Morgunblaðið - 03.07.2006, Blaðsíða 2

2 F MÁNUDAGUR 3. JÚLÍ 2006 MORGUNBLAÐIÐ
M
örg perlan leynist í
Reykjavík og Sveinn
Þórir Þorsteinsson eða
Dói og Hjördís Einars-
dóttir eða Hjölla segja að Bragagatan
og nánasta umhverfi falli undir þessa
skilgreiningu. „Það er í einu orði sagt
yndislegt að búa hérna,“ segir Hjölla
og Dói tekur í sama streng. „Hérna
er allt svo heimilislegt, samansafn
ólíkra húsa og góðra nágranna.“
Besti staðurinn
Hjölla og Dói eignuðust húsið á
Bragagötu 32 fyrir rúmlega 20 árum
eftir að hafa búið á mörgum stöðum
og komið víða við. Þau settust svo
sem ekki í helgan stein á Bragagöt-
unni og bjuggu meðal annars um ára-
bil í Portúgal eftir að þau festu sér
eignina auk þess sem þau hafa
ferðast víða. „Bragagatan hefur samt
alltaf verið okkar helsti viðkomustað-
ur,“ segir Hjölla. „Besti staðurinn,“
áréttar Dói og bætir við: „Annars er
alls staðar gott að vera.“
Í því sambandi rifja þau upp húsa-
kaup við Kirkjugarðsstíg. „Við áttum
heima á Ljósvallagötu og þurftum að
skipta,“ segir Hjölla. „Dóttir okkar
vildi endilega að við keyptum hús við
Kirkjugarðsstíg, við skoðuðum það
og gerðum tilboð. Eigandinn vildi
selja okkur og sagði að komið væri
hærra tilboð. Þá lögðumst við mæðg-
urnar upp í rúm og grétum eins og
börn en þá kom pabbi og sagðist
skyldu lána okkur það sem þyrfti til
að við gætum keypt húsið. Við keypt-
um húsið og vorum í skýjunum en
tengdapabbi var hneykslaður á því að
við skyldum kaupa gamlan hjall, eins
og hann orðaði það, í stað þess að
kaupa nýlega íbúð í blokk eins og allir
aðrir. En við höfum aldrei búið í
blokk og það var yndislegt að búa í
þessu húsi. Við vorum ung þá og það
er öðruvísi að vera ungur og geta gert
hvað sem er. Á efri árum hentar þetta
betur og það er rétt hjá Dóa, þetta er
besti staðurinn og þegar við flytjum
þá flytjum við ekki langt héðan.“
Portúgal var heimili þeirra í tæp-
lega áratug. „Það var gott að vera í
Portúgal en við urðum óstjórnlega
þreytt á hitanum,“ segir Hjölla. „Sól-
in kemur upp á vorin og sest aldrei.
Þessi mikli hiti er ekkert síður leiði-
gjarn en rigningin hérna og eftir að
hafa búið svona lengi í sólinni langar
mann ekkert meira að dansa í sand-
inum á sólarströnd.“
Hverfið er Reykjavík
Dói ólst upp í nágrenni við Braga-
götu, átti meðal annars heima á
Grettisgötu, Amtmannsstíg og
Freyjugötu sem strákur. Það hafði
sín áhrif á kaupin. „Fyrir mér hefur
Reykjavík alltaf snúist um þetta
hverfi, í mínum huga er Reykjavík
aðeins miðbærinn og næsta ná-
grenni,“ segir hann. „Ég fæddist
hérna, ólst upp hérna og lék mér
hérna. Ég átti vin á Haðarstígnum og
annan hérna uppi á horni á Freyju-
götu. Húsið hérna á móti var hlaða í
þá daga en að öðru leyti er allt eins,
sömu húsin, nær sama fólkið. Allt svo
heimilislegt og gott, en samt svo fjöl-
breytt byggingarlag og fjölbreytt
mannlíf. Þetta er eins og hverfi í
hverfinu, byggð út af fyrir sig.“
Bragagatan er einstefnugata frá
Freyjugötu niður á Nönnugötu og
voru íbúar við götuna um 100 þegar
þau fluttu þangað. „Þetta hefur alla
tíð verið eins og að búa uppi í sveit,“
segir Hjölla. „Hér heyrist aldrei neitt
og fólkið í hverfinu er svo yndislegt.
Þegar við fluttum hingað voru fá börn
í hverfinu, barnafjölskyldur vildu
greinilega ekki þessi gömlu hús, en
nú hefur þetta heldur betur breyst og
það liggur við að segja megi að það sé
barn í hverju húsi, hundar og kettir.
Gamalt fólk, ungt fólk og dýr í bland.
