Morgunblaðið - 19.09.2006, Page 24

tómstundir barna
24 ÞRIÐJUDAGUR 19. SEPTEMBER 2006 MORGUNBLAÐIÐ
Enginn hörgull virðist veraá syngjandi glöðum kríl-um og krökkum ef markamá aðsóknina í Kórskóla
Langholtskirkju. Um 170 söng-
fuglar sækja þar tónlistarnám í
fimm mismunandi kórum; Krútta-
kórnum, Gradualekórnum, Graduale
Futuri, stúlknakórnum Graduale
Nobili og nýstofnuðum drengjakór
sem hóf starfsemi sína í síðustu
viku.
Sextán ár eru síðan Kórskólinn
tók til starfa en Jón Stefánsson, org-
anisti við Langholtskirkju og stjórn-
andi skólans, segir tónlistina alltaf
verið hafða í hávegum við kirkjuna.
„Þegar við byrjuðum með skólann
var mikil vakning varðandi barna-
kórastarf í kirkjum og eiginlega
komu tilmæli frá sóknarnefndinni
um að ég færi í gang með barnakór
við kirkjuna. Ég ákvað þá að koma
upp formlegu tónlistarnámi og
stofnaði Kórskólann og barnakór-
inn, sem í fyrstu var einfaldlega kall-
aður Kór kórskólans en fékk svo
nafnið Gradualekór Langholtskirkju
nokkrum árum síðar.“
Jón útskýrir hvernig einn kór
leiddi af öðrum. „Eftir svolítinn tíma
fór ég að velta því fyrir mér hversu
spennandi það yrði að ná krökk-
unum inn í tónlistaruppeldi fyrr.
Ungverska tónskáldið Zoltan
Kodály staðhæfði reyndar að byrja
ætti á tónlistaruppeldi barna níu
mánuðum fyrir fæðingu en ég lét
nægja að stofna Krúttakórinn sem
er fyrir fjögurra til sex ára börn.“
Söngglöð kríli og foreldrar þeirra
voru fljót að taka við sér því í dag er
Krúttakórinn yfirleitt fullur og
stundum er biðlisti eftir því að kom-
ast í hann, en að sögn Jóns er reynt
að takmarka fjölda kórfélaga við 50
börn. „Það er líka enginn kór við
kirkjuna sem dregur jafn marga að
þegar hann syngur við messur því
allir pabbar og mömmur, systkini,
afar og ömmur mæta spennt eftir
því að sjá ungann sinn syngja.“
Brú milli kóra
Segi maður A í slíku starfi kemst
maður ekki hjá því að segja B, eins
og Jón komst fljótt að. „Eftir því
sem börnin fóru að vaxa upp úr
Krúttakórnum sáum við að Kórskól-
inn fullnægði ekki væntingum þeirra
um kór. Þau voru enn of ung til að
byrja í Gradualekórnum þar sem
krakkarnir eru á aldrinum 14–18 ára
og það varð til þess að við stofnum
Graduale Futuri sem varð að eins
konar brú á milli þessara tveggja
kóra. Stúlknakórinn stofnaði ég síð-
ar því ég sá svo eftir þessum dug-
legu stelpum sem urðu að hætta 18
ára í Gradualekórnum,“ en stúlk-
urnar sem syngja í Graduale Nobili
eru á aldrinum 17–25 ára. Nýjasta
viðbótin í kórastarfi Langholts-
kirkju er svo drengjakórinn, sem er
fyrir pjakka á aldrinum sex til tólf
ára og byrjaði að æfa í síðustu viku
undir stjórn Magnúsar Ragnars-
sonar. Eins og nafnið bendir til felst
fleira í Kórskólanum en söngur í kór
þótt vissulega sé það ríkur þáttur í
náminu. „Þetta er tónlistarbraut
sem er með sömu námskrá og tón-
listarskólarnir, allt frá undirbún-
ingsdeildunum og upp í grunn-
stigin,“ segir Jón. „Þau læra til að
mynda tónfræði en í staðinn fyrir
hefðbundið hljóðfæri læra þau á
röddina sína. Við leggjum mikla
áherslu á raddbeitingu og erum með
menntaða söngkennara til að leið-
beina börnunum varðandi hana.
