Morgunblaðið - 14.09.2007, Blaðsíða 25

MORGUNBLAÐIÐ FÖSTUDAGUR 14. SEPTEMBER 2007 25
af okkur.
amikil og
Geir. „Við
ddi á báð-
jög öflugt
yggist á
hafa ekki
um vanda-
eyst. Svo
a hagkerfi
á innfluttu
er gríðar-
stæðum í
aráðherr-
skum að-
m mikinn
samstarfi
u Íslend-
ingar yfir sérþekkingu í faginu.
Írsk og íslensk stjórnvöld eiga
það sameiginlegt að hafa lækkað
fyrirtækjaskatt til muna á síðustu
árum. Á Íslandi er skattur á fyr-
irtæki 18% en á Írlandi eru menn
komnir mun neðar, hlutfallið er að-
eins 12,5%. Sagði Geir augljóst af
öllu – hversu vel Írum hefur gengið
að laða fjölþjóðleg stórfyrirtæki til
landsins, m.a. á sviði lyfjafram-
leiðslu, sem ella hefðu hugsanlega
komið sér fyrir í Asíu eða annars
staðar – að Írar hefðu tekið mjög
viturlega ákvörðun þegar þeir
lækkuðu fyrirtækjaskattana.
„Eins og viðskiptaráðherrann
benti á, þá er það ekki prósentan
sem skiptir máli, heldur hvað hún
gefur af sér í ríkissjóð. Það er það
sem við höfum alltaf sagt heima á
Íslandi. Ef 18% skattur gefur meira
af sér en 30%, þá er auðvitað aug-
ljóst hvort er betra.“
Evrumál og þjóðar-
sáttarsamningar
„Varðandi evruna, þá er það auð-
vitað mjög fróðleg umræða,“ sagði
Geir en fram kom m.a. á fundum
sem ráðherrann átti í gær að Írar
telja sig hafa notið góðs af því að
hafa evru á meðan Bretar hafa
hana ekki. Þeir hafi getað búið sér
til markað í fjármálageiranum út á
þessa sérstöðu sem þeir hefðu sem
„enskumælandi land með evru“.
„Þeir láta vel af reynslu sinni af
evrunni en það má náttúrlega ekki
gleyma því, að þeir hafa verið í Evr-
ópusambandinu frá 1973 og tekið
þátt í þessu fyrirkomulagi allt frá
byrjun. Það er því ólíku saman að
jafna miðað við okkar aðstæður,“
sagði Geir. Umræðurnar hefðu hins
vegar verið mjög fróðlegar. „Þetta
er veganesti sem má taka með heim
og hugleiða,“ sagði Geir.
Geir sýndi þjóðarsáttarkerfi því
sem Írar komu upp með formlegum
hætti 1987 mikinn áhuga en samn-
ingar þar að lútandi – sem á ensku
kallast Social Partnership – mörk-
uðu hornstein að því að hægt var að
takast á við þann gríðarlega efna-
hagsvanda sem við blasti á Írlandi.
Í stefnuyfirlýsingu ríkisstjórnar
Sjálfstæðisflokks og Samfylkingar
frá því í vor er einmitt vikið að því
að stofna skuli samráðsvettvang að-
ila vinnumarkaðar og stjórnvalda á
Íslandi í líkingu við þann á Írlandi.
„Þetta er auðvitað hlutur sem við
þekkjum,“ sagði Geir, „þó að þjóð-
arsáttarkerfið heima hafi ekki verið
jafn formgert og hér.“
Sagði hann að íslenskt samfélag
væri minna og því væri e.t.v. ekki
þörf á því að hafa eins stórt batterí
utan um þetta samráð og raun ber
vitni á Írlandi, þar sem heil deild
innan forsætisráðuneytisins sinnir
því. Engu að síður sé það markmið
ríkisstjórnarinnar að binda hlutina
fastari böndum. „Það er búið að
halda einn fund með aðilum vinnu-
markaðarins vegna þessa máls,
hann var haldinn í sumar. Það er
verið að undirbúa núna svona form-
lega umgjörð í texta utan um þetta
sem var ætlunin að kynna í haust.
Það var niðurstaða fundarins í sum-
ar,“ sagði Geir.
Geir tók fram að honum þætti
sérlega ánægjulegt að sjá hversu
vel Landsbankinn hefði komið ár
sinni fyrir borð á írskum fjármála-
markaði og kvaðst sannfærður um
að fleiri tækifæri stæðu opin, vildu
menn grípa þau. „Þar myndi skipta
máli og yrði mjög ánægjulegt ef við
gætum fengið beint flug milli land-
anna tveggja. Það myndi gera þetta
allt saman miklu einfaldara. Við
ráðum því hins vegar ekki, þær
ákvarðanir taka auðvitað flugfélög-
in sjálf.“
um – og þeir af okkur
Morgunblaðið/Davíð Logi Sigurðsson
ráðherra, John Conroy, forstjóri Merrion Capital, og Halldór Kristjánsson.
Viðskipti milli Íslands ogÍrlands hafa ekki veriðmikil, innflutningur tilÍslands frá Írlandi er
að verðmæti 8,4 milljarðar króna
eða 2% af heildarinnflutningi til
landsins. Útflutningur okkar til
Írlands er enn minni, aðeins ríf-
lega milljarður á ársgrundvelli,
eða 0,5% af útflutningsverðmæti.
Sjö íslensk fyrirtæki hafa hins
vegar haslað sér völl á Írlandi á
síðustu misserum og Geir H.
Haarde kannaði aðstæður í þrem-
ur þeirra í opinberri heimsókn
sinni til Írlands.
