Morgunblaðið - 05.10.2006, Síða 10

10 FIMMTUDAGUR 5. OKTÓBER 2006 MORGUNBLAÐIÐ
FRÉTTIR
MEST ánægja er með störf Geirs H.
Haarde forsætisráðherra af ráðherr-
um stjórnarinnar ef marka má nýjan
Þjóðarpúls Gallup þar sem spurt var
um ánægju með störf ráðherra.
Alls sögðust 55,8% vera ánægð
með störf Geirs og hefur ánægja
með störf hans aukist töluvert frá því
sambærileg könnun var gerð í apríl
sl. en þá kváðust rúm 46% vera
ánægð með störf hans.
Alls eru 51,2% ánægð með störf
Þorgerðar Katrínar Gunnarsdóttur
menntamálaráðherra, 39,2% eru
ánægð með störf Einars K. Guð-
finnssonar sjávarútvegsráðherra,
33,2% með störf Árna M. Mathiesen
fjármálaráðherra, 26,2% eru ánægð
með störf Sturlu Böðvarssonar sam-
gönguráðherra og 23,9% segjast
vera ánægð með störf Björns
Bjarnasonar dómsmálaráðherra.
Mest ánægja er með störf Sivjar
Friðleifsdóttur af ráðherrum Fram-
sóknarflokksins en 49,7% sögðust
vera ánægð með störf hennar, 44,6%
eru ánægð með störf Guðna Ágústs-
sonar, 34,3% ánægð með störf Jón-
ínu Bjartmarz umhverfisráðherra,
27,5% ánægð með störf Magnúsar
Stefánssonar félagsmálaráðherra,
26,7 vera ánægð með störf Valgerðar
Sverrisdóttur utanríkisráðherra og
tæp 25,8% sögðust vera ánægð með
störf Jóns Sigurðssonar, iðnaðar- og
viðskiptaráðherra.
Um 56%
ánægð með
störf Geirs
Eftir Andra Karl
andri@mbl.is
„ÉG LEGG ríka áherslu á það að
stjórnvöld haldi áfram að kappkosta
að ná loftferðasamningum við ný og
ný lönd til að styðja við útrás flug-
félaga og efla ferðaþjónustuna með
stærri markaðssvæðum,“ sagði
Sturla Böðvarsson samgönguráð-
herra í upphafi Flugþings sem haldið
var á Hótel Nordica í gær, og eru orð
hans í samræmi við óskir forsvars-
manna flugrekenda á Íslandi á
þinginu.
Í ávarpi sínu sagði Sturla íslensk
flugmál vera í brennidepli um þessar
mundir og íslenska flugstarfsemi á
fleygiferð. „Hvort sem við lítum til
fyrirtækjanna sjálfra eða stjórn-
valda er það sama upp á teningnum,
þróunin er hröð og ýmsar breytingar
í deiglunni.“
Sturla fór þá yfir fyrirhugaðar
breytingar í skipulagi flugmála sem
hann sagði marka mikilsverð tíma-
mót. Nefndi hann í því sambandi
opinbera hlutafélagið Flugstoðir
sem hefur verið stofnað og tekur
um áramót við rekstri flugleiðsög-
unnar og flugvalla en flugmála-
stjórn verður þá stjórnvalds- og eft-
irlitsstofnun. Sagði hann
viðamikinn undirbúning fara fram
um þessar mundir fyrir breyting-
arnar sem hafa það að markmiði að
íslensk flugmálayfirvöld verði bet-
ur í stakk búin til að mæta alþjóð-
legri samkeppni og síbreytilegum
kröfum.
Ánægja með samstarf
við flugmálastjórn
Dr. Assad Kotaite, fyrrverandi
forseti fastaráðs Alþjóðaflugmála-
stofnunarinnar (ICAO), hélt einnig
ávarp og fór m.a. yfir störf stofn-
unarinnar, ekki síst gagnvart al-
þjóðaflugþjónustunni hér á landi.
Hann benti m.a. á að Ísland og Dan-
mörk væru einu ríkin sem hefðu
nýtt sér ákvæði í samningnum um
að veita slíka þjónustu og taldi það
að mörgu leyti til fyrirmyndar fyrir
ríki sem stjórnuðu flugumferð yfir
úthafið og í þriðja heiminum. Einnig
kom fram í máli hans hversu gríð-
armikil fjölgun myndi eiga sér stað í
fluginu á næstu árum en í dag eru
um tveir milljarðar farþega sem
fljúga á ári hverju.
Árið 2020 verður þessi tala hins
vegar komin upp í á fjórða milljarð
farþega og því þyrfti að huga að því
hvort flughafnir hefðu nægileg af-
köst, og flugumferðarstjórnirnar
einnig, þegar litið væri til lengri
tíma.
Morgunblaðið/Ómar
Fjölmenni Mörg áhugaverð erindi voru haldin á Flugþingi 2006 sem haldið var á Hótel Nordica.
Gríðarleg fjölgun á flug-
farþegum á næstu árum
Í HNOTSKURN
» Jón Karl Helgason, for-stjóri Icelandair Group, og
Hannes Hilmarsson, forstjóri
Air Atlanta Icelandic, voru
meðal ræðumanna á Flugþingi
2006.
