferð þungaflutningabíla
Morgunblaðið/Brynjar Gauti
Bridshátíð hafin
Bridshátíð verður haldin með
sama sniði og undanfarin ár nema
að bætt var við Stjörnutvímenningi
sem spilaður var í gærkvöld. Þar
tóku boðsgestir BSÍ og Flugleiða
þátt auk valinna íslenskra para.
Tvímenningur Bridshátíðar byrj-
ar fimmtudaginn 16. febrúar kl. 19
og stendur yfir fram að kvöldmat
föstudaginn 17 febrúar.
Sveitakeppnin hefst síðan kl. 11 á
laugardeginum og stendur yfir fram
að kvöldmat sunnudaginn 19. febr-
úar þegar mótinu verður slitið.
Verðlaunin í aðaltvímenningnum
nema samtals 9.900 dollurum og
7.900 dollurum í sveitakeppninni.
Fjöldi erlendra gesta verður með-
al þátttakenda, sveitir og pör frá
Bandaríkjunum, Englandi, Dan-
mörku, Noregi, Svíþjóð, Póllandi,
Rússlandi og fleiri löndum.
Keppnisgjald í tvímenninginn er
12.000 kr. á parið og 26.000 kr. á
sveitina.
Bridsfélag Hafnarfjarðar
Mánudaginn 6. febrúar sl. tóku
Hafnfirðingar á móti Bridsfélagi
Barðstrendinga og kvenna og háðu
sveitakeppni á 2 x 8 borðum.
BH sigraði nokkuð örugglega
með 299 stigum gegn 178 en
skemmtileg nýbreytni á ferðinni
fyrir alla.
BH er duglegt að sækja önnur fé-
lög heim og bráðlega verður tekið á
móti Akurnesingum og fyrir þeirri
keppni er áratuga löng hefð.
Nú er hafin hraðsveitakeppni hjá
BH. Spilað er á mánudögum kl.
19.30 í glæsilegu húsnæði við Flata-
hraun 3 í Hafnarfirði (Hraunsel).
Keppnisstjóri er Ásgeir P. Ás-
björnsson.
Bridsfélag Kópavogs
Ragnar og Georg sýndu andstæð-
ingum sínum enga tillitssemi og
mokuðu inn stigum á öðru kvöldi í
Barómeternum.
Hæstu skor:
Georg Sverrisson – Ragnar Jónsson 89
Eðvarð Hallgrímss. – Eiður M. Júlíusson
31
Loftur Pétursson – Sigurjón Karlsson 28
Árni M. Björnsson – Heimir Tryggvason 25
Ómar Jónsson – Þórir Sigursteinsson 23
Staða efstu para:
Georg Sverrisson – Ragnar Jónsson 109
Elísabet Steinarsd – Vigdís Sigurjónsd. 54
Erla Sigurjónsdóttir – Sigfús Þórðarson 52
Loftur Pétursson – Sigurjón Karlsson 47
Ómar Jónsson – Þórir Sigursteinsson 38
Árni M. Björnss. – Heimir Tryggvason 37
Næsta fimmtudag fellur niður
spilakvöld hjá BK vegna Bridshátíð-
ar.
Bridgefélag Selfoss
og nágrennis
Fimmtudaginn 9. febrúar sl. var
fimmta umferðin í aðalsveitakeppn-
inni spiluð.
Úrslit umferðarinnar urðu þessi:
Hörður Thorarensen – Jón S. Péturss. 14-16
Gísli Hauksson – Birgir Pálsson 21-9
Grímur Magnúss. – Gunnar B. Helgas. 17-13
Einar Skaftason – Örn Guðjónsson 22-8
Staða efstu sveitanna er þessi:
Gísli Hauksson 95
Grímur Magnússon 83
Einar Skaftason 83
Hörður Thorarensen 81
Nánar má finna um úrslitin á
heimasíðu félagsins, http://
www.bridge.is/bsel.
Ekkert verður spilað hjá félaginu
fimmtudaginn 16. febrúar vegna
Bridshátíðar í Reykjavík. Næsta
umferð verður því spiluð fimmtu-
daginn 23. febrúar nk.
Frá eldri borgurum
í Hafnarfirði
Föstudaginn 10 feb. var spilað á
níu borðum.
Úrslit urðu þessi.
