Morgunblaðið - 20.08.2007, Page 2

2 MÁNUDAGUR 20. ÁGÚST 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv.
Hermannsson fréttastjóri gummi@mbl.is
Eftir Hjálmar Jónsson
hjalmar@mbl.is
BOÐAÐ hefur verið til aukaaðalfundar í
Lífeyrissjóði verkfræðinga 3. september næst-
komandi, þar sem gengið verður til atkvæða um
hvort ný grein í samþykktum sjóðsins, sem sam-
þykkt var á aðalfundi hans í mars í vetur, skuli
felld úr gildi, en greinin felur í sér aukinn rétt
eldri sjóðfélaga frá því sem var áður en greinin
var samþykkt.
Í kjölfarið var talsverð óánægja meðal hluta
sjóðfélaga með þá niðurstöðu og var boðað til
aukaaðalfundar 22. maí síðastliðinn, þar sem
þetta efni var til umræðu. Fundurinn var mjög
fjölmennur og lauk með því að samþykkt var
með 60% atkvæða tillaga þar sem því var beint
til stjórnar sjóðsins að fella ofangreinda breyt-
ingu úr gildi. Samkvæmt upplýsingum á heima-
síðu sjóðsins felur greinin í sér tilfærslu fjár-
muna til eldri sjóðfélaga sem nemur 300
milljónum króna.
Forsaga málsins er sú að lengi hafa verið uppi
deilur innan Lífeyrissjóðs verkfræðinga milli
eldri og yngri sjóðfélaga um túlkun á efni reglu-
gerðar sjóðsins. Fór það svo að eldri sjóðfélagar
höfðuðu mál fyrir dómstólum þar sem þeir höfðu
sigur.
Sett fram til að setja niður deilur
Þegar tillaga að breytingu á reglugerð sjóðs-
ins var kynnt á aðalfundinum í vetur var lögð
áhersla á hún væri lögð fram til að setja niður
langvinnar deilur innan sjóðsins en væri ekki
viðurkenning á kröfum eldri sjóðfélaga. Greinin
felur í sér hækkun viðmiðs fyrir uppbót á grunn-
lífeyri úr 80% í 90% af verðtryggðum rétti hjá
þeim sem ekki höfðu náð því marki í árslok 2000.
Tillagan fól í sér tilfærslu á 1,2% af eignum
sjóðsins og fram kom að fyrir aldurshópinn 27 til
30 ára séu áhrifin óveruleg en að mánaðarlegur
ellilífeyrir þeirra sem eru 40-50 ára muni lækka
um 0,7%. Lífeyrir þeirra sem eru 70-80 ára mun
hins vegar hækka.
Samkvæmt tryggingafræðilegu mati námu
eignir sjóðsins umfram áunnin réttindi 1.365
milljónum króna um síðustu áramót. Samþykktir
sjóðsins kveða á um að eignum umfram áunnin
réttindi beri að ráðstafa til að auka réttindi sjóð-
félaga og var rúmum fimmtungi eða um 300
milljónum ráðstafað til að auka réttindi eldri
sjóðfélaga með því að hækka uppbótina úr 80% í
90% eins og fyrr greindi, en um 1.065 mkr. yrði
varið til að auka réttindi allra sjóðfélaga.
Atkvæði greidd um aukin
réttindi eldri sjóðfélaga
Boðað hefur verið til aukaaðalfundar í Lífeyrissjóði verkfræðinga í byrjun sept.
TVEIR þýskir ferðamenn, maður
og kona, komust í hann krappan á
hálendi Íslands að kvöldi laugar-
dagsins þegar bifreið þeirra festist
í sandbleytu í Tungnaá sunnan við
skálann í Jökulheimum. Björgunar-
sveitirnar á Hellu og í Vík í Mýrdal
fóru til aðstoðar og þyrla Land-
helgisgæslunnar, TF-GNÁ, hífði
konuna upp úr bílnum í ánni og
flutti hana í skálann í Jökulheim-
um. Þeim varð hvorugu meint af
volkinu.
Tvo vöð eru á Tungnaá á þessum
slóðum samkvæmt upplýsingum
Morgunblaðsins. Annað dýpra en
með hörðum og góðum botni og hitt
grynnra, en varasamara vegna
sandbleytu. Parið fór yfir grynnra
vaðið og festi bílinn í sandbleytu.
Þegar þau reyndu að losa hann, en
þarna er um öflugan torfærubíl af
Unimog-gerð að ræða, vildi ekki
betur til en svo að drif í honum
brotnaði. Maðurinn tók þá til ráðs
að synda yfir ána og ganga í átt að
skálanum í Jökulheimum. Eftir að
hafa gengið í 3-4 klukkustundir
rakst hann á ferðamenn sem köll-
uðu eftir hjálp. Ekki þótti þorandi
annað en kalla eftir aðstoð þyrlu
þar sem skammt var til myrkurs.
Sigmaður sótti konuna í bílinn og
var flogið með hana í skálann í
Jökulheimum þangað sem maður-
inn var þá þegar kominn.
Í góðu yfirlæti í Hólaskjóli
Björgunarsveitin á Hellu flutti
fólkið síðan í skálann í Hólaskjóli
þar sem það var í góðu yfirlæti í
gær. Björgunarsveitin í Vík í Mýr-
dal fór hins vegar upp að Tungnaá
til þess að bjarga bifreiðinni á
þurrt. Hún var mjög vel skorðuð í
ánni og engin hætta á að hún flyti
upp, enda ekki mikið vatn í ánni.
Þurfti öflug tæki til þess að draga
bifreiðina upp úr ánni og tókst það
milli tvö og þrjú í fyrrinótt.
Seinnipartinn í gær var síðan
ráðgert að halda aftur upp að
Tungnaá og freista þess að gera við
drifið í bílnum þannig að hann yrði
ökufær eða hægt að flytja hann til
byggða.
Þyrla Landhelgisgæslunnar bjargaði þýskri konu úr torfærubifreið sem föst var í Tungnaá
vestan Vatnajökuls með brotið drif en maður konunnar synti yfir ána til að ná í hjálp
Bjargað úr bifreið í Tungnaá
Ljósmynd/Landhelgisgæslan
Var sótt Þyrla Landhelgisgæslunnar, TF-Gná, hífði konuna upp úr bílnum.



