Morgunblaðið - 19.01.2007, Blaðsíða 10

10 FÖSTUDAGUR 19. JANÚAR 2007 MORGUNBLAÐIÐ
ALÞINGI
„ÉG HEF mörgum sinnum áður lýst þeirri skoðun minni
að setja ætti umræður á Alþingi í einhverjar skyn-
samlegar og sanngjarnar skorður,“ sagði Sólveig Péturs-
dóttir, forseti Alþingis, á þingfundi í gær og bætti við að
hún væri ekki ein um þá skoðun. „Sannleikurinn er sá að
alls staðar í kringum okkur, í þjóðþingum sem við berum
okkur saman við í Evrópu, eru menn fyrir löngu búnir að
koma einhverju skikki á fyrirkomulag umræðna í þing-
unum, þannig að þær séu efnislegar og hnitmiðaðar.“
Sólveig sagðist sem forseti þings fagna líflegum og
skemmtilegum umræðum á Alþingi, þótt þær tækju tíma.
„En margra klukkustunda ræður, t.d. við 3. umræðu máls,
eru af öðru tagi,“ sagði Sólveig. „Sú umræða sem nú fer fram um dagskrár-
málið er hins vegar í samræmi við samkomulag sem við gerðum um af-
greiðslu mála fyrir jól. Ég geri því ekki athugasemdir við það þótt umræðan
dragist, það vissum við fyrirfram,“ sagði Sólveig.
Setja ætti umræðum á Alþingi
skynsamlegar skorður
Sólveig
Pétursdóttir.
Sólveig Pétursdóttir svaraði gagnrýni á þingfundi
„MEÐAN því er háttað þannig hér að staða Alþingis
gagnvart framkvæmdavaldinu er jafn veik og raun ber
vitni, og fer versnandi, þá er ég ekki til viðtals um einhliða
breytingar á reglum um ræðutíma, helsta vopni og helsta
styrk stjórnarandstöðunnar í þessum samskiptum og
helsta aðhaldstæki þingsins gagnvart framkvæmdavald-
inu,“ sagði Steingrímur J. Sigfússon, þingmaður Vinstri
grænna, í umræðum um fundarstjórn forseta á Alþingi í
gær.
Steingrímur sagði aðhald að framkvæmdavaldinu koma
frá stjórnarandstöðu á Alþingi sem væri ólíkt því sem ger-
ist í flestum þjóðþingum, enda varla hægt að ætlast til
þess að meirihlutinn, sem ríkisstjórnin styðst við, sæi fyrir því aðhaldi. „Um-
ræður hér á þingi hafa verið að þróast í átt til mikillar styttingar með örfáum
undantekningum á síðustu árum þar sem í öllum tilvikum eiga við mjög stór
og hörð ágreiningsmál,“ áréttaði Steingrímur.
Ekki til viðtals um einhliða
breytingar á ræðutíma
Steingrímur J.
Sigfússon
Steingrímur J. Sigfússon vill sjálfstæðara Alþingi
Eftir Höllu Gunnarsdóttur
halla@mbl.is
„ÞETTA er hörmulegt mál sem þarf
að draga lærdóm af,“ segir Birkir
Jón Jónsson, formaður fjárlaga-
nefndar, um málefni Byrgisins sem
voru til umræðu á sameiginlegum
fundi fjármála- og félagsmálanefnd-
ar í gærmorgun. „Mér sýnist að það
sé pottur brotinn í eftirliti og fram-
kvæmd fjárlaga hvað þennan hluta
málsins varðar,“ segir Birkir.
Ríkisendurskoðandi kom á fund-
inn til að kynna skýrslu um Byrgið
en fulltrúar félagsmálaráðuneytis og
fjármálaráðuneytis komust ekki að
á fundinum þar sem nefndarmenn
þurftu að fara á þingfund sem hófst
klukkan hálfellefu. Minnihlutinn í
menntamálanefnd óskaði eftir því að
þingfundi yrði frestað en ekki var
orðið við þeirri ósk. Birkir segir að
nefndirnar fundi aftur í dag og í
framhaldinu verði vonandi utandag-
skrárumræða um málið á Alþingi.
Einn dagur til eða frá skipti ekki
höfuðmáli.
Jóhanna Sigurðardóttir sagði í
ræðustóli á þingi að undarlegt væri
að fundurinn hefði ekki mátt halda
áfram í gærmorgun. „Úttektin sem
gerð var árið 2002, að beiðni utan-
ríkisráðuneytisins, sem skýrsla hef-
ur legið fyrir um allar götur síðan,
er miklu, miklu, miklu alvarlegri en
mig grunaði,“ sagði Jóhanna og
bætti við að í henni kæmi fram að
fjármálastjórnun Byrgisins hefði
verið í molum. „Það er auðvitað
mjög alvarlegt að meirihlutinn hafi
samt sem áður haldið áfram fjár-
veitingu til Byrgisins,“ sagði Jó-
hanna og gagnrýndi að skýrslan
hefði ekki verið kynnt fjárlaganefnd
eða Ríkisendurskoðun á sínum tíma.