Auðvitað er ekki um stranga radd-
þjálfun að ræða hjá yngstu börn-
unum og í Krúttakórnum eru börnin
fyrst og fremst að kynnast fullt af
tónlist og við reynum að virkja söng-
gleði þeirra. Svo fylgir heilmikil ög-
un því að syngja í kór og koma fram,
til dæmis hvað varðar að stilla sér
upp og standa kyrr. Eftir því sem
þau eldast geta þau hins vegar lokið
námi frá okkur með grunnprófi í
söng, þ.e. því sem eitt sinn var þriðja
stig og um tíu krakkar hafa lokið því
prófi frá okkur. Við höfum verið í
samstarfi við Söngskólann í Reykja-
vík um prófin og þar syngja okkar
krakkar fyrir enskan prófdómara,
sem kemur alltaf til að dæma próf í
Söngskólanum á vorin.“
Til móts við
hallæriskomplexana
Jón segir enga nauðsyn fyrir
söngglaða krakka að búa í nágrenni
Langholtskirkju hafi þeir áhuga á að
syngja í kórunum sem þar starfa.
„Þau koma alls staðar að og m.a.s.
eru í Gradualekórnum krakkar sem
koma frá Keflavík og svæðinu fyrir
austan fjall. Hins vegar er reynslan
sú að í yngstu deildunum er meiri-
hlutinn héðan úr sókninni.“ Hann
játar því að yfirgnæfandi meirihluti
söngvaranna ungu sé stelpur enda
hafi það verið viðloðandi strákana að
þykja hálfhallærislegt að syngja í
kór. „Stofnun drengjakórsins er eig-
inlega svar okkur við því að koma til
móts við þessa hallæriskomplexa,“
segir hann hlæjandi. „Við treystum
Magnúsi Ragnarssyni mjög vel til að
ýta þeim kór úr vör og fylgja honum
eftir. Enda er þetta hugsjónastarf
að stórum hluta sem er ekki fyrir þá
sem vilja bara koma í vinnuna og
fara úr henni að vinnudegi loknum.
Maður þarf eiginlega að ganga með
þetta í maganum.“
Morgunblaðið/Ómar
Tekið undir Háir og lágir kórkrakkar þenja hér í sameiningu raddböndin og söngurinn ómar um æfingarýmið.
Krúttlegt kórastarf og krakkasöngur
Morgunblaðið/Ómar
Samhljómur Kórskólastjórinn Jón Stefánsson gefur tóninn fyrir samsöng á fimmtudagsæfingu. En hefð er fyrir
því að báðir Graduale-kórarnir og kórskólinn syngi saman í upphafi hverrar æfingar.
Eftir Bergþóru Njálu Guðmundsdóttur
ben@mbl.is
Þúsundir nýbura deyja eða þurfa að
berjast við fæðingargalla sem rekja
má til þess að alltof feitar mæður
hafa þróað með sér sykursýki. Nýjar
tölur sýna að börn sykursjúkra
mæðra eru fjórum sinnum líklegri til
að deyja eftir fæðingu en börn ann-
arra mæðra. Börn sykursjúkra
mæðra eru líka þrisvar til fjórum
sinnum líklegri til að fæðast með al-
varlegan hjarta-, heila- eða mænu-
skaða.
Frá þessu var greint á vef breska
dagblaðsins Daily Telegraph fyrir
skömmu. Þar kemur jafnframt fram
að sérfræðingar hafi af þessari þróun
miklar áhyggjur þar sem vandamálið
kemur bara til með að vaxa í takt við
yfirvigt þeirra kvenna, sem ganga
með börn.
Offita mæðra
skaðar nýbura
Morgunblaðið/Brynjar Gauti
SNEFILEFNIÐ selen er talið
mikilvægt til að fyrirbyggja ýms-
ar tegundir krabbameins, hjarta-
og æðasjúkdóma og vernda
ónæmiskerfið.
Í mörgum vestrænum löndum
hafa menn áhyggjur af því að
fólk fái ekki nægilegt selen með
fæðunni.
Norskir vísindamenn hafa
rannsakað hvort hægt sé að fyr-
irbyggja selenskort með því auka
selenmagnið í kjúklingakjöti og
komist að þeirri niðurstöðu að
svo sé.
Selen er einkum að finna í
hveiti úr selenríkum jarðvegi,
ýmsu grænmeti og fiski. Norsku
vísindamennirnir komust að
þeirri niðurstöðu að hægt væri
að framleiða kjúklingakjöt sem
væri álíka selenríkt og fiskmeti.
Ráðlagður dagskammtur af
seleni er 50 míkrógrömm (mík-
rógramm er einn milljónasti af
grammi) fyrir karla og 40 mík-
rógrömm fyrir kvenfólk. Að sögn
forskning.no eru um 300–500
míkrógrömm af seleni í einu kíló-
grammi af fiski, en aðeins um
100 míkrógrömm hafa verið í
kjúklingakjöti.
Kjúklingakjöt selenríkara?
Morgunblaðið/Sverrir
heilsa