Morgunblaðið - 14.04.2007, Side 16

16 LAUGARDAGUR 14. APRÍL 2007 MORGUNBLAÐIÐ
FRÉTTIR
Eftir Ragnhildi Sverrisdóttur
rsv@mbl.is
FIMM af sex ráðherrum Sjálfstæð-
isflokksins sátu fyrir svörum á
landsfundi flokksins í gær. Björn
Bjarnason dómsmálaráðherra var
fjarverandi vegna veikinda en sendi
fundarmönnum kveðju sína.
Dagskrá gærdagsins hófst raunar
með framsögu Illuga Gunnarssonar
um stjórnmálaályktun flokksins.
Enginn kvaddi sér hljóðs eftir fram-
söguna og var röðin þá komin að
framkvæmdastjóra flokksins, Andra
Óttarssyni, að flytja skýrslu sína.
Hann lagði töluverða áherslu á jafn-
réttismál í ræðu sinni. „Ég er þeirr-
ar skoðunar að við sjálfstæðismenn
höfum tækifæri til þess að auka fylgi
okkar meðal kvenna ef við leggjum
okkur betur fram um að skýra af-
stöðu okkar í þeim málum sem helst
virðast draga úr fylgi kvenna við
flokkinn. Þar tel ég að flokksmenn
geti lyft grettistaki með því að koma
áherslum okkar og árangri í þeim
málum betur á framfæri. Gjarnan er
talað um að Sjálfstæðisflokkurinn
standi betur í svokölluðum hörðum
málum heldur en mjúkum, og að
karlar taki frekar afstöðu út frá
hörðum málum, en konur mjúkum.
Þessi aðgreining í hörð og mjúk
málefni á tæplega rétt á sér. Við er-
um vonandi öll sammála um að
skattalækkanir snerta konur jafnt
og karla og að málefni barna koma
körlum nákvæmlega jafn mikið við
og konum. Málefni fjölskyldunnar,
umhverfismálin, heilbrigðismálin og
málefni þeirra sem minnst mega sín
eru að sjálfsögðu málefni beggja
kynja alveg eins og önnur málefni,“
sagði Andri.
Stuttar umræður urðu eftir ræðu
Andra.
Röðin kemur að stimpilgjöldum
Þegar leið að fyrirspurnatíma ráð-
herra eftir hádegishlé fylltist Laug-
ardalshöllin en fram að því hafði
fundurinn þó verið þokkalega sóttur.
Fundarstjóri, Sólveig Pétursdóttir,
var með vænan bunka skriflegra
spurninga en þar við bættust spurn-
ingar úr sal og það ófáar.
Spyrjendur komu víða við. Geir H.
Haarde forsætisráðherra svaraði
fyrirspurn um stimpilgjöld á þann
veg, að þau væru skattur sem Sjálf-
stæðisflokkurinn hefði ekki haft
svigrúm til að lækka eða fella niður
því flokkurinn hefði verið upptekinn
af að lækka eða fella niður aðra
skatta. „Það styttist í að röðin komi
að stimpilgjöldum,“ sagði hann.
Þorgerður Katrín Gunnarsdóttir
menntamálaráðherra lýsti stefnu
Sjálfstæðisflokksins í jafnrétt-
ismálum og þá sérstaklega út frá
menntakerfinu, sagði að þar væri
stuðlað að því að draga fram mögu-
leika beggja kynja. Hún sagði að
standa þyrfti vörð um stefnu flokks-
ins um einstaklingsfrelsi, því ein-
staklingsfrelsi í raun væri jafnrétti í
raun. „Ég spái því að innan skamms
náum við frekara launajafnrétti og
það er stóra málið núna.“
Árni M. Mathiesen fjármálaráð-
herra sagði aðspurður að afleiðingar
af stóriðjustoppi eða hléum gætu
orðið margvíslegar. „Við gætum
gert ráð fyrir að hagvöxtur yrði um
1% minni á ári næstu 10 ár, líkur á
atvinnuleysi munu aukast og jafn-
framt gætu afleiðingarnar fyrir fyr-
irtæki sem útbúa útrás í orkugeir-
anum orðið miklar, ef þau gætu ekki
lengur treyst á heimamarkað,“ sagði
Árni.
Gagnrýni kom fram á þröngar
reglur um styrk hreyfihamlaðra til
bifreiðakaupa og forsætisráðherra
sagði einboðið að til einhverrar
rýmkunar kæmi á þeim reglum.
Hann tók hins vegar upp hanskann
fyrir fjármálaráðherra sinn og sagði
ekkert nýtt að fjármálaráðherra
væri talinn ljóti karlinn, en bætti
reyndar við að það hefði ekki batnað
þegar Árni tók við embættinu af sér.
Einar Kr. Guðfinnsson sjáv-
arútvegsráðherra fékk spurningu
sem laut að auðlindagjaldi á sjáv-
arútvegsfyrirtæki og hvort hann
vildi taka af öll tvímæli um einka-
eignarrétt á aflahlutdeild með því að
breyta orðalagi í lögum um stjórn
fiskveiða, t.d. að fjarlægja orðið
þjóðareign.
