Morgunblaðið - 10.03.2007, Blaðsíða 30
lifun
30 LAUGARDAGUR 10. MARS 2007 MORGUNBLAÐIÐ
Fyrrum eldhús Efri skápar eldhúsinnréttingar
fengu að vera áfram í nýja barnaherberginu.
Það er ótrúlega notalegt að koma
inn í litlar risíbúðir þar sem úir og
grúir af persónulegum munum frá
fjölskyldumeðlimum. Einmitt þann-
ig er það í íbúðinni á Flókagötunni
sem er ekki skráð nema sextíu fer-
metrar, en eitthvert pláss bætist þó
við þar sem lofthæðin er undir 180
sentimetrum. Þrátt fyrir fáa fer-
metra er eins og það sé nóg pláss
fyrir allt. En fyrst og fremst er
nægilegt pláss fyrir manneskjulegt
andrúmsloft og það skiptir öllu máli.
Þau eru veik fyrir gömlum hlutum
og það er eitt af því sem gerir heimili
þeirra svo sérstakt. Gamlar könnur
frá ömmu, gamlir símar, gömul kof-
ort og gömul blaðagrind eru dæmi
um hluti úr fortíðinni með sál. Og
þeim er sumum komið fyrir uppi á
bókahillum, þannig að ekkert pláss
er ónotað. Annað dæmi um frábæra
nýtingu á plássi eru hornhillur við
dyrakarminn inn að barnaherberg-
inu, en þær geyma bolla, glös, mort-
el, blómavasa, steinasafn og gamla
barnaskó.
Þegar þau fluttu inn var eldhúsið
innst inni í íbúðinni og frekar lítið og
þröngt. En þar sem soninn vantaði
herbergi brugðu þau á það ráð ný-
lega að rífa allt þaðan út, nema efri
skápa, og bjuggu til splunkunýtt
herbergi fyrir drenginn. Nýtt eldhús
hönnuðu þau svo í einu horninu í
opnu rýminu í stofunni og til stendur
að smíða svalir. Við það mun óneit-
anlega aukast olnbogarýmið hjá litlu
fjölskyldunni sem kann svo ágæt-
lega við sig undir súð.
Morgunblaðið/ÞÖK
Fjölskylduveggur Listaverk eftir einkasoninn, ættingjar í myndarömmum, nótnablöð og gamlar könnur.
Töskusafn Ekki þarf að ferðast um með handtöskur, þær njóta sín vel
sem stofustáss efst upp á hillu við hlið leirkers frá einni ömmunni.
Gamalt og nýtt Í nýja eldhúsinu ægir saman gömlu og nýju.
Hlýlegt Stofur þurfa ekki að vera stórar til að v
Gleði Engum ætti að leiðast á grænu baðherbergi mað skrautlegri klósett-
setu og hangandi skarti í sígaunastíl.
Íbúð með
karakter
Stigagangur Skautar sonarins og heilræði um heimili eru meðal margs
sem skreytir stigaganginn.
Ung hjón hafa komið sér vel fyrir ásamt einkasyn-
inum í lítilli risíbúð við Flókagötu. Þau segjast vera
nokkuð sjóuð í því að koma öllu sínu fyrir innan fárra
fermetra.
Þrátt fyrir fáa fermetra
þá er eins og það sé nóg
pláss fyrir allt. En fyrst
og fremst er nægilegt
pláss fyrir mann-
eskjulegt andrúmsloft
og það skiptir öllu máli.