Morgunblaðið - 07.02.2007, Page 27

MORGUNBLAÐIÐ MIÐVIKUDAGUR 7. FEBRÚAR 2007 27
✝ Haukur Ingi-mundarson
fæddist í Reykjavík
9. janúar 1921. Hann
lést á líknardeild
LHS í Kópavogi 1.
febrúar síðastliðinn.
Foreldrar hans voru
Auðbjörg Árnadótt-
ir, f. 22. október
1889, d. 26. júní
1926, og Ingimund-
ur Ögmundsson, f.
16. apríl 1881, d. 28.
maí 1968. Systkini
Hauks eru Árni, f.
1911, d. 1994, Sigurbjörg, f. 1913,
d. 1923, Erlingur, f. 1914, d. 1993,
Ingvi Jens, f. 1917, d. 1948, Odd-
geir, f. 1919, d. 1923, Sigurgeir, f.
1924, Þórunn, f. 1926, d. 1999, og
Auðbjörg, f. 1926, d. 1997.
Dætur Ingimundar og Jóhönnu
Sigríðar Jónsdóttur, f. 1892, d.
1980, eru Halldóra Sigríður, f.
1930, d. 1999, Magdalena Soffía, f.
1932, og Auðbjörg, f. 1934.
Haukur kvæntist 17. júní 1944
Valgerði Jóhannsdóttur, f. 1. apríl
1922. Foreldrar hennar voru Jó-
hanna Sigríður Guðjónsdóttir, f.
1890, d. 1987, og Jóhann Kr. Jóns-
son, f. 1896, d. 1993.
Börn Valgerðar og
Hauks eru: 1) Jó-
hanna flugfreyja, f.
8. júlí 1947, maki
Þórður Helgason
cand. mag., f. 5. nóv.
1947. Þau skildu.
Sonur þeirra er
Haukur arkitekt, f.
3. júní 1977, sam-
býliskona Tinna
Ólafsdóttir kennari,
f. 19. ágúst 1976.
Sonur þeirra er Ólaf-
ur Dagur, f. 18. sept.
2000. 2) Atli Jóhann tæknifræð-
ingur, f. 30. júlí 1952, maki Hafdís
Ólafsdóttir myndlistarmaður, f. 31.
mars 1956. Dóttir þeirra er Auður
verkfræðinemi, f. 16. okt. 1981.
Eftir gagnfræðapróf frá Hér-
aðsskólanum á Núpi lærði Haukur
klæðskeraiðn hjá Árna bróður sín-
um á Akranesi og vann sem klæð-
skeri alla sína starfsævi. Fyrstu ár-
in á eigin saumastofu en síðar hjá
fataverksmiðjunni Gefjuni og síð-
ustu árin hjá Sólinni.
Útför Hauks verður gerð frá
Digraneskirkju í dag og hefst at-
höfnin klukkan 13.
Haukur tengdafaðir minn er látinn.
Ég hitti Hauk fyrst árið 1975 þegar
ég kom heim með Atla. Þau hjónin
Haukur og Valgerður tóku afskaplega
vel á móti mér þegar einkasonurinn
kom með mig heim.
Haukur tók fljótlega fram málband
til að mæla mittismál tilvonandi
tengdadóttur! Á þeim bæ voru það
mikilvægar upplýsingar. Á næstu ár-
um voru það ófáar flíkurnar sem voru
saumaðar á mig; frakkar, jakkar, pils
og buxur. Klipptar voru myndir úr
frönskum hátískublöðum og efni valin.
Allt sem Haukur saumaði passaði vel
og var einstaklega vel útfært. Sjálfur
var hann alltaf vel klæddur. Ég sá
hann aldrei í gallabuxum, hans föt voru
klæðskerasaumuð og hann var ávallt
klæddur í föt sem hæfðu stað og stund.
Þegar Haukur hætti að sauma og
Atli uppgötvaði að hann hafði ekki
fengið ný jakkaföt í einhvern tíma, þá
horfði hann á mig og spurði: Hvar
kaupir maður jakkaföt? Við nutum
þess svo sannarlega að eiga Hauk að.
Allt sem hann gerði gerði hann lista-
vel og af áhuga. Hann tók þátt í lífi
okkar og barnabörnin nutu þess svo
sannarlega að eiga Hauk sem afa. Afa
sem naut þess að hlusta, spila og
spjalla. Hann átti alltaf tíma fyrir þau
Hauk og Auði.
Haukur var mikill jólamaður og átti
alltaf stærsta jólatréð. Það eru ekki
mörg ár síðan við fundum hann uppi í
stórum stiga við að skreyta húsið að
utan með jólaljósunum sínum.
Haukur var einstaklega heilsteypt-
ur maður og öllum leið vel í návist
hans. Hann var alltaf jákvæður og
bjartsýnn og þannig var hann til síð-
asta dags.
Ég minnist hans með hlýju og þakka
honum fyrir að hafa verið tengdafaðir
minn.
Hafdís.
Hauki Ingimundarsyni, tengdaföð-
ur mínum, kynntist ég fyrir rúmum
fjórum áratugum. Mér er minnisstætt
hversu mjög mér fannst mikið til
mannsins koma og síðar átti ég eftir að
kynnast því að það var ekki aðeins á
ytra borðinu og við fyrstu sýn.
