Morgunblaðið - 22.10.2007, Qupperneq 39

MORGUNBLAÐIÐ MÁNUDAGUR 22. OKTÓBER 2007 39
AÐEINS 2KALORÍUR
NÝ BRAGÐTEGUND
ÞAÐ er ekki oft sem maður sér fólk
á opnun myndlistarsýningar eiga
bágt með sig af hrifningu, en á opn-
un sýningar Ragnars Kjart-
anssonar, Guð, í Nýlistasafninu sá
ég að nokkrir gestanna þurftu jafn-
vel að þerra seltuna undir augunum.
Ég man satt að segja ekki eftir álíka
opnun í safninu. En þann tíma sem
ég var viðstaddur virtist fólk ekki
einu sinni hafa hug á að ræða saman.
Reyndar er uppsetning sýning-
arinnar þannig að samtöl eru óhent-
ug nema fyrir utan safnið, en jafnvel
þar voru flestir orðfáir.
Sýningin er í stuttu máli þannig:
Rýmið er klætt bleiku satíntjaldi
sem myndar langan gang eftir rým-
inu. Við enda gangsins er bíótjald
þar sem listamaðurinn hefur brugð-
ið sér í ímynd söngvara frá því fyrir
tíð rokk/popp-bylgjunnar. Honum
að baki er 12 manna hljómsveit sem
spilar hugljúfan lagstúf sem Ragnar
kyrjar við með orðunum „Sorrow
conquers happiness“ (Sorgin sigrar
hamingjuna).
Ragnar hefur afslappaðan húmor
fyrir sjálfum sér og að hluta nær
hann til sýningargesta með drama-
tík eða leik og þannig hefst einmitt
myndskeiðið. En honum tekst hins
vegar að færa leikinn svo yfir í alvör-
una með endurtekningu. Þ.e. hann
kyrjar lag sitt eins og möntru ekki
ósvipað og þegar menn kyrja „Baj-
ans“, s.s. Hare Krishna eða Shiva
Shankara, sem byggjast á samskon-
ar endurtekningu og eru til þess
gerðir að koma fólki í nánari tengsl
við sjálft sig til þess að það sé
reiðubúið að hlusta á orð meistara
síns eða sé móttækilegt fyrir sann-
leikanum. Titillinn „Guð“ er því alls
ekki fjarri lagi og máski hefur Ragn-
ar hitt Guð fyrir slysni með þessari
dramatísku möntru sinni.
Einn lykill í áhrifamætti lista-
verksins er að listamaðurinn gerir
rýmið að sínu eða lagar það að sínum
þörfum. Það er mikil kúnst og ekki
öllum gefið, en Ragnar náði einmitt
hápunkti á sínum stutta listferli þeg-
ar hann sigraði rýmið í fyrsta sinn í
framlagi sínu til Listahátíðar
Reykjavíkur árið 2005 sem var
þriggja vikna gjörningur undir
Eyjafjöllum. Hann féll hins vegar
flatur á nefið með gersamlega mis-
heppnaða sýningu í i8 fyrr á þessu
ári en þeysist nú aftur upp á syngj-
andi siglingu með þessari frábæru
sýningu. Vænti ég þess að Ragnar
keppi um efstu sæti í myndlist-
aruppgjörum ársins, bæði fyrir
verstu (í i8) og bestu (í Nýlistasafn-
inu) einkasýninguna. Og er það
nokkuð breiður skali hjá einum lista-
manni.
Að hitta guð fyrir slysni
MYNDLIST
Nýlistasafnið
Opið mið. til sun. frá 12 til 17. Á fimmtu-
dögum er opið til 21. Sýningu lýkur 4.
nóvember. Aðgangur ókeypis.
Ragnar Kjartansson
Jón B.K. Ransu
Sorgin sigrar hamingjuna Ragnar Kjartansson kyrjar möntru í einhvers-
konar Tony Bennett-sviðsmynd.
SÁ orðrómur hefur gengið fjöll-
unum hærra frá byrjun þessa árs í
Hollywood að leikararnir Reese
Witherspoon og Jake Gyllenhaal
séu að slá sér upp.
Aldrei hefur verið neitt staðfest í
þeim efnum annað en þau séu góðir
vinir.
Hér sjást þau mæta saman á
kynningu á nýjust mynd sinni
Rendition á alþjóðlegri kvik-
myndahátíð í Róm í gær. Wit-
herspoon og Gyllenhaal fara bæði
með stórt hlutverk í myndinni.
Sagt er að það hafi einmitt verið
við tökur á Rendition sem vin-
skapur þeirra hafi farið að þróast
út í eitthvað annað og meira.
Par eða
ekki par?
Reuters
LEIKARINN Sacha Baron Cohen,
sem er þekktastur fyrir að koma
fram í gervum Borats og Ali G,
eignaðist
stúlku-
barn á
dögunum.
Barnið
á hann
með Islu
Fisher,
unnustu
sinni til
nokkurra
ára.
Fisher
er ástr-
ölsk leik-
kona og
varð fyrst
þekkt fyr-
ir hlutverk sitt í áströlsku sápu-
óperunni Home & Away.
Foreldrar Sacha Baron
Cohen og Isla Fisher.
Orðinn
pabbi
♦♦♦