Morgunblaðið - 17.04.2007, Blaðsíða 28
28 ÞRIÐJUDAGUR 17. APRÍL 2007 MORGUNBLAÐIÐ
MINNINGAR
✝ Lárus BeckWormsson
fæddist á Hellis-
sandi 1. maí 1920.
Hann andaðist á
dvalarheimilinu
Höfða, Akranesi, 9.
apríl síðastliðinn.
Foreldrar hans voru
Worm Frímann Lár-
usson, f. 27.12. 1884,
d. 24.12. 1921, og
Elínborg Sigurðar-
dóttir, f. 6. 7. 1889,
d. 20.5. 1988. Fóst-
urfaðir Lárusar var
Jón Kristjánsson, f. 6.1. 1878, d.
7.6. 1948. Systkini Lárusar eru
Rannveig Ingibjörg Wormsdóttir,
f. 7.10. 1913, d. 23.5. 2002, Guðrún
Sigríður Wormsdóttir, f. 28.3.
1915, d. 24.6. 2006, Þuríður Jóns-
dóttir, f. 4.10. 1925 ogTrausti
Jónsson, f. 8.8. 1930. Sambýlis-
kona Lárusar var Guðlaug Helga
Meyvantsdóttir, f. 22.3. 1923, d.
4.9. 2002. Þau slitu samvistum
1976. Dætur þeirra eru: 1) Sigur-
björg Árdís, f. 14.9. 1954, sonur
hennar er Kjartan Örn Einarsson,
f. 2.4. 1978, sambýliskona Ólöf
Gunnlaugsdóttir, dóttir þeirra er
Eydís Arna. 2) Ísabella, f. 6.8.
1957, maki Lárus S.
Ingibergsson. Börn
þeirra eru: a) Erla
Ösp, maki Fannar
Sólbjartsson. Þeirra
börn eru Sindri
Már, Aldís Ísabella
og óskírður dreng-
ur. b) Heimir Eir,
sambýliskona Guð-
munda Magnúsdótt-
ir. Barn þeirra er
Ester Eir. c) Hafdís
Mjöll, unnusti Björn
T. Axelsson. 3) Elín-
borg, f. 28.11. 1961,
maki Birgir S. Björnsson. Dætur
þeirra eru Eva Dögg og Ástrós
Sveina. 4) Rannveig, f. 10.5. 1963,
maki Guðmundur E. Björnsson.
Börn þeirra eru: Sóley, Lárus
Beck og Björn Ólafur.
Lárus Beck fluttist á Akranes
1945 og bjó lengst af á Presthúsa-
braut 21. Hann stundaði m.a. sjó-
mennsku, byggingarvinnu og
ýmis störf hjá Akraneskaupstað
þar sem hann endaði starfsferil
sinn. Síðustu árin bjó hann á Dval-
arheimilinu Höfða á Akranesi.
Útför Lárusar Beck fer fram
frá Akraneskirkju í dag og hefst
athöfnin klukkan 14.
Elsku pabbi. Nú hefur þú loksins
fengið hvíldina sem þú hafðir svo
lengi þráð. Það var að morgni annars
dags páska sem fregnin um andlát
þitt bar að. Á tímamótum sem þess-
um verður manni hugsað til baka.
Þegar við vorum að alast upp á
Presthúsabrautinni höfðum við ekki
allt til alls eins og tíðkast í dag. Þótt
ekki sé lengra síðan var enginn bíll,
enginn sími og ekkert sjónvarp, en
samt höfðum við nóg fyrir stafni. Þú
varst iðinn við að leyfa okkur að vera
með þér í öllum verkunum sem þú
vannst heima fyrir. Við vorum t.d.
ekki gamlar þegar við tókum þátt í
kartöflurækt og þess háttar. Þú
varst alltaf sérlundaður og þurftir að
hafa allt pottþétt og í röð og reglu í
kringum þig. Viðhald á húsi og lóð
var í þínum höndum og var það vel
gert eins og annað sem þú tókst þér
fyrir hendur.
