Morgunblaðið - 06.11.2007, Blaðsíða 7

MORGUNBLAÐIÐ ÞRIÐJUDAGUR 6. NÓVEMBER 2007 7
EFTIRFARANDI greinargerð for-
stjóra Orkuveitu Reykjavíkur var
lögð fram á stjórnarfundi Orkuveitu
Reykjavíkur 31. október. Greinar-
gerðin er hér birt í heild sinni.
„Til stjórnar
Orkuveitu Reykjavíkur
Efni: Verðmat Geysir Green
Energy (GGE) í samruna við
Reykjavík Energy Invest (REI).
Á eigenda- og stjórnarfundi Orku-
veitu Reykjavíkur 3. október sl. var
til afgreiðslu samningur um breyt-
ingar á eignarhaldi REI við GGE þar
sem REI er yfirtökufélag.
Í samningnum kemur m.a. fram í
5. gr. að verðmæti GGE sé 27,5 millj-
arðar. Í fylgiskjali 1 sem fylgir samn-
ingnum kemur þetta verðmat einnig
fram. Sama verðmat á GGE er að
finna í minnisblaði vegna mögulegs
samruna REI við GGE, sem samið
var af Bjarna Ármannssyni 22. sept-
ember sl., samkvæmt greinargerð
hans, Hauks Leóssonar, stjórnarfor-
manns OR, og undirritaðs frá 15.
október sl. Í nefndu minnisblaði
kemur fram að Orkuveita Reykjavík-
ur fái metið sitt framlag sem er vöru-
merki og þekking á um 10 milljarða
króna auk þeirra fjármuna sem lagð-
ir hafa verið inn í formi peninga,
hlutabréfa eða hlutafjárloforða. Ekki
kemur fram í þessu minnisblaði eða
öðrum gögnum sem lögð hafa verið
fyrir stjórn Orkuveitu Reykjavíkur
eða eigendur hvernig verðmat GGE
var fundið. Sjálfur kom ég að verki
25. september þegar samningsverðið
lá fyrir og skildi verðmæti GGE
þannig að nettóvirði félagsins, eignir
að frádregnum skuldum, væri 25-
25,5 milljarðar og samningsverðið
um 2 milljörðum hærra eða 27,5
milljarðar. Nú hefur komið í ljós að
samningsverðið byggist á síðustu
viðskiptum (september 2007) með
hluti í GGE á genginu 1,3 með um
10% álagi. Um það var mér ekki
kunnugt.
Í samrunaefnahagsreikningi REI
og GGE sem unninn var 30. október
kemur fram að bókfært virði GGE er
30. september sl. kr. 18.721.246.000,-
að viðbættum aðgerðum í framhaldi
af samruna kr. 2.093.000.000,- eða
alls kr. 20.814.246.000,- Mismunur á
samningsverði og bókfærðu verði er
kr. 6.685.754.000,- Bókfært virði
eigna GGE byggist á mjög nýlegum
samningum svo sem kaupum á hlut-
um í Hitaveitu Suðurnesja hf., kaup-
um á hlutum í Enex hf. og kaupum á
Jarðborunum hf. Kaupin á Hitaveitu
Suðurnesja hf. og Jarðborunum hf.
áttu sér stað í júlí-ágúst. Færa má
fyrir því gild rök að eignasafn GGE
sé hátt metið og beri ekki það yf-
irmat sem samningsverðið felur í sér.
Með sama hætti og glöggva má sig
nokkuð auðveldlega á virði REI í
gögnum málsins hefðu þær upplýs-
ingar sem að ofan greinir um virði
GGE tvímælalaust átt að liggja fyrir
þegar stjórn og eigendur fjölluðu um
samrunasamninginn 3. október sl.
Virðingarfyllst,
Hjörleifur B. Kvaran
[forstjóri Orkuveitu
Reykjavíkur]“
„Gild rök að eignasafn
GGE sé hátt metið“
ÞAÐ hefur að öllum líkindum boðað ógæfu fyrir einhver smádýrin að rek-
ast á þennan svarta kött í Reykjavík. Þó að kettir geti verið einstaklega
gæf og elskuleg dýr er veiðieðlið sterkt í þeim.
Morgunblaðið/Frikki
Varúð – svartur veiðikött-
ur gengur laus í bænum