Það er svo mikið líf hérna, þetta er
æðislegur staður og mjög gott að búa
hérna. Við bjuggum áður við Miklu-
brautina og þar gat ég ekki búið.
Ekki vegna hávaðans heldur vegna
sjóntruflana. Það er skaðlegt fyrir
heilann að horfa á bíla á hraðri
keyrslu allan guðslangan daginn. Hér
er engu slíku til að dreifa, engin um-
ferð. Staðsetningin hérna hentar
okkur líka sérlega vel. Ég hef til
dæmis mjög gaman af því að ganga
og héðan er ekkert mál að hlaupa í
búðir á Skólavörðustíg eða Lauga-
vegi, skreppa á kaffihús og kíkja á
mannfólkið. Það er ekkert skemmti-
legra en að vera innan um fólk og
ekki er langt í það. En við gerum mat-
arinnkaupin í Bónus og keyrum
þangað því við getum ekki borið pok-
ana heim.“
Boltinn styttir stundirnar
Þau segjast alla tíð hafa verið mikl-
ir bóhemar en líf þeirra sé frekar í
föstum skorðum þessi misserin og
þau eyði miklum tíma heima. Þau
segjast spila á spil í um klukkutíma á
morgnana áður en þau fái sér hádeg-
ismat, spili bridds einu sinni í viku og
fari út með tíkina Birtu í einn góðan
göngutúr á dag. Stórviðburðir í
íþróttum, einkum í fótbolta og hand-
bolta, fari ekki framhjá þeim og þau
sitji spennt fyrir framan sjónvarpið
þegar sýnt sé frá leikjum í heims-
meistarakeppni og öðru slíku.
„Þegar ég var lítil stelpa á Akra-
nesi var lífið fótbolti,“ segir Hjölla.
„Rikki (Ríkharður Jónsson) og fé-
lagar komu fram á sjónarsviðið á
þessum tíma, gullaldarliðið, og það
var mikill spenningur. Allir töluðu um
fótbolta öllum stundum og nú hef ég
ekkert annað að gera en þrífa og taka
til, snyrta garðinn og horfa á leiki í
sjónvarpinu. Boltinn styttir okkur
svo sannarlega stundirnar. Ég á ekki
uppþvottavél og vaska upp meðan
svonefndir spekingar blaðra á milli
leikja en svo horfum við á leikina og
fáum þá oft gesti sem vilja horfa líka.
Annars þýðir ekkert að koma eða
hringja meðan á leik í HM stendur.“
Þau segja erfitt að spá í spilin því
allt geti gerst en framan af hafi allt
mælt með því að Argentína yrði
heimsmeistari að þessu sinni. Hjölla
segist samt alltaf halda með Eng-
lendingum. „Mest spennandi leikur-
inn til þessa var viðureign Argentínu
og Hollands og sá skemmtilegasti var
England–Svíþjóð,“ segir Hjölla. „Sví-
ar voru aumingjar að sigra ekki en ég
held alltaf með Englendingum vegna
þess að ég þekki hvert einasta andlit
eftir að hafa fylgst með ensku knatt-
spyrnunni um árabil. En útlitið var
ekki gott eftir að Michael Owen
meiddist því Wayne Rooney getur
ekki beitt sér af fullum krafti. Mér
þótti mjög gaman að horfa á Gana.
Leikmennirnir eru svo mikil náttúru-
börn og þeir komu með nýjan svip inn
í boltann. Það var gaman að sjá þá
komast áfram upp úr riðlakeppninni.
Eins hafði ég ægilega gaman af því að
horfa á Angóla vegna þess að ein
besta vinkona mín er frá Angóla.
Elskulegt fólk. Keppnin er skemmti-
leg og umgjörðin glæsileg en það hef-
ur ekki fengið mig til að halda með
Þjóðverjum, þótt þeir standi sig vel á
ýmsum sviðum. Ástæða þess að ég
get ekki stutt Þjóðverja í boltanum er
frekja þeirra á sólarströndum, frekja
sem við höfum oft upplifað. Þeir hirða
til dæmis alla sólstóla, taka þá jafnvel
frá á nóttunni, svo engir stólar eru
eftir fyrir aðra gesti. Nú verður
Barcelona hins vegar mitt lið eftir að
Eiður Smári Guðjohnsen er kominn í
hópinn og ég mun fylgjast með hverri
hreyfingu í dauðans ofboði. Eins gott
að ég er með Sýn sem sýnir frá
spænska boltanum og svo bíð ég
spennt eftir að handboltinn byrji aft-
ur. Þú getur rétt ímyndað þér hvern-
ig stemningin var hérna þegar Ís-
lendingar tóku á móti Svíum á
dögunum. Húsið var fullt af fólki og
það var svo spennt, stappaði í gólfið
og lét öllum illum látum, ekki síst
þegar ljóst var að Ísland hafði tryggt
sér sæti á HM. Þá hélt ég að gólfið
myndi brotna.“
Þau þekkja hverja götu, hvern stíg
og hverja gangbraut í hverfinu eftir
göngutúra um svæðið á hverjum degi
í mörg ár. „Við erum fræg í hverfinu
og einn nágranni okkar segist aldrei
hafa séð svona aldrað fólk ganga eins
mikið og við gerum,“ segir Hjölla.
