Morgunblaðið - 14.04.2007, Qupperneq 6

6 LAUGARDAGUR 14. APRÍL 2007 MORGUNBLAÐIÐ
FRÉTTIR
Eftir Sigrúnu Ásmundar
sia@mbl.is
„VIÐ höfum kallað ykkur hérna sam-
an til að greina ykkur frá gleðitíð-
indum,“ hóf Einar Sigurðsson, for-
stjóri Árvakurs, mál sitt á
fjölmennum starfsmannafundi í höf-
uðstöðvum Morgunblaðsins í Hádeg-
ismóum síðdegis í gær. Tíðindin sem
Einar færði starfsfólki sínu voru þau
að Árvakur hefði keypt allt hlutafé í
Ári og degi, útgáfufélagi Blaðsins.
„Fyrir um einu og hálfu ári kom Ár-
vakur inn í útgáfufélag Blaðsins,“
hélt Einar áfram máli sínu, „og frá og
með deginum í dag eigum við 100%
hlut í Ári og degi.“
Starfsfólk Blaðsins var einnig á
starfsmannafundinum og það var
boðið velkomið í hópinn með lófa-
klappi.
Markmiðið með kaupunum er að
styrkja Árvakurssamstæðuna, að því
er fram kom í máli Einars. „Í dag ná
blöðin tvö, Morgunblaðið og Blaðið,
ásamt mbl.is til um 85% þjóðarinnar
með fréttir og afþreyingu – og það er
okkar hlutverk,“ sagði Einar og lagði
áherslu á mál sitt.
Mjög gott samstarf hefur verið á
milli Árvakurs og eigenda í Ári og
degi og að sögn Einars mun þeirra
krafta áfram njóta við.
„Þeir sem hafa verið leiðtogar í
starfinu þar, Karl Garðarsson og
Steinn Kári Ragnarsson, munu koma
hér inn í hópinn. Karl verður útgáfu-
stjóri prentmiðla Árvakurs og hefur
það meginhlutverk að tryggja og
leiða áfram samlegð í rekstri í blaða-
útgáfunni. Steinn Kári verður áfram
auglýsingastjóri Blaðsins og mun síð-
an vinna að því með okkur að byggja
hér upp sameiginlegt markaðs- og
sölukerfi Árvakursmiðlanna.“
Einar sagði að nú væri hafið nýtt
vaxtarskeið, miklir möguleikar fælust
í fríblaðamarkaðnum og netmiðl-
inum.
Í lokin kom fram í máli Einars að
áfram væri um að ræða tvo miðla sem
Árvakur gæfi út. Sjálfstæð ritstjórn-
arstefna yrði áfram við lýði, í engu
yrði hróflað við því. „Við viljum láta
bæði blöðin vaxa og blómstra og ég
held að með því að opna fyrirtækið
með þessum hætti og stækka með
þessum hætti eigum við mjög mikla
möguleika á þessum markaði.“ Í lokin
hnykkti Einar á því að samanlagt
væru seldar auglýsingar fyrir þrjá
milljarða á ári á miðlunum þremur.
„Við erum þess vegna hérna saman
komin fyrst og fremst til að gleðjast
yfir þessum áfanga,“ lauk Einar máli
sínu.
Í samtali við Einar eftir starfs-
mannafundinn kom fram að sókn-
arhugur er í forsvarsmönnum Árvak-
urs og að undanfarna fimm mánuði
hefði orðið talsverð breyting í rekstr-
inum.
„Við höfum verið að vinna að tölu-
verðum breytingum á rekstrinum hjá
Árvakri að undanförnu,“ sagði Einar.
„Við sjáum núna fyrir okkur að með
því að sameina þessi tvö fyrirtæki
undir einum hatti náum við stærð og
krafti sem mun nýtast okkur til að
ljúka því umbótaverki sem unnið hef-
ur verið að. Það hefur orðið veruleg
breyting á rekstri Morgunblaðsins
síðustu fimm mánuði og við teljum að
með því að hafa starfsemi Árs og
dags undir sama hatti og Árvakurs
getum við fundið hagræðingarmögu-
leika, en fyrst og fremst nýja vaxt-
armöguleika í rekstrinum.“ Það komi
m.a. til af því að dreifing á Blaðinu sé
betri en á nokkru öðru dagblaði á Ís-
landi og hún verði styrkt enn frekar.
„Í raun og veru er merkilegt hvað
Blaðinu hefur tekist að hasla sér völl
hingað til og við teljum að með því að
nýta þann styrk sem býr í Árvakri til
þess að byggja þarna upp munum við
ná ennþá lengra. Síðan höfum við
unnið að nýrri sókn á Netinu og þar
er mbl.is í einstakri stöðu, þetta er
helmingi stærri fréttamiðill á Netinu
heldur en sá sem er númer tvö og við
teljum að við getum í samvinnu við
starfssystkini okkar á Blaðinu unnið
alveg ný lönd, erum með hugmyndir
um nýjungar og breytingar í vef-
umhverfinu og markmiðið er að stór-
auka þá starfsemi.“
Tekjurnar af mbl.is segir Einar
hafa aukist um meira en 40% á ári
undanfarin tvö ár og talið sé að síst
muni draga úr því í framtíðinni.
„Þetta er þannig líka hluti af því að
styrkja okkur í þeirri starfsemi,“
sagði Einar.
Samrunann segir Einar engu
breyta um það að áfram verði gefið út
Morgunblað. „Við munum auðvitað
þróa fyrirtækið áfram, inn kemur
stór og öflugur hópur og við þurfum
að finna einhverja útfærslu á því í
starfseminni hvernig við ætlum að
skipuleggja okkur fyrir þessa sókn.
Ég held að fyrst og fremst geri þetta
að verkum að starfið verður miklu
meira spennandi og skemmtilegt. Við
förum í þetta af miklum sóknarhug.“
Einar segist vera mjög bjartsýnn
fyrir hönd Morgunblaðsins. „Morg-
