Morgunblaðið - 30.10.2006, Síða 21

MORGUNBLAÐIÐ MÁNUDAGUR 30. OKTÓBER 2006 21
Morgunblaðið/Eyþór
„ÞAÐ ER alls ekkert verra að
gæludýr fái vítamín og fæðubót-
arefni yfir vetrartímann. Þau
þurfa á þessum efnum að halda
rétt eins og mannfólkið,“ segir
Dagmar Vala Hjörleifsdóttir,
dýralæknir við Dýraspítalann í
Víðidal, í samtali við Daglegt líf.
„Hinsvegar er gæludýrafóðrið orð-
ið mjög gott að þessu leyti í dag
því það er sett í gæludýramatinn,
bæði í þurrfóðrið og blautfóðrið,
alls konar bætiefni. En hægt er að
kaupa bragðgóðar fjölvítam-
íntöflur, sem gefnar eru dýrunum,
aðallega hundum og köttum, eins
og sælgæti. Líka er hægt að fá ol-
íur með vítamínum og steinefnum
sem hellt er ofan á matinn.
Hundar og kettir þurfa heilan
helling af vítamínum og til dæmis
í glasi af hundavítamínum er að
finna tólf vítamín. Þau þurfa A-,
B- og D-vítamín og ung dýr þurfa
að fá kalk og snefilefni. Dýrin
fara úr hárum tvisvar á ári, á vor-
in og haustin, og þá er gott að
gefa vítamín í kringum þann tíma
sérstaklega til að flýta fyrir pels-
skiptunum svo þau fái góða feldi
aftur,“ segir Dagmar.
Á góðu fóðri á að vera hægt að
lesa sér til um innihald og hvaða
vítamín eru til staðar í fóðrinu. Að
auki á síðasti söludagur að vera
skráður á pakkningarnar, sem
sumar hverjar hafa nú orðið
rennilás til að loka pokunum þeg-
ar þeir hafa einu sinni verið opn-
aðir. Það ætti að halda í gæðin
frekar en ef pokarnir eru hafðir
galopnir.
Gæludýr þurfa líka vítamín
Morgunblaðið/Árni Sæberg
Næringin Hundar og kettir þurfa, rétt eins og mannfólkið, vítamín og
steinefni, sérstaklega á vorin og haustin þegar feldskipti eiga sér stað.
BENÍTA Dögg Guðlaugardóttir er 10 ára og í 5.
bekk.
„Finnst þér gaman að fá smelli?“
,,Jáhá, mér finnst það.“
– Hvernig fær maður smelli?
„Maður þarf að haga sér vel, ganga fallega
um gangana og hjálpa öðrum.“
– Hvernig hjálpar maður öðrum?
„Það er eins og tvær stelpur sem ég þekki í
skólanum sem ég hjálpa oft þegar við erum að
læra og svoleiðis. Við fáum líka smelli ef allir
eru góðir í bekknum, eru vinir og leika saman.“
– Og hvað fáið þið í verðlaun?
„Við fáum að fara á skauta og í bíó,“ segir
Beníta og brosir allan hringinn enda fékk hún
smell fyrir að vera svona dugleg í viðtalinu sem
hún kveið svolítið fyrir. „Það er ekkert leið-
inlegt við þetta, bara gaman.“
Morgunblaðið/Ómar
Jákvæð Beníta lagði sig fram við að safna sem flestum smellum.
„Bara gaman“
MÉR leist vel á þegar átti að taka upp þetta kerfi,“
segir Finnur Kristjánsson, nemandi í 10. bekk og
formaður Nemendafélags Fellaskóla sem segist
finna mun á skólalífinu þessi þrjú ár sem agakerfið
hefur verið við lýði. „Það eru færri leiðinleg atvik
og meiri samstaða í bekknum. Við reynum að safna
ákveðið mörgum smellum svo við fáum umbun.“
– En fyrir hvað fáið þið smelli?
Við fáum smelli fyrir jákvæða hegðun, t.d. ef við
förum úr skónum og röðum þeim, sýnum tillits-
semi, ábyrgð og vinsemd.
– Og hvað fáið þið að gera þegar þið hafið náð
smellafjöldanum?
„Við höfum fyrirfram ákveðið í samráði við
kennara hvað við fáum að gera þegar við höfum
náð markmiðinu. Það getur t.d. verið að horfa á
myndband eða fara í keilu.
– Og finnst þér félagsandinn hafa breyst í kjöl-
farið?
„Já, mér finnst það og yfir heildina eru nem-
endur sáttir við þetta kerfi. Þetta er mjög jákvætt
og áhuginn hefur vaxið með hverju árinu.“
Félagsandinn betri
Morgunblaðið/Ómar
Ánægður Finni fannst PBS-kerfið hafa gefist vel.
FELLASKÓLI í Reykjavík er
annar tveggja grunnskóla í
Reykjavík sem fyrstir innleiddu
PBS agakerfið og hefur af því
góða reynslu.
„Skólasamfélagið er í heild sam-
stilltara en áður þegar kemur að
agamálum þar sem allir vinna nú
eftir sömu verklagsreglum sem
eru skýrar og markvissar,“ segir
Þorsteinn Hjartarson skólastjóri.
,,Í skólanum eru um 350 nem-
endur, þar af er um fjórðungur af
erlendum uppruna. Það kallar
vissulega á nýjar áherslur og
vinnubrögð. „Hver skóli hefur sína
menningu og staðlað, erlent kerfi
eins og PBS-agakerfið þarf að að-
laga að hverju og einu skóla-
samfélagi. Við tökum því það úr
þessu kerfi sem við teljum henta
okkar skólamenningu. PBS er
runnið undan rótum atferlisstefn-
unnar, þar sem mjög skýrar regl-
ur eru um viðmið, umbun og
skráningu en á sama tíma erum
við í Fellaskóla að stuðla að meiri
sveigjanleika og fjölbreytni í
kennsluháttum. Við höfum notað
PSB-kerfið til þess að stuðla að
betri hegðun, umgengni og sam-
skiptum.“
Virðing, ábyrgð og vinsemd
Kristín segir að einkunnarorð
PBS í skólanum séu virðing,
ábyrgð og vinsemd eins og standi
á smellinum, viðurkenningarpen-
ingi sem nemendur fá fyrir góða
hegðun. „Stefnt er að því að nem-
endur læri að sýna virðingu,
ábyrgð og vinsemd í hegðun sinni
og við hinir fullorðnu veitum þess-
ari jákvæðu hegðun eftirtekt með
því að „smella“ þá. Það er svo
mikilvægt fyrir okkur öll að taka
eftir hinu jákvæða.“
Þorsteinn segir að þrátt fyrir að
kerfið sé ágætt leysi það ekki öll
mál sem upp koma í skólanum.
,,Það er fámennur hópur nemenda
sem hefur mjög erfiða hegðun og
þarf sértækari aðstoð. Hingað til
höfum við horft á heildina, miðað
við hópa og bekki og árangurinn
hefur verið sá að samskipti hafa
batnað og orðið jákvæðari. Næst á
dagskrá er að þróa kerfið í þá átt
að vinna meira með einstakling-
inn.“
Jákvæðari skóla-
bragur í Fellaskóla
Morgunblaðið/Ómar
Verðlaun Nemendur Fellaskóla fá
„smell“ fyrir góða hegðun.