Morgunblaðið - 03.07.2007, Blaðsíða 20

20 ÞRIÐJUDAGUR 3. JÚLÍ 2007 MORGUNBLAÐIÐ
SUÐURNES
Eftir Svanhildi Eiríksdóttur
Garður | Góð stemning var á Sól-
seturshátíð í Garði um helgina,
enda þátttaka góð og veðrið ein-
stakt. Hátíðin fór vel fram og eru
mótshaldarar ánægðir með hvern-
ig til tókst. Metþátttaka var í ár og
á hátíðin eflaust eftir að vaxa á
komandi árum.
Sólseturshátíð í Garði var haldin
í þriðja sinn um nýliðna helgi. Þrátt
fyrir að helgin sé ein mesta ferða-
helgi ársins lögðu margir leið sína í
Garðinn, sumir með útilegubúnað.
Jafnvel þeir sem búsettir eru í
Garði bættust í hóp ferðafólks og
tóku þátt í stemningunni á tjald-
svæðinu á flötinni við Garðskaga-
vita enda fóru flest skemmtiatriðin
þar fram.
Hátíðin hófst á föstudagskvöld
með opnun myndlistarsýningar
Braga Einarssonar í húsakynnum
Byggðasafnsins. Tónlistarmaður-
inn KK var með tónleika í Sam-
komuhúsinu um kvöldið og að þeim
loknum var unglingunum boðið í
sundlaugarpartí.
Laugardagurinn var aðaldagur
hátíðarinnar og var margt í boði
fyrir alla fjölskylduna. Börnin fóru
í fjöruferð með Kristjönu Kjart-
ansdóttur og sóttu meðal annars
efnivið í Listasmiðju sem starfrækt
var fram eftir degi. Sýnd var heim-
ildamynd um Garðinn eftir Guð-
mund Magnússon, tónlistarmaður-
inn Vignir Bergmann flutti
Sólseturslagið, skemmtiatriði voru
framreidd allan daginn og ýmis
keppni var í gangi, svo sem kassa-
bílarall. Um kvöldið var tónlistar-
flutningur á sviðinu og undir dag-
skrárlok var kveikt í brennu og
sungið.
Hátíðinni lauk um miðjan dag á
sunnudag eftir að verðlaunað hafði
verið í samkeppni um bestu sólset-
ursmyndina og í kassabílarallinu.
Metþátttaka í Sólseturshátíð sem haldin var á Garðskaga um helgina
Slógust í hóp
ferðafólks
Morgunblaðið/Svanhildur Eiríksdóttir
Kassabílarall Börn og fullorðnir sameinuðu krafta sína í kassabílarall-
inu þar sem allir bílarnir voru heimasmíðaðir. Guðjón Örn sigraði.
Stór, stærri, stærstur Fjöllistahópur setti svip sinn á Sólseturshátíðina
í Garði og Garðskagaviti var færður í hátíðarbúning.
Reykjanesbær |
Verið er að setja
upp sýningu á nýj-
um skipslíkönum
eftir Grím Karls-
son í íþrótta-
miðstöðinni við
Sunnubraut í
Keflavík. Sýningin
verður opnuð næst-
komandi fimmtu-
dag, klukkan 15.
Sýningin heitir
Hafið. Auk 30 skipslíkana verða ýmsir
aðrir munir og myndir sem tengjast
sjávarútvegi og eru í eigu Gríms Karls-
sonar.
Á sýningunni má meðal annars sjá
Marsley, skip Hans Söbslad. Einnig
Ónefnda skipið sem aldrei fékk nafn og
aldrei var byggt. Sjá má Gránu, Helgu
og Sophie Wheatly sem mörkuðu djúp
spor í sjálfstæðisbaráttu og versl-
unarsögu þjóðarinnar. Ellefu Sví-
þjóðabátar eru á sýningunni, þar á með-
al fyrsti og síðasti báturinn sem komu,
Hafdís RE 66 og Otur RE 32, og sá eini
sem eftir er í dag af 80 skipa flota sem
kom frá Svíþjóð eftir stríðið, Þorsteinn
GK 15.
