Morgunblaðið - 14.09.2007, Blaðsíða 6
6 FÖSTUDAGUR 14. SEPTEMBER 2007 MORGUNBLAÐIÐ
FRÉTTIR
Eftir Rúnar Pálmason
runarp@mbl.is
ÓNÝTT ræsi í hlíðinni fyrir ofan
þjóðveginn um Kollafjörð varð til
þess að nokkurra tuga metra breið
aurskriða féll á veginn seint í fyrri-
nótt. Rúta með tæplega 60 manns
innanborðs lenti á skriðunni, líklega
fljótlega eftir að hún féll, og stöðv-
aðist uppi á eðjubingnum. Meiðsli á
fólki voru minniháttar.
Slysið varð laust eftir klukkan
fjögur. Rútan var losuð af staðnum
skömmu fyrir klukkan níu og störf-
um á vettvangi var lokið rúmlega 10.
Gegnsósa hlíð
Esther Hlíðar Jensen, jarðfræð-
ingur hjá Veðurstofunni og sérfræð-
ingur í ofanflóðum, kannaði aðstæð-
ur á vettvangi í gærmorgun.
Í samtali við Morgunblaðið sagði
hún að stór pollur hefði myndast í
lægð í gamla veginum um Kolla-
fjörð, sem liggur fyrir ofan núver-
andi veg, en mikil rigning var á
svæðinu í fyrrakvöld og fyrrinótt.
Þar sem pollurinn myndaðist er
gamalt og ónýtt ræsi. Um það rann
vatnið úr pollinum á einn tiltekinn
stað í hlíðinni. Jarðvegurinn, sem
þegar var votur eftir rigningar und-
anfarinna daga og vikna, varð af
þessum völdum gegnsósa og að lok-
um svo blautur og þungur að hlíðin
skreið fram og út á veg.
Jónas Snæbjörnsson, svæðisstjóri
Vegagerðarinnar á suðvestursvæði,
sagði að frá því núverandi vegur var
opnaður árið 1973 hefði aldrei fallið
skriða á veginn. Yfirverkstjóri
Vegagerðarinnar á staðnum hefði
giskað á að rúmmál hennar hefði
verið um 500-600 rúmmetrar. Skrið-
an hefði verið um 50 metrar á lengd
og 1½ metri á þykkt.
Önnur skriða klukkan 8
Tilkynning um slysið barst lög-
reglu höfuðborgarsvæðisins klukk-
an 4.12. Guðbrandur Sigurðsson, að-
alvarðstjóri umferðardeildar
lögreglunnar, sagði að þegar búið
hefði verið að ganga úr skugga um
að enginn hefði slasast og loka vett-
vangi þannig að ekki hlytust af frek-
ari slys eða óþarfa umferðartafir
hefði verið kallað eftir tækjum til að
moka veginn og losa og draga rút-
una í burtu. Þetta hefði allt tekið
töluverðan tíma m.a. vegna þess að
venjubundin starfsemi fyrirtækja
var ekki hafin þegar óhappið varð og
setja þurfti sérstakan búnað á drátt-
arbíl til þess að hann gæti dregið
rútuna í burtu. Þar að auki hefði
önnur skriða, mun minni, fallið úr
hlíðinni klukkan átta. Skriðan sull-
aðist út á veginn en olli hvorki tjóni
né slysum.
Í rútunni voru 58 farþegar, þar af
54 konur, allt starfsmenn Dvalar-
heimilisins Höfða á Akranesi á leið í
fræðslu- og skemmtiferð um Rínar-
dalinn í Þýskalandi. Þeim var að
sjálfsögðu töluvert brugðið en
meiðsli voru sem betur fer minni-
háttar. Ein kona hlaut töluvert höf-
uðhögg en hún mun hafa skollið á
framrúðu rútunnar og var hún flutt
á slysadeild. Tvær til viðbótar hlutu
áverka í andliti.
Þegar Morgunblaðið náði tali af
Guðjóni Guðmundssyni, fram-
kvæmdastjóra dvalarheimilisins og
fyrrum þingmanni, sagði hann að
þrátt fyrir slysið væri góður andi í
hópnum. „Þetta fór betur en á horfð-
ist, þetta hefði getað farið miklu
verr,“ sagði Guðjón. Fólk hefði jafn-
að sig á óhappinu og væri ákveðið í
að njóta fararinnar. Sú sem var flutt
á slysadeild gat ekki farið með hópn-
um í gærmorgun en vonir standa til
að hún komist utan í dag.
Sökudólgurinn er ónýtt ræsi
Morgunblaðið/Júlíus
Svað Farþegar rútunnar þurftu að vaða yfir skriðuna til að komast inn í aðra rútu sem flutti þá á áfangastað.
„Þetta var mikið högg,“ sagði Sigurbjörg Ragnarsdóttir sem var einn 58 farþega í rútunni.
