Morgunblaðið - 19.01.2007, Blaðsíða 18

18 FÖSTUDAGUR 19. JANÚAR 2007 MORGUNBLAÐIÐ
HÖFUÐBORGARSVÆÐIÐ
PÓSTSENDUM
Góður próteingjafi fyrir fólk á öllum aldri
Wheat grass
www.simnet.is/heilsuhorn
Glerártorgi, Akureyri, sími 462 1889,
fæst m.a. í
Lífsins Lind í Hagkaupum,
Maður Lifandi Borgartúni 24,
Maður Lifandi Hæðarsmára 6,
Lyfja, heilsuvörudeild, Selfossi,
Yggdrasil Skólavörðustíg 16 og Fjarðarkaupum,
Lyfjaval Hæðasmára og Þönglabakka,
Krónan Mosfellsbæ
Nóatún Hafnarfirði
DAGNÝ Linda Kristjánsdóttir skíða-
kona var kjörin Íþróttamaður Ak-
ureyrar 2006. Kjörinu var lýst í hófi í
Ketilhúsinu í fyrrakvöld. Fjórtán
íþróttamenn voru tilnefndir að þessu
sinni, frá fimmtán félögum, en það
voru stjórn Íþróttabandalags Ak-
ureyrar (ÍBA) og fjölmiðlamenn í
bænum sem kusu úr þeim hópi.
Dagný Linda, sem keppir fyrir
Skíðafélag Akureyrar, er fremsti
skíðamaður Íslands. Hún varð þre-
faldur Íslandsmeistari í fyrra og náði
glæsilegum árangri á Ólympíu-
leikunum í Tórínó, varð þar í 16. sæti
í tvíkeppni og 23. sæti bæði í bruni og
risasvigi.
Annar í kjörinu varð Bergþór
Steinn Jónsson, sem tilnefndur var af
tveimur félögum, KA og Nökkva.
Hann gerði sér lítið fyrir og varð Ís-
landsmeistari í siglingum og einnig
Íslandsmeistari bæði í flokki fullorð-
inna og 15 til 16 ára í júdó – auk þess
sem hann varð Íslandsmeistari í
sveitakeppni 15 til 16 ára í júdó.
Þriðji varð Jón Benedikt Gíslason,
Skautafélagi Akureyrar. Hann varð
fyrsti atvinnumaður Íslendinga í ís-
hokkí en tímabilið 2005–2006 lék Jón
í liði Norðurlandabúa í Asíu-deildinni.
Jón hefur verið einn besti leikmaður
Skautafélags Akureyrar í vetur og er
einn af bestu leikmönnum íslenska
landsliðsins.
Stefán Thorarensen, íþróttafélag-
inu Akri, varð fjórði í kjörinu og
fimmti Björn Guðmundsson, Golf-
klúbbi Akureyrar.
Aðrir sem tilnefndir voru af aðild-
arfélögum ÍBA voru: Baldvin Þór
Gunnarsson, KKA Akstursíþrótta-
félagi, Bjartmar Örnuson, Ung-
mennafélagi Akureyrar, Hlynur
Birgisson, Íþróttafélaginu Þór,
Hulda Rún Ingvarsdóttir, Fimleika-
félagi Akureyrar, Magnús Stef-
ánsson, Hömrunum, Ragnar Freyr
Steinþórsson, Bílaklúbbi Akureyrar,
Ragnhildur Haraldsdóttir, Hesta-
mannafélaginu Létti, Sigurður Áki
Sigurðson, Skotfélagi Akureyrar, og
Tómas Leó Halldórsson, Sundfélag-
inu Óðni.
Þessu árlega kjöri ÍBA var í
fyrrakvöld búin önnur umgjörð en
fram að þessu, með veislu í Ketilhús-
inu, og stefnt er að því að kjörinu
verði lýst með þeim hætti í framtíð-
inni.
Allir íþróttamennirnir fengu að
gjöf bækur frá Jóni Hjaltasyni rit-
höfundi og útgefanda og bókaútgáf-
unni Tindi. Fimm efstu fengu og
nýjasta bindið af Sögu Akureyrar,
sem Jón Hjaltason skráði, annar og
þriðji maður í kjörinu fengu farseðil
frá Flugfélagi Íslands og Dagný
Linda fékk ferðaúttekt að upphæð
50 þúsund kr. frá Ferðaskrifstofu
Akureyrar og öll fjögur bindin sem
út eru komin af Sögu Akureyrar.