HEILBRIGÐISRÁÐUNEYTIÐ mis-
munar fyrirtækjum á heyrnartækja-
markaði, að mati Snæbjörns Heimis
Blöndal, eiganda Heyrnarstöðvarinn-
ar. Að hans sögn eru tvö einkafyrir-
tæki á þessum markaði auk hinnar op-
inberu stofnunar Heyrnar- og
talmeinastöðvar Íslands (HTÍ) sem
einnig flytur inn og útvegar heyrnar-
tæki.
Snæbjörn segir að HTÍ fái lungann
af því fjármagni sem veitt er til mála-
flokksins. En þegar kemur að niður-
greiðslu heyrnartækja til þeirra sem
rétt eiga á því komi mismununin fram.
„Það eru tvö einkafyrirtæki á mark-
aðinum, viðskiptavinir annars fá tæki
niðurgreidd af hinu opinbera en þeir
sem skipta við okkur fá enga fyrir-
greiðslu frá ríkinu, en við veitum þeim
afslátt. Við höfum sótt það fast að við-
skiptavinir okkar fái sömu fyrir-
greiðslu og viðskiptavinir hinna.“
Í fréttaskýringu í Morgunblaðinu
19. ágúst síðastliðinn kom fram að HTÍ
niðurgreiði eingöngu þau heyrnartæki
sem stofnunin flytur sjálf inn. Að sögn
Snæbjörns fær samkeppnisaðili hans
niðurgreiðslur frá hinu opinbera fyrir á
fjórða hundrað tæki á hverju ári.
Styrkur á hvert heyrnartæki nemur
30.800 kr.
Snæbjörn segir að þegar Heyrnar-
stöðin hafi byrjað starfsemi fyrir
tveimur árum hafi starfsmenn heil-
brigðisráðuneytisins boðið fyrirtækið
velkomið til starfa og óskað því gæfu
og gengis.
„Eftir að hafa starfað um tíma sótt-
um við um niðurgreiðslu. Þá var okkur
svarað því af hálfu ráðuneytisins að
það þyrftu ekki fleiri að koma að þessu.
Staða þessara mála væri góð. Það má
þakka einkafyrirtækjum og að nokkru
leyti reglugerð um hverjir njóti niður-
greiðslu að biðraðir eftir heyrnartækj-
um hafa styst. Þeir töluðu einnig á
þeim nótum að með því að láta okkur fá
fé væri verið að auka útgjöld. Við vor-
um bara að biðja um hluta af kökunni.“
Um síðustu áramót kom upp sú
staða að rekstrarleyfi einkarekna sam-
keppnisaðilans rann út. Snæbjörn seg-
ist hafa gert sér vonir um að Heyrn-
arstöðin fengi þá meira svigrúm, því
þeim hafði verið
sagt í ráðuneytinu
að til stæði að
breyta ríkjandi
fyrirkomulagi.
„Rekstrarleyfi
samkeppnisaðil-
ans var hins vegar
endurnýjað og
þeir fengu leyfi til
að niðurgreiða á
fjórða hundrað
tæki,“ sagði Snæbjörn. Niðurgreiðslan
á hvert tæki hafði verið 28.000 kr. en
var hækkuð í 30.800 kr. Snæbjörn tel-
ur að þessi hækkun bendi til þess fleiri
einstaklingar kaupi tæki án aðstoðar
ríkisins. Snæbirni þykir illskiljanlegt
hvers vegna ekki var farin sú leið að
leyfa fleirum að njóta 28 þúsund króna
niðurgreiðslu í stað þess að færri
fengju 30.800 kr. niðurgreiðslu á hvert
tæki.
Erindi ekki svarað
Heyrnarstöðin leitaði liðsinnis Um-
boðsmanns Alþingis vegna þess að fyr-
irtækið fékk ekki niðurgreiðslur. Snæ-
björn segir að þar á bæ hafi menn ekki
talið stætt á því að fara lengra með
málið því Heyrnarstöðin hafði ekki
formlegt rekstrarleyfi frá heilbrigðis-
ráðuneytinu.
„Þá fórum við í ráðuneytið og báð-
um um rekstrarleyfi. Þar var ítrekað
að við þyrftum ekki rekstrarleyfi. Þá
báðum við um niðurgreiðsluna og þeir
sögðu að við fengjum ekki niður-
greiðslu nema að hafa rekstrarleyfi.
Þetta var bara svona,“ segir Snæ-
björn. „Nú hefur legið bréf í ráðuneyt-
inu, sent í maí síðastliðnum, þar sem
við sækjum um rekstrarleyfi og nið-
urgreiðslur. Því hefur ekki enn verið
svarað.“
Snæbjörn vill breyta fyrirkomulagi
niðurgreiðslna vegna heyrnartækja.
„Þegar sýnt hefur verið fram á að
einstaklingur hafi tapað heyrn tel ég
sanngjarnast að hann fái ákveðna fjár-
hæð að styrk frá ríkinu og geti svo
keypt sér heyrnartæki þar sem hann
kýs. Þannig er það gert í Danmörku og
danska kerfið er að mörgu leyti fyr-
irmynd þess íslenska á þessu sviði.“
Mismunun í
heyrnartækjum
Sveinbjörn Heimir
Blöndal