Morgunblaðið - 10.03.2007, Blaðsíða 14
14 LAUGARDAGUR 10. MARS 2007 MORGUNBLAÐIÐ
AÐALMEÐFERÐ Í BAUGSMÁLINU
HUGVÍSINDADEILD
Hagnýtt nám
í hugvísindum
www.hi.is
Nýjar 45 eininga námsgreinar á M.A.-stigi
í Hugvísindadeild Háskóla Íslands
Hagnýt menningarmiðlun
Námið byggist á þverfaglegu samstarfi með það að markmiði að tengja saman
íslenska sögu og menningu og opna nemendum nýjar leiðir í miðlun rannsókna
sinna og þekkingar. Áhersla er lögð á að nemendur ljúki miðlunarverkefnum,
tileinki sér fjölþætta framsetningu efnis og öðlist reynslu sem geri þeim fært
að vinna sjálfstætt á sviði miðlunar.
Hagnýt ritstjórn og útgáfa
Markmið námsins er að gefa nemendum kost á að byggja á þeim grunni sem
þeir hafa lagt í fyrra námi sínu og búa sig á skipulegan hátt undir ritstjórnar-
og útgáfustörf af ýmsu tagi, t.d. hjá fjölmiðlum, bókaútgáfum og vísinda-
stofnunum. Námið er bæði fræðilegt og verklegt og fer fram í samvinnu við
samstarfsfyrirtæki á þessu sviði.
Umhverfis- og náttúrusiðfræði
Viðskiptasiðfræði
Heilbrigðis- og lífsiðfræði
Í náminu kynnast nemendur helstu kenningum siðfræðinnar, rannsóknar-
aðferðum í hagnýtri siðfræði og siðfræði starfsstétta. Nemendur geta síðan
valið að sérhæfa sig í umhverfis- og náttúrusiðfræði, viðskiptasiðfræði eða
heilbrigðis- og lífsiðfræði. Ekki eru gerðar kröfur um fornám í heimspeki.
Frekari upplýsingar um námsgreinarnar eru veittar á skrifstofu
Hugvísindadeildar og þangað skal skila umsóknum.
Umsóknarfrestur rennur út 15. mars.
Sjá nánar á www.hug.hi.is
■
■
■
Hugvísindadeild Háskóla Íslands
Nýja-Garði, 101 Reykjavík
Sími 525 4400, hug@hi.is
ÍS
L
E
N
S
K
A
/S
IA
.I
S
/H
S
K
3
66
63
0
3/
07
Eftir Andra Karl
andri@mbl.is
VIÐSKIPTI Baugs við Nordica, fé-
lag Jóns Geralds Sullenbergers,
komu mikið við sögu í dómsal 101 í
gærdag, á 20. degi Baugsmálsins
svokallaða. Vitnin, sem leidd voru
fyrir dóm, eru flest núverandi eða
fyrrverandi starfsmenn Aðfanga,
birgða- og dreifingarstöðvar Baugs,
eða fyrirrennara þess og voru spurn-
ingar um starfsemi og viðskipti fyr-
irtækisins áberandi.
Spurningar setts saksóknara, Sig-
urðar Tómasar Magnússonar, beind-
ust fremur að viðskiptum við Nord-
ica, hversu umfangsmikil þau voru og
birgðastöðu hjá Aðföngum, á meðan
Gestur Jónsson, verjandi Jóns Ás-
geirs Jóhannessonar forstjóra Baugs
Group, reyndi að upplýsa dóminn um
danska félagið Simons Agitur.
Nutu bæði velvildar
innan Baugs
Meðal vitna var Lárus Óskarsson,
framkvæmdastjóri Aðfanga, og sagði
hann aðspurður að samstarf Baugs
við Simons Agitur hefði verið hlið-
stætt því við Nordica. „Algjörlega,
þetta er alveg það sama og bæði fyr-
irtækin nutu velvildar innan Baugs
og samskiptin voru náin,“ sagði Lár-
us.
