Morgunblaðið - 03.07.2007, Blaðsíða 36

Ef forgarðurinn að
helvíti er svona
heitur er helvítið sjálft
óbærilegt … 37
»
reykjavíkreykjavík
„ÉG HELD að aldrei áður hafi
jafnmargar íslenskar myndir verið
sýndar á erlendri kvikmyndahátíð
í einu eins og nú,“ segir Christof
Wehmeier hjá Kvikmyndamiðstöð
Íslands. Þar á hann við þær fjórar
íslensku myndir sem valdar hafa
verið til sýninga á árlegu kvik-
myndahátíðinni í Karlovy Vary í
Tékklandi.
„Mýrin keppir í aðalflokknum á
hátíðinni en þeir Baltasar Kor-
mákur, Ingvar E. Sigurðsson og
Atli Rafn Sigurðarson hafa verið
afar duglegir að kynna myndina
hérna. Þeir hafa veitt fjölda við-
tala, meðal annars í tékkneska
ríkissjónvarpinu,“ upplýsir Chri-
stof.
Mýrin var frumsýnd síðastliðið
sunnudagskvöld og var að sögn
Christof afar vel tekið.
„Það mættu yfir 1200 manns á
sýninguna og í kjölfarið hafa okk-
ur borist fyrirspurnir frá öðrum
kvikmyndahátíðum sem vilja fá
Mýrina og Baltasar á sínar hátíð-
ir,“ bætir hann við.
„Tvær aðrar myndir sem eru
búnar að ferðast afar víða er
sýndar hérna en það eru For-
eldrar og Börn Ragnars Braga-
sonar og Vesturports. Gísli Örn
Garðarsson hefur staðið sig vel í
að kynna myndina sem og Ingvar
en þeir svöruðu spurningum
áhorfenda að sýningu myndanna
lokinni,“ segir Christof. Fjórða ís-
lenska myndin á hátíðinni er stutt-
myndin „Anna“ eftir Helenu Stef-
ánsdóttur.
„Það sem gerir þessa kvik-
myndahátíð frábrugðna öðrum
svipuðum er áhugi ungs fólks á
hátíðinni,“ segir Christof að lok-
um. „Hér tjaldar fjöldi ungmenna
allt í kring og reynir að komast á
sýningar.“
Mýrin mærð í Tékklandi
Mýrin Vekur athygli í Tékklandi og kemur til greina sem verðlaunamynd á
kvikmyndahátíðinni í Karlovy Vary.
Íslensku myndirnar vekja athygli á Karlovy Vary
 Björk lék á
fimmtudag á
Rock Werchter-
festivalinu í Belg-
íu sem væri svo
sem ekki í frásög-
ur færandi nema
fyrir skemmtilega sögu Valdísar
Þorkelsdóttur, brassgellu og of-
urbloggara. Hún segir meðal ann-
ars frá því að hópurinn hafi horft á
tónleika Marilyn Manson, sem lék á
undan þeim, og að hún hafi orðið
hálfsmeyk við það „skrípi“ eins og
hún orðar það. „[Manson] var með
öfluga sviðsstæla, en hann lét hljóð-
nemann fljúga í átt að eymingja
hljóðmönnunum þegar hann vant-
aði nýjan. Á miðjum tónleikunum
settist hann síðan bak við settið og
fékk sér vænan slurk af súrefni úr
súrefniskút og bætti aðeins á vara-
litinn. Frekar spes,“ segir Valdís
sem er nú á leið frá Póllandi þar
sem Björk kom fram á sunnudag.
Næstu tónleikar hennar verða á
Hróarskeldu á fimmtudag.
Marilyn Manson með
súrefniskút á sviðinu
 Þrátt fyrir að kvikmyndagerð-
armenn séu rómaðir vinnuþjarkar
komast fáir með tærnar þar sem
Ólafur Jóhannesson hefur hælana.