Þú varst með eindæmum handlag-
inn þó að hægt færir, og gerðir við
alla hluti eins og t.d. reiðhjól, útvörp
og húsgögn og þannig mætti lengi
telja. Dýravinur varstu mikill og var
kötturinn hann Gosi mjög hændur að
þér og þú gast látið hann gera ým-
islegt eins og að opna dyr og að sor-
tera kartöflur.
Þú hafðir mikinn áhuga á alls kyns
happdrætti og áttir marga miða.
Heppnin var oft með þér og miðarnir
unnu yfirleitt alltaf fyrir sér. Sér-
staklega var gaman þegar þið Sæv-
ar, besti vinur þinn, unnuð þokka-
lega góðan vinning á sameiginlegan
miða.
Þú vildir allt fyrir okkur systurnar
gera og varst alltaf tilbúinn að ræða
við okkur sem vinur og hafðir sér-
staka hæfileika sem hlustandi og átt-
ir góð ráð við öllu. Þegar við urðum
fullorðnar og stofnuðum okkar eigin
fjölskyldur fannst okkur samt alltaf
gott að leita ráða hjá þér. Við vorum
gimsteinarnir þínir og þú varst óspar
á að segja hvað þú værir stoltur af
okkur.
Eftir að þið mamma slituð sam-
vistum keyptir þú þér Puck-vespu og
brunaðir um allan bæ með rauðan
hjálm. Sem unglingar þótti okkur
þetta ekki mjög töff en eftir að
barnabörnin fæddust varst þú í
þeirra augum töffarinn í fjölskyld-
unni.
Þegar þú fluttir á Höfðabrautina
vorum við þar tíðir gestir, sérstak-
lega eru minnisstæðar skötuveisl-
urnar á Þorláksmessu þar sem þú
stóðst í eldhúsinu með svuntu og
kokkaðir ofan í allan mannskapinn.
Börnin okkar eiga góða minningu
um afa sem kenndi þeim af nær-
gætni að borða skötu. Þú laðaðir að
þér barnabörnin með rólegu fasi og
talaðir við þau eins og um fullorðna
einstaklinga væri að ræða.
Á Dvalarheimilið Höfða var gott
að koma til þín, fá konfekt og spjalla.
Við leiðarlok viljum við þakka starfs-
fólkinu þar fyrir góða umönnun.
Líf þitt var ekki alltaf dans á rós-
um og voru veikindi oft að angra þig
en nú er sú þrautaganga á enda.
Elsku pabbi, við kveðjum þig nú
með sorg í hjarta og þökkum fyrir
allt sem þú kenndir okkur í lífinu.
Við biðjum algóðan Guð að blessa
þig.
Sælir eru hjartahreinir því að þeir munu
Guð sjá.
(Matt. 5.8.)
Sigurbjörg Árdís, Ísabella,
Elínborg, Rannveig.
Elsku Lalli afi.
Nú hefur þú kvatt þennan heim,
og heldur til fundar við gamla vini og
ættingja.
Vil ég því minnast þín með örfáum
orðum úr barnæsku minni.
Gott er að eiga góðan afa. Því fékk
ég að kynnast þegar ég dvaldist á
sjúkrahúsinu á Akranesi sem lítill
drengur og dvölin þar löng og ströng
á þeim tíma, því fósturforeldrar mín-
ir áttu ekki tök á því að heimsækja
mig vegna ferðar erlendis. Þá rakst
þú afi minn góður inn höfuðið á
sjúkrastofunni, ég þekkti þig um leið
þó ég sæi þig ekki oft, göngustaf-
urinn, vestið og gleraugun voru ein-
kennin, þú gekkst um stofuna og
svipaðist um eftir mér, en áttaðir þig
þegar ég kallaði „afi“ hátt og skýrt.