„En við verðum að fara út með dýr-
ið.“
Skáldið í götunni
Sumir segja að það sé skáld í hverri
götu og Dói og Hjölla segja að Sig-
urður A. Magnússon hafi sett stimp-
ilinn á Bragagötu 32. „Hann hefur
sagt frá því að þegar hann var í
menntaskóla hafi hann búið hérna
uppi í litlu herbergi og hafi þurft að
fara út til þess að pissa,“ segir Dói.
Skáldið í húsinu þarf ekki lengur að
fara út til að létta á sér og yrkir sem
aldrei fyrr. „Ég á fulla skúffu af óbirt-
um ljóðum en ég hef skrifað eina
ljóðabók og ljóð eftir mig hafa birst í
safnbókum,“ segir Hjölla. „Það hefur
líka verið sungið við ljóðin mín og
þess vegna fæ ég stundum pening frá
STEF. Hér er gott að semja og gott
að búa. Það er einhver andi í þessu
húsi og við höfum notið þess að búa
hérna. Þegar við keyptum húsið hljóp
ég niður á Skólavörðustíg í gleðikasti
og hér höfum við átt ágætt líf.“ Dói
tekur undir það. „Það er eitthvað í
andrúmsloftinu hérna, umhverfinu,
sem maður finnur hvergi annars
staðar.“
Hélt að gólfið myndi brotna
Hjölla missir helst ekki af leik í sjónvarpinu og fylgist hér með Ólafi Þórðarsyni tjá sig um HM í knattspyrnu.
Morgunblaðið/Eyþór
Sveinn Þorsteinsson (Dói) og Hjördís Einarsdóttir (Hjölla) með tíkina Birtu í garðinum við hús þeirra á Bragagötu 32. Hverfið segja þau sannkallaða perlu.
Eftir Steinþór Guðbjartsson
steinthor@mbl.is
Fasteignablað Morgunblaðsins Kringlunni 1, 103
Reykjavík, sími 5691100, Útgefandi Árvakur hf. Um-
sjón Magnús Sigurðsson, magnuss@mbl.is, sími
5691223, og Steinþór Guðbjartsson, steinthor@m-
bl.is, sími 5691257 Auglýsingar sími 5691111 net-
fang augl@mbl.is Bréfsími 5691110 Prentun Prent-
smiðja Morgunblaðsins.
Efnisyfirlit
101 Reykjavík ..................... 54-55
Akkurat ...................................... 6-7
Ás .................................................. 52
Ásbyrgi ........................................ 48
Berg .............................................. 35
Borgir .................................... 22-23
Brynjólfur Jónsson ........... 32-33
DP fasteignir .............................. 49
Eignaborg ..................................... 31
Eignamiðlunin .........................12-13
Eignatorg .................................... 57
Eignaval ....................................... 63
Eik .................................................. 14
Fasteign.is ............................ 30-31
Fasteignamarkaðurinn ..... 58-59
Fasteignamiðlunin .................... 36
Fasteignamiðstöðin .................. 56
Fasteignasala Íslands ............... 19
Fasteignasala Mosfellsbæjar . 25
Fasteignastofan ........................ 64
Fjárfesting ..................................... 9
Fold ....................................... 42-43
Foss .............................................. 24
Garðatorg .................................... 45
Gimli ....................................... 50-51
HB fasteignir .............................. 20
Heimili .......................................... 40
Híbýli ............................................. 41
Hóll .................................................. 8
Hraunhamar ........................ 26-29
Húsakaup ............................. 38-39
Húsavík ........................................ 53
Húsið Smárinn ............................ 10
Höfðabakki .................................. 20
Höfði ............................................... 11
Íslenskir aðalverktakar .............. 5
Kirkjuhvoll ................................... 21
Kjöreign .......................................... 3
Klettur .................................... 16-18
Lundur ................................... 60-61
Miðborg ....................................... 44
Nethús .......................................... 62
Perla Investment ....................... 52
Skeifan .......................................... 15
Stórborg ...................................... 37
Valhöll .................................. 46-47