Morgunblaðið - 03.07.2007, Qupperneq 37

MORGUNBLAÐIÐ ÞRIÐJUDAGUR 3. JÚLÍ 2007 37
SÝNINGAR Á
SÖGULOFTI
MR. SKALLAGRIMSSON
- höf. og leikari Benedikt Erlingsson
5/7 kl 20 uppselt, 13/7 kl. 20 uppselt,
14/7 kl 15 laus sæti, 14/7 kl. 20 uppselt,
11/8 kl. 20 laus sæti, 12/8 kl. 20 laus sæti,
18/8 kl. 20 laus sæti, 19/8 kl. 20 laus sæti,
25/8 kl. 20 laus sæti, 26/8 kl. 20, 30/8 kl. 20
laus sæti, 31/8 kl. 20 laus sæti
Miðaverð kr. 2900 - ATH! Staðfesta þarf
miða með greiðslu viku fyrir sýningu
Leikhústilboð í mat:
Súpa, fiskréttur og kaffi kr. 2600
Súpa, kjötréttur og kaffi kr. 3200
Miða- og borðapantanir í síma 437 1600
Nánari upplýsinar www.landnamssetur.is



     
ÞAÐ er ekki á hverjum degi sem
okkur Íslendingum býðst að líta eins
mikil heljarmenni og dauðarokk-
arana í Cannibal Corpse. Þessi
hljómsveit var stofnuð í Bandaríkj-
unum árið 1988 og hefur spilað
sleitulaust síðan. Hljóðversplöt-
urnar eru orðnar 10 og sú síðasta,
Kill, kom út árið 2006. Það var virki-
lega erfitt fyrir mig að ákveða hvora
tónleika sveitarinnar ég vildi fara á,
því Cannibal Corpse spilaði á laug-
ardagskvöld með Mínus og Changer
sér til halds og trausts en á sunnu-
dag voru Severed Crotch, Moment-
um og Forgarður helvítis í upphit-
uninni. Eftir miklar bollaleggingar
ákvað ég að Forgarður helvítis væri
líklegur til að hita vel upp, þó að
ekki væri nema út af nafninu. Auð-
vitað þekki ég þó vel til Forgarðsins
en þar fer fremstur Sigurður nokk-
ur kenndur við Pönk, sem er auk
þess hjúkka og búfræðingur. Þessa
sveit hef ég aldrei séð leika á svona
stóru sviði og var tilhlökkunin því
töluverð.
Fyrstir á sviðið á sunnudagskvöld
voru ungmennin í Severed Crotch.
Þeir náðu upp gífurlegri stemningu
og allt dansgólfið á Nasa var hrein-
lega einn dansandi hrærigrautur af
fólki sem stundaði hinn sívinsæla og
langt því frá útdauða slammdans.
Þar skiptast á áflog og dans, en end-
ar þó langoftast með faðmlögum og
bræðralagi. Það var frábært að sjá
hvað Severed Crotch gáfu sig vel í
tónlistina og spiluðu greinilega með
fullum þunga og af mikilli einbeit-
ingu. Stórfín frammistaða þar, og þá
tók við tilraunametal frá Moment-
um. Heldur fannst mér nú vanta líf-
legri sviðsframkomu þar, allavega í
framhaldi af stuðinu í Severed
Crotch, en tónlist Momentum var
hreinlega frábær. Hún gerði það að
verkum að fólk staldraði nú við og
hlustaði á oft stórskrítna takta
Stjána trommara og enn furðulegri
gítar- og bassakafla í verulega
spennandi tónsmíðum. Það er helst
hægt að setja aðeins út á hljóminn,
sem virkaði frekar dempaður og
virtist betri hjá Severed Crotch. Það
er hins vegar alveg stórkostlegt að
fylgjast með trommuleikara Mo-
mentum spila, því hann framkallar
allt að því galdur á trommusettið
sitt.
Forgarður helvítis tók nú við og
Siggi Pönk verður að teljast stór-
stjarna kvöldsins. Hann virðist ekk-
ert eldast né þreytast þótt For-
garður helvítis sé orðin 16 ára
gömul hljómsveit. Hann er ótrúleg-
ur performer og túlkar hratt og
brjálað grindcore-ið afskaplega vel
með líkamanum og svipbrigðum.
Það er ómögulegt að skilja orð af því
sem hann syngur um, en einhvern
veginn kemur það ekki að sök því
krafturinn og útrásin er þannig.