  



 

 


 

 















!
 
"#$

 
 %



LÖGREGLAN á höfuðborgarsvæð-
inu lýsti í gær eftir tveimur ungum
þýskum ferðamönnum, sem ekki
hefur spurst til síðan 29. júlí síðast-
liðinn er þeir voru á tjaldstæðinu í
Laugardal. Þeir hugðust ferðast um
Ísland og meðal annars leggja stund
á ísklifur og fjallgöngur í nágrenni
Skaftafells og Vatnajökuls og áttu
bókað far heim 17. ágúst.
Mennirnir heita Matthias Hinz, 29
ára og Thomas Grundt, 24 ára.
Matthias er 174 sentimetrar á hæð,
fremur grannvaxinn með skollitað
hár og grá augu. Thomas er 185
sentimetrar á hæð, grannvaxinn með
ljóst hár og notar gleraugu.
Þeir sem geta veitt einhverjar
upplýsingar um ferðir mannanna eru
beðnir um að hafa samband við lög-
regluna í síma 444-1000.
Lýst eftir
Þjóðverjum
Matthias Hinz
Ætluðu að stunda ís-
klifur og fjallgöngur
Thomas Grundt
KONA lenti í grjóthruni í Víti við
Öskju skömmu eftir hádegi í gær.
Hún var flutt með þyrlu Landhelg-
isgæslunnar til Egilsstaða og þaðan
með sjúkraflugi til Akureyrar, þar
sem hún var til rannsóknar meðal
annars vegna innvortis meiðsla.
Lögreglunni á Húsavík barst til-
kynning um slysið um miðjan dag í
gær. Þyrla Landhelgisgæslunnar,
TF-EIR, þurfti að lenda norðan við
gíginn vegna hættu á frekara hruni.
Björgunarsveitarmenn sem voru í
nágrenninu í einkaerindum voru
fyrstir á staðinn og hlúðu að konunni
ásamt hollenskum lækni þar til þyrl-
an kom. Slysið varð í miklum bratta
og lausamöl, sem gerir flutninga erf-
iða.
Lenti í
grjóthruni
♦♦♦BRJÓSTMYND var á laugardag af-hjúpuð í Kringlunni af Pálma Jóns-
syni kaupmanni og var það dóttir
hans, Ingibjörg Pálmadóttir, sem af-
hjúpaði myndina ásamt Lilju, systur
sinni. Pálmi var frumkvöðull að
byggingu Kringlunnar og brjóst-
myndina gefur Ingibjörg Kringlunni
í minningu föður síns.
Upphaf verslunarreksturs Pálma
má rekja til þess er hann stofnaði
póstverslunina Hagkaup árið 1959 í
litlu fjósi við Miklatorg.
Í september árið 1970 tók Pálmi á
leigu vöruskemmu í Skeifunni 15 og
opnaði þar fyrsta stórmarkað lands-
ins þar sem aðaláherslan var lögð á
ódýrar vörur.
Pálmi tók fyrstu skóflustungu að
byggingu verslunarmiðstöðvarinnar
Kringlunnar árið 1984. Tæpum
þremur árum síðar, hinn 13. ágúst
1987, var fyrstu gestum Kringl-
unnar hleypt þar inn.
Listakonan Ragnhildur Stefáns-
dóttir vann brjóstmyndina og Pétur
Björnsson steypti hana í brons.
Brjóstmynd af
Pálma Jóns-
syni afhjúpuð
Morgunblaðið/Jón Svavarsson
Kringlan Dætur Pálma Jónssonar afhjúpuðu brjóstmynd af föður sínum. Ingibjörg og Lilja Pálmadætur ásamt
sonum sínum Stormi Jóni og Pálma Kormáki við athöfnina í Kringlunni á laugardag.