Morgunblaðið - 27.02.2006, Blaðsíða 27

MORGUNBLAÐIÐ MÁNUDAGUR 27. FEBRÚAR 2006 27
DAGBÓK
Heimili og skóli, Umboðsmaður barna ogTalsmaður neytenda standa, meðþátttöku annarra stjórnsýsluaðila ogsamtaka að málþinginu „Börn og aug-
lýsingar“ næstkomandi miðvikudag, 1. mars,
öskudag.
Gísli Tryggvason er talsmaður neytenda: „Með-
al þess sem kallaði á þetta málþing er mikill þrýst-
ingur, bæði frá samtökum, foreldrum og neyt-
endum almennt um að sett verði mörk við
markaðssetningu sem beinist að börnum og ung-
lingum. Við viljum vekja athygli á þessu máli og
meta hvort vilji er til aðgerða og þá hvaða leiðir
eru færar til að setja þessari markaðssókn ein-
hver mörk,“ segir Gísli.
„Samtök á borð við Neytendasamtökin og
Heimili og skóla hafa áður sinnt þessum málum,
sem og umboðsmaður barna, og meðal ágengustu
ábendinga, sem nýtt embætti talsmanns neytenda
fékk í samráðsferli sl. haust, var óhóf í markaðs-
setningu til barna og unglinga. Einnig hafa um-
boðsmenn neytenda á Norðurlöndunum í vaxandi
mæli sinnt þessum málaflokki, meðal annars með
því að setja leiðbeiningar fyrir fyrirtæki og mark-
að um hegðun gagnvart börnum og unglingum.“
Gísli segir vilja til þess að eftir málþingið verði
unnið áfram að málum: „Málinu lýkur ekki með
málþinginu og ef vilji er til má ímynda sér fjórar
leiðir til lausnar: í fyrsta lagi að sett verði strang-
ari lög um þetta málefni, eða í öðru lagi leiðbein-
ingar s.s. frá umboðsmanni barna og talsmanni
neytenda um þetta mál, og í þriðja lagi að aðilar á
markaðinum semji sínar eigin siðareglur og hemji
þannig sína markaðssókn. Þetta eru þó einhliða
úrræði og sjálfum þætti mér besta leiðin sú fjórða,
að þeir sem hlut eiga að máli næðu samkomulagi,
sem um leið fæli í sér sjálfsvöktun seljenda vöru
og þjónustu.“
Á málþinginu flytja erindi fulltrúar bæði frá
stjórnsýslu og ýmsum samtökum, sem og fræði-
menn: „Við fjöllum um stöðuna í dag, einnig um
það sem vitað er í fræðunum um áhrif auglýsinga
á börn og ungmenni, og síðan er fjallað um viðhorf
neytenda og loks viðskiptalífsins. Dagskránni lýk-
ur síðan með pallborðsumræðu þar sem litið er til
framtíðar.“
Málþingið fer fram á Grand hóteli, Gullteig, og
hefst kl. 12.30. Aðgangur er ókeypis og öllum
heimill en æskilegt er að gestir skrái þátttöku
sína. Það má gera á slóðinni www.gestamottak-
an.is, en þar má jafnframt nálgast dagskrá dags-
ins í smáatriðum.
Málþing | Athugað að takmarka markaðssetningu sem beinist að börnum og ungmennum
Börn, ungmenni og auglýsingar

Gísli Tryggvason
fæddist í Björgvin
1969. Hann lauk stúd-
entsprófi frá Marie
Kruses Skole í Farum
1989 og embættisprófi
í lögfræði 1997 frá HÍ,
hdl. 1998. Þá lauk Gísli
MBA-prófi frá Háskól-
anum í Reykjavík
2004.
Gísli var fulltrúi hjá
Lögmönnum Höfðabakka 1997–1998 og þá
framkvæmdastjóri og lögmaður Bandalags
háskólamanna til 2005. Gísli var skipaður
talsmaður neytenda 2005.
Gísli er kvæntur Brynju Daníelsdóttur, hjúkr-
unarfræðingi og sjúkranuddara, og eiga þau
þrjú börn.
90 ÁRA afmæli. Í dag, 27. febrúar,er níræð Ingrid Björnsson,
Bólstaðarhlíð 41, Reykjavík. Hún er
að heiman í dag.
Árnaðheilla
dagbók@mbl.is
1. d4 Rf6 2. c4 c5 3. d5 e5 4. Rc3 d6 5.
e4 Be7 6. h3 Rbd7 7. Bd3 Rf8 8. Be3
Rg6 9. Dd2 Bd7 10. Hb1 Rh4 11. Kf1
Rg6 12. g3 h5 13. b4 b6 14. bxc5 bxc5
15. f4 exf4 16. gxf4 h4 17. Rf3 Rh5 18.