Einnig er fróðlegt að skoða ýmsa
muni og handverkfæri sem notuð voru
fyrir vélvæðinguna í fiskiðnaði. Sýn-
ingin er haldin á vegum Félags áhuga-
manna um Bátasafn Gríms Karlssonar
með aðstoð Reykjanesbæjar. Í Duus-
húsum er sem fyrr sýningin Bátafloti
Gríms Karlssonar með tæplega 90
bátalíkönum og ýmsum öðrum munum.
Sýningin í íþróttahúsinu við Sunnu-
braut verður orðin alla daga vikunnar
frá 13 til 17 og stendur fram yfir versl-
unarmannahelgi.
Marsley er meðal
nýrra líkana
Gríms Karlssonar
Kárahnjúkar | Botnrásarlokur
Kárahnjúkastíflu verða opnaðar í
dag og eykst því verulega rennsli í
farvegi Jökulsár á Dal. Byrjað verð-
ur að hleypa vatni úr lóninu klukkan
10 og verða lokurnar opnaðar í
áföngum þangað til þær verða opn-
aðar til fulls síðdegis. Þær verða síð-
an opnar í fjóra sólarhringa.
Markmiðið með því að opna botn-
rásina er öðrum þræði að prófa og
láta reyna á tækni, búnað og kerfi
eftirlits og umsjónar. Einnig er verið
að tappa af lóninu vegna þess að það
fyllist fyrr en æskilegt er. Sigurður
Arnalds, upplýsingafulltrúi Kára-
hnjúkavirkjunar, segir að þetta sé
gert að ráði hönnuða stíflunnar. Útlit
sé fyrir að lónið fyllist í haust þótt
nokkrum sinnum verði tappað af því
næstu vikurnar. Ekki er búist við að
vatnsborð lónsins lækki því rennsli í
það er svipað eða meira á góðum
dögum en sem nemur aftöppuninni,
að sögn Sigurðar.
Á meðan botnlokurnar verða opn-
ar mun vatnsmagn í farvegi Jökulsár
á Dal aukast um 135 til 310 rúm-
metra sekúndu. Við fulla opnun
verður rennsli árinnar við Hjarðar-
haga örlítið yfir meðalrennsli í Jöklu
á sama árstíma fyrir virkjun.
Vatni tappað af Háls-
lóni í Jökulsá á Dal
AUSTURLAND
Eftir Helga Bjarnason
helgi@mbl.is
Breiðdalur | Minnisvarði hefur ver-
ið reistur á bökkum Breiðdalsár til
heiðurs Sigurði heitnum Lárussyni
frá Gilsá. Sigurður var fyrsti for-
maður Veiðifélags Breiðdalsár og
frumkvöðull að laxarækt þar og
gerð laxastiga við Beljanda.
Sigurður lést fyrr á þessu ári, 85
ára að aldri. Hann beitti sér fyrir
stofnun Veiðifélags Breiðdalsár og
var formaður þess fyrstu 27 árin.
„Breiðdalsá var Sigurði Lárussyni
afar hjartfólgin. Sannarlega setur
hún sterkan svip á allt náttúrufar
hér í sveitinni og ekki síður sá Sig-
urður fyrir sér að áin geymdi gjöful
tækifæri fyrir mannlíf og búsetu
hér í Breiðdal. Þau fólust meðal
annars í því að rækta ána upp í að
verða fengsæl fiskveiðiá til stang-
veiði. Þær væntingar hafa ræst og
því fögnum við,“ sagði séra Gunn-
laugur Stefánsson í Heydölum, for-
maður Veiðifélagsins við athöfn
sem félagið efndi til á opnunardegi
árinnar, síðastliðinn sunnudag
vegna afhnjúpunar minnisvarðans
um Sigurð. Athöfnin fór fram við
fossinn Beljanda og var það vel við
hæfi að fyrsti lax sumarsins veidd-
ist þar skammt frá fyrr um daginn.
Forysta um laxarækt
Þegar Gunnlaugur rifaði upp
óeigingjörn störf Sigurðar í þágu
veiðifélagsins gat hann sérstaklega
um forystu hans við laxaræktina og
gerð laxastigans við Beljanda. „Það
þurfti djörfung og stórhug frá orð-
um til athafna. Við njótum góðs af
því í dag og byggjum áfram á þeim
grunni sem frumkvöðlarnir lögðu,“
sagði Gunnlaugur og gat einnig
framlags samstarfsmanna Sigurð-
ar, þeirra Péturs Sigurðssonar á
Ósi og Ingólfs Reimarssonar á
Kleif.