Hann fékk áhorfendaskarann allan
til að syngja, dansa og sleppa sér og
það er gífurleg leikgleði í tónlist
Forgarðsins. Ég fór að hugsa um
Sigga sem nokkurs konar skemmti-
kraft þungarokkaranna, og vinur
minn vildi þá kalla hann Ladda me-
talsins. Geiflurnar og gretturnar eru
ekkert minna en frábærar og passa
svona svakalega vel og skemmtilega
við næstum teiknimyndalega og æv-
intýralega hraða tónlistina.
Nú veit ég af hverju talað er um
upphitun en hitinn í salnum hækk-
aði allverulega meðan Forgarður
helvítis spilaði, enda væri nátt-
úrulega ekkert annað við hæfi. ,,Ef
forgarðurinn að helvíti er svona
heitur er helvítið sjálft óbærilegt og
því þarf Cannibal Corpse að kynda
ansi vel undir mannskapnum eftir
þessa frammistöðu,“ hugsaði ég
þegar ég beið eftir aðalbandi kvölds-
ins. Þeir létu reyndar bíða aðeins
eftir sér eins og sönnum stjörnum
sæmir og við tók lengsta sándtékk
sögunnar. Tveir aðstoðarmenn
Cannibal Corpse heyhey-uðu og
one-two-uðu í hljóðnema eins og
þeir fengju borgað fyrir það (sem
þeir nú líklega fengu), en að lokum
var allt eins og það átti að vera og
inn á sviðið stigu síðhærðu prúð-
mennin í Cannibal Corpse. Við tók
heilmikil keyrsla með tilheyrandi
hausaskaki frá áhorfendum í saln-
um. Stór hluti áhorfendaskarans var
síðhærður og engin leið að þekkja
kynin í sundur, og því má segja að í
hausaskaki (head-bangi) ríki hið
fullkomna jafnrétti kynjanna. Allir
geta hrist höfuðið í takt, það eina
sem þarf er smáhár. Söngvari
Cannibal Corpse, George Fisher, er
snillingur í að hrista haus sinn eins
og hann sé fastur í þvottavél á ferð
og manni finnst í raun skrýtið að
höfuðið skrúfist ekki af á ein-
hverjum tímapunkti. Hann hvatti
áhorfendur til enn meira hausas-
kaks og það kólnaði hreinlega í saln-
um er allir tóku þátt. Strákarnir
sem stóðu næst mér voru með ilm-
andi nýþvegið hárið og því fékk ég
loftkælingu og arómaþerapíu-
meðferð á meðan ég naut níðþungra
takta og tóna Cannibal Corpse.
Hljómsveitin tók 18 lög sem spönn-
uðu allan ferilinn og í nokkrum
þeirra sýndist mér meiri hluti áhorf-
endaskarans syngja með fullum
hálsi, enda greinilega mjög margir
aðdáendur mættir. Slagarar eins og
,,I Cum Blood“, ,,I Will Kill You“ og
,,Hammer Smashed Face“ féllu vel í
kramið en ólíkt þessum lagatitlum
virtust hljómsveitarmeðlimir Canni-
bal Corpse vera hin mestu snyrti-
menni. Þeir tóku sér tíma í að
þurrka af sér svitann milli laga og fá
sér vatn og orkudrykki. Söngvarinn
sagði fátt en öskraði þeim mun
meira og í raun voru þeir allir eins
og vel æfðir íþróttamenn. Það er eitt
að spila svo hraða tónlist að varla
sjáist í fingur hljóðfæraleikara, og
annað að gera það og hrista haus og
alla skanka linnulaust á meðan sterk
og heit ljós lýsa beint á mann. Þetta
er bara hetjuskapur og hann feng-
um við að sjá um síðustu helgi á
Nasa!
Óhugguleg
snyrtimenni
TÓNLEIKAR
NASA
Um upphitum sáu Severed Crotch, Mo-
mentum og Forgarður helvítis. Sunnudag
1. júlí 2007 kl. 19.
Cannibal Corpse  Stuð Stemningin á tónleikunum var mögnuð og áheyrendur tóku vel undir með Cannibal Corpse.
Morgunblaðið/Ómar
Hausaskak „Söngvari Cannibal Corpse er snillingur í að hrista haus sinn eins og hann sé fastur í þvottavél ...“
Cannibal Corpse Sveitin sveik ekki nokkurn mann á sunnudag og skilaði tónlist-
inni faglega til áhorfenda sem fjölmenntu á tónleikana.
Ragnheiður Eiríksdóttir