N/S
Ingimundur Jónsson – Helgi Einarsson 274
Sæmundur Björnss. – Albert Þorst.s. 260
Bjarnar Ingimars. – Friðrik Herm.s. 220
A/V
Þorvarður S. Guðmss. – Jón Sævaldss. 262
Kristján Þorláksson – Guðrún Gestsd. 234
Björn Björnsson – Sigríður Gunnarsd. 234
Þriðjudaginn 7. feb. Var spilað á
13 borðum. Meðal skor var 312.
Úrslit urðu þessi í N/S
Jón Pálmason – Sverrir Jónsson 379
Bragi Björnss. – Auðunn Guðmundss. 353
Eysteinn Einarss. – Ragnar Björnss. 351
Rafn Kristjánsson – Oliver Kristóferss. 348
A/V
Helgi Einarsson – Ingimundur Jónss. 403
Sveinn Jensson – Jóna Kristinsdóttir 350
Þorvarður S. Guðmss. – Jón Sævaldss. 339
Jón Gunnarss. – Sigurður Jóhannsson 334
Aðalheiður Torfad. – Ragnar Ásmunds. 334
Sveit Unu Sveinsdóttur Akur-
eyrarmeistari í sveitakeppni
Síðastliðinn þriðjudag lauk fimm
kvölda Akureyrarmóti í sveita-
keppni hjá Bridgefélagi Akureyrar.
Mótið var jafnt og spennandi en
sveit Sparisjóðs Norðlendinga, sem
hafði leitt mótið frá upphafi, gaf eft-
ir og góð spilamennska hjá sveit
Unu Sveinsdóttur tryggði þeim tit-
ilinn. Með Unu spiluðu Jón Sverr-
isson, Pétur Guðjónsson og Grettir
Frímannsson og voru þau vel að titl-
inum komin.
Sv. Unu Sveinsdóttur 169
Sv. Sparisjóðs Norðlendinga 157
Sv. Gylfa Pálssonar 155
Sv. Gissurar Gissurarsonar 148
Sunnudaginn 5. febrúar urðu
þessi pör hlutskörpust:
Tryggvi Ingason – Björn Þorláksson 98
Hermann Huijbens – Stefán Vilhjálmsson96
Víðir Jónsson – Soffía Guðmundsdóttir 91
Hans V. Reisenhus – Sigurgeir Gissurars.89
Næsta mót er þriggja kvölda tví-
menningur í boði Heilsuhornsins og
hefst það þriðjudaginn 14. febrúar.
Kvöldið eftir Bridshátíð, 21. febr-
úar, verður þó gert hlé til að spila
einmenning.
Á Bridshátíð verða fremur margir
spilarar frá BA þetta árið og er
þeim óskað hins besta gengis.
Bridsfélag Borgarfjarðar
Mánudaginn 13. febrúar voru
spilaðar þrjár umferðir í aðalsveita-
keppni félagsins.
Sveit Flemmings Jessens var í
miklu stuði og skoraði 60 stig og
kom sér þægilega fyrir í þriðja sæti,
sjónarmun á eftir sveit Jóa á Stein-
um sem átti afleitt kvöld. Borgnes-
ingar sýna mikinn stöðugleika og
sigla þægilegan byr að sigri í
mótinu. Ingólfur á Lundum og
menn hans vita að ekkert er búið
fyrr en það er búið og skorðuðu 45
stig. Þá má í lokin minnast á fram-
tíðarvon félagsins þau Láru og
Fjölni en þeirra sveit skoraði 42
stig.
Staðan þegar leiknar hafa verið
12 umferðir af 18 er þessi:
Sveit Borgnesinga 199
Sveit Jóa á Steinum 179
Sveit Flemmings á Varmalandi 178
Sveit Baldurs í Múlakoti 161
FEBK Gjábakka
Spilað var á 7 borðum 10. febrúar
og urðu úrslitin þessi í N/S:
Guðjón Kristjánss. – Magnús Oddsson 208
Oliver Kristóferss. – Rafn Kristjánss. 201
Auðunn Guðmss. – Bragi Björnsson 177
A/V:
Jörundur Þórðars. – Þórður Jörundss. 181
Jón Hallgrímsss. – Ægir Ferdinandss. 176
Aðalheiður Torfad. – Ragnar Ásm.s. 171
BRIDS
Umsjón Arnór G.
Ragnarsson