Morgunblaðið - 10.03.2007, Qupperneq 50
|laugardagur|10. 3. 2007| mbl.is
staðurstund
Arnar Eggert Thoroddsen
fjallar um John Corbett, sem er
hvað þekktastur fyrir hlutverk
sitt í Sex and the City. » 52
af listum
Björg Brjánsdóttir er aðeins 13
ára gömul en er samt að fara að
leika einleik á flautu með Sin-
fóníuhljómsveitinni. » 52
tónlist
Það fer enginn dapur út af
söngleiknum Legi í Þjóðleikhús-
inu ef marka má gagnrýni
Martins Regal. » 55
leiklist
Vernharður Linnet skellti sér á
djasstónleika á Domo á
fimmtudaginn og skemmti sér
mjög vel. » 57
dómur
Breski söngvarinn George
Michael fær næstum 100 millj-
ónir fyrir að koma fram í afmæli
hjá milljónamæringi. » 61
fólk
Eftir Ingveldi Geirsdóttur
ingveldur@mbl.is
Í LISTASAFNI Akureyrar verður
opnuð í dag sýningin Augliti til aug-
litis. Þar eru sýnd ljósmyndaverk
fjórtán alþjóðlegra listamanna sem
allir vinna með portrett og sjálfs-
myndir. Flestir þeirra eru franskir
eða búsettir þar um slóðir, en sýn-
ingin er hluti af Pourquoi pas? –
frönsku vori á Íslandi.
„Við erum með um fimmtíu verk
eftir þessa fjórtán listamenn. Ég
valdi þá því mér finnst þeir sýna þá
breidd sem er í ljósmyndalistinni í
Frakklandi í dag,“ segir Isabelle de
Monfumat, sýningarstjóri sýning-
arinnar Augliti til auglitis. „Þetta eru
bæði vel þekktir listamenn sem og
yngri og minna þekktir. Þeir hafa
ólíka sýn á ljósmyndun og nota hana
á ólíkan hátt í list sinni.“
Mynd á dag í 40 ár
„Sá stærsti og frægasti á þessari
sýningu er Roman Opalka. Frá árinu
1965 hefur hann málað litlar hvítar
tölur, frá 1 og áfram, á strigabak-
grunn sem í upphafi var svartur og í
hvert sinn sem hann byrjar á nýrri
mynd bætir hann örlitlu hvítu í bak-
grunninn og því lýsast myndirnar
eftir því sem þeim fjölgar og á end-
anum verður bakgrunnurinn sam-
litur tölunum; hann tekur upp rödd
sína þegar hann les númeraraðirnar
eftir hverja vinnutörn og svo tekur
hann ljósmynd af andliti sínu. Á Aug-
liti til auglitis er þetta þrennt til sýn-
is. Það verða átta sjálfsmyndir af
honum þarna, en hann hefur tekið
eina mynd af sér á hverjum degi síð-
an ’65 og er ljósmyndun hans sönn
birting á list sem er til marks um hin
afdráttarlausu skil milli módern-
ískrar og samtímalegrar ljósmynd-
unar,“ segir Isabelle og tekur fram
að skilin á milli listgreina séu alltaf
óljósari og það megi glöggt sjá á sýn-
ingunni.
Ljósmyndalist virtari
Isabelle hefur hingað til aðallega
komið að sýningu erlendra lista-
manna í París. Með Augliti til auglit-
is vildi hún breyta til og gera sýningu
með frönskum listamönnum erlend-
is.
Augliti til auglitis var fyrst sett
upp í París árið 2005, hún hefur nú
ferðast víða um Evrópu og frá Ís-
landi fer hún til Skotlands og síðan til
Svíþjóðar.
„Sýningin á líklega eftir að ferðast
víðar í lengri tíma, við höfum aðeins
verið í Evrópu en eigum eftir að sjá
hvernig svona sýning leggst í fólk í
öðrum heimshlutum. Ég hef áhuga á
að vita hvort þetta sé aðeins franskur
raunveruleiki eða raunveruleiki í list-
um í heiminum, það veit ég ekki, en
við höfum fengið góðar viðtölur alls
staðar hingað til.“
Spurð hver staða nútímaljósmynd-
unar sé í Frakklandi í dag segir Isa-
belle hana hafa breyst mikið á sein-
asta áratug.
„Fyrir rúmum tíu árum voru nú-
tímaljósmyndir ekki raunveruleiki í
listaheiminum en síðan þá hafa tvö
mikilvæg ljósmyndasöfn verið opnuð
í París sem breyttu stöðu ljósmynd-
unar til batnaðar. Ljósmyndalistin er
virtari og meira litið á hana sem list
sem og vídeólist. Í dag eigum við
marga mikilvæga listamenn sem
nota ljósmyndir í list sinni,“ segir
Isabella og bætir við að þeim þyki
áhugavert að sýna í Listasafni Ak-
ureyrar.
