Morgunblaðið - 14.04.2007, Blaðsíða 32

tíska
32 LAUGARDAGUR 14. APRÍL 2007 MORGUNBLAÐIÐ
Eftir Önnu Sigríði Einarsdóttur
annaei@mbl.is
Hopp í polla“ söng hljómsveitinSigur Rós á síðasta diski sínumTakk og á regnvotum vordög-um er fátt meira freistandi en
að taka gott tilhlaup og sjá gusurnar
skvettast í allar áttir þegar hoppað er í
næsta polli. Hver minnist líka ekki þeirra
sæludaga í æsku þegar maður kom alsæll
heim forugur upp fyrir haus og renn-
blautur eftir drullumall og pollasull dags-
ins?
Drullumallið freistar þó líklega fæstra
sem náð hafa fullorðinsárum – nema ef til
vill að góður skurkur í garðinum á vordög-
um geti fallið í þann flokk.
Að hoppa í pollum hættir hins vegar
aldrei að vera freistandi, sama hvaða aldri
er náð og enginn skófatnaðar hentar betur
til slíkra æfinga en almennileg gúmmístíg-
vél.
Hver man líka ekki eftir svörtu Nokia-
stígvélunum, sem flestir þeirra, sem komir
eru yfir ákveðinn aldur, klæddust í æsku? Í
dag er litadýrðin og fjölbreytnin í úrvali
gúmmístígvéla mun meiri en þá – og jafn-
vel líka fyrir fullorðna. Munstraðar gúmmí-
túttur, ökklastígvél, gúmmístígvél sem ná
upp á kálfa og svo klassíska hnéhæðin – allt
er þetta í boði og litirnir ljósir, dökkir,
pastel sem og lífleg munstur. Nei, gúmmí-
stígvél þurfa víst alls ekki að vera leiðinleg.
Og ólíkt penum hælum sem sitja fastir í
leðju, mjúku leðri sem bregst illa við bleytu
eða litríkum tauskóm sem þola varla
minnsta hnjask þá henta gúmmístígvélin
fullkomlega íslensku vorveðri. Þau eru líka
frábær leið til að rifja upp tengslin við
barnið innra með sér og losa þannig um
höft og tepruskap fullorðinsáranna. Láttu
það bara eftir þér, þú veist að þig langar –
taktu smá tilhlaup og búðu til góðar gusur í
næsta polli…
Morgunblaðið/Brynjar Gauti
Hopp
í polla
1. Hvít með penu munstri. Europris 1.790 kr.
2. Klassískur svartir litur fyrir kálfastígvélin. Noa Noa 4.190 kr.
3. Unikko-munstrið hæfir líka regninu. Marimekko 6.900 kr.
4. Bleik og dömuleg í garðvinnuna. Europris 1.790 kr.
5. Hvít og pen fyrir pollana. Noa Noa 4.190 kr.
6. Rauðu Unikko-valmúablómin eru sumarleg. Marimekko 6.900 kr.
7. Ökklaháar gúmmítúttur sem passa hvar sem er. Focus skór 4.990 kr.







Fréttir
í tölvupósti
Ættingjabandsins, Ættingja- og vinasambands
heimilisfólks á Hrafnistu í Reykjavík verður haldinn á
Helgafelli, 4. hæð á Hrafnistu í Reykjavík, þriðjudaginn 24. apríl nk. kl. 20.00.
Dagskrá: Elna Þórarinsdóttir, formaður, setur fundinn. • Lesin skýrsla sjórnar.
• Sveinn Skúlason, forstjóri, flytur ávarp um væntanl. breytingar á Hrafnistu.
• Skemmtiatriði. • Ávarp flytur Hinrik Greipsson, form. Ættingjabands Grundar.
• Kosning nýrrar stjórnar. • Önnur mál. • Kaffiveitingar.
Okkur vantar nýtt, áhugasamt fólk í stjórnina! Sjáumst hress.
Aðalfundur
Stjórnin.
ÁSKRIFTASÍMI 569 1100