Morgunblaðið - 10.03.2006, Qupperneq 10

10 FÖSTUDAGUR 10. MARS 2006 MORGUNBLAÐIÐ
FRÉTTIR
2.422 ÍBÚAR í Mosfellsbæ skrifuðu
undir í undirskriftasöfnun kven-
félags Lágafellssóknar, sem hófst í
febrúar, en með henni var skorað á
heilbrigðisráðherra að heimila upp-
byggingu hjúkrunarheimilis í Mos-
fellsbæ. Þessi fjöldi jafngildir um
helmingi kosningabærra manna í
bæjarfélaginu og var undirskrifta-
listinn afhentur Siv Friðleifsdóttur
heilbrigðisráðherra í gær.
Í tilkynningu vegna undirskrifta-
söfnunarinnar segir að í dag búi tæp-
lega 7.200 manns í Mosfellsbæ og sé
gert ráð fyrir verulegri fjölgun á
næstu árum. „Eldra fólki fjölgar ört í
Mosfellsbæ og því er skýr þörf fyrir
að hefja uppbyggingu hjúkrunar-
heimilis í bæjarfélaginu sem er það
sjöunda stærsta í landinu.“ For-
svarsmenn bæjarfélagsins hafi í
rúman áratug sótt árlega um leyfi til
að hefjast handa við byggingu hjúkr-
unarheimilis í Mosfellsbæ, en án ár-
angurs. „Það er von íbúanna að
hæstvirtur heilbrigðisráðherra
bregðist vel við þessari áskorun og
heimili strax á næstu dögum að haf-
ist verði handa um byggingu hjúkr-
unarheimilis í Mosfellsbæ,“ segir í
tilkynningunni.
Heilbrigðisráðherra afhentur undirskriftalisti vegna hjúkrunarheimilis í Mosfellsbæ
Skýr þörf á uppbyggingu
hjúkrunarheimilis
Morgunblaðið/Brynjar Gauti
Salome Þorkelsdóttir, fyrrverandi þingforseti, afhenti Siv Friðleifsdóttur heilbrigðisráðherra undirskriftalistana.
FRAMLEIÐSLA og útgáfa nýrra
vegabréfa með rafrænum líf-
kennum hefst í maí nk., að sögn
Hauks Guðmundssonar, formanns
verkefnastjórnar um ný vegabréf.
Frumvarp dómsmálaráðherra um
breytingu á lögum um vegabréf
var lagt fram á Alþingi í gær.
Þar er m.a. kveðið á um að vega-
bréf skuli vera með örflögu sem
ber upplýsingar um lífkenni, þ.e.
andlitsmyndir í fyrstu, en seinna
er stefnt að því að þar verði einn-
ig fingraför.
Haukur leggur áherslu á, í
samtali við Morgunblaðið, að
þetta þýði þó ekki að fólk þurfi
að hlaupa til og fá ný vegabréf.
Þeir sem hafi gild vegabréf út-
gefin í júní 1999 þurfi ekki að
hafa áhyggjur. Vegabréfin gildi í
tíu ár frá útgáfudegi. Hann ráð-
leggur þó þeim sem þurfi á ann-
að borð að endurnýja vegabréfin
sín í ár að hinkra með það, þar
til nýju vegabréfin með rafrænu
lífkennunum verða gefin út. Í
frumvarpinu er lagt til að gild-
istími þeirra vegabréfa verði
fimm ár.
Í athugasemdum frumvarpsins
segir að innan Evrópusambands-
ins hafi lengi verið unnið að því
að setja örflögu í vegabréf sem
beri lífkennaupplýsingar. Sam-
komulag hafi síðan verið gert um
samræmdar kröfur Schengen-
ríkjanna um slík vegabréf. „Skulu
ríkin hefja útgáfu nýrra vega-
bréfa samkvæmt þessum kröfum
eigi síðar en 28. ágúst 2006. Í ör-
flögunni skulu þá vera lífkenni í
formi andlitsmyndar og 36 mán-
uðum eftir að tækniskilgrein-
ingar eru tilbúnar skulu einnig
vera þar lífkenni í formi fingra-
fara.“
Í athugasemdunum segir einnig
að Bandaríkjastjórn krefjist þess
að þau ríki sem vilji halda stöðu
sinni í Visa Waiwer Program
(VWP) þurfi að gefa út vegabréf
með örflögu með stöðluðum líf-
rænum lífkennum eftir 26. októ-
ber 2006. Það þýðir að Íslend-
ingar sem eiga útgefin vegabréf
eftir þann dag geta ekki ferðast
til Bandaríkjanna án vegabréfs-
áritunar, nema þeir hafi bréf með
tölvulesanlegum lífkennum.