Re2 Hb8 19. e5 dxe5 20. fxe5 Hxb1+
21. Bxb1
Staðan kom upp í C-flokki Corus-
skákhátíðarinnar sem lauk fyrir
skömmu í Wijk aan Zee í Hollandi.
Kínverski stórmeistarinn Li Shilong
(2.543) hafði svart gegn egypska koll-
ega sínum Ahmed Adly (2.473). 21.
… Rxe5! 22. Rxe5 Db8 svartur vinnur
nú tímabundið peð og fær yf-
irburðatafl. 23. d6 Dxb1+ 24. Kg2
De4+ 25. Rf3 Bf6 26. Bxc5 0-0 27.
Bd4 He8 28. He1 Bc6 29. Dc3 Dg6+
30. Kf2 Rg3 31. Rf4 Re4+ 32. Kf1
Dg3 33. De3 Rxd6 hvíta staðan er nú
að hruni komin. 34. Re5 Dxe3 35.
Hxe3 Rf5 36. Rxc6 Rxe3+ 37. Bxe3
Hxe3 38. Rd5 He4 39. Ra5 Kf8 40.
Kf2 Bd8 41. Rb7 Be7 42. c5 Hc4 43.
Ke3 Bxc5+
Og hvítur gafst upp.
SKÁK
Helgi Áss Grétarsson | dagbok@mbl.is
Svartur á leik.
Bridshátíð.
Norður
♠D83
♥D42 N/Allir
♦84
♣ÁKG105
Vestur Austur
♠109542 ♠Á
♥K10 ♥876
♦D10 ♦KG9652
♣D432 ♣976
Suður
♠KG76
♥ÁG953
♦Á73
♣8
Í fyrstu umferð sveitakeppni Bridshá-
tíðar kom upp athyglisvert varnarspil.
Suður verður sagnhafi í fjórum hjört-
um og vestur kemur út með tígul-
drottningu í sögðum lit makkers:
Vestur Norður Austur Suður
– 1 lauf 1 tígull 1 hjarta
Pass 2 lauf Pass 2 spaðar
Pass 3 hjörtu Pass 4 hjörtu
Pass Pass Pass
Skoðum spilið frá sjónarhóli aust-
urs, sem horfir á slag á tvo slagi –
einn á tígul og annan á spaðaás. Hann
verður að gefa sér að makker eigi hát-
romp, ásinn eða kónginn. Það er þá
þriðji slagurinn og sá fjórði gæti kom-
ið á stungu ef vestur á tígultíu og spil-
ar strax spaða.
En hvernig á að fá vestur til að
geyma tígulinnkomuna og spila spaða?
Austur þarf einhvern veginn að
kveikja á þeirri hugmynd hjá makker
sínum og góð tilraun til þess er að láta
tígulgosann undir drottninguna í
fyrsta slag!
Það gerðist á einu borði. Suður
dúkkaði, vestur skipti yfir í spaða og
gaf austri stungu er hann komst inn á
hjartakóng. Sagnhafi er engu bættari
með að taka strax á tígulás og spila til
dæmis hjartaás og hjarta. Vestur bíð-
ur með tígulinn, spilar spaða á ás
austurs, sem kemur undan tíg-
ulkóngnum og fær stunguna lang-
þráðu. Eina vinningsleið sagnhafa,
eins og landið liggur, er að drepa
strax á tígulás og svína laufgosa.
Henda svo tveimur tíglum niður í ÁK í
laufi. En það er, vægast sagt, nokkuð
afgerandi afstaða, svo snemma spils.
BRIDS
Guðmundur Páll Arnarson | dagbok@mbl.is
Stöndum með öryrkjum
og öldruðum
ÞAÐ er illt að lenda í því að verða
öryrki vegna veikinda og slysa.
Fólki er rétt ávísun á fátækt og það
verður að lifa við mjög kröpp kjör
jafnvel það sem eftir er ævinnar. Þó
fólk sé sæmilega efnað þegar váin
ber að dyrum verður efnahagurinn
fljótt bágborinn. Ef fólk á maka eru
bætur skornar mikið niður, jafnvel
þótt maki sé ekki hátt launaður.
Mörgum þykir erfitt að vera upp á
maka sinn kominn fjárhagslega og
þetta er mjög niðurlægjandi fyrir
þá sem í þessu lenda og þetta getur
jafnvel leitt til þess í einstaka til-
vikum að makinn fari að kúga bóta-
þegann.