unblaðið hefur að undanförnu tekið
ákveðnum breytingum, það hefur
styrkst og eflst og ég held að við
munum ná í gegn með þessar breyt-
ingar. Þetta er áskriftarblað og það
þarf að koma blaðinu í þeirri sterku
mynd sem það er núna út til kaup-
enda, við erum í þeirri vinnu núna og
hún gengur mjög vel. Já, ég er þess
vegna mjög bjartsýnn fyrir hönd
Morgunblaðsins. Þessi skúta eins og
hún lítur út núna er miklu betur til út-
siglinga fallin heldur en sú mynd sem
fyrirtækið var í áður.“
Skútan er betur til út-
siglinga fallin nú en áður
Í HNOTSKURN
»Skoðað verður með hvaðahætti miðlarnir tveir geta
unnið meira saman.
»Fjölmargir rekstrarlegirþættir eru þess eðlis að
samstarf er mögulegt.
»Fyrirtækin verða stilltsaman þannig að sótt verði
inn á nýjan vettvang, þá fyrst
og fremst með mbl.is í huga.
»Með því að breikka fyr-irtækið fæst inn nýtt fólk
og samnýting miðla verður
auðveldari og betri.
Árvakur, útgáfufélag
Morgunblaðsins hefur
keypt allt hlutafé í Ári
og degi, útgáfufélagi
Blaðsins. Á fjölmenn-
um starfsmannafundi
kynnti Einar Sigurðs-
son breytingarnar fyrir
starfsfólki Árvakurs.
Morgunblaðið/Brynjar Gauti
Breytingar Einar Sigurðsson var léttur í lundu þegar hann tilkynnti starfsfólki Árvakurs kaupin á Ári og degi.
ALLS greindist 31 einstaklingur
með lekanda á sýklafræðideild
Landspítala – háskólasjúkrahúss á
árinu 2006 og er það mikil aukning
frá árinu 2005. Þetta kemur fram í
Farsóttarfréttum Landlæknisemb-
ættisins.
Sýkingin greinist oftast í aldurs-
hópnum 20–24 ára og eru karlmenn í
meirihluta. Langflestir sem greinast
eru frá höfuðborgarsvæðinu, en 26
eru með skráða búsetu þar, þrír á
Akranesi, einn frá Suðurlandi og
einn frá Austurlandi.
Fram kemur að svo virðist sem
meirihluti smitaðra hafi smitast á Ís-
landi og er það nýmæli miðað við
fyrri ár þegar nánast allt lekanda-
smit átti uppruna sinn erlendis.
Helstu einkenni lekanda eru sviði
og útferð frá þvagrás og kynfærum,
en konur eru oftar einkennalausar af
sýkingunni en karlar. Lekandasýk-
ing getur valdið alvarlegum sýking-
um og borist út í blóðið. Auk þess er
ófrjósemi þekktur fylgikvilli sýking-
arinnar, einkum hjá konum. Það er
því mikilvægt að hafa samband við
lækni þegar grunur er um sýkingu.
Tilfellum
lekanda
fjölgar
BYGGÐARÁÐ Norðurþings sam-
þykkti á fundi á fimmtudag fyr-
irliggjandi drög að samkomulagi
við Fjarðaflug ehf. um að taka að
sér rekstur flugstöðvarinnar á
Húsavíkurflugvelli og hefja flug til
Húsavíkur. Var bæjarstjóra falið að
undirrita samkomulag við Fjarða-
flug.
Fjarðaflug ehf. er nýtt á flug-
markaðnum en félagið fékk flug-
rekstrarleyfi í lok síðasta árs og
hefur síðan þá verið í leiguflugi.
Steindór Jónsson, flugrekstarstjóri
hjá Fjarðaflugi, segir að málið sé
enn á undirbúningsstigi og við-
ræður standi yfir við flugmála-
yfirvöld og bæjarstjórn. Verið væri
að kanna ýmsa möguleika í stöð-
unni.
Fyrirhugað
að hefja flug
64,6% kjósenda segjast vera hlynnt
því að ákvarðanir um sveitarstjórn-
armál eða landsmál séu teknar með
almennri íbúakosningu. Mestur er
stuðningurinn meðal ungs fólks, en
um 79% svarenda á aldrinum 18–34
ára lýsa yfir stuðningi við tillögu um
íbúakosningu. Þetta kemur fram í
könnun sem Capacent-Gallup gerði
fyrir Morgunblaðið og RÚV. Um-
ræður um slíkar íbúakosningar hafa
verið talsvert miklar að undanförnu í
kjölfar atkvæðagreiðslu í Hafnar-
firði um hvort heimila ætti deili-
skipulag í bænum sem fæli í sér
stækkun álvers Alcan í Straumsvík.
Könnunin var gerð 3.–9. apríl. Úr-
takið var 940 manns á aldrinum 18–
75 ára. Svarhlutfall var 61,7%.
Konur eru mun hlynntari íbúa-
kosningu en karlar eða 72% á móti
57,7%. Sömuleiðis eru yngri kjós-
endur hlynntir íbúakosningu en þeir
sem eldri eru. Í hópi kjósenda á aldr-
inum 18–34 er um 79% stuðningur
við íbúakosningu. Í hópi þeirra sem
eru 55–75 ára eru 55,6% hlynnt íbúa-
kosningu. Það er líka greinilegur
munur milli flokka. Stuðningsmenn
stjórnarandstöðuflokkanna styðja
mjög eindregið íbúakosningar,
82,6% meðal Samfylkingar og 92,8%
meðal stuðningsmanna VG. Íbúa-
kosningar njóta hins vegar mun
minna fylgis meðal stjórnarflokk-
anna. 50% stuðningsmanna Fram-
sóknarflokks eru á móti íbúakosn-
ingu, en 41,7% styðja slíka kosningu.
Afstaða kjósenda Sjálfstæðisflokks
er alveg tvískipt. 43,2% lýsa yfir
stuðningi við hugmyndina og sama
hlutfall lýsir andstöðu við hana.
79% ungs fólks styðja
tillögu um íbúakosningar

