Morgunblaðið - 24.05.2006, Blaðsíða 26

26 MIÐVIKUDAGUR 24. MAÍ 2006 MORGUNBLAÐIÐ
MINNSTAÐUR
Miðbær | Nú er veturinn að baki
og vetrarstarf Íþrótta- og tóm-
stundaráðs Reykjavíkur því að
renna sitt skeið. Með hækkandi sól
fylgja sumarleikir og sprell og í
dag verður miðbærinn stútfullur
af kassabílum af öllum stærðum
og gerðum. Ástæðan er hið árlega
kassabílarallí frístundaheimilanna
í vesturbæ og miðbæ – Frosta-
skjóls.
Að sögn starfsfólks Frostaskjóls
verður mikið lagt í viðburðinn
þetta árið til þess að gera hann
sem veglegastan. Börnin fylkja liði
í skrúðgöngu frá Hallgrímskirkju
niður Skólavörðustíg, Banka-
stræti, Austurstræti og að Ingólfs-
torgi.
Hvert frístundaheimili hefur
valið sér einkennislit og verða
börnin því vel merkt sínu heimili.
Mikið hefur verið lagt í smíði
kassabílanna og börnin eru gríð-
arlega spennt fyrir deginum.
ÍTR vill hvetja sem flesta til
þess að mæta og ganga frá Hall-
grímskirkju í dag ásamt fríðu
föruneyti barna og kassabíla.
Skrúðgangan byrjar kl. 13.30 og
sjálft kassabílarallíið er frá kl. 14
til 15.30 á Ingólfstorgi.
Morgunblaðið/RAX
Kassa-
bílarallí í
Frostaskjóli
HÖFUÐBORGARSVÆÐIÐ
AKUREYRI
Mosfellsbær | Varmárskóli tók á
dögunum við fyrstu jafnréttisviður-
kenningu Mosfellsbæjar, en hún var
veitt við hátíðlega athöfn á dögunum.
Viðurkenningin var veitt í samræmi
við jafnréttisáætlun Mosfellsbæjar
2005–2009 sem samþykkt var í bæj-
arstjórn 1. febrúar sl.
Jafnréttisáætlun Mosfellsbæjar
kveður á um að fjölskyldunefnd veiti
árlega viðurkenningu til þess ein-
staklings, stofnunar, fyrirtækis eða
deildar innan bæjarkerfisins, sem
staðið hefur sig best á árinu áður við
að vinna að framgangi jafnrétt-
isáætlunar bæjarins.
Fjölskyldunefnd var einróma um
að veita Varmárskóla viðurkenn-
inguna fyrir árið 2005. Lagði nefndin
jafnréttisáætlun skólans og fram-
gang hennar til grundvallar vali sínu.
Jafnréttisáætlun Varmárskóla er al-
hliða áætlun um jafnrétti og mann-
réttindi einstaklinga, sem hefur það
að markmiði að stuðla að því að allir
eigi jafnan rétt og beri jafnar skyld-
ur og að einstaklingum sé ekki mis-
munað. Skólinn hefur auk þess unnið
að sérstöku átaki gegn einelti, en
vinna allra starfsmanna að því verk-
efni hefur stuðlað að jafnræði allra
einstaklinga, bæði nemenda og hinna
fullorðnu, í daglegu starfi skólans.
Aðstaða nemenda til náms og ann-
arrar starfsemi innan skólans skal
vera jöfn óháð kynferði, kynhneigð,
útliti, trúarskoðun eða uppruna og
hefur því verið fylgt vel eftir í Varm-
árskóla og hefur verið unnið sérstak-
lega vel að móttöku og aðlögun barna
sem eru af erlendu bergi brotin og
þykir til mikillar fyrirmyndar hvern-
ig staðið hefur verið að starfinu með
börnunum og stuðningi við fjölskyld-
ur þeirra.
Í jafnréttisáætlun Mosfellsbæjar
er kveðið á um að fyrirtæki og stofn-
anir í Mosfellsbæ sem hafa 25 eða
fleiri starfsmenn setji sér jafnrétt-
isstefnu og telur bæjarstjórn víst að
vinna Varmárskóla verði öðrum
hvatning.
Varmárskóli fær jafnréttis-
viðurkenningu Mosfellsbæjar
Álftanes | Sigríður Anna Þórð-
ardóttir umhverfisráðerra stað-
festi 19. maí sl. aðalskipulag
Álftaness 2005 til 2024. Vinna
við endurskoðun aðalskipulags-
ins hófst í upphafi kjörtímabils-
ins. Skipulagsnefnd Álftaness
hafði til ráðgjafar ýmsa sér-
fræðinga við skýrslugerð m.a.
um náttúrufar og skráningu á
fornleifum.
Mikil kynning var meðal íbúa
á vinnslustigi og voru haldin tvö
íbúaþing þar sem margar
ábendingar komu fram sem
unnið var úr. Í aðalskipulaginu
er sérkennum byggðar á Álfta-
nesi haldið við, en þau einkenn-
ast af byggðakjörnum, stórum
óbyggðum svæðum og verndar-
ákvæðum.
Aðalskipu-
lag áranna
2005–2024
staðfest
Seltjarnarnes | Sundlaug Seltjarn-
arness verður opnuð eftir gagngerar
endurbætur föstudaginn 26. maí nk.
kl. 6.50.
