Morgunblaðið - 17.04.2007, Page 25

MORGUNBLAÐIÐ ÞRIÐJUDAGUR 17. APRÍL 2007 25
Vilhjálmur Þ. Vilhjálmsson borg-
arstjóri beitir valdi sínu og áhrifum
með eftirtektarverðum hætti.
Nokkur dæmi mætti nefna en hér
verður fjallað um svokallað Eir-
armál. Þar verður ekki annað séð
en að borgarstjórinn hafi farið fram
úr þeim heimildum sem borgarráð
hefur veitt, auk þess sem hann hef-
ur
farið
mjög frjálslega með samþykktir
fyrir hjúkrunarheimilið Eir þar sem
hann er stjórnarformaður.
Eirarmálið snýst m.a.
um leikreglur
Borgarstjóri hafði, eftir því sem
best verður séð, frumkvæði að því
að láta hjúkrunarheimilið Eir sjá
um byggingu og rekstur svokall-
aðrar menningarmiðstöðvar án þess
að borgarráð eða borgarstjórn hefði
samþykkt slíkt. Ákvæði um menn-
ingarmiðstöðina var bætt inn í svo-
kallaða viljayfirlýsingu milli borgar
og Eirar eftir að málið hafði verið
kynnt borgarráði. Borgarstjóri ætl-
aði að ganga frá öllum þáttum máls-
ins sjálfur, þótt hann væri einnig
stjórnarformaður Eirar, en eftir að
minnihlutinn í borgarstjórn benti
honum á að hann væri vanhæfur
ritaði formaður borgarráðs undir
viljayfirlýsinguna. Stuttu síðar lýsti
formaður borgarráðs því yfir að
viljayfirlýsingin væri mistök vegna
ákvæðisins um menningarmiðstöð-
ina. Á nýlegum fulltrúaráðsfundi
Eirar tók borgarstjóri einnig undir
þau sjónarmið að sá gjörningur hafi
getað verið mistök. Hann getur nú
þakkað m.a. Samfylkingunni fyrir
að hann skyldi ekki hafa ritað undir
viljayfirlýsinguna sjálfur. Þá hefði
staða hans verið heldur sér-
kennilegri.
Eir vísar reikningum
á borgarsjóð?
Í öðru lagi hefur verið lagt út í
kostnað við gerð viðamikilla teikn-
inga vegna menningarmiðstöðv-
arinnar svokölluðu án þess að kunn-
ugt sé um nokkra samþykkt um að
hefja undirbúning á þessum fram-
kvæmdum. Á fundi fulltrúaráðs
Eirar um miðjan mars, þar sem
undirritaður á sæti, sögðu borg-
arstjóri og Jórunn Frímannsdóttir,
formaður velferðarráðs Reykjavík-
ur, að Eir þyrfti ekki að bera neinn
kostnað af teiknivinnunni. Það
myndi borgin gera. Hvaðan kom
þeim heimild til slíkra yfirlýsinga?
Það höfðu engar ákvarðanir verið
teknar og engir samningar gerðir.
Fram kom í máli forstjóra Eirar á
fulltrúaráðsfundinum um daginn að
beinast hefði legið við að fela arki-
tekt Eirar að hefja teiknivinnuna.
Það hefur hins vegar ekki fengist
uppgefið hver fól arkitektinum að
hefja vinnuna. Borgarstjóri hefur
meira að segja gengið svo langt að
afla sér lögfræðiálits um það að
undirritaður megi ekki sjá hvort og
þá hvað stjórn Eirar kann að hafa
fjallað um eða samþykkt um þennan
gjörning.
Hjúkrunarheimili
í fasteignaviðskiptum?
Í þriðja lagi virðist stjórn Eirar,
eða forysta Eirar, vera að fara langt
út fyrir verksvið sitt eins og því er
lýst í stofnsamþykkt. Þar segir að
hlutverk Eirar sé að reisa og reka
hjúkrunarheimili er veitir öldruðum
umönnun og hjúkrun. Hlutverkið er
ekki annað. Vilhjálmur er hins veg-
ar að draga Eir út í ýmsa óskylda
starfsemi, svo sem bygging-
arframkvæmdir og rekstur á svo-
kallaðri menningarmiðstöð, svokall-
aðri segi ég, því þetta á samkvæmt
lýsingum og teikningum frekar að
vera almennt skrifstofuhúsnæði en
menningarmiðstöð.
Vilhjálmur neyddur
til að bjóða verkið út?
Framan af vildi Vilhjálmur borg-
arstjóri ekki heyra á það minnst að
bjóða ætti þessa byggingu svokall-
aðrar menningarmiðstöðvar út. Eir
átti bara að sjá um þetta! Markvisst
var reynt að þurrka orðið útboð út
úr þessari umræðu. Allt þar til á
fulltrúaráðsfundinum hjá Eir í
marsmánuði. Þar loksins virtist
borgarstjóri sjá ljósið og við-
urkenndi að það þyrfti e.t.v. að
bjóða þetta verk út. Það hefur þurft
mörg lögfræðiálit til þess að hann
breytti áherslum sínum í því atriði.
En batnandi mönnum er best að
lifa.
Það þarf að efla þjónustu fyrir
aldraða og það þarf að efla aðstöðu
fyrir menningarstarfsemi í Graf-
arvogi. Um það eru allir sammála.
Meirihlutinn í borgarstjórn virðist
þó ætla að keyra þetta mál áfram
án tillits til þeirra leikreglna sem
gilda, auk þess sem þessi starfsemi
þjónar ekki nema að litlu leyti
markmiðum um hjúkrun eða menn-
ingu. Vald er vandmeðfarið, einkum
og sérstaklega þegar menn tylla sér
sama daginn niður á nokkra valda-
stóla, eins og sést í þessu dæmi.
Borgarstjórinn og valdið
Stefán Jóhann Stefánsson
skrifar um málefni Eirar
Stefán Jóhann
Stefánsson,
» Borgarstjóri segist
hafa aflað sér
lögfræðiálits um það að
undirritaður megi ekki
sjá hvað stjórn Eirar
kann að hafa fjallað um.
Höfundur er varaborgarfulltrúi
í fulltrúaráði Eirar.
Henry
Rooney
Gerrard
Einar*
Ronaldo
*fyrir okkur hin
ÍS
L
E
N
S
K
A
S
IA
.I
S
N
A
T
3
72
12
0
4.
20
07