Morgunblaðið - 06.11.2007, Blaðsíða 40

40 ÞRIÐJUDAGUR 6. NÓVEMBER 2007 MORGUNBLAÐIÐ
GEORGE Clooney hefur skapað sér
æði sérstæðan feril í samanburði við
margar aðrar Hollywood-stjörnur,
m.a. með því leggja áherslu á að vinna
reglulega með athyglisverðum leik-
stjórum dálítið til hliðar við megin-
strauminn, (s.s. Coen-bræður). Hann
velur sér verkefni sem taka til um-
fjöllunar hitamál samtímans (sbr. Sy-
riana) og hann hefur einnig kvatt sér
hljóðs sem eftirtektarverður leik-
stjóri (Confessions of a Dangerous
Mind). En síðan á Clooney sér alltaf
aðra hlið – sjarmatröllið sem leikur í
risavöxnum sumarsmellum. En hér
bætir hann við rós í hnappagatið.
Michael Clayton er ein af þessum
myndum sem maður stendur stöðugt
í trú um að séu í útrýmingarhættu í
bandaríska kvikmyndaiðnaðinum en
síðan dúkkar mynd á borð við þessa
upp og framtíðarhorfurnar virðast
ekki jafn slæmar.
Leikstjóri og handritshöfundur
myndarinnar, Tony Gilroy, er
kannski best þekktur sem handrits-
höfundur Bourne-myndanna, en
hérna sýnir hann á sér nýja hlið því
spennan sem vissulega er til staðar í
sögufléttunni kraumar ávallt undir
yfirborðinu, leyndardómsfull og
þrúgandi, en er ekki augljós. Drif-
kraftur myndarinnar felst nefnilega
ekki eltingarleikjum eða öðrum hefð-
bundnum hasaratriðum heldur liggur
í samskiptum persónanna, þeim spill-
ingarhjúpi sem gegnsýrir líf þeirra og
grunsemdum um meiriháttar lögbrot
stórfyrirtækis á sviði efnaúrgangslos-
unar.
Allar helstu persónur myndarinnar
tengjast lögsókn á hendur þessu fyr-
irtæki á einn eða annan hátt. Michael
Clayton (Clooney) er lögfræðingur
hjá fyrirtæki sem um árabil hefur
tekið að sér vörn stórfyrirtækisins,
en yfirmaður lögfræðifyrirtækisins
kýs þó að beita Clayton fyrir sig við
úrlausn sérstakra vandamála sem
verða til utan réttarsalarins. Hans
starf er því á heldur gráu svæði, hann
er eins konar „fixer“, eða sérstakur
vandamálaleysari, en þar kemur sér
vel að hafa ekki alltof sterka siðferð-
iskennd. Enda er Clayton hálfgerð
andhetja, stórskuldugur fjár-
hættuspilari sem reyndi nýverið fyrir
sér í veitingahúsarekstri þar sem allt
fór í handaskolum hjá honum. En
þegar lærifaðir hans og besti vinur,
Arthur (Tom Wilkinson), sem hafði
yfirumsjón með vörn samsteypunnar,
virðist hreinlega ganga af göflunum
þegar dómsmálið er að ná hápunkti
neyðist Clayton til að endurskoða eig-
in viðhorf til lífsins og einkum starfs-
ins. Þá kemur í ljós að fyrirtækja-
samsteypan sem stendur í lagalegri
nauðvörn er tilbúin til að ganga ansi
langt til að vernda hagsmuni sína og
sjálfur Clayton kann að vera í umtals-
verðri hættu.
Myndin minnir nokkuð á harð-
kjarna pólitískar afhjúpunarmyndir
áttunda áratugarins, myndir eins og
The Parallax View, All the Presi-
dent’s Men, The China Syndrome og
jafnvel Network, en einnig má sjá
tengsl við fyrri myndir Clooney á
borð við Syriana. Þetta er mynd sem
krefst þess að áhorfandi sé vel með á
nótunum, taki eftir smáatriðum, en
afraksturinn er líka framúrskarandi
mynd, spennumynd sem er gerð fyrir
fullorðna, og hefur til að bera fjöl-
margar athyglisverðar skírskotanir í
samtímann.