 
 
''('
)'(')
*'())
 '(*)
+ ( )
 


,!

-!

!

 !

 
 !

 
 !   
! " 



 #


 
./
01 .2 &$30 , , 

   
 ,, 
  , 
 

,  
 
 
    
 ,   

 ,
  
 
,  
 

 

♦♦♦
ORKU- og veitufyrirtæki greiddu
samtals um 2,3 milljarða króna til
landeigenda og veiðirétthafa á árun-
um 2001-2006, vegna landnota.
Á sama tíma greiddu fyrirtækin
rúman milljarð króna vegna sér-
stakra verkefna á eigin vegum á sviði
umhverfismála, svo sem vegna land-
bætingar, göngustígagerðar og
hreinsunarverkefna.
Þetta kemur fram á vef Samorku
en samtökin óskuðu eftir því við
orku- og veitufyrirtæki landsins, að
þau tækju saman þessar upplýsing-
ar. Jafnframt kemur fram, að fyr-
irtækin hafi að auki greitt á sama
tíma yfir 500 milljónir króna í styrki
til annarra aðila vegna rannsókna og
vísinda, sem meðal annars tengdust
umhverfismálum.
„Umhverfismálin skipa stóran
sess í rekstri orku- og veitufyrir-
tækja, hvort sem um er að ræða
virkjanir vegna nýtingar endurnýj-
anlegra orkulinda eða framkvæmda
vegna vatnsveitna og fráveitna,“
segir á vef Samorku.
Greiddu 2,3
milljarða