Dagný íþróttamaður Akureyrar
Ljósmynd/Þórir Tryggvason
Heiðruð Íþróttaráð Akureyrar afhenti í hófinu þrjár heiðursviðurkenn-
ingar. F.v. Jóhann Hauksson, Karen Malmquist og Haukur Jakobsson.
Ljósmynd/Þórir Tryggvason
Stolt Foreldrar og systir Dagnýjar Lindu tóku við viðurkenningum hennar.
Kristján V. Vilhelmsson, Katrín Kristjánsdóttir og Kolbrún Ingólfsdóttir.
Ljósmynd/Guðmundur Jakobsson
Best Dagný Linda í svigkeppni Ólympíuleikanna í Tórínó í fyrra. Hún varð
í 16. sæti í tvíkeppni, þar sem lagður er saman árangur í bruni og svigi.
AKUREYRI
ICELANDAIR mun í sumar bjóða
upp á flug þrisvar í viku frá Ak-
ureyri til Keflavíkur snemma
morguns þannig að norðanmenn
nái morgunflugi þaðan, hvort sem
er til Evrópu eða vestur um haf.
Sömuleiðis verður boðið upp á flug
frá Keflavík norður síðdegis. Verð
á innanlandsfluginu verður frá
4.000 krónum, önnur leiðin. Sala á
ferðunum milli Akureyrar og
Keflavíkur hefst í dag.
Fólk innritar sig og farangurinn
á Akureyri, fer þar í gegnum toll-
skoðun og kemur í Leifsstöð með
sama hætti og millilandafarþegar.
Sama fyrirkomulag verður síðdegis
þegar farþegar koma erlendis frá.
Flogið árla til
Keflavíkur
Eftir Elvu Björk Sverrisdóttur
elva@mbl.is
ÁTJÁN athugasemdir bárust skipulagsráði
Reykjavíkurborgar vegna skipulags á Slippa-
og Ellingsenreit, en til stendur að hefjast
handa við framkvæmdir á svæðinu á þessu ári,
verði það samþykkt, segir Hanna Birna Krist-
jánsdóttir, formaður skipulagsráðs.
Meðal þeirra sem sent hafa athugasemd eru
Íbúasamtök Vesturbæjar en þau segja m.a. að
stefni í skipulagsslys á svæðinu. Þá gagnrýna
samtökin borgaryfirvöld fyrir að hafa ekki haft
samband við þau eftir að þau buðu fram krafta
sína til þess að ræða skipulag íbúðabyggð-
arinnar um það leyti sem fyrstu hugmyndir
um það komu fram.
Ekki verði bílaumferð um hverfið
Í athugasemdum íbúasamtakanna segir að
frumdrög skipulagsins bendi til of þéttrar
byggðar. Til standi að byggja hús á fjórum til
sex hæðum en „við vitum að það endar í sex
hæðum vegna peningagræði“, segir í at-
hugasemdunum. Götur virðist eiga að liggja
þvers og kruss og þar á meðal Bræðraborg-
arstígur, sem eigi að ná niður að sjó. Með þess-
um hætti verði stígurinn fullkomin vindgöng
fyrir norðanstorminn sem standi út Hvalfjörð-
inn og skelli á Vesturbænum.
Leggja samtökin til að í stað fyrirhugaðs
skipulags verði byggð blanda af eins til þriggja
hæða húsum og að ekki verði bílaumferð um
hverfið, heldur leggi íbúar bílunum fyrir utan
það. Hanna Birna segir að umrætt skipulag sé
nýkomið úr auglýsingu og sé núna til með-
ferðar hjá skipulagsráði. Hún segir að und-
irbúningur skipulagsins hafi staðið yfir í á
þriðja ár.