Á þessari stundu fann ég hvað gott
er að eiga afa sem þykir vænt um
mann og spjölluðum við lengi saman;
ég um sveitalífið og þú komst með
nýjustu fréttir af fjölskyldunni sem
ég þekkti annars svo lítið. Þú hug-
hreystir mig og sagðir að ég yrði að
vera harður af mér því þá fengi ég að
fara fyrr heim og svo gaukaðir þú að
mér röndóttum brjóstsykurspoka í
kveðjuskyni.
Eins minnist ég þess í sveitinni
þegar þú komst í heimsókn ásamt
Ellen frænku með reiðhjól í fartesk-
inu, þá var ég sko glaður. Allur minn
reiðhjólafloti í gegnum tíðina er frá
þér kominn og kann ég vel að meta
það.
Sárast finnst mér að hafa ekki get-
að kvatt þig áður en þú fórst en
minningin er ég kom með unnustu
mína og barn (Eydísi Örnu) vegur
þungt. Þú varst svo ánægður að sjá
okkur og sérstaklega litla langafa-
barnið. Þú spjallaðir svo mikið við
hana þó hún talaði ekki neitt, enda
kornabarn.
Að endingu þökkum við allt sem
þú hefur gert fyrir okkur í gegnum
tíðina, gjafir og góðan hug.
Kveðja,
Kjartan, Ólöf og Eydís Arna.
Ég kynntist Lárusi Beck þegar
Ísabella dóttir hans og Lárus bróðir
minn felldu hugi saman og hófu far-
sælan búskap sinn fyrir 33 árum.
Það hefur verið mér einstakur
lærdómur að fylgjast með lífshlaupi
þessa hjartahlýja manns þá rúmu
þrjá áratugi sem við höfum þekkst.
Lárus fór ekki varhluta af storm-
viðrum lífsins og oft háði hann harða
viðureign við Bakkus konung en
tókst þó að leggja hann að velli fyrir
mörgum árum. Segja má að hann
hafi lagt sig fram um að bæta dætr-
um sínum þær misgjörðir sem hann
taldi þær hafa orðið fyrir af sínum
völdum. Það gerði hann að meiri
manni í mínum huga.
Það var eins og hann skynjaði ef
eitthvað bjátaði á í lífi þeirra og var
til staðar fyrir þær. Velferð þeirra
var honum allt.
Þegar Lalli Beck, eins og hann var
alltaf kallaður á Skaganum, varð 85
ára fékk ég að fylgjast með stelp-
unum hans, þeim Bellu, Ellen og
Rönnu, æfa lag sem þær fluttu svo í
afmælisveislunni.
Ég hlustaði á þær syngjandi og
kátar eins og þeim einum er lagið.
Ég fæ tár í augun við minninguna,
því það snart mig að finna hve náið
samband var á milli þeirra og pabba
þeirra. Þær voru honum góðar dæt-
ur og hann var þeim góður faðir.
Elsku Lalli, ég þakka vináttuna og
hlýhuginn sem þú ávallt sýndir mér.
Með virðingu og þökk minnist ég
Lalla Beck, blessuð sé minning hans.
Ég votta dætrum hans og ættingj-
um dýpstu samúð.
Kveðja
Hafdís Sigurbjörnsdóttir.
Lárus Beck Wormsson
Fallegir legsteinar
á góðu verði
Englasteinar
Helluhrauni 10
Sími 565 2566 - www.englasteinar.is
Sendum
myndalista
✝
Móðir mín, tengdamóðir og amma,
GUÐRÍÐUR ERASMUSDÓTTIR
frá Háu–Kotey í Meðallandi,
sem lést þriðjudaginn 10. aprí sl., verður jarð-
sungin frá Fossvogskapellu föstudaginn 20. apríl
kl. 13.00.
Helgi Kristinsson, Elísabet Waage,
Guðríður Nanna Helgadóttir,
Gunnar Waage, Lísa B. Ingólfsdóttir Waage
og fjölskylda.