Það er engu líkara en að fólki sé
refsað fyrir það að verða öryrkjar
og líka fyrir það að eldast. Það er
mikil skömm að því að búa svona
illa að sjúku og öldruðu fólki sem
lokið hefur vinnu eftir áratuga störf
og vill geta átt góða daga það sem
eftir er ævinnar. Það mætti halda
að stjórnvöld ætli ekkert að gera til
þess að rétta hlut þessa fólks. Alla
vega er allt gert til þess að spara,
skera niður þegar að þetta fólk á í
hlut.
Nú hefur Guðrún Jónína Magn-
úsdóttir hafið undirskriftasöfnun og
er upplýsinga að finna á slóðinni:
www.vildarkor.is/undirskrift-
arsofnun.htm. Ég er búin að skrá
mig á þennan lista og vil hvetja
aðra til að gera slíkt hið sama.
Velvakandi
Svarað í síma 5691100 frá 10–12
og 13–15 | velvakandi@mbl.is
Stöndum með öryrkjum og öldr-
uðum.
Sigrún Reynisdóttir.
Bjargvættir íslenskrar tungu
STUNDUM klippi ég greinar út
úr dagblöðunum og set í tvo bunka.
Sá fyrri inniheldur þær, sem mér
finnast frábærar og athyglisverðar,
hinn síðari þær sem mér finnast
mjög slæmar eða arfavitlausar og
ganga þvert á skoðanir mínar. Jón
Gnarr á grein í „frábæra“ bunk-
anum en grein hans í Fréttablaðinu
23. febrúar sl. undir nafninu „Al-
íslensk nótt“ lenti í „slæma“ bunk-
anum.
Mér þykir vænt um Ríkisút-
varpið, sem hefur reynt með ágæt-
um að hlúa að þjóðararfinum, og
held það eigi stóran þátt í því, að
við erum enn almennt talandi á ís-
lenska tungu.
Það er gott að Jón Gnarr hefur
loksins fundið dæmi um „sigur and-
ans yfir forminu“, í kosningu Silvíu
Nætur, þó ég sé ekki alveg með á
nótunum. Kannski það verði „sigur
andans yfir forminu“, þegar við
verðum búin að glata íslenskunni og
tölum mál, sem hvorki er íslenska
né enska, heldur tungumál í líkingu
við hennar. Með fullri virðingu fyrir
Jóni Gnarr held ég að hugmyndir
hans um Ríkisútvarpið með þátt-
töku Silvíu Nætur, muni ekki
bjarga íslenskri tungu.
Þuríður Guðmundsdóttir.
Staðurogstund
http://www.mbl.is/sos
Félagsstarf
Aflagrandi 40 | Félagsvist kl. 14. við-
talstími hjúkrunarfræðings kl. 9.30–11.
Leikfimi kl. 9. Boccía kl. 10. Vinnustof-
ur opnar frá kl. 9–16.30.
Árskógar 4 | Bað kl. 8–16, handav. kl.
9–16.30, smíði/útskurður kl. 9–16.30,
söngstund kl. 10.30, félagsvist kl.
13.30, Myndlist kl. 16.
Bólstaðarhlíð 43 | Almenn handa-
vinna, bútasaumur, samverustund,
fótaaðgerð.
FEBÁ, Álftanesi | Haukshús, opið hús
kl. 13–16. Vilborgardagur, leiðbeint við
handverk og föndur af öllu tagi. Kaffi-
veitingar að hætti Álftnesinga. Auður
og Lindi annast akstur, sími
565 0952.
Ferðaklúbbur eldri borgara | Þriðju-
daginn 7. mars verður haldinn kynn-
ingarfundur á ferðum sumarsins
2006 kl. 13.30 í Þróttarheimilinu í
Laugardal.
Félag eldri borgara í Kópavogi | Skrif-
stofan er opin frá kl. 10–11.30 í dag. Fé-
lagsvist er spiluð í Gjábakka í kvöld kl
20.30.
Félag eldri borgara í Kópavogi | Skrif-
stofan er opin í dag kl. 10–11.30. Fé-
lagsvist spiluð í Félagsheimilinu Gull-
smára kl. 20.30.
Félagsheimilið Gjábakki | Handavinna
kl. 9–12, boccia og gler- og postulíns-
málun kl. 9.30, Lomber kl. 13.15 og
kóræfing kl. 17.
Félagsmiðstöðin Gullsmára 13 |
Postulínsmálun kl. 9, handa-
vinnustofan opin kl. 13, brids kl. 13, fé-
lagsvist kl. 20.30.
Félagsstarf aldraðra, Garðabæ | Opið
í Garðabergi kl. 12.30–16.30. Myndin Á
hverfanda hveli sýnd í Garðabergi kl.
