Morgunblaðið - 21.11.2006, Qupperneq 4

4 ÞRIÐJUDAGUR 21. NÓVEMBER 2006 MORGUNBLAÐIÐ
FRÉTTIR
„VONANDI getum við opnað nýtt
og endurgert brottfarasvæði með
pomp og prakt næsta vor,“ segir
Höskuldur Ásgeirsson, forstjóri
Flugstöðvar Leifs Eiríkssonar.
Nú standa yfir framkvæmdir við
stækkun á norðurhlið flugstöðv-
arinnar m.a. með tengingu gler-
skála að vestan- og austanverðu
við Laufskálann, sem er upp-
gangsleið fyrir brottfararfarþega á
aðra hæð byggingarinnar.
Innritunarsalurinn sjálfur mun
breikka og mynda 90 gráða horn
þar sem hluti salarins sem snýr í
vestur mun snúa til norðurs. „Við
þessar breytingar munum við
fjölga innritunarborðum úr 25 í 42
næsta vor,“ segir Höskuldur.
Einnig verður sjálfsafgreiðslu-
stöðvum fyrir innritun í brottfar-
arsalnum fjölgað úr 8 í 16 næsta
sumar. Að sögn Höskuldar hafa
þær reynst ágætlega og mælst
mjög vel fyrir en þar geta farþegar
innritað sig sjálfir, valið sitt eigið
sæti og fengið bæði brottfar-
arspjald og töskumiða.
,,Með þessu erum við að auka
verulega olnbogarýmið og afkasta-
getu í innrituninni,“ segir Hösk-
uldur um framkvæmdirnar.
Innréttingu lokið 1. apríl
Áætlanir gera ráð fyrir að lokið
verði við innréttingu brottfar-
arsvæðis austanmegin í flugstöð-
inni 1. apríl næstkomandi en þar er
um að ræða lokaverkþáttinn við
endurnýjun og stækkun þess.
Einnig standa yfir fram-
kvæmdir við kjallara flugstöðv-
arinnar þar sem staðsett verður
ýmis hliðar- og þjónustustarfsemi,
sem tengist flugstöðvarrekstrinum
auk geymsluaðstöðu. Hefur gengið
nokkru hægar en menn áætluðu að
grafa fyrir kjallaranum við norð-
urhlið flugstöðvarinnar, þar sem
nota þarf nýja tækni við að brjóta
klöppina undir byggingunni. Eðli
máls samkvæmt er ekki hægt að
sprengja klöppina og notar verk-
takinn bora til að fleyga klöppina
og síðan er beitt sérstökum tjökk-
um sem þrýsta berginu í sundur.
42 innritunarborð næsta vor
Nýrri tækni beitt
við stækkun
flugstöðvarinnar
Morgunblaðið/Kristinn Benediktsson
Endurbætur Miklar framkvæmdir hafa farið fram í Leifsstöð m.a. með
stækkun norðurbyggingar til suðurs og tilheyrandi jarðvinnu.
NÝTT skemmtiferðaskip, sér-
styrkt fyrir siglingar í ís, mun
hefja siglingar við Grænlands-
strendur næsta sumar. Skipið er
nú í smíðum á Ítalíu, en lagt verður
af stað í fyrstu ferðina frá Reykja-
víkurhöfn 27. maí á næsta ári.
Skipið er í eigu Hurtigruten
Group, norsks skipafélags sem
gerir út tæplega 20 skemmti-
ferðaskip og ferjur. Nýja skipið
hefur fengið nafnið MS Fram, sem
tengist heimskautasiglingum en
það var nafn skips norska land-
könnuðarins Fridtjofs Nansens
sem sjósett var 1892.
Nýja skipið er 113 metra langt
og 20 metra breitt og getur borið
um 500 farþega. Hægt verður að
bóka eins til tveggja vikna sigl-
ingar með skipinu meðfram
ströndum Grænlands.
Hanne Kristiansen, upplýsinga-
fulltrúi Hurtigruten, segir að skip-
ið muni í framtíðinni sigla við
Grænland yfir sumartímann, far-
þegar muni fljúga til Grænlands
og fara þar um borð. Aðeins fyrsta
ferðin muni verða farin frá Íslandi.
