Morgunblaðið - 06.11.2007, Blaðsíða 19

úr bæjarlífinu
MORGUNBLAÐIÐ ÞRIÐJUDAGUR 6. NÓVEMBER 2007 19
Ef fyrsta vika vetrar spáir fyrir um
veðráttu vetrarins verður hann ekki
sérstaklega veðurblíður. Vikan hef-
ur verið afar umhleypingasöm, snjó-
koma, rigning og rok og lítið sést til
sólar. Skammdegið kemur allt of
fljótt þegar haustið leggst í rigning-
ardrunga eins og þetta árið, en oft-
ast er það þó þannig að þegar lengi
hefur rignt þá styttir upp að lokum
og hver veit nema við eigum betri
tíma í vændum.
  
Elsti hluti Hvolsvallar er nú sund-
urgrafinn því verið er að leggja ljós-
leiðara inn á heimili í nokkrum göt-
um. Og nú hringja fjarskipta–
fyrirtækin hvert af öðru að bjóða
þjónustu sína, öll með besta tilboðið.
Sennilega þarf venjulegt fólk á ráð-
gjafaþjónustu að halda til að meta
þarfir sínar, greina þjónustuna og
velja rétt því oft er það að kaupa
þjónustu sem það þarf alls ekki á að
halda en kostar heilmikið þegar til
lengri tíma er litið. Hins vegar ber
að fagna ljósleiðaravæðingunni og
vonandi verður framhald á þannig
að allir íbúar eigi kost á því sama.
  
Fjölmargir aðilar á Suðurlandi hafa
á undanförnum mánuðum tekið þátt
í vaxtarsprotaverkefni sem Impra,
nýsköpunarmiðstöð Íslands, hefur
staðið fyrir. Sl. föstudag var svo
komið að því að halda uppskeruhá-
tíð verkefnisins á Hótel Hvolsvelli.
Tæplega fjörutíu aðilar tóku þátt í
þessu verkefni á Suðurlandi og
einnig hefur sams konar verkefni
verið í gangi við Húnaflóa. Skemmst
er frá því að segja að verkefnin eru
afar fjölbreytt og spennandi og eru í
raun lýsandi dæmi um hversu fjöl-
breytta atvinnustarfsemi má byggja
upp í sveitum landsins þegar hug-
kvæmni, hugvit og kjarkur ræður
för. Frábært framtak að koma á fót
slíkum verkefnum þar sem þátttak-
endur hafa notið ráðgjafar, stuðn-
ings og fræðslu sem vonandi skilar
sér í öflugra atvinnulífi í sveitum
landsins.
  
Það hefur vakið furðu margra að
mikið hefur verið byggt á Hvolsvelli
undanfarin ár án þess að mikil upp-
bygging í atvinnulífinu væri sýnileg.
Auðvitað skapast ófá störf vegna
þessara framkvæmda og ýmissa
framkvæmda í sveitunum í kring
svo sem fjósbygginga. En ekki get-
um við endalaust byggt án þess að
annað komi til. Í sumar var prjóna-
stofan seld og í kjölfarið var þar
fjölgað störfum. Ekki gekk þrauta-
laust að manna þær stöður. Nú hef-
ur Sláturfélag Suðurlands ákveðið
að byggja nýtt frystihús á Hvols-
velli og flytja afgreiðsludeild sína
hingað og því mun störfum þar
fjölga um tíu til fimmtán, en SS er
langstærsti vinnustaðurinn hér í
sveit. Bakkafjöruhöfn verður senni-
lega að veruleika þannig að reikna
má með að sú framkvæmd muni
einnig skapa nokkur störf og skjóta
styrkari stoðum undir byggðina.
  
Fasteignaverð á Hvolsvelli hefur
ekki hækkað eins mikið og víða ann-
ars staðar undanfarið. Það gerðist
þó í síðustu viku að nýlegt einbýlis-
hús seldist fyrir vel yfir 30 milljónir.
Það hefur sálræn áhrif á markaðinn
að rjúfa verðmúra á húsnæði og er
það fagnaðarefni um leið og við get-
um líka fagnað því að hingað hefur
nú flutt ungt fólk sem hefur farið til
mennta.
Það hefur verið viðvarandi að þeir
sem hafa farið í háskólanám koma
ekki til baka þar sem ekki hafa verið
nein atvinnutækifæri fyrir hendi.
Þeir sem geta skapað sjálfum sér
atvinnu geta þó notið þess að búa
þar sem þeir kjósa sjálfir og Hvols-
völlur er sannarlega góður kostur
fyrir ungt fólk, hér er góð veðrátta
og gróðursæld, gott að ala upp börn
og öll þjónusta fyrir hendi. Sem
sagt gróandi mannlíf í hvívetna.
HVOLSVÖLLUR
Steinunn Ósk Kolbeinsdóttir
fréttaritari
Hofið Jón Ólafsson við meyjarhofið sem er eitt af sprotaverkefnum Impru
Jóni Ingvari Jónssyni er sjaldnastalvara í bundnu máli. Allra síst
þegar hann yrkir um sjálfan sig,
eins og í eftirfarandi vísu:
Ég hef farið vítt um völlu,
vísur margar ljótar samið,
núna sé ég eftir öllu,
ætli ég geti mig nú hamið?
Sigmundur Benediktsson sér líka
í gegnum hann:
Sumir emja enn um sinn
ei fá kenjum hrundið,
en að hemjir óðinn þinn
ei er venju bundið.
Hún verður að teljast ljót vísan
sem Bjarni frá Gröf orti:
Aldrei færðu ástarhót.
Alltaf máttu vona.
Undarlega ertu ljót
ekki stærri kona.
Annað má segja um Ljótunni en
að hún sé ljót í vísu eftir óþekktan
höfund:
Aldrei verður Ljótunn ljót,
ljótt þó nafnið beri.
Ber af öllum snótum snót,
snótin blessuð veri.
VÍSNAHORNIÐ
Af ljótum
vísum
pebl@mbl.is