Morgunblaðið - 21.09.2007, Page 17

Allir geta tekið þátt
Allir geta tekið þátt í þessu þjóðþrifaátaki án tillits til aldurs eða búetu. Ekki þarf veiðikort til að stunda veiðar á minki með gildru eða hundi. Sé skotvopn
notað við veiðarnar þarf viðkomandi vitaskuld að hafa skotvopnaleyfi. Eftirtalin atriði eru þó afar áríðandi: Brýnt er að börn undir 16 ára aldri stundi ekki
veiðar á minki nema í fylgd með fullorðnum.
Skotveiðifélag Íslands vill þó taka það skýrt fram að minkaveiðar unglinga undir 18 ára aldri eru alfarið á ábyrgð foreldra eða forráðamanna. Þá ber
minkaveiðimönnum að virða eignarrétt landeigenda. Minkaveiðar eru því óheimilar á landi í einkaeigu nema með leyfi landeigenda.
Verðlaun
Hver sá sem veiðir mink og sendir Skotvís mynd eða vottorð fær að launum fallega barmnælu með mynd af minki.
Átakinu er skipt í þrjá þætti:
a) Veiðar með skotvopni
b) Veiðar í gildru
c) Veiðar með hundi
Nöfn allra þeirra sem veiða mink fara í pott sem dregið verður úr 1. desember 2007 og 1. desember 2008.
Flokkarnir sem verðlaun verða veitt fyrir eru þrír og verða þrenn verðlaun veitt í hverjum flokki:
Veiðar með skotvopni:
1. Riffill af gerðinni Brno
cal. 22LR með sjónauka
og tösku
2. Úttekt í versluninni
Ellingsen fyrir kr. 20.000
3. Bókin „Íslensk spendýr“
Veiðar í gildru:
1. Farmiði fyrir tvo til
Kaupmannahafnar með
Flugleiðum
2. Úttekt í versluninni Hlað
fyrir kr. 20.000
3. Bókin „Íslensk spendýr“
Veiðar með hundi:
1. Videovél af gerðinni
Canon MVX4i
2. Úttekt í versluninni
Veiðihornið f. kr. 20.000
3. Bókin „Íslensk spendýr“
Fyrir 14 árum fjárfestum við hjónin
í fallegu bjálkahúsi sem við keyptum
frá Kanada. Við fengum ágæta lóð
undir húsið hjá frænda mínum sem er
bóndi á vesturlandi. Þarna dveljum við
hvenær sem tækifæri gefst. Við höfum
ræktað þarna vísi að skógi, ræktum
blóm og matjurtir og veiðum silung.
Þetta er sannkallaður unaðsreitur.
Útsýnið er stórkostlegt og fuglalífið
var gríðarlega fjölbreytt. Ég segi ‘var’
því nú sést þar varla fugl, - raddir
vorsins hafa þagnað. Við fórum að
verða vör við mink þarna fyrir u.þ.b.
6 árum. Í fyrra var minkalæða með
greni nánast undir verkfæraskúrnum
okkar. Á örfáum árum má segja að
minkurinn sé búinn að útrýma nánast
öllu fuglalífi í nágrenni við okkur.
Þegar minkaveiðiátak Skotvís var
auglýst ákváðum við að taka þátt í því.
Skarphéðinn, maðurinn minn, keypti
minkagildrur sem við höfum lagt út í
ræsi og undir brýr hér í nágrenninu.
Mál hafa þróast þannig að það hefur
aðallega komið í minn hlut að stunda
gildruveiðarnar. Skarphéðinn minn
segir að þessar veiðar eigi ekki við sig.
Veiðistöngin er víst hans veiðitæki.
Í vor veiddi ég þrjá minka og nú í
ágúst fékk ég tvo. Ég verð bara að
segja það eins og það er; mér finnast
þessar veiðar spennandi og ég hef bara
gaman af þessu. Svo er það náttúrulega
þjóðþrifamál að fækka minkinum.
JÓNHEIÐUR SVEINSDÓTTIR
Jónheiður Sveinsdóttir
tekur þátt í minkaveiðiátaki
Skotveiðifélags Íslands
Nánari upplýsingar á www.skotvis.is