Morgunblaðið - 03.04.2006, Qupperneq 18

18 MÁNUDAGUR 3. APRÍL 2006 MORGUNBLAÐIÐ
DAGLEGT LÍF Í APRÍL
Umbo›s- og sölua›ili
Birkiaska ehf.
sími: 551 9239
www.birkiaska.is
Birkiaska
Yamaha píanó.
Yamaha píanó og flyglar
með og án SILENT búnaðar.
Veldu gæði – veldu Yamaha!
Samick píanó.
Mest seldu píanó á Íslandi!
Fáanleg í svörtu, hnotu og mahoný.
Verð frá 357.000 kr.
Goodway píanó.
Fáanleg í svörtu, hnotu og mahoný.
Verð frá 238.000 kr.
15 mán. Vaxtalausar greiðslur.
Estonia flyglar.
Handsmíðuð gæðahljóðfæri.
Steinway & Sons
Fyrir þá sem vilja aðeins það besta.
Til sýnis í verslun okkar.
H L J Ó Ð F Æ R A H Ú S I Ð
Suðurlandsbraut 32 • 108 Reykjavík • 591 5350
„VIÐ SÁUM breskan bækling sem
var kveikjan að hugmyndinni,“ segir
Þórhildur Ólafsdóttir sjúkraþjálfari,
en hún hefur ásamt Önnu Kristrúnu
Gunnarsdóttur sjúkraþjálfara gert
mynddisk og bækling um hreyfingu
fyrir parkinson-sjúklinga. „Við heill-
uðumst af þessum bæklingi, þetta er
ítarlegt fræðsluefni um hreyfingu og
æfingar fyrir þennan hóp. Okkur
fannst að við yrðum að gera þetta á
íslensku,“ heldur hún áfram.
„Við söfnuðum að okkur efni héðan
og þaðan,“ segir Anna Kristrún. „Við
byggðum efnið á breska bækl-
ingnum, svo notuðum við efni frá
Bretlandi, Norðurlöndunum og
Bandaríkjunum. Við töluðum líka við
fagfólk hér.“ Þær kynntu sér í upp-
hafi hvaða efni á þessum nótum var
til hér og komust að því að það var
takmarkað.
„Markmiðið með útgáfu efnisins,
fyrir utan að vera bara fræðandi efni
fyrir sjúklingahópinn, er að fagaðilar
geti stuðst við þetta þegar þeir eru að
leiðbeina parkinson-sjúklingum með
æfingar og þjálfun,“ segir Anna
Kristrún.
Sveiflukenndur sjúkdómur
Efnið sem er á diskinum er þess
eðlis að allir sem greindir eru með
parkinson geta stuðst við það. Á disk-
inum er æfingunum skipt eftir erf-
iðleikastigum og þeir sem greindir
eru með parkinson geta gert æfing-
arnar heima. „Þetta er þannig upp
byggt að einstaklingurinn getur al-
gjörlega fylgt þessu sjálfur,“ segir
Þórhildur og Anna Kristrún skýtur
því inn að þessi hreyfing eigi ekki að
koma í staðinn fyrir aðra reglu-
bundna þjálfun, heldur vera viðbót.
„Það er pæling á bak við hverja ein-
ustu æfingu,“ segir hún.
Parkinson-sjúkdómurinn er
sveiflukenndur og sjúklingarnir eru
mjög háðir lyfjatöku sem getur háð
þeim við ýmsar athafnir daglegs lífs.
„Þess vegna er ekkert auðvelt fyrir
fólk að koma sér alltaf í þjálfun á ein-
hverjum ákveðnum tíma úti í bæ. Þá
er það þannig að í stað þess að fólk
kannski hreyfi sig ekki neitt hefur
það þarna möguleika á að gera æfing-
arnar heima,“ segir Anna Kristrún og
Þórhildur tekur við: „Segjum að fólk
taki lyfið kl. 10 og hámarksvirkni
þess er kannski klukkutíma síðar, þá
finnur fólkið að það getur hreyft sig
og hefur tök á að gera það heima,“ og
Anna Kristrún bætir við að þó að
lyfjameðferð sé aðalatriði í meðferð
parkinson-sjúklinga vilji þær meina
að hreyfing sé ekki síður mikilvæg.