Geir heimsótti höfuðstöðvar
Hibernia Atlantic og Industria í
fyrradag en í gær skoðaði hann
höfuðstöðvar verðbréfafyrirtækis-
ins Merrion Capital sem Lands-
bankinn keypti í desember 2005.
Sigurjón Árnason, annar
bankastjóra Landsbankans, hefur
ekki nema gott eitt að segja um
þá ákvörðun bankans að fara inn
á hinn írska fjármálamarkað.
Fjárfestingin hafi reynst traust,
tekjur hafi meira en tvöfaldast á
ársgrundvelli á þeim tíma sem
liðinn sé síðan þeir keyptu fyr-
irtækið og hagnaður sé eftir því.
„Þannig að við erum gríðarlega
ánægðir með starfsemina,“ segir
hann.
Nú hefur verið opnað útibú frá
Merrion í Cork á Suður-Írlandi
en allt í allt starfa nú um 100
manns hjá fyrirtækinu. Er velta
þess á bilinu 50 til 55 milljónir
evra á ári.
En hvað skýrir velgengnina?
„Hér spila margir samverkandi
þættir saman,“ segir Sigurjón.
„Fyrirtækið er í eðli sínu mjög
gott og nú nýtur það þess að vera
orðið hluti af stærri heild, þ.e.
Landsbankasamstæðunni. Í
þriðja lagi hafa aðstæður á Ír-
landi öll undanfarin ár verið mjög
góð til reksturs fjármálafyrir-
tækja.“
Fjórða stærsta
verðbréfafyrirtækið
Merrion er fjórða stærsta verð-
bréfafyrirtækið á Írlandi með 5-
10% markaðshlutdeild. Sigurjón
segir fyrirtækið hins vegar hafa
verið að auka sinn hluta af kök-
unni jafnt og þétt. Merrion hafi
t.d. í fyrra komið að einkavæðing-
arferli símafyrirtækisins Eircom
og írska flugfélagsins Aer Lingus
en stærri verði verkefnin varla í
írsku samhengi.
Aðspurður um það hvaða máli
það skiptir að forsætisráðherra
gefi sér tíma til að heimsækja
fyrirtækið segir Sigurjón, að það
sýni og sanni fyrir starfsfólkinu,
að Landsbankinn standi á bak við
fyrirtækið, að um sé að ræða fjár-
festingu, sem Landsbankamenn
láti sér annt um.
Mikill vöxtur á
áhugaverðum markaði
Sjálfir koma þeir Sigurjón og
Halldór Kristjánsson, þ.e. báðir
bankastjórar Landsbankans,
reglulega til Dublin. Þar kann
raunar að skipta máli að Lands-
bankinn hefur verið orðaður við
frekari fjárfestingar á Írlandi en
um það vildi Sigurjón ekki tjá sig
að svo stöddu. „En írski mark-
aðurinn er mjög áhugaverður og
það höfum við sagt frá upphafi.
Hér hefur verið mikill vöxtur og
mörg tækifæri. Annars hefðum
við aldrei verið að fara inn á
þennan markað yfirhöfuð,“ sagði
hann.
Morgunblaðið/Davíð Logi Sigurðsson
Við nám og störf Margir Íslendingar nema og starfa í Dublin. Þeirra á
meðal er Gylfi Freyr Gudmundsson sem vinnur á Merrion-hótelinu,
Benedikt K. Valdimarsson, framkvæmdastjóri Bracken Public Relations,
Margrét Steinþórsdóttir, sem stundar doktorsnám í steingervingafræði,
Davíð Bragason, sem vinnur hjá Hewlett Packard, og Ann Marie Braga-
son, eiginkona hans.
Tekjurnar hafa
tvöfaldast á tæp-
um tveimur árum
Merrion Capital hefur reynst traust
fjárfesting fyrir Landsbankann
Í HNOTSKURN
» Sjö íslensk fyrirtæki hafaumsvif á Írlandi og heim-
sækir Geir H. Haarde for-
sætisráðherra þrjú þeirra:
Merrion Capital, Hibernia Atl-
antic og Industria.
» Auk Merrion, HiberniaAtlantic og Industria er
Air Atlanta með viðhaldsstöð
á Shannon-flugvelli, Hamp-
iðjan rekur hér netagerðina
Swan Net-Gundry Ltd. og
Stofnfiskur Iceland er með
fiskeldisstöð í Galway. Þá hef-
ur Samskip hér einnig starfs-
stöð.
» Sigurjón Árnason, banka-stjóri Landsbankans, segir,
að írski markaðurinn sé mjög
áhugaverður. Þar hafi verið
mikill vöxtur og mikið um alls
konar tækifæri.
Haarde forsætisráðherra átti
Mary McAleese, forseta Ír-
ærmorgun í bústað hennar í
Park. McAleese var fyrst kosin
ands 1997 og svo aftur 2004
næstum hálfnuð með sitt ann-
að sjö ára kjörtímabil. Hún er önnur
konan til að gegna embættinu en McA-
leese tók við af Mary Robinson sem for-
seti landsins. McAleese er fædd og upp-
alin á Norður-Írlandi og þykir það hafa
stuðlað að bættum samskiptum ráðandi
afla á Írlandi og Norður-Írlandi. „Þetta
er mjög viðkunnanleg kona og gagn-
merk, lögfræðingur og nýtur mjög mik-
illar virðingar og vinsælda hérna.
Fundurinn var hinn ánægjulegasti,“
sagði Geir í gær.
Morgunblaðið/Davíð Logi Sigurðsson
fund Mary McAleese, forseti Írlands, og Geir H. Haarde forsætisráðherra. Hún tók við embættinu af Mary Robinson.
ægjulegur fundur með forseta Írlands