Haukur var sannkallað glæsimenni,
hávaxinn og beinvaxinn, og svo stæltur
og íþróttamannslega vaxinn að eftir
var tekið. Því hélt hann lengur er flest-
ir menn aðrir.
Og Hauki var sannarlega meira gef-
ið en ytra útlit. Hann var einstaklega
flinkur við allt það sem hann tók sér
fyrir hendur, og það var margt og
margvíslegt. Allt virtist leika í höndum
hans enda féll honum sjaldan verk úr
hendi.
Haukur nam klæðskeraiðn og við
hana vann hann alla starfsævi sína og
þar naut sín smekkvísi hans og hæfi-
leikar til fulls. Það var ekki í kot vísað
að leita til hans þegar gömlu fötin
voru úr sér gengin. Ég veit að margir
munu nú minnast Hauks með þakk-
læti í huga fyrir það að hann lagaði
spegilmynd þeirra á örlagastundum
ævinnar.
Það lýsir eljumanninum Hauki
harla vel að hann lagði ekki frá sér
klæðskeratólin fyrr en hálfáttræður
orðinn og mér fannst hann vera treg-
ur til þess. Að verkalokum sýndist
mér Haukur um skeið vera líkt og
eirðarlaus, enda umskiptin mikil. En
sem betur fer er líf að atvinnuums-
vifum loknum og ekki leið á löngu þar
til Haukur fór að sækja starf eldri
borgara í Kópavogi af mikilli elju,
enda hafði hann þangað mikið að
sækja og margt að gefa. Þar spilaði
hann árum saman og tefldi, söng í
kórum og púttaði og fór í eftirminni-
legar ferðir. Og skyndilega fór hann
að yrkja vísur, ekki síst bráðsmellnar
limrur, til að stytta sér stundir.
Kona Hauks er Valgerður Jó-
hannsdóttir og lifir hún mann sinn.
Hjónaband þeirra var farsælt og
stóðu þau saman sem einn maður í
flestu því sem lífið bauð þeim, súru og
sætu.
Haukur var valmenni, jafnlyndur
og hjartahlýr, reiddist sjaldan en
reyndi þvert á móti að bera klæði á
vopnin er ágreiningsmál risu. Mér og
mínum reyndist hann ávallt framúr-
skarandi vel í hvívetna.
Góðri heilsu hélt Haukur þar til
fáum mánuðum fyrir andlátið, enda
lifði hann hollu lífi. En sláttumaður-
inn slyngi kemur ávallt um síðir og
þegar að Hauki kom lauk hann verki
sínu hratt og örugglega. Það er ljúft
að eiga minningar um mann sem lifði
lífi sínu þannig að vart ber skugga á.
„Orðstír deyr aldregi“.
Þórður Helgason.
Hjá afa og ömmu í Víðihvamminum
var ég heimagangur. Amma hljóp
jafnan til og sótti gotterí á meðan við
afi settumst inn í sjónvarpsherbergi.
Afi var ekki bara afi minn, hann var
líka vinur minn. Hann fylgdist alltaf
vel með hvað ég tók mér fyrir hendur
og studdi ávallt við bakið á mér.
Afi var alltaf brosmildur, glaður,
hjálpsamur, duglegur og hann var
alltaf fínn í tauinu enda klæðskera-
meistari með meiru.
Eftir að afi hætti að vinna tók hann
mjög virkan þátt í félagsstarfi aldr-
aðra í Kópavogi. Hann söng í kórum,
stjórnaði púttklúbbum og mætti á
spilakvöld og í ferðalög. Verðlauna-
gripirnir eru orðnir margir eftir golf-
mót, púttmót og spilamennsku.
Líf afa var þó ekki alltaf dans á rós-
um. Þegar hann var fimm ára lést
mamma hans og skildi eftir sig níu
börn. Sögurnar hans afa voru ævin-
týralegar og ég lagði við hlustir. Afa
var komið fyrir í fóstur á Seltjarn-
arnesi. Í hvert skipti sem gesti bar
þar að garði faldi hann sig. Í nokkur
ár var hann viss um að það væri ein-
hver að sækja sig. Og einn daginn var
hann sóttur og sendur einn með skipi
til Ísafjarðar þar sem ókunnug skyld-
menni tóku á móti honum.
Síðar fundu afi og amma hvort ann-
að og þau gengu í hjónaband á
þjóðhátíðardaginn 17. júní árið 1944.
Í mínum huga hefur 17. júní ávallt
verið dagur afa og ömmu. Og svo
verður áfram.
Ég kvaddi afa fyrir þremur vikum
og hélt til Kanada. Hugur minn er nú
heima hjá ömmu sem stendur ein eft-
ir tæplega 63 ára langt hjónaband
þeirra afa. Ég mun sakna afa.
Auður.
Haukur
Ingimundarson
✝
Elskuleg móðir okkar, tengdamóðir, amma og lang-
amma,
RANNVEIG JÓHANNESDÓTTIR,
dvalarheimilinu Höfða,
Akranesi,
verður jarðsungin frá Akraneskirkju föstudaginn
9. febrúar kl. 14.00.