Framúrskarandi „Þetta er mynd sem krefst þess að áhorfandi sé vel með á
nótunum, taki eftir smáatriðum, en afraksturinn er framúrskarandi [...].“
Tilvistarkreppa í samsteypuheimi
Heiða Jóhannsdóttir
KVIKMYNDIR
Sambíóin Álfabakka,
Kringlunni og Akureyri
Leikstjórn: Tony Gilroy. Aðalhlutverk:
George Clooney, Tom Wilkinson,
Tilda Swinton, Sidney Pollack.
Bandaríkin, 120 mínútur.
Michael Clayton
 FÖNK-sveitin Jagúar hélt á laug-
ardaginn tónleika á skemmtistaðn-
um Nasa í tilefni af útkomu fjórðu
hljóðversskífu sveitarinnar Shake it
Good. Arnar Eggert Thoroddsen
tónlistargagnrýnandi Morgunblaðs-
Morgunblaðið/Eggert
Fönksveitin Jagúarmenn stilltu sér upp fyrir ljósmyndara stuttu
áður en þeir gengu á svið og stemningin var augljóslega góð.
Tveir góðir Ómar
Guðjónsson og Sam-
úel J. Samúelsson
voru í feikna fönk-
stuði á útgáfu-
tónleikunum.
Stöllur Guðrún Þura
Kristjánsdóttir og
Signý Hafsteins-
dóttir voru mættar á
NASA á laugardag.
Blásið af krafti Sammi liðsforingi
blés fönkið í brjóst tónleikagesta.
Gleðifnykur á NASA
ins var viðstaddur tónleikana og
sagði í umsögn sinni sem birtist í
gær að sveitin hafi verið helþétt og
funheit og bæði gaman og gott að
vera í Jagúar ef miðað er við spila-
gleðina sem ríkti á sviðinu.
03.11.2007
3 5 13 15 37
5 7 2 2 3
28
31.10.2007
1 6 18 20 30 42
482 4
9 0 9 4 4
WWW.SAMBIO.ISVERSLAÐU MIÐA Á NETINU Á
/ ÁLFABAKKA
MICHAEL CLAYTON kl. 5:30 - 8 - 10:30 B.i.7.ára
MICHAEL CLAYTON kl. 8 - 10:30 LÚXUS VIP
THE GOLDEN AGE kl. 5:30 - 8 - 10:30 B.i.7.ára
THE INVASION kl. 8 - 10:30 B.i.16.ára
THE INVASION kl. 5:30 B.i.16.ára LÚXUS VIP
ÍÞRÓTTAHETJAN m/ísl. tali kl. 6 LEYFÐ
HEARTBREAK KID kl. 8 B.i.12.ára
THE BRAVE ONE kl. 10:30 B.i.16.ára
STARDUST kl. 5:30 - 8 - 10:30 B.i.10.ára
ASTRÓPÍA kl. 6 LEYFÐ
SAMBÍÓIN ÁLFABAKKA OG KRINGLUNNI
ERU EINU BÍÓIN Á ÍSLANDI SEM BJÓÐA UPP Á
DIGITAL OG 3-D REAL TÆKNI
SÝND Í ÁLFABAKKA, KRINGLUNNI OG AKUREYRI
SÝND Í ÁLFABAKKA OG AKUREYRI SÝND Í KRINGLUNNI SÝND Í ÁLFABA
VIPSALURINNER BARA LÚXUS
ER STAÐSETTUR Í SAMBÍÓUNUM ÁLFABAKKA
GEORGE CLOONEY LEIKUR LÖGFRÆÐING Í EINUM AF BETRI
„ÞRILLERUM“ SEM SÉST HAFA Á ÞESSU ÁRI.