13. Bollukaffi í Garðabergi í bíóhléi.
Kvennaleikfimi kl. 9, 9.50 og 10.45.
Vatnsleikfimi, auka, kl. 9.45 í Mýri.
Furugerði 1, félagsstarf | Í dag kl. 9
aðstoð við böðun, almenn handa-
vinna, bókband. Kl. 14 verður leikfimi-
hópurinn með dagskrá til kl. 15, þá
verður bollukaffi. Allir velkomnir.
Hraunbær 105 | Kl. 9 perlusaumur, al-
menn handavinna, kaffi, spjall, dag-
blöðin. Kl. 10 bænastund. Kl. 12 hádeg-
ismatur. Kl. 15 kaffi.
Hvassaleiti 56–58 | Opin vinnustofa
kl. 9–16 hjá Sigrúnu, mósaík, ullarþæf-
ing og íkonagerð. Jóga kl. 9–11. Spila-
mennska kl. 13–16. Böðun fyrir hádegi.
Bollur með kaffinu. Fótaaðgerðir s.
588 2320.
Hæðargarður 31 | Félagsstarfið opið
öllum. Líttu við einhvern daginn, kíktu
í blöðin, fáðu þér kaffisopa og kynntu
þér dagskrána. Það er morgunsopi kl.
10 alla morgna og alltaf eitthvað gott
með síðdegiskaffinu kl. 15. Þú getur
fengið dagskrána senda heim! Síminn
okkar er 568–3132. asdis.skuladott-
ir@reykjavik.is
Korpúlfar, Grafarvogi | Sundleikfimi í
Grafarvogssundlaug á morgun kl.
9.30.
Laugardalshópurinn Blik, Laug-
ardalshöll | Leikfimi fyrir eldri borgara
í Laugardalshöll kl. 12.
Norðurbrún 1, | Kl. 9 smíði, kl. 10.30
upplestur, kl. 13–16.30 opin vinnustofa,
kl. 9 opin fótaaðgerðastofan, sími
568 3838.
Samtök lungnasjúklinga | Fé-
lagsmenn hittast alla mánudaga kl. 16
í Síðumúla 6 (gengið inn á bak við hús-
ið). Spjallað, gengið og tekið í spil.
Léttar kaffiveitingar. Stjórnin.
Sjálfsbjörg, félag fatlaðra á höf-
uðborgarsvæðinu | Félagsheimilið,
Hátún 12: Brids í kvöld kl. 19.
Vesturgata 7 | Kl. 9–16 hárgreiðsla og
fótaaðgerðir. Kl. 9.15–15.30 handa-
vinna. Kl. 9–10 boccia. Kl. 11–12 leikfimi.
Kl. 11.45–12.45 hádegisverður. Kl. 13–
16 kóræfing. Kl. 13.30–14.30 leshópur.
Kl. 14.30–15.45 kaffiveitingar.
Vitatorg, félagsmiðstöð | Smiðja kl.
9–12.30, bókband og bútasaumur kl.
9–13, hárgreiðsla og fótaaðgerð-
arstofur kl. 9, morgunstund kl. 9.30,
boccia kl. 10–11, handmennt almenn kl.
13–16.30, glerbræðsla og frjáls spila-
mennska kl. 13.
Kirkjustarf
Akureyrarkirkja | Vímulaus æska kl.
20. Stuðningshópur foreldra unglinga
í vímuefnavanda.
Árbæjarkirkja | Bæna- og helgistund
kl. 10 í félagsmiðstöðinni Hraunbæ
105. Umsjón sr. Þór Hauksson og
Kristina Kalló Szklenár.
Grensáskirkja | Foreldrastund alla
mánudagsmorgna.
Hjallakirkja | Æskulýðsfélag fyrir 8.
bekk kl. 20–21.30.
Hjálpræðisherinn á Akureyri | Mánu-
daga kl. 15 Heimilasamband. Allar kon-
ur eru hjartanlega velkomnar.
Hvítasunnukirkjan Fíladelfía | Alfa 2
kl. 19. www.gospel.is – www.alfa.is.
Nýtt námskeið hefst í september,
hægt er að skrá sig á safnaðarskrif-
stofunni.
Kristniboðssalurinn | Samkoma í
Kristniboðssalnum, Háaleitisbraut
58–60, miðvikudaginn 1. mars kl. 20.
„Gefið þeim að eta“. Mike Fitzgerald
talar. Fréttir af starfi Lindarinnar. Kaffi.
Allir eru velkomnir.
Morgunblaðið/Sigurður Ægisson
Akureyrarkirkja
Sá á fund sem finnur!
Finnur þú
næstumilljón?
F
í
t
o
n
/
S
Í
A