Morgunblaðið - 24.05.2006, Qupperneq 10

10 MIÐVIKUDAGUR 24. MAÍ 2006 MORGUNBLAÐIÐ
FRÉTTIR
Blómleg viðskipti
á HM í Þýskalandi
á morgun

Fótafimustu kempurnar
hafa mikil áhrif á efnahags-
lífið á heimsvísu
BJARTUR og rúmgóður garðskáli
við matsalinn á Litlu-Grund var
formlega tekinn í notkun á mánu-
dag.
Miklar framkvæmdir og end-
urbætur hafa staðið yfir á dvalar-
og hjúkrunarheimilinu Grund síð-
astliðin fimm ár. Að sögn Júlíusar
Rafnssonar, framkvæmdastjóra
Grundar, hafa tvær viðbyggingar
verið teknar í notkun við Grund
við Hringbraut en með þeim hefur
starfsfólk fengið betri vinnuað-
stöðu en áður og sameiginlegt
rými fyrir heimilisfólk hefur verið
stækkað til muna, m.a. með rúm-
góðum setustofum.
Þá var tengibygging á milli
Grundar og Litlu-Grundar tekin í
notkun á síðasta ári. Ásamt þessu
hefur lóðinni við Brávallagötu ver-
ið breytt verulega og hún gerð öll
hentugri til útivistar fyrir heim-
ilisfólk Auk þessa hafa ýmsar innri
breytingar verið gerðar á húsnæði
heimilisins.
Að sögn Júlíusar lýkur fram-
kvæmdum í september á þessu ári
og verður þá gert hlé á þeim uns
endanleg ákvörðun liggur fyrir um
að koma fyrir salerni og bað-
aðstöðu með hverju herbergi og
gera þeim kleift, sem vilja, að vera
í einbýli. Hugmyndir að þeim
breytingum liggja nú hjá stjórn
Grundar.
Morgunblaðið/Brynjar Gauti
Guðfinna Hinriksdóttir, sem hefur verið heimilismaður á Grund í mörg ár,
klippti á borðann þegar garðskálinn var tekinn í notkun og naut dyggrar
aðstoðar Guðrúnar Gísladóttur, forstjóra Grundar.
Miklar framkvæmdir á Grund
Morgunblaðið/Brynjar Gauti
Bjartur og rúmgóður garðskáli er kominn við matsalinn á Litlu Grund og einnig er búið að taka í notkun tengi-
byggingu milli Grundar við Hringbraut og Litlu Grundar. Miklar framkvæmdir hafa staðið yfir sl. ár.
SKILVIRKNI í opinberri stjórnsýslu, stefnu-
mótun fyrir unga og smáa skipulagsheild, starfs-
mannasamtöl í framhaldsskólum, staðlar og
stjórnsýsla, hlutverk stjórna í opinberum stofn-
unum og félagsauður og netnotkun voru meðal
viðfangsefna lokaverkefna fimmtán meistara-
nema í opinberri stjórnsýslu (MPA), sem kynnt
voru á ráðstefnunni Íslensk stjórnsýsla í sam-
tímaspegli, sem haldin var á dögunum.
Um 200 nemendur eru nú skráðir í nám í op-
inberri stjórnsýslu, þar af 130 í MPA nám og 61 í
svokölluðu diplómanámi, sem er fimmtán eininga
nám sem gengur upp í meistaranámið. Hægt er
að stunda diplómanámið sem fjarnám og eru um
35 nemendur víðs vegar á landinu sem það gera.
Námsskrá MPA-námsins er að erlendri fyrir-
mynd, en hefur námið verið lagað að íslenskum
aðstæðum og lagaumhverfi fyrir hið opinbera.
Árlega hefur námsframboð verið aukið og bætt
við nýjum viðfangsefnum, en áhersla er lögð á
tengsl við það sem vel er gert erlendis með er-
lendum gestafyrirlesurum, möguleikum á starfs-
námi erlendis og fleira. Þannig séu nemendur
búnir undir síbreytilegt og í vaxandi mæli alþjóð-
legt umhverfi hins opinbera; forystustörf, störf
millistjórnenda og sérfræðinga að sögn dr. Óm-
ars Kristmundssonar, lektors í opinberri stjórn-
sýslu. „Námið nýtist ennfremur þeim er starfa
hjá þeim vaxandi fjölda aðila sem taka að sér
verkefni fyrir opinbera aðila; félagasamtök,
stofnanir og fyrirtæki,“ segir Ómar. „Markmiðið
er þannig að þjálfa framtíðarstjórnendur hjá hinu
opinbera, samhliða því að byggja upp þekkingu á
íslenskri stjórnsýslu með rannsóknar- og þróun-
arstarfi.“
Nemendur miðla sjálfir þekkingu
Ómar segir einn helsta kost nemendahópsins
þann að nemendur hafi mjög fjölbreyttan bak-
grunn, stór hluti þeirra hafi mikla starfsreynslu
hjá hinu opinbera, m.a. sé töluverður fjöldi for-
stöðumanna hjá ríki og sveitarfélögum í náminu,
en engu að síður sé þekkingin ólík og þannig verði
námið ekki síður þekkingarmiðlun milli nemend-
anna sjálfra, en fyrirlestrar kennara. Þá skipi hóp
stundakennara við námið sérfræðingar hjá ríki
og sveitarfélögum, sem tryggi að góð tengsl séu
milli námsins og viðfangs þess, hins opinbera.