Birkir var gagnrýndur á þing-
fundi fyrir að hafa þekkt þetta mál
frá því að skýrslan kom fyrir félags-
málaráðuneytið árið 2002 en þá var
hann aðstoðarmaður félagsmálaráð-
herra. Hann segir þó að ekki sé um
neitt leyniplagg að ræða og að út-
reikningar á skýrslunni hafi m.a.
verið ræddir í umræðum um fjárlög
2003–2004. Birkir segir jafnframt að
á sínum tíma hafi verið farið að þeim
tillögum sem komu fram í skýrsl-
unni en lagt var til að starfsemi
Byrgisins héldi áfram. „Það var álit
margra í þjóðfélaginu að Byrgið
sinnti hópi sem hefði verið erfiður
hjá mörgum öðrum meðferðastofn-
unum en að það væri brýnt að koma
skikki á fjármálin,“ segir Birkir og
bætir við að skrifað hafi verið undir
yfirlýsingu milli Byrgisins og félags-
málaráðuneytisins þar sem sett voru
skilyrði fyrir starfseminni. „Þannig
skildi ég við málið. En nú er það
ljóst að Byrgismenn skrifuðu ekki
undir samning við ráðuneytið. Eftir
á að hyggja þá hefði ég, sem var
orðinn þingmaður og formaður fjár-
laganefndar, átt að inna félagsmála-
ráðuneytið eftir því að þessi samn-
ingur hefði verið gerður,“ segir
Birkir og ítrekar að grípa þurfi til
aðgerða til að minnka líkurnar á því
að svona atvik endurtaki sig í fram-
tíðinni.
„Þetta er hörmulegt mál “
Fjárlaganefnd og félagsmálanefnd halda áfram að funda um Byrgið í dag
Morgunblaðið/G.Rúnar
Byrgið Sigurður Þórðarson, ríkisendurskoðandi, fór yfir málefni Byrgisins
með nefndarmönnum í fjárlaga- og félagsmálanefnd í gærmorgun.
Í HNOTSKURN
»Fjárlaganefnd og félags-málanefnd héldu sameig-
inlegan fund í gærmorgun til að
skoða mál Byrgisins. Ríkisend-
urskoðandi kom á fundinn en
ekki gafst tími til að ræða við
fulltrúa félagsmálaráðherra og
fjármálaráðherra.
»Minnihlutinn vildi frestaþingfundi til að klára fundinn
en varð ekki að ósk sinni.
»Nefndirnar funda aftur í dagog í framhaldinu verða lík-
lega utandagskrárumræður á
þinginu.
»Að öðru leyti hafa engar ut-andagskrárumræður verið
leyfðar meðan umræður um Rík-
isútvarpið ohf. standa yfir.
»Þingfundur stóð til 01:40 ífyrrinótt og gert er ráð fyrir
löngum fundum þar til frum-
varpið um Ríkisútvarpið verður
afgreitt.
● „Er ekki rétt að þingið fái þann lýð-
ræðislega rétt að greiða atkvæði um
þetta mál? Það er búið að ræða
þetta mál nóg,“ sagði Þorgerður
Katrín Gunnarsdóttir, mennta-
málaráðherra, í umræðum á Alþingi í
gær og taldi umhugsunarefni að
Vinstri grænum þætti frumvarp um
Ríkisútvarpið mikilvægara en Kára-
hnjúkamálið á sínum tíma. Vísaði
hún þar til þess að málefni Rík-
isútvarpsins hafa verið rædd lengur í
þinginu en mál Kárahnjúka.
Búið að ræða málið
nóg og kominn tími á
atkvæðagreiðslu
● Stjórnarþingmenn hafa ekki verið
mjög áberandi í ræðustól und-
anfarið. Mikið hefur þó borið á Sig-
urði Kára Kristjánssyni og þá ekki
síst í snarpri deilu við Ágúst Ólaf
Ágústsson um viðhorf hins síð-
arnefnda til RÚV-frumvarpsins. Sig-
urður Kári hefur ítrekað vísað til um-
mæla Ágústs í Fréttablaðinu fyrir
nokkru þar sem Ágúst sagðist styðja
hlutafélagavæðingu RÚV að upp-
fylltum ákveðnum skilyrðum. Ágústi
þykja þau skilyrði ekki uppfyllt en
Sigurður Kári er á öðru máli.
Sigurður Kári hnýtir
ítrekað í Ágúst Ólaf
Ásta Möller | 17. janúar 2007
Fullkomið
ábyrgðarleysi
Skýrsla Ríkisend-
urskoðunar um fjár-
mál Byrgisins er ótrú-
leg lesning um
fullkomið ábyrgð-
arleysi í meðferð fjár-
muna sem forstöðumanni Byrgisins
var treyst fyrir af opinberum að-
ilum og velunnurum starfseminnar.
Þar sér merki um makalausa sóun
á fjármunum og dómgreindarleysi
stjórnenda starfseminnar, þar sem
ekki var gerður nokkur grein-
armunur á fjármálum Byrgisins og
einkafjármálum forstöðumanns.
Ekki verður annað séð en að ákall
forstöðumanns um aukið fjármagn
til reksturs starfseminnar á und-
anförnum árum hafi verið blekking-
arleikur einn.
Meira: http://www.astamoller.is/
● Fundur Alþingis hefst kl. 10.30 og
mun líklega standa fram eftir kvöldi.
Frumvarp um Ríkisútvarpið ohf. er
eina málið á dagskrá en líklegt er að
gefið verði leyfi fyrir utandagskrár-
umræðu um Byrgið.
Dagskrá þingsins
ÞETTA HELST …
ÞINGMENN BLOGGA