Þeim sem vilja minnast hennar er bent á dvalar-
heimilið Höfða.
Sigurjón Hannesson, Guðlaug Bergþórsdóttir,
Guðbjörg Fanney Hannesdóttir, Heiðar Jóhannsson,
Þjóðbjörn Hannesson, Kristrún Líndal Gísladóttir,
Guðríður Hannesdóttir, Jóhann Þóroddsson,
Guðbjartur Hannesson, Sigrún Ásmundsdóttir
og ömmubörn.
✝
Elskulegur sambýlismaður minn, faðir okkar,
fósturfaðir og afi,
JÓHANNES ÓLAFSSON
(áður Olsen),
Klapparhlíð 3,
Mosfellsbæ,
verður jarðsunginn frá Lágafellskirkju fimmtu-
daginn 8. febrúar kl. 13:00.
Unnur Finnbogadóttir,
börn, tengdabörn og barnabörn.
✝
Hjartkær eiginmaður minn, faðir okkar, tengdafaðir
og afi,
FRIÐRIK JÓNSSON
bóndi,
Brekku,
Eyjafjarðarsveit,
andaðist á Fjórðungssjúkrahúsinu á Akureyri
aðfaranótt sunnudagsins 4. febrúar.
Útförin fer fram í kyrrþey að ósk hins látna.
Ragnheiður Þórðardóttir,
Þórður Friðriksson, Aðalheiður Skúladóttir,
Jón Þorgrímur Friðriksson, Kathleen Carrol,
Elísabet Katrín Friðriksdóttir,
Árni Friðriksson, Sigríður Lára Sigurjónsdóttir,
Sverrir Friðriksson
og barnabörn.
✝
Ástkær móðir okkar, tengdamóðir, amma og lang-
amma,
SVEINA B. KARLSDÓTTIR,
Fellsmúla 16,
Reykjavík,
verður jarðsungin frá Fossvogskirkju fimmtudaginn
8. febrúar kl. 11.00.
Blóm og kransar vinsamlegast afþakkaðir.
Þeim sem vilja minnast hennar er bent á Minningarsjóð líknardeildar LSH
í Kópavogi, sími 543 1159.
Hrönn Ísleifsdóttir, Jón Tryggvi Helgason,
Anna Guðrún Ísleifsdóttir,
Gissur Ísleifsson, Linda Ingvarsdóttir,
Karl Ísleifsson, Margrét Nanna Jóhannsdóttir,
barnabörn og barnabarnabörn.
✝
Ástkær móðir okkar, tengdamóðir, amma og lang-
amma,
ELÍSABET PÉTURSDÓTTIR,
Hraunvangi 3,
(áður Þúfubarði 12),
Hafnarfirði,
andaðist á Landspítalanum við Hringbraut mánu-
daginn 5. febrúar
Eygló Þorláksdóttir, Michael Mather,
Erla Þorláksdóttir, Erling Ásgeirsson,
Sigurður G. Þorláksson, Ragnhildur Harðardóttir,
Petra Þorláksdóttir, Örn Arnarsson,
Ægir Þorláksson, Sólveig Stefánsdóttir,
Særún Þorláksdóttir, Guðjón B. Sverrisson,
Vignir Þorláksson, Sigrún Vilhelmsdóttir,
Anna María Þorláksdóttir, Rafn A. Guðjónsson,
barnabörn og barnabarnabörn.
✝
Okkar ástkæri
ÁSGEIR ÁRMANNSSON
bókbindari,
Ásgarði 63,
verður jarðsunginn frá Bústaðakirkju föstudaginn
9. febrúar kl. 13.00.
Blóm og kransar vinsamlegast afþakkaðir en þeir,
sem vilja minnast hins látna, eru beðnir um að láta
Minningarsjóð Víkings njóta þess, sími 581 3245.
Lára Herbjörnsdóttir,
Ásgerður Ásgeirsdóttir, Magnús Bjarnason,
Guðbjörn Ásgeirsson, Nanna Þórðardóttir,
Árný Ásgeirsdóttir, Sigurþór Jóhannesson,
Einar Ásgeirsson, Súsanna Sigurbjargardóttir Forberg,
Kjartan Sveinsson, Anna María Elíasdóttir,
Ásgeir Sveinsson, Helga Sævarsdóttir,
Hanna Lára Sveinsdóttir, Áróra Lind Biering,
afabörn, langafabörn og langalangafabörn.
✝
Elskulegur eiginmaður minn, faðir okkar, tengda-
faðir, afi og langafi,
ÞORMÓÐUR PÉTURSSON,
Lautasmára 3,
Kópavogi,
andaðist á heimili sínu mánudaginn 5. febrúar.
Jarðarförin auglýst síðar.
Jóninna Guðný Steingrímsdóttir,
Steingrímur Þormóðsson, Guðbjörg Egilsdóttir,
Helga Ingileif Þormóðsdóttir, Ingibergur Sigurðsson,
Pétur Þormóðsson,
afa- og langafabörn.
afabörn og langafabörn.