Ekki bara að hann sé með mörg
járn í eldinum samtímis heldur
starfrækir hann eina skemmtileg-
ustu bloggsíðu kvikmyndagerð-
armanns á Íslandi. Meðal þess sem
er nýtt þar eru viðtöl við leikarana
Eggert Þorleifsson og Pétur Jó-
hann Sigfússon þar sem þeir kom-
menta á nýju myndina, Stóra plan-
ið, sem og leikstjórnarhæfileika
Ólafs. Vekur athygli að Eggert tel-
ur Stóra Planið vera næstbestu
mynd allra tíma.
Bloggið ómissandi
hluti af Stóra planinu
poppoli.blog.is
Eftir Hjálmar Stefán Brynjólfsson
hsb@mbl.is
„VIÐ erum staddir á miðju tónleikaferðalagi,“
segir Rögnvaldur gáfaði, einnig þekktur sem
Rögnvaldur Hvanndal. „Við tökum einn dag á
Akureyri í að safna kröftum, en höldum svo
áfram að flakka á milli staða hér á Norðurlandi.“
Næstu tónleikar Hvanndalsbræðra verða í
kvöld á Húsavík, en á morgun verða þeir á Sauð-
árkróki. „Hringnum verður svo lokað á fimmtu-
dagskvöld á Akureyri,“ segir Rögnvaldur.
Þessi mínítúr er farinn um helstu sveitarfélög
Norðurlands til að kynna plötuna Skást of, sem
inniheldur vel valda smelli af fyrri plötum hljóm-
sveitarinnar. „Titillinn er þannig til kominn að
við söfnuðum saman efni af hinum plötunum, Út
úr kú, Hrútleiðinlegir og Ríða feitum hesti, því
skásta sem við áttum,“ segir Rögnvaldur kíminn.
„Á plötunni eru lögin sem oftast er beðið um á
tónleikum, efnið sem fallið hefur hvað best í
kramið.“
Alltaf vel tekið á Sauðárkróki
Að sögn Rögnvaldar hefur túrinn gengið fram
úr hófi vel hingað til: „Þetta er búið að vera al-
veg svakalega gaman, fínasta mæting og mikið
stuð. Það var til dæmis góð mæting á Grenivík
og rosalega gaman að spila þar. Á Siglufirði var
líka fjölmennt. Svo er gríðarleg tilhlökkun fyrir
tónleikana sem eftir eru á Akureyri, Húsavík og
Sauðárkróki. Við erum alltaf með fullt hús á
Króknum og heilmikið fjör.“
Rögnvaldur segir tónleikana hingað til hafa
gengið snurðulaust fyrir sig að mestu leyti: „Já,
þetta hefur gengið stóráfallalaust. Ég lenti
reyndar í því að týna vini mínum sem ætlaði að
ná í mig á gúmmíbát og ferja mig út í Hrísey eft-
ir Siglufjarðardæmið. Það gerði nefnilega
svartaþoku og hann villtist. Hann skilaði sér á
endanum en við treystum okkur ekki aftur, gist-
um á Akureyri og fórum heim daginn eftir.“
Hringurinn er að sögn Rögnvaldar enda-
punktur á ákveðnum kafla í sögu hljómsveit-
arinnar. Framundan eru breytingar hjá Hvann-
dalsbræðrum. Nýir menn verða teknir inn,
músíkin stokkuð upp og nýir hljómsveitarbún-
ingar notaðir: „Nú ætlum við að stokka þetta
upp. Við ætlum að bæta í hljómsveitina, í það
minnsta mandólíni og fiðlu. Svo verður meira um
rafmagnsgítar, við munum rokka þetta meira
upp. Við verðum að mestu leyti í frumsömdu efni
og erum komnir með nýtt efni sem verður tilbúið
öðrum hvoru megin við áramótin.“
Mest eftirsjá í breytingunum framundan verð-
ur hins vegar í lopapeysunum og húfunum sem
verður lagt: „Það var meira í þessu sveitadæmi.
Við erum ekki búnir að negla hvað tekur við, en
það gæti orðið erótískt leðurdress. Það er verið
að skoða þann möguleika.“
Þræða norðrið bjarta
Hvanndalsbræður ríða feitum hestum um Norðurland og kynna plötuna Skást of
Uppstokkun Á Húsavík, Sauðárkróki og Akureyri verða síðustu forvöð að sjá Hvanndalsbræður áður en þeir skipta yfir í erótísk leðurdress.