Í fylgiskjali frumvarpsins kem-
ur fram að heildarrekstrarkostn-
aður vegna umsókna, framleiðslu
og útgáfu vegabréfa með rafræn-
um lífkennum sé talinn nema um
77 milljónum króna á ári.
Framleiðsla
nýrra vegabréfa
með rafrænum
lífkennum
hefst í maí
ÖNNUR umræða um frumvarp
iðnaðarráðherra til nýrra vatna-
laga heldur áfram á Alþingi í
dag. Ekkert samkomulag náðist í
gær milli stjórnar og stjórn-
arandstöðu um framhald umræð-
unnar. Þingfundur hefst því kl.
tíu í dag. Stjórnarandstaðan hef-
ur mótmælt því harðlega enda
hafi ekki verið gert ráð fyrir
þingfundi hvorki á starfsáætlun
þingsins ná á vikuáætlun, sem
samþykkt er í upphafi hverrar
þingviku. Umræða um frum-
varpið hefur staðið yfir í tæpar
25 stundir og eru enn fjölmargir
þingmenn á mælendaskrá.
Frumvarpinu er ætlað að leysa
af hólmi núgildandi vatnalög frá
árinu 1923. Stjórnarandstæðingar
hafa sagt, að með frumvarpinu sé
verið að festa enn frekar í sessi
einkaeignarrétti á vatni. Stjórn-
arliðar hafa vísað því á bug. Þeir
segja að frumvarpið feli ekki í
sér neina efnisbreytingu að því
leyti; dómaframkvæmdir staðfesti
að einkaeignarrétturinn sé þegar
til staðar.
Umræða um
vatnalög heldur
áfram í dag
SIGRÍÐUR Anna Þórðardóttir, um-
hverfisráðherra og samstarfsráð-
herra Norðurlandanna, sagði á Al-
þingi í gær að hún vissi ekki annað
en að ríki þyrfti að vera í Evrópu-
sambandinu til þess að geta orðið
aðili að Efnahags- og myntbanda-
laginu. „Hvað snertir myntbanda-
lagið og evruna, þá hefur það ekkert
breyst – ekki svo ég viti til – að til
þess að geta orðið aðili að mynt-
bandalaginu þarf að vera jafnframt
aðili að Evrópusambandinu,“ sagði
hún í svari sínu við fyrirspurn Öss-
urar Skarphéðinssonar, þingmanns
Samfylkingarinnar.
Sigríður Anna sagði ennfremur
að skoðanir væru skiptar innan
stjórnmálaflokka um það hvort Ís-
land ætti að sækja um aðild að ESB.
„Ég tel að það sé miklu meiri eining
um það í dag að okkur vegni ágæt-
lega með samninginn um Evrópska
efnahagssvæðið og að það sé engin
nauðsyn sem knýr okkur til þess að
sækja um aðild.“ Hún sagði að þau
tvö Norðurlönd, sem stæðu utan
ESB, þ.e. Ísland og Noregur, trón-
uðu á toppnum í öllum alþjóðlegum
samanburði, ekki síst í efnahags-
málum.
Össur sagði eftir þetta svar Sig-
ríðar Önnu að greinilega væru
skiptar skoðanir innan ríkisstjórn-
arinnar um þessi mál. Vitnaði hann
þar til orða Valgerðar Sverrisdótt-
ur, viðskipta- og iðnaðarráðherra, á
vef sínum en þar segir hún m.a.:
„Ég hef hins vegar mikinn áhuga á
að skoða þann möguleika að Ísland
gerist fullgildur aðili að Efnahags-
og myntbandalaginu án aðildar að
ESB [...]. Einnig er vert að skoða
hvort Ísland geti samið sérstaklega
um upptöku evrunnar án fullrar að-
ildar að EMU eða ESB [...]. Þessar
leiðir tel ég báðar vera færar séð frá
sjónarhóli reglna ESB. Málið snýst
fyrst og fremst um pólitískan vilja
framkvæmdastjórnarinnar ef að
áhugi væri fyrir slíku hjá íslenskum
stjórnvöldum.“
Össur sagði að svo virtist sem við-
skiptaráðherra hefði farið á taugum
yfir þeim sviptingum sem orðið
hefðu í fjármálalífinu. Um leið og
einhver skjálfti birtist í efnahags-
málum talaði viðskiptaráðherra á þá
lund að krónan væri ómöguleg og að
það þyrfti að grípa til þess örþrifa-
ráðs að reyna að tengja myntina við
Evrópumyntina án þess að ganga í
ESB.
