Morgunblaðið - 23.02.2006, Síða 18

18 FIMMTUDAGUR 23. FEBRÚAR 2006 MORGUNBLAÐIÐ
ERLENT
TUGIR þúsunda sjíta streymdu út
á götur borga í Írak í gær til að
mótmæla sprengjuárás sem varð til
þess að gullhvelfing Askariya-
moskunnar í borginni Samarra
eyðilagðist. Moskan er ein af helstu
helgidómum íraskra sjíta og óttast
er að árásin leiði til blóðugra átaka
milli þeirra og súnníta.
Trúarleiðtogar sjíta hvöttu þá til
að halda ró sinni. Fregnir hermdu
þó að ráðist hefði verið á margar
moskur súnníta og til skotbardaga
hefði komið milli sjíta og súnníta í
borginni Basra í sunnanverðu land-
inu.
Engin hreyfing lýsti sprengjutil-
ræðinu á hendur sér. Yfirvöld
sögðu að böndin bærust að trúarof-
stækismönnum í hreyfingum á borð
við al-Qaeda í Írak, hreyfingu
hryðjuverkaforingjans Abu Musab
al-Zarqawi. Þjóðaröryggisráðgjafi
Íraks, Mouwafak al-Rubaie, sagði í
sjónvarpsviðtali að markmið til-
ræðismannanna væri að „koma af
stað borgarastyrjöld“.
Forsætisráðuneytið í Bagdad til-
kynnti að þrír menn hefðu verið
handteknir vegna árásarinnar.
Sjónvarpsstöðvar rufu dagskrá
sína til að skýra strax frá þeim tíð-
indum, að því er virðist til að draga
úr spennunni og milda reiði sjíta.
Sistani bannaði árásir
á moskur
Þúsundir sjíta gengu um götur
Samarra til að mótmæla sprengju-
árásinni og hétu að refsa þeim sem
bæru ábyrgð á henni. Tugir þús-
unda manna tóku þátt í sams konar
götumótmælum í Bagdad og Karb-
ala, helgri borg sjíta í sunnanverðu
landinu.
Ali al-Sistani, æðsti klerkur ír-
askra sjíta, bannaði fylgismönnum
sínum að ráðast á moskur súnníta.
Hann hvatti til sjö daga sorgar-
tímabils en Ibrahim Jaafari for-
sætisráðherra lýsti yfir þriggja
daga þjóðarsorg vegna árásarinn-
ar.
Helstu hreyfingar íraskra súnní-
araba fordæmdu sprenguárásina.
Ráð íslamskra fræðimanna úr röð-
um súnníta lýsti henni sem „glæp-
samlegu athæfi“. Stærsti stjórn-
málaflokkur súnní-araba sagði að
„illmenni“ hefðu staðið fyrir árás-
inni til að reyna að etja sjítum og
súnnítum saman.
Grafir tveggja ímama
Í Askariya-moskunni í Samarra
eru grafir tíunda og ellefta ímama
sjíta, þeirra Ali al-Hadi, sem dó ár-