Þegar vetur nálgast á norðurhveli
jarðar verði skipinu siglt þvert yfir
hnöttinn til að sigla með farþega í
nágrenni við Suðurskautslandið,
yfir sumartímann í þeim heims-
hluta.
Skemmtisiglingar við Grænland
Ljósmynd/Hurtigruten Group ASA
Sjósett MS Fram var sjósett sl. laugardag en fyrirhugað er að Mette-Marit, norska krónprinsessan, gefi
skipinu formlega nafn í maímánuði. Skipið mun sigla við Grænland yfir sumartímann.
Eftir Rúnar Pálmason
runarp@mbl.is
UMBOÐSMAÐUR Alþingis segir
að þeirrar tilhneigingar gæti hjá
yfirmönnum ríkisstofnana að rök-
styðja uppsagnir starfsmanna með
því að verið sé að leggja niður störf
þeirra vegna hagræðingar í rekstri
en alltof oft forðist þeir að nefna
hina raunverulegu ástæðu. Hann
leggur til að forstöðumenn ríkis-
stofnana fái frekari fræðslu um
hvernig eigi að standa að þessum
málum.
Þetta kemur m.a. fram í bréfi
sem umboðsmaður ritaði fjármála-
ráðherra vegna þriggja nýrra álita
umboðsmanns sem varða uppsagn-
ir þriggja starfsmanna hjá Fast-
eignamati ríkisins.
Starfsmönnunum þremur var
sagt upp í september og nóvember
2004. Þeir kvörtuðu allir til um-
boðsmanns og töldu að ástæður
uppsagna þeirra væru aðrar en
þær sem gefnar voru upp í upp-
sagnarbréfi.
Samræmdist ekki gögnum
Umboðsmaður Alþingis komst í
öllum tilvikum að þeirri niðurstöðu
að Fasteignamat ríkisins hefði ekki
sýnt fram á að samhengi væri á
milli þeirra skýringa sem stofnunin
gaf um að störfin hefðu verið lögð
niður og þeirra ályktana sem draga
mætti af gögnum málsins, m.a.
fjárlögum 2003–2004 og starfs- og
fjárhagsáætlun stofnunarinnar ár-
ið 2004. Jafnframt komst hann að
þeirri niðurstöðu að þess hefði ekki
verið gætt, í ljósi meðalhófsreglu,
að leggja viðhlítandi mat á hvort
hægt hefði verið að færa viðkom-
andi starfsmenn til innan stofnun-
arinnar.
Í bréfi umboðsmanns til fjár-
málaráðherra segir m.a. að mál
svipuð þeim sem fjallað er um hér
að ofan hafi af og til komið til at-
hugunar hjá embættinu. Aðstaðan
sé allajafna sú að viðkomandi
starfsmaður hafi talið að í reynd
væri ekki verið að leggja niður
starf heldu lægju aðrar ástæður að
baki. „Það er einhver ástæða fyrir
því að talin er þörf á að segja
starfsmanni upp en alltof oft forð-
ast menn að nefna hina raunveru-
legu ástæðu,“ segir í bréfinu.
Að lokum segir umboðsmaður að
hann telji þörf á að auka upplýs-
ingagjöf og fræðslu fyrir forstöðu-
menn ríkisstofnana um hvernig
beri að standa að ákvörðunum um
starfslok ríkisstarfsmanna þannig
að betur verði vandað til þessara
mála.
Umboðsmaður Alþingis segir yfirmenn forðast að nefna ástæður uppsagna
Ríkisforstjórar fái fræðslu
um hvernig segja á upp fólki
Í HNOTSKURN
»Einn þeirra sem sagt varupp sagði ástæðuna þá
að hann hefði ekki viljað
skrifa undir nýjan starfs-
samning sem hefði falið í sér
launalækkun.
»Annar kvað ekki fá stað-ist að uppsögnin væri í
hagræðingarskyni.
»Sá þriðji sagðist hafaverið með lág laun og
lengri starfsaldur en ýmsir
aðrir starfsmenn.