„Þetta var unnið á grundvelli samkeppni á
síðasta kjörtímabili og í kjölfar mjög öflugs
samráðs við íbúa og hagsmunaaðila sem stóð
yfir í langan tíma,“ segir hún. Þær tillögur sem
nú liggi fyrir um byggð á svæðinu séu afrakst-
ur þeirrar vinnu. Hanna Birna segir að vegna
kæruferla sem voru á svæðinu hafi skipulagið
verið fellt úr gildi í fyrrasumar og nú sé verið
að endursamþykkja það en ekki hafi neinar
grundvallarbreytingar verið gerðar á skipu-
laginu.
Hún segir að á hinu nýja skipulagssvæði sé
verið að breyta hafnarsvæði í íbúðabyggð.
„Íbúðabyggðin tekur mjög mikið mið af því
hvar hún er staðsett,“ segir hún. Tekið sé tillit
til þess að byggðin sé við sjávarsíðuna og til
standi að reisa þar lágreist hús á 4–6 hæðum.
Þau myndi gott skjól fyrir veðri og vindum og
þá verði mörg opin, græn svæði.
„Allar þessar lausnir taka mikið mið af
byggðinni sem er þarna fyrir ofan, að skyggja
ekki á hana og tryggja að þessi hluti Vest-
urbæjarins haldi sínum karakter. En einnig á
byggðin að gefa tækifæri á að nýta hafn-
arsvæðið.“ Fremst á svæðinu sé m.a. gert ráð
fyrir kaffi- og veitingahúsum og ýmiss konar
þjónustu. Markmiðið sé að blómlegt mannlíf
verði á svæðinu.
Framkvæmdir hefjist á árinu
Hanna Birna segir að gert sé ráð fyrir að
framkvæmdir hefjist á árinu, en það sé háð því
að skipulagið verði samþykkt. Framkvæmdir
séu þó í raun að hluta til hafnar því fyrirtæki á
svæðinu séu farin að flytja þaðan. „Það komu
18 athugasemdabréf og það er verið að fara yf-
ir þau.“ Athugasemdirnar hafi verið kynntar á
fundi skipulagsráðs í fyrradag og verði líkleg-
ast teknar aftur til meðferðar hjá ráðinu í byrj-
un febrúar.
Um athugasemd Íbúasamtaka Vesturbæjar
um að ekki hafi verið haft samband við þau eft-
ir að þau lýstu áhuga á að ræða skipulag íbúða-
byggðarinnar við borgaryfirvöld segir Hanna
Birna að þar sé vísað í samskipti við Steinunni
Valdísi Óskarsdóttur, fyrrverandi borg-
arstjóra, og hún þekki það mál ekki nánar.
Hanna Birna ítrekar að þegar unnið var að
skipulaginu hafi afar öflugt og opið samráð
verið haft við íbúa á svæðinu. Mörg hundruð
manns hafi tekið þátt í því, bæði einstaklingar,
fyrirtæki og félagasamtök.
Hún kveðst ekki sammála gagnrýni Íbúa-
samtaka Vesturbæjar á nýja skipulagið.
„Ég tel að þetta skipulag hafi verið mjög vel
leyst, taki mjög gott mið af staðsetningu og
verði mikil lyftistöng fyrir Vestur- og Miðbæ-
inn,“ segir hún og bætir við að þverpólitísk
samstaða hafi verið um skipulagið. „Auðvitað
munum við skoða allar þessar athugasemdir
og fara yfir þær, en hins vegar er þetta skipu-
lag sem er búið að vera í umræðu og kynningu
í mörg ár og hefur farið í gegnum mjög mikið
samráð.“
Segja skipulagsslys í uppsiglingu
Morgunblaðið/Rax
Nýtt skipulagssvæði Til stendur að reisa 4–6 hæða hús á Slippa- og Ellingsensreit.
Í HNOTSKURN
»Alls stendur til að reisa 319 íbúðir á Slippa- og Ellingsensvæðinu svo-
nefnda.
»Þar er einnig gert ráð fyrir vistvænuatvinnuhúsnæði á hafnarbakka fyrir
skrifstofur og þjónustu.
»Fyrstu íbúarnir gætu flutt inn ásvæðið árið 2009.
»Skipulagssvæðið tilheyrir Faxaflóa-höfnum.
18 athugasemdir við
skipulag á Slippareit