„Okkur þykir mjög áhugavert að
sýna á Íslandi því þar er listin svo
ung og þar spretta sífellt upp nýjar
og áhugaverðar kynslóðir lista-
manna sem þora. Því er áhugavert að
koma með sýningu með nýrri list frá
„gömlu“ Evrópu til „nýju“ Evrópu.“
Listamennirnir sem eiga verk á
Augliti til auglitis eru: Alain Bublex,
Nan Goldin, Cécile Hartmann, Hans
Hemmert, Suzanne Lafont, Dominik
Lejman, Yuki Onodera, Roman
Opalka, Orlan, Philippe Ramette,
Francois Rousseau, Yann Toma,
Jean-Luc Vilmouth og Kimiko
Yoshida.
Sýningin verður opnuð í dag og
stendur til 29. apríl.
Morgunblaðið/Skapti Hallgrímsson
Til auglitis Isabelle de Montfumat, sýningarstjóri Auglitis til auglitis, við verk eftir frönsku listakonuna Orlan.
Augliti til aug-
litis við franska
list á Akureyri
Sýning á franskri samtímaljósmyndun
í Listasafni Akureyrar opnuð í dag
Eftir Flóka Guðmundsson
floki@mbl.is
„ÞAÐ ER virkilega vandasamt að
blanda saman myndböndum og
leikhúsi,“ segir Gideon Kiers sem
sér um ljósa- og myndbands-
hönnun við fjórða mann í söng-
leiknum Legi. „Ég setti mér það
markmið, í samvinnu við Bjössa
[Björn Bergstein Guðmundsson
ljósahönnuð] að búa þannig um
hnútana að ljósin, myndböndin, og
reyndar sviðsmyndin og hljóðið,
mynduðu heildstætt umhverfi sem
myndi styðja við sýninguna frekar
en að draga athyglina frá verkinu
sjálfu. Þetta handrit er reyndar
mjög gott og það létti okkur
óneitanlega lífið.“
Þrátt fyrir að Gideon sé holl-
enskur fer því fjarri að hann sé
ókunnur íslensku leikhúsi. Hér-
lendis hefur hann unnið við hljóð-
og myndvinnslu fyrir uppfærslur á
einum tíu leikritum og óperum.
„Kærastan mín er íslensk og
bróðir hennar, Börkur Jónsson,
gerði leikmyndina fyrir uppfærslu
Hafnarfjarðarleikhússins á Meist-
aranum og Margarítu árið 2003.
Þar vantaði einhvern til að sjá um
myndvinnsluna og þannig byrjaði
þetta allt saman.“
Á ferð og flugi
Auk þess að sinna hljóð- og
myndvinnslu fyrir íslenskt leikhús
hefur Gideon starfað við myndlist
og hljóðlist í margvíslegu formi í
fjölmörgum löndum Evrópu. Hann
er jafnan með mörg járn í eld-
inum og stöðugt á ferð og flugi.
Þannig heldur hann til Hollands
eftir helgi þar sem hann mun
spila á nokkrum tónleikum og
taka þátt í listasýningu auk þess
hann staldrar við í Rotterdam þar
sem hann vinnur að stuttmynd
ásamt bróður sínum.. „Svo kem ég
til Íslands en stoppa stutt því ég
þarf að fara aftur og vinna að
nýrri plötu og leggja auk þess
mitt af mörkum til dansverks,“
segir Gideon sem virðist lítið gef-
inn fyrir að sitja með hendur í
skauti.
Aðspurður hvort fleiri verkefni
í íslensku leikhúsi séu á döfinni
segir Gideon það sennilegt. „Ég
hef unnið talsvert með Bjössa og
hefur sú samvinna gengið frábær-
lega. Það kann því svo að fara að
við sameinum krafta okkar aftur
og ekki ólíklegt að ég komi að
einhverjum óperum á næsta ári.“
Kærustu sinni Öddu Ingólfs-
dóttur kynntist Gideon í gegnum
bróður sinn, sem var bekkj-
arbróðir Öddu í Hag. „Það vill
reyndar þannig til að hann á líka
íslenska konu. Við sem höfðum
eiginlega aldrei heyrt um Ísland
áður en við kynntumst þeim,“ seg-
ir hann og hlær.
Sískapandi Íslandsvinur
Myndbandslistamaður Listamaðurinn Gideon Kiers hefur komið við sögu
tíu uppfærslna á leikritum og óperum á Íslandi síðastliðin fjögur ár.
Hinn fjölhæfi Gideon Kiers sér um ljósa- og myndbands-
hönnun fyrir hinn nýfrumsýnda söngleik Leg
Morgunblaðið/ÞÖK