Einar sagði auðlindagjaldið ekki
hafa verið sérstakt baráttumál Sjálf-
stæðisflokksins en flokkurinn hefði
tekið þátt í að ná niðurstöðu um mik-
ið deilumál. Upphæð gjaldsins fari
eftir afkomu sjávarútvegsins og sé
lítil núna vegna lakari framlegðar á
síðasta ári. „Þetta sýnir að við stóð-
um vörð um að ganga ekki of nærri
sjávarútveginum með óeðlilegri
gjaldheimtu,“ sagði ráðherrann.
Hann kvaðst sammála því að lög og
reglur þyrftu að vera skýr, sem
tryggðu afnota- og nýtingarréttinn á
fiskimiðunum og sá réttur ætti að
vera einstaklingsbundinn, eins og
hann hefði verið.
Nýr sæstrengur
Sturla Böðvarsson samgöngu-
ráðherra lýsti því hvernig bæta ætti
netsamband við landið um sæstreng
og kvaðst vongóður um að hægt yrði
að hefjast handa á næstu misserum.
Fjarskiptasamband er nú um tvo
strengi, Cantat 3 og FarIce, en
Sturla segir að vænta megi þess að
nú í sumar verði valin leiðin, þar sem
þriðji strengurinn verður lagður.
„Samgönguráðuneytið er að vinna
að þessu, í samráði við Grænlend-
inga og Færeyinga,“ sagði Sturla,
sem lagði mikla áherslu á mikilvægi
öruggs netsambands.
Ný vinnubrögð
Fjármálaráðherra lýsti því hvern-
ig hann vonaðist til að kröfugerð rík-
isins í þjóðlendumálum yrði betri og
fyllri með nýjum vinnubrögðum, en
framkvæmd þjóðlendulaga hefur
verið töluvert gagnrýnd. Samgöngu-
ráðherra ítrekaði að ekki mætti
veikja innanlandsflug og það yrði
ekki gert, sama hver niðurstaðan
yrði í flugvallarmálum. Sjáv-
arútvegsráðherra sagði menntasókn
á Vestfjörðum mikilvæga, forsætis-
ráðherra tók undir áhyggjur vegna
ofbeldisverka en benti jafnframt á
að dómsmálaráðherra hefði eflt lög-
gæslu verulega og mennta-
málaráðherra ítrekaði að þjónustu-
samningur við RÚV myndi styrkja
innlenda dagskrárgerð og þar með
menningarhlutverk stofnunarinnar.
Enn héldu spurningarnar áfram
að berast, um hugsanlegar breyt-
ingar á skipan stjórnarráðsins, þar
sem forsætisráðherra telur að svig-
rúm til breytinga og færslu verkefna
milli ráðuneyta, hann telur líka að
sameiginlegt forræði eigi að vera
meginregla við skilnað og honum
sýnist einboðið að það sé réttlæt-
ismál að einhleypar konur geti nýtt
sér tæknifrjóvgun hér á landi, en lög
hamla því nú.
Fjármálaráðherra sagði tengingu
bóta við tekjur maka nánast hverfa
um næstu áramót, forsætisráðherra
mótmælti fullyrðingu um að lög um
eftirlaun þingmanna væru „arfavit-
laus“ eins og fyrirspyrjandi hélt
fram og samgönguráðherra svaraði
ítrekað spurningum frá Vest-
mannaeyingum, sem vilja greinilega
úrbætur í samgöngumálum.
Forsætisráðherra uppskar klapp
fundarmanna þegar hann lýsti því
yfir að auðvitað hefði Sjálfstæð-
isflokkurinn áhuga á að taka við heil-
brigðis- og tryggingarmálaráðu-
neytinu eftir kosningar. „Getur
nokkur verið í vafa um það?“ spurði
hann. „Við höfum margar og góðar
hugmyndir um hvernig mætti reka
þann málaflokk, eins og sést af drög-
um að ályktun landsfundarins.“
Morgunblaðið/Brynjar Gauti
Tækifæri til að auka
fylgið meðal kvenna
Forusta Þorgerður Katrín Gunnarsdóttir, varaformaður Sjálfstæð-
isflokksins, og Geir G. Haarde, formaður flokksins, svara fyrirspurnum
landsfundarmanna í Laugardalshöllinni í gær.
Kjartan Gunnarsson, fyrrverandi framkvæmdastjóri Sjálfstæð-
isflokksins, kvaddi sér hljóðs eftir að arftaki hans hafði flutt skýrslu
sína og þakkaði þann hlýhug og elskusemi sem hann hefði notið eftir
að hann ákvað að láta af störfum.
Hann upplýsti að kveðjugjöf miðstjórnar flokksins til sín væri að
hann fengi að ritstýra bók um sjálfstæðistefnuna. Í bókinni, sem gefin
verður út á næsta ári, verða greinar eftir ungt fólk.
Kjartan upplýsti að ritstjórn yrði honum til halds og trausts en
kvaðst jafnframt vona að hún vildi ekki ráða of miklu.
Ritstýrir bók um
sjálfstæðisstefnuna