Sigríður Anna Þórðardóttir er ósammála viðskiptaráðherra
Engin evra án ESB
Sigríður Anna
Þórðardóttir
Össur
Skarphéðinsson
ÞINGMENN stjórnarandstöðunnar gagnrýndu
harðlega óvissu um framtíð Listdansskóla Ís-
lands í upphafi þingfundar á Alþingi í gær. Þeir
gerðu nýlega ályktun foreldra nemenda skólans
að umtalsefni, en í ályktuninni er menntamála-
ráðherra, Þorgerður K. Gunnarsdóttir, hvattur
til þess að fresta fyrirhugaðri lokun skólans um
eitt ár. Ráðherra var ekki við umræðuna á Al-
þingi í gær.
„Ég fullyrði úr þessum ræðustóli að með
einkavæðingaráformum sínum er ráðherra að
gjaldfella nám í listdansi sem hefur staðið styrk-
um fótum hér á Íslandi,“ sagði Kolbrún Hall-
dórsdóttir, þingmaður Vinstri grænna og máls-
hefjandi umræðunnar. „Reynum að vitkast og
hvetjum ráðherra í sameiningu til að taka aftur
þessi áform sín en efla hins vegar listdansnámið
innan Listdansskóla Íslands.“
Menntamálaráðuneytið, Menntaskólinn við
Hamrahlíð og Dansmennt ehf. undirrituðu á síð-
asta ári viljayfirlýsingu um samstarf um list-
dansnám á framhaldsskólastigi. Kolbrún sagði
að námskrá vegna framhaldsskólastigsins hefði
verið samin í flýti fyrir áramót og að hún væri
talin mjög ófullkomin. Þá væri námskrá vegna
grunnskólastigsins enn ekki tilbúin.
Mörður Árnason, þingmaður Samfylkingar-
innar, sagði að málefni Listdansskólans virtust
vera í klúðri og að það ætti að tryggja nem-
endum skólans þann rétt sem þeir ættu skilið.
Ögmundur Jónasson, þingmaður Vinstri
grænna, sagði að ríkisstjórnin ætti að endur-
skoða áform ráðherra um einkavæðingu skólans
og í sama streng tók Jón Bjarnason, samflokks-
maður hans.
Magnús Þór Hafsteinsson, þingmaður Frjáls-
lynda flokksins, sagðist ekki muna betur en að
menntamálaráðherra hefði áður reynt að full-
vissa þingið um að málefni skólans væru í góðum
farvegi. Magnús sagðist hafa ákveðið að taka orð
ráðherra trúanleg. „Núna kemur síðan yfirlýs-
ing frá Foreldrafélagi Listdansskóla Íslands um
að ekkert hafi gerst í þessum málum og það veld-
ur mér vonbrigðum.“
Össur Skarphéðinsson, þingmaður Samfylk-
ingarinnar, sagði að ráðherra hefði lofað for-
eldrasamtökunum ákveðna lausn í málinu, en nú
blasti við að hún hefði ekki staðið við þau orð. Þá
sagði Sigurjón Þórðarson, þingmaður Frjáls-
lynda flokksins, að mjög væri orðið erfitt að
treysta orðum ráðherra.
Ráðherra var ekki við umræðuna, eins og áður
kom fram, og sagði Birgir Ármannsson, þing-
maður Sjálfstæðisflokks, að til umræðunnar
hefði verið boðað með mjög stuttum fyrirvara.
Þingmenn ættu því að spara stóru orðin þegar
ráðherra gæti ekki verið til andsvara. Sigríður
Anna Þórðardóttir umhverfisráðherra sagðist
treysta ráðherra fullkomlega til að ljúka málinu
með sóma og Dagný Jónsdóttir, þingmaður
Framsóknarflokks, sagði að þingmenn ættu að
bíða rólega eftir því að ráðherra gæfist færi á að
skýra frá stöðu mála.
Stjórnarandstæðingar gagnrýna
óvissu um framtíð Listdansskólans
SAMKVÆMT pakistönskum
fréttavef er Ísland með lægsta
fjárframlagið í matarhjálp Samein-
uðu þjóðanna, en frá því í október
síðastliðnum hefur SÞ séð milljón
manns í fjallahéruðum Pakistan
fyrir mat, en íbúar þeirra fóru
mjög illa út úr jarðskjálftunum
sem riðu yfir landið í október síð-
astliðnum. Hafa yfir 42 milljónir
Bandaríkjadala safnast og nú síð-
ast gáfu Sádi-Arabar 2 milljónir
dala í reiðufé en framlag Íslands
er töluvert lægra eða 75 þúsund
Bandaríkjadalir. Athygli vekur að
ýmsar smáþjóðir hafa lagt fram
talsvert meira fé en Ísland og
meðal þeirra eru Færeyjar sem
hafa lagt fram 252 þúsund Banda-
ríkjadali og Lúxemborg með 584
þúsund dali.
Ísland með
lægsta
framlagið
í Pakistan