Breiðdalsá er komin í hóp betri
laxveiðiáa landsins. Veiðifélagið á
nú í samstarfi við Þröst Elliðason
sem hefur ána á leigu. Gunnlaugur
segir að það samstarf hafi reynst
vel. Nefnir hann að laxaræktin sem
Þröstur hefur staðið fyrir í sam-
vinnu við veiðifélagið hafi gefið góð-
an árangur og geri vonandi áfram.
Þá hafi veiðihúsið sem Þröstur
byggði í Eyjum reynst ánni mikill
styrkur.
Steininn sem minningarskjöldur
um Sigurð er festur á völdu hjónin
á Gilsá, Lárus Sigurðsson og Helga
Pálína Harðardóttir. Steinninn er
ættaður innan úr Norðurdal, í ná-
grenni við ævislóðir Sigurðar. Sag-
an segir að þessi steinn hafi komið
fram þegar unnið var við vegagerð
við Norðurdalsveginn og Jónas
Jónsson vegavinnuverkstjóri hafi
látið taka hann til hliðar og geyma
skammt innan við heimreiðina að
Gilsárstekk.
Minnisvarði um frum-
kvöðul við Breiðdalsá
Minningar Hrafnkell Lárusson flutti frásögn afa síns af stofnun veiði-
félagsins og þrjú afabörn Sigurðar afhjúpuðu minnisvarðann, Erla Vikt-
oría og Elís Alexander Hrafnkelsbörn og Rebekka Rán Björnsdóttir.
Heiðra minningu
Sigurðar á Gilsá
Í HNOTSKURN
»Sigurður Lárusson á Gilsáfæddist 23. mars 1921 og
lést 23. febrúar 2007.
»Sigurður var frumkvöðullað stofnun Veiðifélags
Breiðdalsár 1963 og formaður
frá upphafi til ársins 1990.
Hann stóð fyrir laxarækt í
ánni og gerð laxastiga við
fossinn Beljanda.
Kárahnjúkar | Starfsmenn verk-
takafyrirtækisins Arnarfells
sprengdu um helgina síðasta haftið í
þeim hluta aðrennslisganga úr Ufsa-
lóni sem fyrirtækið hefur verið að
grafa frá því í nóvember 2004. Hlaut
Guðmundur Pétursson, verkefn-
isstjóri Kárahnjúkavirkjunar hjá
Landsvirkjun, þann heiður að leysa
lokabombuna úr læðingi.
Aðrennslisgöngin úr væntanlegu
Ufsalóni tengjast stóru aðrennsl-
isgöngunum milli Hálslóns og
Fljótsdals. Þau verða alls um 13 km
að lengd og 6,5 metrar að þvermáli.
Bor 2 borar um 8,5 kílómetra af
göngunum en Arnarfell sér um af-
ganginn með hefðbundnari aðferð-
um jarðgangagerðar.
Arnarfellsmenn hófust handa við
að bora og sprengja síðla árs 2004 og
í apríl 2005 byrjuðu þeir hinum meg-
in frá og unnu lengi vel að ganga-
gerðinni á tvennum vígstöðvum.
Þessi áfangi er hátt í þrír og hálfur
kílómetri að lengd. Þegar kom að
síðasta haftinu var boruð könn-
unarhola í gegn og reyndist það vera
tæplega 10 metra þykkt. Þá var
haftið sprengt í tveimur færum, sú
síðari á laugardagskvöldið og voru
forsvarsmenn fyrirtækisins og
fulltrúar Landsvirkjunar viðstaddir
til að fagna áfanganum.
Fram kemur á vef Kára-
hnjúkavirkjunar að Arnarfellsmenn
hafa, þrátt fyrir þennan góða
áfanga, ekki sagt skilið við aðrennsl-
isgöngin því þeir hafa tekið að sér
viðbótarverk, að grafa og sprengja
einn kílómetra til móts við Bor 2, til
að flýta fyrir verkinu. Fyrirtækið
hefur nú lokið tæplega hálfum kíló-
metra af því.
Borinn malar í stafninum hinum
megin frá og gengur vel, að því er
fram kemur á vefnum, reyndar svo
vel að eftir hann liggur vikugamalt
heimsmet í borun á einum sólar-
hring.
Sprengdu sig í gegn-
um síðasta haftið