Hægar Jarðvegsmagnið sem fór á veginn er gríðarlegt og má ljóst vera að mun verr hefði getað farið. Rútubíl-
stjórinn sá ekki skriðuna fyrr en rútan var komin inn í hana. Hann hafði dregið úr hraða skömmu áður.
&$'$($"
Tæplega 60
manns í rútu sem
ók á skriðuna
„ÞAÐ sá þetta enginn í bílnum
hjá mér. Það áttaði sig enginn á
þessum haug fyrr en við lentum
í honum. Þetta er náttúrlega í
kolsvartamyrkri,“ sagði Reynir
Jóhannsson, sem ók rútunni sem
lenti á aurskriðunni á Vest-
urlandsvegi í Kollafirði í fyrri-
nótt.
Skömmu áður hafði hann þó
dregið úr ferðinni þar sem hann
sá að á undan honum var bíl
snúið við á veginum. Bílnum var
síðan ekið á móti rútunni með
háu ljósin kveikt, að sögn Reyn-
is.
Skipti þá engum togum að
rútan lenti á skriðunni og gafst
Reyni ekkert tóm til að hemla.
„Þetta var kannski ekki svo mik-
ið högg, því þetta var drulla sem
við lentum í, en bíllinn stoppar
náttúrlega svolítið snöggt,“
sagði hann.
Sýnir mikilvægi bílbelta
Hópurinn var á leið til Kefla-
víkurflugvallar og átti pantað
flug til Frankfurt um morguninn
og þurfti því að hafa hraðar
hendur til að koma fólkinu út á
völl.
Greiðlega gekk að fá aðra
rútu til að flytja fólkið en um
tíma leit út fyrir að allur far-
angur yrði eftir þar sem mold
og drulla náðu upp á miðjar lúg-
ur farangursgeymslu rútunnar.
Með hjálp góðra manna tókst
Reyni að ná töskunum út og
náði hann að koma þeim öllum
út á flugvöll í tæka tíð. Allur
hópurinn, fyrir utan þá einu
konu sem flutt var á slysadeild,
náði fluginu.
Bílbelti eru í rútunni en Reyn-
ir telur að konan sem slasaðist
hafi ekki verið í bílbelti. Að-
spurður sagði Reynir að hann
áminnti ekki fullorðið fólk um
að nota bílbelti en hann minnti
börn á beltin.
„Fullorðið fólk á að vita að
það er skyldugt til að nota belt-
in ef þau eru í bílnum,“ sagði
hann. Slysið sýndi vel nauðsyn
þess að nota beltin. Rétt er að
taka fram að sjálfur var Reynir
í bílbelti.
Gerðist í
kolsvarta-
myrkri
FÉLÖGIN sem standa að Samfloti
bæjarstarfsmanna munu standa
saman að gerð næstu kjarasamn-
inga við sveitarfélögin og ríkið og
að auki kynna samningana sameig-
inlega og greiða um þá atkvæði í
einni atkvæðagreiðslu. Í gærkvöldi
kom í ljós að 13 bæjarstarfsmanna-
félög með alls um 3.000 félagsmenn
munu standa að nýja samflotinu, öll
þau sömu og síðast nema Starfs-
mannafélag Kópavogs sem ákvað að
vera ekki með að þessu sinni..
Samningar við sveitarfélög
renna út á næsta ári
Samningar Samflots bæjarstarfs-
manna við sveitarfélögin renna út
undir lok næsta árs en við ríkið í
marsmánuði. Félögin fóru yfir
framkvæmd núgildandi samninga á
aðalfundi sínum á
Selfossi í gær.
Félagið hefur
unnið að undir-
búningi næstu
samninga af
hálfu bæjar-
starfsmanna. El-
ín Björg Jóns-
dóttir, formaður
Samflotsins, seg-
ir að niðurstaðan
hafi orðið sú að leggja til að félögin
undirbúi samningagerð og semji í
samfloti, kynni væntanlega samn-
inga saman og greiði atkvæði um þá
í einum potti. Í síðustu samningum
sömdu fjórtán félög saman en síðan
tóku samningamenn hvers félags
fyrir sig við, kynntu samningana í
sínu félagi þar sem greidd voru at-
kvæði um þá. Samningarnir voru
ýmis samþykktir eða felldir. „Þau
félög sem leggja af stað saman
verða nú samstiga alla leið,“ segir
Elín Björg. Hún telur að það muni
styrkja samningsstöðu starfs-
mannafélaganna.
Fundað á Selfossi
og skrifað undir samning
Fulltrúar félaganna sem taka
þátt í hinu nýja samfloti koma sam-
an til fundar á Selfossi í dag og
skrifa undir samning um að veita
Samflotinu samningsumboð.
Starfsmannafélag Reykjavíkur-
borgar, starfsmannafélagið Kjölur á
Akureyri og Starfsmannafélag Suð-
urnesjabyggða voru ekki með í
samflotinu við gerð síðustu samn-
inga.
Kjaraaamningar af-
greiddir í samfloti
Þau félög sem leggja af stað saman verða samstiga alla leið
Elín Björg
Jónsdóttir