ið 868, og sonar hans, Hassans al-
Askari, sem dó 874. Hjá sjítum er
ímam syndlaus, óskeikull leiðtogi
íslams, afkomandi Alís, hins fyrsta
ímams og bræðrungs og tengda-
sonar Múhameðs spámanns.
Moskan er einnig nálægt stað
þar sem tólfti og síðasti ímam sjíta,
Mohammed al-Mahdi, hvarf árið
878. Sjítar trúa því að hann sé enn á
lífi og snúi aftur til að koma á rétt-
læti meðal manna.
Markmiðið að hindra
myndun þjóðstjórnar?
Jalal Talabani, forseti Íraks,
sagði að markmiðið með árásinni
hefði verið að spilla fyrir viðræðum
um myndun þjóðstjórnar eftir þing-
kosningarnar 15. desember.
Leiðtogi eins af stjórnmálaflokk-
um sjíta, Æðsta ráðs íslömsku bylt-
ingarinnar í Írak, kenndi sendi-
herra Bandaríkjanna að nokkru
leyti um árásina vegna gagnrýni
hans á öryggissveitir undir stjórn
sjíta. Hann skírskotaði til þeirra
ummæla sendiherrans á mánudag
að hætta væri á að Bandaríkja-
stjórn hætti öllum stuðningi við
Íraka vegna þess að það mætti
aldrei verða að herinn og lögreglan
yrðu undir stjórn eins trúarhóps.
Jaafari forsætisráðherra var
hálfstyggur í fyrradag þegar hann
svaraði ummælum sendiherrans og
sagði að Írakar vissu sjálfir hvað
væri þeim fyrir bestu.
„Værum við spurðir, væri svarið
þetta: Vissulega viljum við þjóð-
stjórn. Ekki þó vegna tilmæla
Bandaríkjamanna. Við þurfum eng-
ar slíkar ráðleggingar, þakka ykk-
ur fyrir,“ sagði al-Jaafari.
Bandaríkjamenn og Bretar telja
að stjórn á breiðum grundvelli sé
eitt helsta skilyrðið fyrir því að þeir
geti flutt her sinn frá Írak.
Að minnsta kosti 22 menn létu
lífið og nærri 30 slösuðust þegar
bíll var sprengdur upp í einu hverfi
sjíta í Bagdad í fyrradag. Er hverf-
ið eitt það hættulegasta í höfuð-
borginni og hryðjuverk af þessu
tagi næstum því daglegt brauð.
Óttast borgarastyrjöld
eftir árás á helgidóm
AP
Sjítar þustu út á götur Sadr City-
borgarhverfisins í Bagdad í gær til
að lýsa reiði sinni með atburðinn í
Samarra. Margir voru vopnaðir.
Askariya-moskan í Samarra áður
en gullhvelfing hennar eyðilagðist í
sprengjuárásinni í gær.
Írakar virða fyrir sér skemmdir á Askariya-moskunni í Samarra eftir sprengjutilræðið í gær.
$