Spurði Gestur þá út í rannsókn
ríkislögreglustjóra og hvort eitthvað
hefði verið spurt út í danska félagið
við skýrslutökur. Neitaði Lárus því
eins og Jóhannes Rúnar Jóhannsson,
sem starfaði sem framkvæmdastjóri
Baugs sf., fyrirrennara Aðfanga.
Í lögregluskýrslu sem tekin var af
Jóhannesi 6. nóvember 2002, og sak-
sóknari bar undir vitnið, minnist
hann á að mikil áhersla hafi verið
lögð á að halda tveimur viðskipta-
samböndum, það væri Simons Agitur
og Nordica. Spurði Gestur þá hvort
frásögn Jóhannesar af Simons Agit-
ur hafi orðið til þess að hann hafi ver-
ið spurður nánar út í félagið og neit-
aði hann því.
Simons Agitur vann m.a. að því að
finna nýjar vörur í Evrópu og senda
til Íslands. Við aðalmeðferðina í
fimmtudag sagði Óskar Magnússon,
fyrrverandi stjórnarformaður
Baugs, svo frá að Baugur hefði sett
hlutafé inn í danska félagið þegar
halla fór undan fæti og fór að lokum
svo að Baugur eignaðist Simons
Agitur. Annar eigandi félagsins fékk
hins vegar mánaðarlegar greiðslur
frá Baugi til að viðhalda viðskipta-
samböndum í Evrópu, fara á sölusýn-
ingar og finna nýjar vörur.
Farið með upplýsingar um
eignaraðild sem mannsmorð
„Það var allavega ekki talað um
eignaraðild opinberlega hjá fyrir-
tækinu,“ sagði Jón Ólafur Lindsay,
innkaupastjóri hjá Baugi sf., Aðföng-
um og síðar 10-11, þegar saksóknari
spurði hann út í bátaeign Jóns Ás-
geirs. Saksóknari las upp úr lög-
regluskýrslu þar sem haft var eftir
Jóni Ólafi að farið hefði verið með
upplýsingarnar sem mannsmorð inn-
an Baugs og staðfesti hann framburð
sinn.
Jón Ásgeir hélt því fram við aðal-
meðferðina að Jón Ólafur hefði með
orðum sínum verið að hefna sín á
honum þar sem hann var rekinn frá
félaginu. Þetta sagði Jón Ólafur
rangt, en viðurkenndi áður að hafa
orðið reiður eftir starfslok sín.
Spurður um hvernig hann hefði feng-
ið vitneskju um eignarhald Jóns Ás-
geirs í bátnum Thee Viking sagði Jón
Ólafur að um orðróm hefði verið að
ræða.
Síðar spurði Gestur út í hvers
vegna hann hefði notað orðið manns-
morð, og sagði Jón Ólafur að hann
hefði hugsanlega tekið fremur „hart
til máls“.
„Við kölluðum
þetta gámalandið“
Saksóknari spurði Lárus Óskars-
son töluvert út í meintan vand-
ræðalager Nordica hjá Aðföngum en
í skýrslutökum yfir Jóni Ásgeiri hélt
hann því fram að til hefði orðið vand-
ræðalager með vörur Nordica sem
kvartað hefði verið yfir innan Baugs.
Því hefði komið til samkomulag milli
hans og Jóns Geralds um að gefinn
væri út kreditreikningur samhliða
ákvörðun um að stórauka viðskiptin.
Aðspurður sagðist Lárus hefðu
hafið störf sem framkvæmdastjóri
hjá Aðföngum í nóvember 1997. Þá
hefðu verið um fjörutíu fullir, og hálf-
fullir, gámar af vörum sem safnast
hefðu saman. „Við kölluðum þetta
gámalandið,“ sagði Lárus og bætti
við að það hefðu að mestu verið vörur
frá Nordica, að verðmæti 15–17 millj-
ónir króna.
Var hann þá spurður út í hvernig
birgðastaða Nordica hefði verið á
árinu 2001, sama ár og kreditreikn-
ingurinn var gefinn út, og sagði Lár-
us að viðskipti við félagið hefðu verið
aukin mikið á árinu, eða úr ca 65
milljónum króna upp í 150 milljónir.