Samvinna við
Parkinson-samtökin
Anna Kristrún og Þórhildur hafa
unnið verkefnið frá grunni og þar
með gerðu þær viðskiptaáætlun sem
þær lögðu fyrir styrktaraðila og í
henni var plan um dreifingu á bækl-
ingnum og diskinum. „Við höfum ver-
ið í samvinnu við Parkinson-samtökin
í sambandi við dreifinguna og vinn-
una við efnið,“ segir Þórhildur. „Við
ætlum að senda eintak á allar lækna-
stofur, öll bókasöfn, allar heilsu-
gæslustöðvar og allar starfsstöðvar
sjúkraþjálfara. Markmið okkar er að
fræðsluefnið verði aðgengilegt fyrir
alla.“
„Við viljum gjarnan að diskurinn
og bæklingurinn komist í hendur
sjúklinganna strax við greiningu,“
segir Anna Kristrún.
Knýjandi þörf
Anna Kristrún og Þórhildur kynnt-
ust í gegnum starf sitt sem sjúkra-
þjálfarar á Landspítalanum. „Okkur
langaði að búa til góða fræðslu,“ segir
Þórhildur. „Við sáum það í gegnum
starfið okkar á Landspítalanum að
þetta vantaði,“ bætir Anna Kristrún
við. „Já, við fundum þörfina, hún var
knýjandi,“ skýtur Þórhildur inn í.
Eftir að hafa sett sig í samband við
Parkinson-samtökin vissu þær að
grundvöllur var fyrir því að setja
verkefnið í gang. „Við settum þetta
þá allt niður fyrir okkur, gerðum
kostnaðar- og framkvæmdaáætl-
unina og eftir það fór boltinn að
rúlla,“ segir Þórhildur. „Við sáum þá
líka hvort þetta væri of stór biti fyrir
okkur að kyngja,“ segir Anna Krist-
rún og hlær. „Við fórum á fund með
Parkinson-samtökunum og höfðum
þá áætlunina í höndunum. Þeir gripu
þetta strax af því að ekkert í þessa
veruna var til hérna.“
Á hverju ári greinast um fjörutíu
manns með parkinson á Íslandi.
Bæklingurinn er í vinnslu eins og er
og diskurinn einnig. Á diskinum er að
finna leiðbeiningar um hreyfingu,
fræðslu og hagnýt ráð. Von er á efn-
inu úr framleiðslu innan skamms.
 HREYFING | Gefa út mynddisk og bækling fyrir parkinson-sjúklinga
Pæling á bak við hverja einustu æfingu
Morgunblaðið/ÞÖK
Anna Kristrún Gunnarsdóttir og Þórhildur Ólafsdóttir eru kraftmiklar ungar konur og réðust ekki á garðinn þar
sem hann er lægstur þegar þær ákváðu að búa til bækling og disk með fræðsluefni fyrir parkinson-sjúklinga.
Eftir Sigrúnu Ásmundar
sia@mbl.is
NEMENDUR undir átján ára
aldri í sænskum skólum verða að
sætta sig við að foreldrarnir
frétti af því um leið ef viðkom-
andi skrópar í skólanum.
Ákvörðun stjórnvalda er liður í
að skapa rólegra skóla-
umhverfi, að því er fram kem-
ur í Svenska Dagbladet. Mark-
miðið er einnig að koma í veg
fyrir að foreldrar fái allt of
seint tilkynningu um langvar-
andi fjarvistir nemanda. Til-
lögur stjórnvalda ganga einnig
út á að skólar setji sér reglur en
um það sé samráð á milli kenn-
ara, nemenda og foreldra. Þeim
nemendum sem flosna upp úr
námi strax í grunnskóla hefur
fjölgað um helming á einum ára-
tug í Svíþjóð.
Nú er um að ræða 1.500 nem-
endur á ári sem ekki ljúka
grunnskólanum.
Hringt ef unglingarnir skrópa
 MENNTUN
LÍKAMSRÆKTARSTÖÐ sem
aðeins er ætluð börnum og
unglingum á aldrinum 8-16
ára var nýlega opnuð í Vi-
borg í Danmörku og búist er
við að fyrir árslok verði
stöðvarnar orðnar 25 í Dan-
mörku, að því er greint er frá
á fréttavef Berlingske Tid-
ende.
Íþróttafræðingurinn Mort-
en Zacho er einn af þeim sem
standa að stofnun stöðvanna
sem heita SHOKK og hann
telur að slíkar stöðvar geti
hentað vel fyrir þau börn sem
ekki hreyfa sig að öðru leyti
og jafnvel eru orðin of þung.
Þar keppi þau aðeins við
sjálf sig en ekki önnur börn.
Aðstandendur SHOKK telja
að markaður sé fyrir allt að
fimmtíu svona stöðvar í Dan-
mörku.
Morgunblaðið/Golli
Búist er við að fyrir árslok
2006 verði stöðvarnar orðnar
25 um alla Danmörku.
Líkams-
ræktar-
stöð fyrir
börn
 HEILSA