 

      

 
   

#%
(#$' )  
$#&
 %#% *
%$(#++ 

&(#%
,
'-$
)%)$
. +/
 #%0$
"*'
0& %#%$%  )%
&1 )%( 
.#  #%0,

2

/
(#+ 
3#
&$ $ 0& )% +

&(#%
'-$$
4(#+
%
(#%
'-$

('
#+

 #%
% 
5  !! 
##+

&$ $0& '-6

)%
 % +
&(#%
'-$$
" ##

%& $#
+ 
+ ( !
!5 '

7)
 

(#+
%  )%(*#. 

% /0$
!  "#$
%&'(
89:,
7!;<
8=< > ,!:!? 1!
1:!;

3@:A7!;<
   
Eftir Boga Þór Arason
bogi@mbl.is
Teheran, Gaza-borg. AP, AFP. |
Stjórnvöld í Íran hafa formlega
boðist til að fjármagna palestínsku
heimastjórnina en sem kunnugt er
hafa bandarísk stjórnvöld ákveðið
að frysta alla fjárhagsaðstoð við
stjórnvöld í Ramallah nú þegar
Hamas-samtökin hafa þar tekið við
stjórnartaumum.
Ali Larijani, ritari þjóðarörygg-
isráðs Írans, tilkynnti um ákvörð-
un íranskra stjórnvalda eftir fund
með Khaled Mashaal, einum af
forystumönnum Hamas, í Teheran.
Sagði Larijani að ákvörðunin hefði
verið tekin í kjölfar þess að banda-
rísk stjórnvöld greindu frá því að
frysta ætti fé til palestínsku
stjórnarinnar. „Bandaríkin sönn-
uðu að þau myndu ekki styðja lýð-
ræðið er þau skrúfuðu fyrir aðstoð
sína eftir að Hamas sigraði í kosn-
ingunum [í Palestínu]. En við
munum sannarlega hjálpa Palest-
ínumönnum,“ sagði hann.
Bandaríkjamenn eru þó ekki
einir um títtnefnda afstöðu: Evr-
ópusambandið hefur sömuleiðis
sagt að Hamas verði að lýsa því
yfir að samtökin hafni ofbeldi sem
aðferð í baráttunni fyrir réttindum
Palestínumanna. Jafnframt að
Hamas viðurkenni tilverurétt Ísr-
aelsríkis en samtökin hafa frá upp-
hafi haft það sem meginmarkmið
að Ísraelsríki yrði eytt.
Fatah í stjórn með Hamas?
Mahmoud Abbas, forseti Palest-
ínumanna, fól Ismail Haniyeh, hóf-
sömum leiðtoga Hamas, formlega
stjórnarmyndunarumboðið í fyrra-
kvöld en eins og áður sagði vann
Hamas stórsigur í þingkosningum
í Palestínu í síðasta mánuði.
Fatah-hreyfing Abbas beið þar af-
hroð en í gær var haft eftir fulltrú-
um Fatah að hreyfingin myndi
hugsanlega eiga aðild að stjórn
Hamas-samtakanna. Ef samkomu-
lag næðist ekki þar um þá myndi
Fatah leggja áherslu á að standa
fyrir „uppbyggilegri stjórnarand-
stöðu“.
Íran heitir því að fjár-
magna stjórn Hamas
Reuters
Ismail Haniyeh verður forsætisráð-
herra í stjórn Hamas-samtakanna.
STÓR hluti umsækjenda á banda-
ríska vinnumarkaðnum fegrar
starfsumsóknir sínar, lýgur til um
fyrri störf og ýkir til um upplýs-
ingar um menntunarferil sinn.
Þetta kemur fram í frétt AFP um
bandaríska vinnumarkaðinn, en
dæmi eru um að hátt settir yf-
irmenn vestra hafi þurft að láta af
störfum eftir að hafa verið staðnir
að því að leggja fram ferilskrár
með röngum upplýsingum.
„Samkvæmt hinum ýmsu könn-
unum og gögnum sem haldið er til
haga er áætlað að allt að þriðj-
ungur til 40 prósent starfsumsókna
innihaldi falsaðar upplýsingar,“
sagði Lester Rosen, yfirmaður
ráðningarskrifstofunnar Employ-
ment Screening Resources í Kali-
forníu.
Nokkur umræða hefur verið um
þetta vestra nýverið en meðal
þeirra sem hafa þurft að láta af
störfum vegna rangra ferilupplýs-
inga er George C. Deutsch, sem
var fyrr í mánuðinum rekinn úr
starfi ritstjóra almannatengsla-
deildar geimferðastofnunarinnar
NASA í Washington, eftir að A&M
háskólinn í Texas upplýsti að hann
hefði aldrei útskrifast þaðan. En
það var George W. Bush Banda-
ríkjaforseti sem skipaði Deutsch í
embætti eftir að hann hafði unnið
við kosningaframboð forsetans
haustið 2004.
Hátíðlegt orðalag
Katrín S. Óladóttir, fram-
kvæmdastjóri íslensku ráðning-
arskrifstofunnar Hagvangs, sagði í
samtali við Morgunblaðið að al-
mennt leggi íslenskir umsækjendur
ekki fram ferilskrár með röngum
upplýsingum, þótt ýmsir klæði eig-
in feril í betri búning en efni
standa til. „Borið hefur á því að
fólk noti hátíðlegt orðalag og velji
starfsheiti um fyrri stör sem gefa
til kynna að þau hafi falið í sér
meiri ábyrgð og verið vandasamari
en raunin er,“ sagði Katrín.
Stór hluti umsækjenda
fegrar starfsumsóknir
Eftir Baldur Arnarson
baldura@mbl.is