Konur eru heldur fleiri en karlar í MPA-nám-
inu, en þó er
hlutfallið jafnara en í mörgum öðrum greinum í
Háskólanum. Konur sækja í vaxandi mæli í
stjórnunarstöður hjá hinu opinbera og nýta m.a.
námið til þess og segir Ómar það af hinu góða,
enda veiti ekki af að fjölga konum í stöðum yf-
irmanna ríkisstofnana.
Þorgerður Ragnarsdóttir, framkvæmdastjóri
Sjónarhóls – ráðgjafarmiðstöðvar fyrir foreldra
barna með sérþarfir, lauk meistaragráðu í stjórn-
sýslufræðum frá HÍ í febrúar. Fjallaði hún í rann-
sókn sinni um hvata að mótun heildarstefnu um
uppbyggingu og rekstur meðferðarstofnana.
Byggðist rannsókn hennar á þingsályktun frá
2002 sem laut að því að móta þyrfti heildarstefnu
um uppbyggingu á sviði áfengis- og vímuefna-
meðferðar og þátttöku ríkisins í stofnkostnaði og
rekstri meðferðarstofnana. Með viðtölum við
flutningsmenn þingsályktunartillögunnar og þrjá
lækna sem stjórna og hafa eftirlit með vímuefna-
meðferð í landinu, greindi Þorgerður hvata þess
að þingsályktunartillagan var lögð fram, helstu
áhrifavalda við mótun heildarstefnu í málaflokkn-
um, áhersluatriði við mótun stefnunnar og hvaða
ávinnings er vænst af þeirri vinnu. Telur hún
rannsóknarverkefni sitt geta nýst vel í vinnu við
mótun heildarstefnu á þessu sviði.
Þorgerður kveður nám í opinberri stjórnsýslu
líka nýtast vel í starfi frjálsra félagasamtaka sem
oftar en ekki þurfa að eiga ríkuleg samskipti við
hið opinbera, jafnt ríki og sveitarfélög. „Ég tel að
þetta nám gefi fólki sem starfar á vegum frjálsra
félagasamtaka góða innsýn í störf hins opinbera.
Það stuðlar að jafnræði milli fólks sem starfar ut-
an og innan stjórnsýslunnar að þekking á leiðum
stjórnkerfisins sé fyrir hendi á báðum vígstöðv-
um,“ segir Þorgerður. Ómar tekur undir þetta og
bætir við að félagasamtök vinni mjög oft og í vax-
andi mæli að samfélagslegum verkefnum og sinni
opinberri þjónustu á grundvelli samninga við hið
opinbera.
Innritun í námið fer nú fram, en henni lýkur 6.
júní nk.
HÍ kynnir lokaverkefni nemenda í opinberri stjórnsýslu
Námið nýtist vel jafnt innan sem
utan hins opinbera stjórnkerfis
Morgunblaðið/Ásdís
Ómar Kristmundsson lektor og Þorgerður
Ragnarsdóttir, framkvæmdastjóri Sjónarhóls.
TENGLAR
...............................................................
www.mpa.hi.is
„ÞAÐ hefur gengið vel hingað til,“
segir Bjarki Birgisson, en 15. maí sl.
lögðu hann og Gyða Rós Bragadóttir
upp í hringferð um landið, sem farin
er til þess að vekja athygli á mál-
efnum Barna- og unglingageðdeild-
ar Landspítalans, BUGL. Þegar
blaðamaður náði tali af Bjarka
mánudag voru hann og Gyða stödd á
Bíldudal en þar ætluðu þau að hvíl-
ast einn dag. Bjarki segir hjólreið-
arnar taka á en misjafnt sé hversu
langa vegalengd þau Gyða hjóli á
einum degi.
„Það fer eftir veðri og vindum.
Undanfarið höfum við lent í erfiðum
köflum. Það er búinn að vera mót-
vindur og svona, þannig að þetta
hefur verið dálítið eins og spinning-
tími,“ segir Bjarki og hlær.
Á sunnudag hjóluðu þau Gyða og
Bjarki 136 kílómetra vegalengd sem
var sú mesta á einum degi fram að
því.
Hann segir að á ferðum sínum
hingað til hafi þau Gyða mætt mikl-
um velvilja fólks. „Fólk er almennt
ánægt með framtakið okkar og vill
allt fyrir okkur gera,“ segir hann.
Bjarki Birgisson og Gyða Rós á leið
sinni yfir Dynjandisheiði.
Mótvind-
urinn eins
og spinn-
ing-tími