VELTA á fasteignamarkaði á höfuðborg-
arsvæðinu er mun minni í haust en hún var
á sama tíma fyrir ári og vísitala fasteigna-
verðs hefur einnig lækkað ef horft er til síð-
ustu sex mánaða, samkvæmt mælingu
Fasteignamats ríkisins.
Meðalvelta síðustu tólf vikna á fasteigna-
markaði var tæpir 3,5 milljarðar króna um
miðjan nóvember en var um 4,8 milljarðar
króna á sama tímabili fyrir ári. Veltan hefur
verið að aukast aftur undanfarinn tæpan
mánuð eftir að hafa farið minnkandi frá
seinnihluta ágúst og fram í miðjan október,
en þá var meðalvelta síðustu tólf vikna um
þrír milljarðar króna. Það ber hins vegar að
hafa í huga þegar þessar tölur eru skoðaðar
að ástandið á fasteignamarkaði var mjög
óvenjulegt frá miðju ári 2004 eftir að bank-
arnir komu inn á markaðinn með íbúðalán
sín og talsvert fram á þetta ár, þannig að
segja má að markaðurinn sé nú að leita að
nýju jafnvægi.
Lækkun milli mánaða
Vísitala fasteignaverðs íbúðahúsnæðis á
höfuðborgarsvæðinu sýnir einnig nokkra
lækkun nú milli mánaða. Þannig lækkar
vísitalan í október um 2,2% frá fyrra mánuði
og eru það bæði eignir í sérbýli og fjölbýli
sem lækka samkvæmt vísitölunni. Þá sýnir
vísitalan einnig lækkun sé horft til síðustu
sex mánaða eða að meðaltali um 0,5%.
Minni velta
og lægra verð
Morgunblaðið/Árni Sæberg
MORGUNMÁLÞING
undir yfirskriftinni Opin-
berar stofnanir í orrahríð
fjölmiðla verður haldið á
Grand hóteli í Reykjavík
á fimmtudaginn, 23. nóv-
ember.
Fyrirlesarar verða
þeir Friðrik Sophusson,
forstjóri Landsvirkjunar,
og Magnús Pétursson,
forstjóri Landspítala –
háskólasjúkrahúss. Að
málþinginu standa Stofn-
un stjórnsýslufræða við
Háskóla Íslands og Félag
forstöðumanna ríkis-
stofnana.
Í tilkynningu frá skipu-
leggjendum segir m.a.:
„Á undanförnum árum
hefur umræða og fjöl-
miðlun um opinberar stofnanir breyst mikið.
Opinber fyrirtæki og stofnanir eru mun
meira gagnrýnd en áður og auknar kröfur
eru um gagnsæi og upplýsingar. Fjölmiðlar,
hagsmunaaðilar, almennir borgarar og
starfsmenn stofnana eiga frumkvæði að op-
inberri umræðu um viðfangsefni og starfs-
hætti stofnana. Þetta hefur í för með sér að
stofnanir og fyrirtæki í opinberri eigu þurfa
að vera betur undir það búin að eiga sam-
skipti við fjölmiðla og taka þátt umræðu í
þjóðfélaginu. Skýrt þarf einnig að vera hver
sé að þessu leyti verkaskipting milli stjórn-
enda stofnana annars vegar og ráðherra eða
stjórnar stofnunar hins vegar.“
Að loknum inngangsfyrirlestrum munu
ásamt Friðriki og Magnúsi þau Elín Hirst
fréttastjóri og Gunnar Steinn Pálsson, mark-
aðs- og kynningarráðgjafi, ræða málefnið í
pallborðsumræðum, þar sem m.a. mun verða
rætt hversu vel eða illa stofnanir takist á við
þessar breyttu aðstæður og hvort slík um-
ræða hafi miklar stjórnsýslulegar afleiðing-
ar. Umræðunum og málþinginu stýrir Berg-
lind Ásgeirsdóttir sendiherra. Þátttökugjald
er 3.800 krónur og er morgunverður innifal-
inn. Þeir sem áhuga hafa á þátttöku skrái sig
á tölvupóstfanginu stjornsyslaogstjorn-
mal@hi.is.
Opinberar
stofnanir í orra-
hríð fjölmiðla
Friðrik Sophusson
Magnús Pétursson
♦♦♦