✝
Elskuleg móðir mín, amma okkar, langamma og
langalangamma,
SIGURBJÖRG SÓLEY BÖÐVARSDÓTTIR
frá Happastöðum,
síðast til heimilis á Hraunbúðum,
dvalarheimili aldraðra í Vestmannaeyjum,
sem lést miðvikudaginn 11. apríl verður jarðsungin
frá Landakirkju fimmtudaginn 19. apríl kl. 11.00.
Guðlaug Sigríður Gunnarsdóttir,
Ásdís Hansen, Annfinn Hansen,
Marta Jónsdóttir, Gústaf Ó. Guðmundsson,
Sigurbjörg Jónsdóttir, Gunnar Þór Friðriksson,
Valgarð Jónsson, Ólöf Eirný Gunnarsdóttir,
Sigurbjörn S. Kjartansson, Wichuda Buddeekham,
Jóhann Bjarni Kjartansson,
langömmubörn og langalangömmubörn.
✝
Elskuleg móðir okkar, tengdamóðir, amma
og langamma,
ÁSA KATRÍN JELLE,
áður Bústaðavegi 73,
Reykjavík,
sem lést á hjúkrunarheimilinu Eir fimmtudaginn
12. apríl verður jarðsungin frá Fríkirkjunni í Reykjavík
miðvikudaginn 18. apríl kl. 11.00.
Þeim sem vilja minnast hennar er bent á hjúkrunarheimilið Eir.
Ásdís Elfarsdóttir, Aðalsteinn Jens Loftsson,
Guðbjörn Elfarsson, Rósa Steinunn Hreinsdóttir,
Kolbrún Elfarsdóttir, Ármann Hólm Skjaldarson,
Ása Fanney Rögnvaldsdóttir, Svanur Baldursson,
Aðalbjörg Eva, Elfar Andri, Eyþór Pétur, Bjarney,
Vignir Logi, Gunnar Smári, Ísól Eir og Nathan Ari.
✝
Elskulegur eiginmaður minn, faðir, tengdafaðir, afi
og langafi,
ÁGÚST KRISTJÁNSSON,
Klettási 25,
Garðabæ,
áður til heimilis
í Selbrekku 9,
Kópavogi,
lést á gjörgæsludeild Landspítalans við Hringbraut þriðjudaginn 10. apríl.
Jarðarförin fer fram frá Digraneskirkju í Kópavogi föstudaginn 20. apríl
kl. 13.00.
Hekla Þorkelsdóttir,
Sigríður Ágústsdóttir, Sigurður Ólafsson,
Fanný María Ágústsdóttir, Illugi Örn Björnsson,
Þorkell Ágústsson, Ingunn Sigurðardóttir,
barnabörn og barnabarnabörn.
✝
Elskuleg móðir okkar, tengdamóðir, amma og lang-
amma,
SÚSANNA ÞORLÁKSDÓTTIR,
lést á hjúkrunarheimili Garðvangs í Garði laugar-
daginn 7. apríl síðastliðinn.
Útför hefur farið fram í kyrrþey að ósk hinnar látnu.
Ólöf Gíslína Karlsdóttir, Valur Þorgeirsson,
Halldór Karlsson,
Þorlákur Karlsson, Maria Fatima,
Guðrún Pálína Karlsdóttir,
Súsanna Karlsdóttir, Jan-Inge Andersson,
Andrea Karlsdóttir, Ragnar Júníusson,
barnabörn og barnabarnabörn.
✝
Föðurbróðir okkar,
GUÐMUNDUR HJÁLMARSSON
fv. bóndi,
Háafelli í Hvítársíðu,
er látinn.
Jarðarförin hefur farið fram í kyrrþey að ósk hins
látna.
Fyrir hönd aðstandenda,
Edda Þorvaldsdóttir,
Jóhanna B. Þorvaldsdóttir.