Saksóknari spurði þá hvort hægt
væri að tala um vandræðalager hjá
Aðföngum vegna þessara viðskipta
og sagði Lárus: „Birgðastaða Að-
fanga var um 450 milljónir króna og
að vera með lager sem er 1% af velt-
unni en 13% af lagernum, það er ekki
vænlegt.“
Sambærileg viðskipti
og við Simons Agitur
Morgunblaðið/G. Rúnar
Leitað Sigurður Tómas Magnússon, settur saksóknari, flettir í skjölum
málsins, ásamt sérlegum aðstoðarmanni sínum, við aðalmeðferðina.
Fjögur vitni báru að viðskipti Baugs við félag Jóns
Geralds, Nordica, hafi átt sér hliðstæðu í danska félaginu
Í HNOTSKURN
Dagur 20
»Á mánudag verður sann-kallaður færeyskur dagur
í héraðsdómi Reykjavíkur en
aðeins færeysk vitni verða
leidd fyrir dóm.
»Meðal þess sem spurt verð-ur út í eru viðskipti milli
Baugs og SMS í Færeyjum,
sem Baugur á 50% eignarhlut
í, og kredityfirlýsing sem
gefin var út af SMS upp á 46
milljónir króna – og er meðal
ákæruefna.
FRÉTTIR
HELGI Hafliðason,
málarameistari og
fisksali í Reykjavík,
andaðist í gær, 9.
mars, á 85. aldursári.
Helgi fæddist í
Reykjavík 10. nóvem-
ber árið 1922, sonur
Hafliða Baldvinssonar
fiskkaupmanns og
Jóneu Hólmfríðar
Fríðsteinsdóttur.
Helgi gekk í Aust-
urbæjarskólann og
Iðnskólann í Reykja-
vík og fékk meistara-
réttindi í málaraiðn
árið 1950. Þremur árum síðar tók
hann við rekstri Fiskverslunar Haf-
liða Baldvinssonar við Hlemm, sem
faðir hans hafði stofnað árið 1927.
Hann rak verslunina þar ásamt fyr-
irtækinu að Fiskislóð 30, þar til hann
hætti störfum árið 1994
og synir og tengdabörn
tóku við rekstrinum.
Stjúpsonur og synir
Helga höfðu þá rekið
fyrirtækið með honum
frá því í byrjun níunda
áratugarins. Helgi var
alla tíð virkur í fé-
lagsstarfi, söng í kór og
var áhugamaður um
ferðalög og útivist.
Hann var mjög virkur í
starfi Alþýðuflokksins,
enda var hann bróður-
sonur Jóns Baldvinsson-
ar, formanns Alþýðu-
flokksins og forseta ASÍ.
Eiginkona Helga var Guðmundína
Jóhanna Júlíusdóttir, fædd 1934, en
hún lést árið 1994. Þau eignuðust
fjögur börn saman en Jóhanna átti
son sem Helgi ól upp.
Andlát
Helgi Hafliðason
Sauðárkrókur | Lögreglunni á
Sauðárkóki barst tilkynning um
umferðarslys í Hegranesi í gær-
morgun. Fólksbifreið hafði farið
norður af veginum, austan Trölla-
skarðs, þar sem hæst er niður og
hafnað á hvolfi. Þrennt var í bif-
reiðinni, tvær ungar konur og ungt
barn annarrar þeirra. Farþeginn
og barn hennar komust út úr bíln-
um og flutti vegfarandi þau á Heil-
brigðisstofnunina á Sauðárkróki,
en ökumaðurinn var fastur í bílnum
og þurfti áhaldabíl slökkviliðsins til
að ná honum úr flakinu.
Eftir skoðun á heilbrigðisstofn-
uninni fengu farþegarnir að fara
heim, enda aðeins skrámaðir, en
ökumaður var fluttur til Akureyr-
ar, ekki í lífshættu en líklega bæði
handleggs- og fótbrotinn. Mikil
mildi þykir að ekki fór verr.
Útafakstur í Hegranesi
Morgunblaðið/Björn Björnsson
Vettvangur Lögregla og sjúkralið
huga að slösuðum í bílnum.