Á uppstigningardag, 25. maí nk.,
verður hægt að skoða laugina og
þiggja veitingar milli klukkan 14 og
16. Í tilefni af opnun laugarinnar
verður veittur ókeypis aðgangur að
henni frá 26. maí til og með 2. júní.
Ókeypis í
endurnýjaða
Neslaug
TORFI Gunnlaugsson flugstjóri
lenti Fokker vél Flugfélags Íslands
á Akureyrarflugvelli síðdegis í
gær, einu sinni sem oftar. Veðrið
var afar leiðinlegt, svo ekki sé
meira sagt; norðanstormur og stór-
hríð, en það verður kannski til þess
að þessi sögulegi dagur, síðla í maí,
verði honum enn eftirminnilegri en
ella – þetta var nefnilega síðasta
flug Torfa sem atvinnuflugmaður,
eftir 41 ár í því starfi.
Torfi er fæddur á Akureyri árið
1941. Hann fór fyrstu ferðina sem
atvinnuflugmaður 17. júní 1965, á
Piper Apache vél Norðurflugs, til
Grímseyjar. Í tilefni dagsins kom
sama flugvél á móts við Fokkerinn
á stæðinu á Akureyrarflugvelli í
gær og undir stýri í Apache vélinni
í gær var annar Akureyringur,
Arngrímur Jóhannsson flugstjóri,
gamall vinur Torfa.
Eiginkona Torfa, Guðfinna
Gunnarsdóttir, börn þeirra og
barnabörn, voru öll á meðal far-
þega í síðustu ferð hans heim til Ak-
ureyrar í gær og það var vel við
hæfi. „Guðfinna hefur alltaf staðið
þétt við bakið á mér, ekki síst í FN-
ævintýrinu, sem var satt að segja
oft dálítið ævintýri,“ sagði Torfi í
samtali við Morgunblaðið eftir síð-
ustu ferðina í gær.
„Mér er efst í huga mikill sökn-
uður eftir því frábæra fólki sem ég
hef unnið með hjá Flugfélagi Ís-
lands síðustu fjögur ár eftir að ég
fór að fljúga Fokker,“ sagði Torfi
aðspurður.
Torfi hefur verið meira og minna
á flugi síðan 1965. Hann réðst
reyndar til Flugmálastjórnar 1973,
sem flugumferðarstjóri á Akureyri
og var lengi í því starfi, en flaug
alltaf samhliða.
Hann keypti, ásamt fimm öðrum,
Norðurflug af Tryggva Helgasyni,
haustið 1974. Það voru þrír flug-
menn og þrír flugvirkjar sem
keyptu fyrirtækið saman og ári
seinna varð Flugfélag Norðurlands
til, en Flugfélag Íslands varð þá
strax 35% hluthafi í því félagi.
Flugfélag Norðurlands var starf-
rækt sem sjálfstætt félag til 1997
þegar það sameinaðist Flugleiðum
innanlands í Flugfélagi Íslands.
Torfi flaug hjá Flugfélagi Norð-
urlands og fór svo að fljúga Fokker
fyrir Flugfélag Íslands 2002. Hann
hefur alla tíð átt lögheimili á Ak-
ureyri þótt hann hafi haft aðsetur í
Reykjavík síðustu fjögur ár vegna
vinnunnar.
Torfi flaug frá Reykjavík til Ísa-
fjarðar í gærmorgun og síðan heim
til Akureyrar síðdegis. Hann sam-
sinnir því að líklega hafi hann aldr-
ei lenti í höfuðstað Norðurlands í
jafnleiðinlegu veðri á þessum árs-
tíma. „Ég býst við því að þetta verði
eftirminnilegur dagur, ekki síst
vegna veðursins!“
Hann segir flugveður hafa verið
hálfleiðinlegt síðustu daga „en flug-
skilyrði voru reyndar miklu verri [í
gær] í kringum Reykjavík en bæði
fyrir vestan og hér á Akureyri; það
var svo sterk norðanátt og sterkar
bylgjur“. En allt gekk vel.
Og honum fannst gaman að lenda
á Akureyri í síðustu ferðinni sem
atvinnuflugmaður. „Mér finnst
gaman að hafa endað ferilinn á
þeim stað sem ég byrjaði; ekki síst
þar sem ég er að enda með mörgu
fólki sem ég hef unnið með mjög
lengi,.“ sagði Torfi, en fjöldi gam-
ureyri í neinum mæli; ég hef líklega
verið þrjú ár í burtu samtals þegar
ég lærði flugið, siglingafræðina og
flugumferðarstjórnina á sínum
tíma. Ég hef alltaf verið Akureyr-
ingur og verð það áfram.“
alla starfsfélaga tók á móti honum í
stórhríðinni í gær. „Ég var reyndar
kvaddur fyrir sunnan í dag af fólki
sem ég hef unnið náið með síðustu
fjögur ár, og ég hafði gaman af því.
En ég hef aldrei viljað skilja við Ak-
Torfi lenti á upphafsreit
eftir 41 ár á flugi
Velkominn heim! Margir gamlir vinir buðu Torfa velkominn heim eftir
síðustu ferðina – en segja má að veðurguðirnir hafi strítt flugstjóranum…
Eftir Skapta Hallgrímsson
skapti@mbl.is
Morgunblaðið/Skapti Hallgrímsson
Gamlir félagar Jón Karlsson (til hægri) og Skarphéðinn Magnússon voru
báðir á meðal eigenda Flugfélags Norðurlands ásamt Torfa á sínum tíma.